文龍奮鬥推廣相褒歌的心聲!

請滑鼠反白看歷程!

現階段感覺一直佇前三關滾絞!

無法提升!

十關是我的目標!

需要您的關心、鼓勵和建議!

您拍拚的歷程又閣是啥款?

留言來分享好無?

請滑鼠反白看歷程!

推廣相褒歌的心聲!

一遍驚、

兩改疼、

三擺拚、

四回熟、

五功成、

六精鍊、

七名就、是相褒歌通人知、通人愛的境界；毋是追求個人名聲!風神!愛展!

八推廣、

九運轉、

十時行!

宜蘭地檢署相褒反賄選

蘭陽相褒表演團，創新變化欲流傳，

需要逐家來運轉，予咱流行通台灣。

作者:莊文龍0911217668

來來來!鄉親請恁徛倚來!

看看看!逐家相招緊來看!

相褒歌是台灣的寶貝!

蘭陽相褒表演團，創新變化欲流傳，

需要逐家來運轉，予咱流行通台灣。

歡喜和您小相褒，正剾倒削免用刀，

做歹破膽變較好，金言玉語袂囉嗦。

現代褒歌真時行，唱出你我的心聲，

認真拍拚做好囝，疼惜台灣同齊行。

講著褒歌人人愛，巧妙七字好安排，

唱出你我的氣慨，心聲講出通人知。

唱歌算是好代誌，讀了若熟加捌字，

功課咱若做完備，閒閒通好唸歌詩。

學唸歌仔也真好，袂輸佮人讀暗學，

日時穡頭做清楚，三不五時唱。

唸歌算是若講話，小可談言拍笑詼，

招你相褒你若欲，這條唸出做歌媒。

相褒歌曲台灣寶，出喙成歌來相褒，

欲揣這款世界無，逐家來學真正好。

感謝ying您的鼓勵!
仰山今仔日也來電邀約表演，
歡喜有此推廣機會!
阮會閣較拍拚!
其實寫作是我的興趣，
若有仰山合唱團合作予in(他們)表演，
相信會更加精緻好看閣好聽!
一步一步慢慢行出去!
希望有配合的合唱團，
或願意推廣的社區、社團，
攏總會當逐家同齊來共襄盛舉!
畢竟相褒歌是台灣的國寶；
宜蘭閣較是歌仔戲的故鄉，
相褒歌是本地歌仔的前身，
也是未來發展的重點!

向望

相褒歌曲台灣寶，
出喙成歌來相褒，
欲揣這款世界無，
逐家來學真正好!