黃西田 – 臺語正字歌詞部落格https://2blog.ilc.edu.tw/32745這是一個臺語歌曲正字網站Fri, 27 Feb 2026 02:07:03 +0000zh-TWhourly1https://wordpress.org/?v=6.6.9https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg黃西田 – 臺語正字歌詞部落格https://2blog.ilc.edu.tw/327453232 笑藥餅https://2blog.ilc.edu.tw/32745/2026/02/27/%e7%ac%91%e8%97%a5%e9%a4%85/Fri, 27 Feb 2026 02:07:03 +0000https://2blog.ilc.edu.tw/32745/?p=141184
《笑藥餅》Tshiò-io̍h-piánn
黃西田N̂g Se-tiân
——————————————
你若有啥物困難代誌
lí nā ū siánn-mih khùn-lân tāi-tsì
萬項袂順序
bān-hāng bē sūn-sī
強欲懊惱發脾氣
kiōng-bueh àu-náu huat phî-khì
啊!我來報你這項
ah! guá lâi pò lí tsit hāng
絕對有效的笑藥餅
tsua̍t-tuì ū-hāu ê tshiò-io̍h-piánn
共食落去
kā tsia̍h–lo̍h khì
喙仔笑歪歪
tshuì-á tshiò uai-uai
啊笑甲落下頦
ah tshiò kah làu ē-hâi
無論予人拍著舂著
bô-lūn hōo-lâng phah–tio̍h tsing–tio̍h
伊猶原笑笑
i iu-guân tshiò-tshiò
共人說多謝
kā lâng sueh-to-siā
哇哈哈
uah-hah-hah
一个老阿婆
tsi̍t-ê lāu-a-pô
愛著伊牽牢牢
ài-tio̍h i khan tiâu-tiâu
漚柴耙嫁袂去的
àu-tshâ-pê kè bē-khì–ê
全部來揣伊
tsuân-pōo lâi tshē i
實在食袂消
si̍t-tsāi tsia̍h bē-siau
哇哈哈
uah-hah-hah
彼日有一个歹看面的
hit-ji̍t ū tsi̍t-ê pháinn-khuànn-bīn–ê
無人氣醫生
bô jîn-khì i-sing
規日心頭攏袂清
kui ji̍t sim-thâu lóng buē-tshing
就有人報伊這項
tsiū ū-lâng pò i tsit hāng
絕對有效的笑藥餅
tsua̍t-tuì ū-hāu ê tshiò-io̍h-piánn
共食落去
kā tsia̍h–lo̍h khì
聽伊一直笑
thiann i it-ti̍t tshiò
有病免食藥
ū pēnn m̄-bián tsia̍h io̍h
無破病的傱來傱去
bô phuà-pīnn–ê tsông-lâi-tsông-khì
彼一間病院變成跳舞場
hit tsi̍t-king pēnn-īnn piàn-sîng thiàu-bú-tiûnn
哇哈哈
uah-hah-hah
一直跳曼波
it-ti̍t thiàu bān-bòo
褪腹裼搖落去
thǹg-pak-theh iô–lo̍h-khì
欲食藥毋免客氣
beh tsia̍h io̍h m̄-bián kheh-khì
全部捾轉去做飯食袂完
tsuân-pōo kuānn tńg-khì tsuè pn̄g tsia̍h bē-uân
哇哈哈
uah-hah-hah
彼暝有一間高級宿舍
hit-mî ū tsi̍t-king ko-kip sok-sià
小賊去偷提
sió-tsha̍t khì thau-the̍h
入去感覺腹肚枵
ji̍p-khì kám-kak pak-tóo-iau
啊~無疑將著這項
ah~ bô-gî tsiong tio̍h tsit hāng
絕對有功效的笑藥餅
tsua̍t-tuì ū kong-hāu ê tshiò-io̍h-piánn
共食落去
kā tsia̍h–lo̍h khì
笑甲大細聲
tshiò kah tuā-sè-siann
啊叫人緊來聽
ah kiò lâng kín lâi thiann
做賊偷提行東行西
tsuè-tsha̍t thau-the̍h kiânn-tang-kiânn-sai
勸人著小心
khǹg lâng tio̍h sió-sim
門著毋通關
mn̂g tio̍h m̄-thang kuainn
哇哈哈
uah-hah-hah
小賊變和尚
sió tsha̍t piàn huê-siūnn
南無阿彌陀佛
lâm-môo-oo-mí-tôo-hu̍t
警官來判伊無罪
kíng-kuann lâi phuànn i bô-tsuē
賞伊真濟錢
siúnn i tsin tsē tsînn
一生開袂了
it-sing khai bē-liáu
哇哈哈
uah-hah-hah
]]>無情夢https://2blog.ilc.edu.tw/32745/2026/02/27/%e7%84%a1%e6%83%85%e5%a4%a2-5/Fri, 27 Feb 2026 02:04:28 +0000https://2blog.ilc.edu.tw/32745/?p=141182
《無情夢》Bô-tsîng Bāng
黃西田N̂g Se-tiân
——————————————
無情夢
bô-tsîng bāng
一場空
tsi̍t-tiûnn khang
想著
siūnn-tio̍h
引人真怨嘆
ín lâng tsin uàn-thàn
–
我為你拍拚做苦工
guá uī lí phah-piànn tsuè khóo-kang
我為你夢中咧思念
guá uī lí bāng-tiong teh su-liām
總希望
tsóng hi-bāng
佮你結成好春夢
kah lí kiat-sîng hó tshun-bāng
今仔日轉來
kia̋nn-ji̍t tńg–lâi
你變成路邊
lí piàn-sîng lōo-pinn
一蕊野花欉
tsi̍t-luí iá hue-tsâng
啊~可恨你一人
ah~ khó-hūn lí tsi̍t-lâng
我為你拍拚顧前程
guá uī lí phah-piànn kòo tsiân-tîng
我為你毋驚世情冷
guá uī lí m̄-kiann sè-tsîng líng
總希望
tsóng hi-bāng
佮你達成好姻緣
kah lí ta̍t-sîng hó in-iân
顛倒予你
tian-tò hōo lí
當做白痴咧欺騙
tòng-tsuè pe̍h-tshi teh khi-phiàn
啊~可怕的女性
ah~ khó-phà ê lú-sìng
我為你迷戀心茫茫
guá uī lí bê-luân sim bâng-bâng
我為你純情了戇工
guá uī lí sûn-tsîng liáu gōng-kang
總希望
tsóng hi-bāng
你我好事能成全
lí guá hó-sū lîng sîng-tsuân
無疑你故意來放捒
bô-gî lí kòo-ì lâi pàng-sak
予你咧戲弄
hōo lí teh hì-lāng
啊~可憐阮一人
ah~ khó-liân gún tsi̍t-lâng
]]>你真無情https://2blog.ilc.edu.tw/32745/2026/02/27/%e4%bd%a0%e7%9c%9f%e7%84%a1%e6%83%85-2/Fri, 27 Feb 2026 02:02:20 +0000https://2blog.ilc.edu.tw/32745/?p=141180
《你真無情》Lí Tsin Bô-tsîng
黃西田N̂g Se-tiân
——————————————
離開著心愛的人
lī-khui tio̍h sim-ài ê lâng
已經有兩年
í-king ū nn̄g-nî
為怎樣會來變心
uī-tsánn-iūnn ē lâi piàn-sim
放捒著阮
pàng-sak tio̍h gún
做你去
tsuè lí khì
希望你回心轉意
hi-bāng lí huê-sim tsuán-ì
毋通佮我來分開
m̄-thang kah guá lâi hun-khui
彼當時咱的情意
hit-tang-sî lán ê tsîng-ì
啊~毋通來袂記
ah~ m̄-thang lâi buē-kì
心愛的無批無信
sim-ài–ê bô-phue-bô-sìn
已經有兩年
í-king ū nn̄g-nî
為前途來離開
uī tsiân-tôo lâi lī-khui
這款也為著你
tsit khuán iā uī-tio̍h lí
枉費阮
óng-huì gún
痴情等伊
tshi-tsîng tán i
無情無義暗傷悲
bô-tsîng-bô-gī àm siong-pi
目屎流也是為你
ba̍k-sái lâu iā-sī uī lí
啊~何時再相見
ah~ hô-sî tsài sio-kìnn
心愛的你是怎樣
sim-ài–ê lí sī tsánn-iūnn
偏偏來離開
phian-phian lâi lī-khui
無論是海角天邊
bô-lūn sī hái-kak thinn-pinn
我也欲來揣著你
guá iā beh lâi tshē tio̍h lí
叫一聲
kiò tsi̍t-siann
心愛的人
sim-ài ê lâng
毋知何時會相會
m̄-tsai hô-sî ē siong-huē
希望你趕緊轉來
hi-bāng lí kuánn-kín tńg–lâi
啊~安慰阮心意
ah~ an-uì gún sim-ì
]]>良心何在https://2blog.ilc.edu.tw/32745/2026/02/27/%e8%89%af%e5%bf%83%e4%bd%95%e5%9c%a8/Fri, 27 Feb 2026 02:00:00 +0000https://2blog.ilc.edu.tw/32745/?p=141178
《良心何在》Liông-sim Hô-tsāi
黃西田N̂g Se-tiân
——————————————
若是看著你的相片
nā-sī khuànn-tio̍h lí ê siòng-phìnn
加添我滿腹的恨氣
ka-thiam guá muá-pak ê hūn-khì
當初你對我有來講起
tong-tshoo lí tuì guá ū lâi kóng-khí
你講你欲愛我愛到死
lí kóng lí beh ài guá ài kah-sí
啥人會知影
siánn-lâng ē tsai-iánn
經過無一年
king-kuè bô tsi̍t-nî
你就絕情做你去
lí tsiū tsua̍t-tsîng tsuè lí khì
你啊你
lí–ah lí
你的良心在哪裡
lí ê liông-sim tsāi ná-lí
你良心到底佇佗位
lí liông-sim tàu-té tī tó-uī
孤單行到淡水河邊
koo-tuann kiânn kàu Tām-tsuí-hô pinn
無意中閣來想著你
bô-ì-tiong koh lâi siūnn-tio̍h lí
雖然你生做真古錐
sui-jiân lí sinn-tsuè tsin kóo-tsui
可惜心肝比鐵閣較硬
khó-sioh sim-kuann pí thih koh-khah ngī
枉費我對你
óng-huì guá tuì lí
一片的真情義
it-phiàn ê tsin tsîng-gī
如今予你來拍碎
jû-kim hōo lí lâi phah-tshuì
你啊你
lí–ah lí
你的良心在哪裡
lí ê liông-sim tsāi ná-lí
你良心到底佇佗位
lí liông-sim tàu-té tī tó-uī
]]>走唱的人https://2blog.ilc.edu.tw/32745/2026/02/27/%e8%b5%b0%e5%94%b1%e7%9a%84%e4%ba%ba/Fri, 27 Feb 2026 01:57:33 +0000https://2blog.ilc.edu.tw/32745/?p=141175
《走唱的人》Tsáu-tshiùnn ê Lâng
黃西田N̂g Se-tiân
——————————————
手彈著吉他
tshiú tuânn tio̍h gì-tah
唸出著歌詩
liām tshut tio̍h kua-si
為生活
uī sing-ua̍h
才著走唱過日子
tsiah tio̍h tsáu-tshiùnn kè ji̍t-tsí
忍耐著
jím-nāi tio̍h
一切痛苦的滋味
it-tshè thòng-khóo ê tsu-bī
拍拚來趁錢
phah-piànn lâi thàn-tsînn
酒家的燈火影
tsiú-ka ê ting-hué iánn
閃閃爍
siám-siám-sih
好親像苦勸我
hó-tshin-tshiūnn khóo-khǹg guá
流浪無了時
liû-lōng bô-liáu-sî
啊~吉他聲哀悲
ah~ gì-tah siann ai-pi
憂悶的歌詩
iu-būn ê kua-si
何時斷了離
hô-sî tuān-liáu-lī
手彈著吉他
tshiú tuânn tio̍h gì-tah
唸出著歌詩
liām tshut tio̍h kua-si
有啥人
ū siánn-lâng
會當了解阮心理
ē-tàng liáu-kái gún sim-lí
忍耐著
jím-nāi tio̍h
一切侮辱佮輕視
it-tshè bú-jio̍k kah khin-sī
一位過一位
tsi̍t-uī kè tsi̍t-uī
茶室的霓虹燈
tê-sik ê nê-ông-ting
閃閃爍
siám-siám-sih
好親像苦勸我
hó-tshin-tshiūnn khóo-khǹg guá
流浪無了時
liû-lōng bô-liáu-sî
啊~吉他聲哀悲
ah~ gì-tah siann ai-pi
憂悶的歌詩
iu-būn ê kua-si
何時出頭天
hô-sî tshut-thâu-thinn
]]>無奇不有https://2blog.ilc.edu.tw/32745/2026/02/27/%e7%84%a1%e5%a5%87%e4%b8%8d%e6%9c%89/Fri, 27 Feb 2026 01:55:23 +0000https://2blog.ilc.edu.tw/32745/?p=141172
《無奇不有》Bû-kî Put-iú
黃西田N̂g Se-tiân
——————————————
這个世界上
tsit ê sè-kài siōng
有口才有人才有天才
ū kháu-tsâi ū lâng-tsâi ū thian-tsâi
錢財奴才逐項嘛算才
tsînn-tsâi lôo-tsâi ta̍k-hāng mā sǹg tsâi
有發財有貪財有拐財
ū huat-tsâi ū tham-tsâi ū kuái-tsâi
橫財歪才逐項嘛算才
huâinn-tsâi uai-tsâi ta̍k-hāng mā sǹg tsâi
有鬼才有不才
ū kuí-tsâi ū put-tsâi
有落財添財阿財特別出多才
ū làu tsâi thiam tsâi A-tsâi ti̍k-pia̍t tshut to tsâi
啊肚臍鼎臍嘛算才
ah tōo-tsâi tiánn-tsâi mā sǹg tsâi
趁錢袂天送來
thàn-tsînn buē thinn sàng–lâi
發財著有時機
huat-tsâi tio̍h ū sî-ki
萬項都天安排
bān-hāng to thinn an-pâi
逐家著立志
ta̍k-ke tio̍h li̍p-tsì
我嘛有志
guá mā ū tsì
拍拚做生理
phah-piànn tsuè-sing-lí
辛苦而後甜
sin-khóo jî hiō tinn
失志無藥醫
sit-tsì bô io̍h i
勤儉度日子
khûn-khiām tōo ji̍t-tsí
啊逐錢才袂(喘喘喘)追
ah jiok tsînn tsiah buē (tshuán tshuán tshuán) tui
這个世界上
tsit ê sè-kài siōng
有狡怪有鬼怪
ū káu-kuài ū kuí-kuài
有妖怪真怪足怪
ū iau-kuài tsin kuài tsiok kuài
逐項嘛算怪
ta̍k-hāng mā sǹg kuài
有你怪有我怪有伊怪
ū lí kuài ū guá kuài ū i kuài
見怪莫怪逐項嘛算怪
kiàn kuài bo̍k-kuài ta̍k-hāng mā sǹg kuài
有奇怪有古怪
ū kî-kuài ū kóo-kuài
有三怪七怪八怪
ū sam kuài tshit kuài peh kuài
看誰較狡怪
khuànn siáng khah káu-kuài
啊怪來怪去垃圾怪
ah kuài lâi kuài khì lah-sap kuài
趁錢袂天送來
thàn-tsînn buē thinn sàng lâi
發財著有時機
huat-tsâi tio̍h ū sî-ki
萬項著天安排
bān-hāng tio̍h thinn an-pâi
逐家著立志
ta̍k-ke tio̍h li̍p-tsì
我嘛有志
guá mā ū tsì
拍拚做生理
phah-piànn tsuè-sing-lí
辛苦而後甜
sin-khóo jî hiō tinn
失志無藥醫
sit-tsì bô io̍h i
啊勤儉度日子
ah khûn-khiām tōo ji̍t-tsí
啊逐錢才袂(喘喘喘)追
ah jiok tsînn tsiah buē (tshuán tshuán tshuán) tui
這个世界上
tsit ê sè-kài siōng
有𠢕的有頇顢的
ū gâu–ê ū hân-bān–ê
有槌的有的啊無的
ū thuî–ê ū–ê ah bô–ê
弄狗相咬的喔
lōng káu sio-kā–ê ooh
有讚的有古的有奸的
ū tsán–ê ū kóo–ê ū kan–ê
硬的軟的
ngī–ê nńg–ê
嘛有倯倯的喔
mā ū sông-sông–ê ooh
有醋桶有勥跤
ū tshòo-tháng ū khiàng-kha
有八的悾的歁的
ū pat–ê khong–ê khám–ê
趖來趖去的啦
sô-lâi-sô-khì–ê lah
無奇不有的喔
bû-kî put-iú–ê ooh
趁錢袂天送來
thàn-tsînn buē thinn sàng lâi
發財著有時機
huat-tsâi tio̍h ū sî-ki
萬項著天安排
bān-hāng tio̍h thinn an-pâi
逐家著立志
ta̍k-ke tio̍h li̍p-tsì
我嘛有志
guá mā ū tsì
拍拚做生理
phah-piànn tsuè-sing-lí
辛苦而後甜
sin-khóo jî hiō tinn
失志無藥醫
sit-tsì bô io̍h i
勤儉度日子
khûn-khiām tōo ji̍t-tsí
拍拚過日子
phah-piànn kè ji̍t-tsí
拍拚過日子
phah-piànn kè ji̍t-tsí
拍拚過日子
phah-piànn kè ji̍t-tsí
]]>愛的苦海https://2blog.ilc.edu.tw/32745/2026/02/27/%e6%84%9b%e7%9a%84%e8%8b%a6%e6%b5%b7/Fri, 27 Feb 2026 01:53:26 +0000https://2blog.ilc.edu.tw/32745/?p=141170
《愛的苦海》Ài ê Khóo-hái
黃西田N̂g Se-tiân
——————————————
我一直每日想你
guá it-ti̍t muí-ji̍t siūnn lí
每日想你
muí-ji̍t siūnn lí
對你的愛永不移
tuì lí ê ài íng put-î
永遠情綿綿
íng-uán tsîng mî-mî
為啥物為啥物
uī-siánn-mih uī-siánn-mih
你故意離開
lí kòo-ì lī-khui
早日的約束
tsá-ji̍t ê iok-sok
如今佗位去
jû-kim tó-uī khì
你對我假情義
lí tuì guá ké tsîng-gī
予我恨你
hōo guá hūn lí
怨恨你將我欺
uàn-hūn lí tsiong guá khi
我永遠怨恨你
guá íng-uán uàn-hūn lí
我一生無幾个愛
guá it-sing bô kuí-ê ài
被你所害
pī lí sóo hāi
將我扛入愛的苦海
tsiong guá kng ji̍p ài ê khóo-hái
實在真不該
si̍t-tsāi tsin put-kai
為啥物為啥物
uī-siánn-mih uī-siánn-mih
我遮爾痴獃
guá tsiah-nī tshi-gâi
我遮爾戇大呆
guá tsiah-nī gōng-tuā-tai
含恨的目屎
hâm-hūn ê ba̍k-sái
忍不住滴落來
jím put-tsū tih–lo̍h-lâi
痛苦無人知
thòng-khóo bô-lâng tsai
齷齪在我心肝內
ak-tsak tsāi guá sim-kuann-lāi
我永遠袂清彩
guá íng-uán buē tshing-tshái
]]>心情挐氅氅https://2blog.ilc.edu.tw/32745/2026/02/27/%e5%bf%83%e6%83%85%e6%8c%90%e6%b0%85%e6%b0%85/Fri, 27 Feb 2026 01:51:10 +0000https://2blog.ilc.edu.tw/32745/?p=141168
《心情挐氅氅》Sim-tsîng Jû-tsháng-tsháng
黃西田N̂g Se-tiân
——————————————
心情挐氅氅
sim-tsîng jû-tsháng-tsháng
毋知欲做佗一項
m̄-tsai beh tsò tó tsi̍t-hāng
算算咧頭路是規百項
sǹg-sǹg–leh thâu-lōo sī kui-pah hāng
好的工課是無著咱
hó ê khang-khuè sī bô tio̍h lán
䆀的工課是無較長
bái ê khang-khuè sī bô-khah-tshâng
啊殘殘佮人去加減仔趁
ah tshân-tshân kah lâng khì ke-kiám-á thàn
人講紡織工課偌仔輕鬆
lâng kóng pháng-tsit khang-khuè guā-á khin-sang
啊也著透早徛到暗
ah iā tio̍h thàu-tsá khiā kah àm
有時線若斷去
ū-sî suànn nā tn̄g–khì
走甲怦怦喘
tsáu kah phīnn-phēnn-tshuán
包仔食甲喝救人
pau-á tsia̍h kah huah kiù-lâng
啊針織工講較活動
ah tsiam-tsit-kang kóng khah ua̍h-tāng
織甲雙手袂振袂動
tsit kah siang-tshiú buē-tín-buē-tāng
看破工場來去做加工喔
khuànn-phuà kang-tiûnn lâi-khì tsuè ka-kang—ooh
加工部份是遐濟項
ka-kang pōo-hūn sī hiah tsuē hāng
形形色色無相仝
hîng-hîng-sik-sik bô sio-kāng
若是做衫
nā sī tsuè sann
跤著踏到暗
kha tio̍h ta̍h kah àm
做鞋的工人
tsuè ê ê kang-lâng
啊看低無看懸
ah khuànn kē bô khuànn kuân
做鈕仔閣算粒
tsuè liú-á koh sǹg lia̍p
就真歹趁
tiō tsin pháinn-thàn
做雨傘上驚是閬縫
tsuè hōo-suànn siōng kiann sī làng-phāng
做紙的工課是真好趁
tsuè tsuá ê khang-khè sī tsin hó-thàn
做瓷仔著秤重
tsuè huî-á tio̍h tshìn-tāng
做著音響會人氣瘦
tsuè tio̍h im-hióng ē lâng khì-sán
電子零件是真細項
tiān-tsú lîng-kiānn sī tsin sè-hāng
有時接線是接袂霆
ū-sî tsiap-suànn sī tsiap buē tân
摸來摸去閣規半工
bong-lâi-bong-khì koh kui-puànn-kang
摸甲面形是臭叮噹
bong kah bīn-hîng sī tshàu tin-tang
其他工課猶閣百外項
kî-thann khang-khuè iáu-koh pah-guā hāng
適合的無半項
sik-ha̍p–ê bô-puànn-hāng
寧可轉來去罔振動
lîng-khó tńg lâi-khì bóng tín-tāng
較早嫁咧
khah-tsá kè–leh
你就較輕鬆
lí tiō khah khin-sang
]]>有志氣的人https://2blog.ilc.edu.tw/32745/2026/02/27/%e6%9c%89%e5%bf%97%e6%b0%a3%e7%9a%84%e4%ba%ba/Fri, 27 Feb 2026 01:49:30 +0000https://2blog.ilc.edu.tw/32745/?p=141166
《有志氣的人》Ū Tsì-khì ê Lâng
黃西田N̂g Se-tiân
——————————————
踏出社會
ta̍h-tshut siā-huē
毋通予人
m̄-thang hōo-lâng
看輕家己的身份
khuànn-khin ka-kī ê sin-hūn
雖然為著愛情失敗
sui-jiân uī-tio̍h ài-tsîng sit-pāi
來浪費好青春
lâi lōng-huì hó tshing-tshun
伊來變心
i lâi piàn-sim
一時悲傷
tsi̍t-sî pi-siong
每日袂食袂睏
muí-ji̍t buē-tsia̍h buē-khùn
我若照常繼續落去
guá nā tsiàu-siông kè-sio̍k–lo̍h-khì
一定會予人議論
it-tīng ē hōo-lâng gī-lūn
踮在社會
tiàm-tsāi siā-huē
毋通予人
m̄-thang hōo-lâng
看做無志氣的人
khuànn-tsuè bô tsì-khì ê lâng
小小一層愛情失敗
sió-sió tsi̍t-tsân ài-tsîng sit-pāi
共當做一場夢
kā tòng-tsuè tsi̍t-tiûnn bāng
事業成功
sū-gia̍p sîng-kong
彼个時陣
hit ê sî-tsūn
自然心情會輕鬆
tsū-jiân sim-tsîng ē khin-sang
咱若愛著啥物女性
lán nā ài-tio̍h siánn-mih lú-sìng
猶原會照著希望
iu-guân ē tsiàu tio̍h hi-bāng
踮在社會
tiàm-tsāi siā-huē
毋通予人
m̄-thang hōo-lâng
看出軟弱的一面
khuànn-tshut luán-jio̍k ê tsi̍t-bīn
經過彼層愛情失敗
king-kuè hit tsân ài-tsîng sit-pāi
這哪有啥要緊
tse ná ū siánn iàu-kín
從今以後
tsiông-kim í-āu
對著頭路
tuì tio̍h thâu-lōo
應該拍拚認真
ing-kai phah-piànn jīn-tsin
我愛全心倚靠志氣
guá ài tsuân-sim uá-khò tsì-khì
提高做人的自信
thê-ko tsuè-lâng ê tsū-sìn
]]>何時出頭天https://2blog.ilc.edu.tw/32745/2026/02/27/%e4%bd%95%e6%99%82%e5%87%ba%e9%a0%ad%e5%a4%a9-2/Fri, 27 Feb 2026 01:46:15 +0000https://2blog.ilc.edu.tw/32745/?p=141163
《何時出頭天》Hô-sî Tshut-thâu-thinn
黃西田N̂g Se-tiân
——————————————
繁華的夜都市
huân-huâ ê iā too-tshī
霓虹燈閃閃爍
nî-hông-ting siám-siám-sih
引起阮想著
ín-khí gún siūnn-tio̍h
故鄉的代誌
kòo-hiong ê tāi-tsì
為前途不得已
uī tsiân-tôo put-tik-í
只好是來離開
tsí-hó-sī lâi lī-khui
慈愛的爸爸媽媽身邊
tsû-ài ê pá-pah má-mah sin-pinn
流浪在異鄉城市
liû-lōng tsāi ī-hiong siânn-tshī
心內是真稀微
sim-lāi sī tsin hi-bî
毋知到何時
m̄-tsai kàu hô-sî
才會出頭天
tsiah-ē tshut-thâu-thinn
滿腹的酸苦味
muá-pak ê sng-khóo-bī
毋願來講出喙
m̄-guān lâi kóng tshut-tshuì
只好來期待
tsí-hó lâi kî-thāi
成功的日子
sîng-kong ê ji̍t-tsí
—
只好來期待
tsí-hó lâi kî-thāi
成功的日子
sîng-kong ê ji̍t-tsí
]]>