免驚先寫才修整，免管別人心肝清，
用心研究加使用，學習並進自然精。
我嘛是經過人講寫一堆糞圾的過程。
台語予人來看輕，想著目屎強欲津，
毋免怨嘆愛認真，做出成績緊創新。
您足讚!加油!
台語芬芳好氣味，轉化美麗媠歌詩，
奇巧運用激腦智，傳唱千年佮萬年。
人佇批評會進步，反省改進袂糊塗，
毋寫毋po回頭路，激之成之行正途。
拜候名師揣指導，家己研究毋通無，
觀摩仿作是王道，百鍊成鋼眾人褒。
定邦老師有夠猛，通叫周先開課程，
人才濟濟鬥相楗，科元教授是菁英。
台語社團攏總有，道吾非者是吾師，
聞善則喜用工具，練就一身好工夫。
惡意批評看正面，冷靜思考想原因，
虛心接受求上進，充實提升就愛勤。
人無十全無稀罕，總有改進的空間，
歡喜評論品鑑咱，考慮周到上懸層。
妙悟新解功無限，萬事起頭誠艱難，
集中力量正事辦，定靜安慮得心安。