（5-1）咱的性命真寶貴

             Lán ê sènn – miā tsìn pó – kuì

（5-1）咱的性命真寶貴

Lán ê sènn – miā tsìn pó – kuì

咱的性命真寶貴，

Tshìn – tshái tio̍h tsò óng – sí – kuí

凊彩著做枉死鬼，

Ài lo̍h tē – ga̍k lú khik – khui

愛落地獄愈克虧，

Hāi – tshám tsāi senn lâu tsu – luī

害慘在生流珠淚。

Tshian – bān m̄ – thang kik thuî – thuî

千萬毋通激槌槌，

Pē – bú bóo – kiánn siū liân – luī

爸母某囝受連累，

Khó – liân koo – khóo siáng an – uì

可憐孤苦啥人安慰，

Khàu kah ba̍k – sái sì lâm suî

哭甲目屎四淋垂。

Tú – tio̍h būn – tê ài khui – tshuì

拄著問題愛開喙，

Tshiánn lâng pang – tsān siūnn khah khui

請人幫贊想較開，

Tiông – sin phah – piànn khò tì – huī

重新拍拚靠智慧，

Lán tsit – sì – lâng bē óng – huì

咱一世人袂枉費。

Ti – tsiok – siâng – lo̍k tāi – tsok – uî

知足常樂大作為，

Kuè – khì it – tshè pàng lâu – tsuí

過去一切放流水，

Kái – thâu – uānn – bīn lâi huat – hui

改頭換面來發揮，

Tshái – sik jî – sing ū kàu suí

彩色人生有夠。

Lán ê sènn – miā tsìn pó – kuì

咱的性命真寶貴，

Tshian – bān m̄ – thang siūnn bē khui

千萬毋通想袂開。

作者:莊文龍

套調[新鴛鴦蝴蝶夢]