籌設「台灣歌仔冊研究學會」

敬啟者：

備辦設立「台灣歌仔冊研究學會」，主要設定兩大長期目標。為著卜達成目標，本會兼具研究以及運動性質，想卜邀請您加入本會。

1. 使台語文成為台灣「家庭語文」、「社會語文」、「國家語文」！

2. 使台語文成為台灣社會、法律、政治、經濟、教育、交通、傳播等等各領域的正式語文！

1. 研究歌仔冊語言形式：語音、詞彙、語法、語用、用字、篇章語文。

2. 研究歌仔冊所呈現台灣文化各種面向：食衣住行、育樂、宗教、文化、文學、語言、建築、飲食、歌謠、音樂、民俗、戲劇、歷史……。

1. 建立「歌仔冊語料庫」。用歌仔冊文本做基礎，建設有用、合用、通用的台語文。

2. 推動各項歌仔冊教學課程，培植歌仔冊研究人才。開班授課，培育人才，大家鬥陣來補足台灣語言文化知識，有法度聽、說、讀、寫台語文。

3. 定期舉辦歌仔冊研討會，提升研究水準。

4. 定期舉辦歌仔冊讀書會或座談會。

5. 建置歌仔冊網站，以利推動研究、討論。

6. 開設歌仔冊廣播電視節目。

本文共同執筆者及發起人：

呂興昌 (前成功大學台灣文學系教授兼主任)

杜建坊 (「歌仔冊語料庫」執行者)

施炳華 (成功大學退休教授)　06-2595381　beings10@yahoo.com.tw

張屏生 (中山大學教授)

曾子良 (大同大學通識教育中心教授兼主任)

董忠司 (新竹教育大學退休教授、教育部國語推行委員會閩南語組長)

蕭藤村 (中正大學台灣文學研究所兼任講師)

杜建坊有發願卜共所搜集的2700本歌仔冊公開，完成「歌仔冊語料庫」。

國立台灣文學館委託台灣羅馬字協會建置「台灣民間文學歌仔冊資料庫」，由施炳華主持，並且邀集足濟專家學者共同建置這个資料庫。用將近兩年的時間完成。佇2011年 1月21日上午10:20佇文學館二樓第一會議室舉辦啟用記者會，請參考網站資料：

進入台灣民間文學歌仔冊資料庫網站的程序：

國立台灣文學館→研究資源→資料庫→台灣民間文學歌仔冊資料庫

歌仔冊是台灣俗文學的寶藏，有語言、文學、戲劇、社會、宗教、禮俗、歷史等等各方面的價值，是台灣民間文化的百科全書。本資料庫的內容主要呈現台灣唸歌藝術佮歌仔冊的歷史、特色、內容；其中有唸歌表演的影音資料，歌仔冊的注音、註釋、主題研究等等。進入網站，就會當看著你所卜欣賞、了解的唸歌、歌仔冊的各種資料。

本學會第一階段的重點，將以「台灣民間文學歌仔冊資料庫」做基礎，逐家鬥陣研究、討論。

本學會是全國性的組織，需要各縣市對台灣文化、台語（文學）有趣味、有理想的同志鬥陣支持，每一縣市（最少愛有七縣市）、所在嘛需要熱心的同志擔任召集人（做聯絡、成立讀書會、開班研討的工課）。向望逐家徛出來，為台灣文化、台語（文學）來拍拚。

向望本會早早成立，若接著消息，有意願者請早早回批。聯絡的時請填基本資料以及表明：（會當複選）

□1. 我想卜參與發起人會議、籌備會議。

□2. 我想卜加入「台灣歌仔冊研究學會」。

□3. 我想卜協助「台灣歌仔冊研究學會」的事務。

□4. 我想卜協助「台灣歌仔冊研究學會」擔任地方召集人的事務。

請恁佇2011/3/18進前傳到 tai5gi2siau@xuite.net；抑是寄來606 嘉義縣中埔鄉龍門村1-6號，蕭藤村收。勞煩恁，真感恩。

聯絡人蕭藤村。 tai5gi2siau@xuite.net 05)2536985 0928677262