花無百日紅，人無千日好。Hue bô pah ji̍t âng, lâng bô tshian ji̍t hó. 古早冊有咧寫：「人無千日好，花無百日紅；早時不算計(suàn-kè)，過後一場(it-tshiâng)空。」咧共咱教講:人生在世，無可能千日攏好，嘛無可能事事項項攏好。就親像花，無可能花開百日紅。意思是佇咧勸人，得意時毋通傷驕傲，愛為後日仔做打算。
客家嘛有這句諺語，人無千日好，花無百日紅。(四) ngin11mo11qien24ngid2ho31，fa24mo11bag2ngid2fung1.
有一首歌咧唱:「人生可比是海上的波浪，有時起有時落。好運歹運攏嘛愛照起工來行。」海湧懸海湧低，海湧猶是海水，心艱苦心快樂，煩心不如安心。咱人愛隨緣，毋管順緣、逆緣，攏共當做”增上緣”。 咱若拄著無順序的時、應該心存感激。人事的艱難佮磨練，是一種考驗。就像磨劍愛有刀石（to-tsio̍h）來磨，劍才會利。學習的困難，長輩的雕琢，遮个逆境攏愛共當做是”逆增上緣”( gi̍k tsing siōng iân.)。
這句俗語「花無百日紅，人無千日好。」是咧比喻人生本來就無法度永遠順利。