吳施美雲的褒歌2

吳施美雲的褒歌2

水缸無水古井上，

草籠仔袂輸烏西洋，

你若做好予我想，

袂輸陳三伴五娘。 

水缸無水古井捾，

明知古井會出泉，

庄中的人阮聽看，

揣無一个仝心肝。

手攑鋤頭重頭輕，

阿哥培股娘延藤，

下昏早暗行仝陣，

仝腹姊妹無遐親。

日頭落山搭雺霧，

雞母囝壁跤踞，

一日食飽想娘仔厝，

工課仙做袂工夫。

茶仔那挽那脯枝，

阿美仔那老那退時，

欲是早前二一二，

欲唸歌仔免停時。