鳳琴 – 臺語正字歌詞部落格https://2blog.ilc.edu.tw/32745這是一個臺語歌曲正字網站Fri, 08 Mar 2024 12:08:44 +0000zh-TWhourly1https://wordpress.org/?v=6.6.9https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg鳳琴 – 臺語正字歌詞部落格https://2blog.ilc.edu.tw/327453232 心路https://2blog.ilc.edu.tw/32745/2022/04/03/%e5%bf%83%e8%b7%af-2/Sun, 03 Apr 2022 01:11:43 +0000https://2blog.ilc.edu.tw/32745/?p=68188
《心路》Sim-lōo
鳳琴Hōng-khîm
——————————————
因為有情
in-uī ū-tsîng
心才會酸
sim tsiah ē sng
路途坎坷
lōo-tôo khám-khia̍t
愈行愈長
jú kiânn jú tn̂g
世間的情
sè-kan ê tsîng
世間的愛
sè-kan ê ài
浮浮沉沉
phû-phû-tîm-tîm
親像苦海
tshin-tshiūnn khóo-hái
男人心
lâm-jîn sim
是彩色盤
sī tshái-sik-puânn
隨著感覺來變換
suî tio̍h kám-kak lâi piàn-uānn
女人心
lú-jîn sim
像走馬燈
tshiūnn tsáu-bé-ting
一字痴來
tsi̍t-jī tshi–lâi
看袂清
khuànn buē-tshing
我問世間人
guá mn̄g sè-kan-lâng
啥人過情關
siánn-lâng kuè tsîng-kuan
心路總是行袂完
sim-lōo tsóng-sī kiânn buē-uân
]]>紅塵https://2blog.ilc.edu.tw/32745/2022/04/03/%e7%b4%85%e5%a1%b5/Sun, 03 Apr 2022 01:09:58 +0000https://2blog.ilc.edu.tw/32745/?p=68185
《紅塵》Hông-tîn
鳳琴Hōng-khîm
——————————————
情是心中的鎖
tsîng sī sim-tiong ê só
敨袂開也奈何
tháu buē-khui iā nāi-hô
愛是苦澀的果
ài sī khóo-siap ê kó
愛愈深愈煩惱
ài jú tshim jú huân-ló
情夢若看袂破
tsîng-bāng nā khuànn buē-phuà
夜夜來疼心肝
iā-iā lâi thiànn sim-kuann
鏡臺無留青春的影
kiànn-tâi bô lâu tshing-tshun ê iánn
西窗冷月伴孤單
se-thang líng-gue̍h phuānn koo-tuann
紅塵滾滾無時停
hông-tîn kún-kún bô-sî thîng
多少痴情換傷心
to-siáu tshi-tsîng uānn siong-sim
情海波浪溢袂停
tsîng-hái pho-lōng ik buē-thîng
三千情絲
sam-tshian tsîng-si
苦嘆心袂平
khóo-thàn sim buē-phîng
紅塵滾滾無時閒
hông-tîn kún-kún bô-sî îng
多少真心換絕情
to-siáu tsin-sim uānn tsua̍t-tsîng
情海浮浮又沉沉
tsîng-hái phû-phû iū tîm-tîm
無奈世情也冰冷
bô-nāi sè-tsîng iā ping-líng
問天嘆一聲
mn̄g thinn thàn tsi̍t-siann
紅塵啊
hông-tîn–ah
歡喜悲傷縛相倚
huann-hí pi-siong pa̍k sio-uá
]]>爸仔母https://2blog.ilc.edu.tw/32745/2022/04/03/%e7%88%b8%e4%bb%94%e6%af%8d/Sun, 03 Apr 2022 01:08:10 +0000https://2blog.ilc.edu.tw/32745/?p=68182

《爸仔母》Pē-á-bú
鳳琴Hōng-khîm
——————————————
社會變遷
siā-huē piàn-tshian
世情薄啊薄
sè-tsîng po̍h–ah po̍h
人心墮落也奈何
jîn-sim tuī-lo̍h iā nāi-hô
爸仔母
pē-á-bú
目睭金金看
ba̍k-tsiu kim-kim-khuànn
這个世界
tsit ê sè-kài
到底是按怎
tàu-té sī-án-tsuánn
心酸寫在面上的皺痕
sim-sng siá tsāi bīn-siōng ê jiâu-hûn
身苦病疼無人問
sin-khóo pēnn-thiànn bô-lâng mn̄g
爸仔母
pē-á-bú
目屎直直流
ba̍k-sái ti̍t-ti̍t-lâu
年節無來行跤到
nî-tseh bô lâi kiânn-kha-kàu
若好命
nā hó-miā
序細轉來看
sī-sè tńg-lâi khuànn
若歹命
nā pháinn-miā
只賰一个名
tsí tshun tsi̍t-ê miâ
爸仔母
pē-á-bú
目睭金金看
ba̍k-tsiu kim-kim-khuànn
向望著序細
ǹg-bāng tio̍h sī-sè
轉來叫一聲
tńg-lâi kiò tsi̍t-siann
做人後生
tsuè lâng hāu-sinn
做人的查某囝
tsuè lâng ê tsa-bóo-kiánn
天嘛毋是攏無咧看
thinn mā m̄-sī lóng bô teh khuànn
爸仔母
pē-á-bú
你若是來放捒
lí nā-sī lâi pàng-sak
你也是仝款的運命
lí iā-sī kāng-khuán ê ūn-miā

]]>人生的意義https://2blog.ilc.edu.tw/32745/2022/04/03/%e4%ba%ba%e7%94%9f%e7%9a%84%e6%84%8f%e7%be%a9/Sun, 03 Apr 2022 01:06:19 +0000https://2blog.ilc.edu.tw/32745/?p=68179
《人生的意義》Jîn-sing ê Ì-gī
鳳琴Hōng-khîm
——————————————
展出著美麗笑容
tián-tshut tio̍h bí-lē tshiò-iông
抱著美夢在心中
phō tio̍h bí-bāng tsāi sim-tiong
過去種種
kuè-khì tsióng-tsióng
毋免閣講
m̄-bián koh kóng
無憂無愁
bô-iu bô-tshiû
走遍四方
tsáu phiàn sù-hong
打扮著可愛模樣
tánn-pān tio̍h khó-ài bôo-iūnn
唸歌唱曲交朋友
liām kua tshiùnn-khik kau pîng-iú
阮有熱情
gún ū jia̍t-tsîng
也有理想
iā ū lí-sióng
做著一个快樂女郎
tsuè tio̍h tsi̍t-ê khuài-lo̍k lú-lông
做事業
tsuè sū-gia̍p
我嘛衝衝衝
guá mā tshiong tshiong tshiong
對感情
tuì kám-tsîng
阮嘛真用心
gún mā tsin iōng-sim
勇敢來面對
ióng-kám lâi bīn-tuì
人生的風雨
jîn-sing ê hong-hōo
堅持自己的跤步
kian-tshî tsū-kí ê kha-pōo
歡喜來唱落去
huann-hí lâi tshiùnn–lo̍h-khì
美麗形影在舞池
bí-lē hîng-iánn tsāi bú-tî
今夜伴相隨
kim-iā phuānn-siong-suî
幸福的滋味
hīng-hok ê tsu-bī
人生過了有意義
jîn-sing kuè liáu ū ì-gī
]]>大海的彼爿https://2blog.ilc.edu.tw/32745/2022/04/03/%e5%a4%a7%e6%b5%b7%e7%9a%84%e5%bd%bc%e7%88%bf/Sun, 03 Apr 2022 01:04:38 +0000https://2blog.ilc.edu.tw/32745/?p=68176
《大海的彼爿》Tuā-hái ê Hit-pîng
鳳琴Hōng-khîm
——————————————
盈暗的月娘遐爾圓
îng-àm ê gue̍h-niû hiah-nī înn
天頂水色遐爾仔清
thinn-tíng tsuí-sik hiah-nī-á tshing
偏偏啊
phian-phian–ah
海風逐工來創治
hái-hong ta̍k-kang lâi tshòng-tī
閣再提醒阮
koh-tsài thê-tshínn gún
思念著你
su-liām tio̍h lí
親愛的
tshin-ài–ê
你的心
lí ê sim
這馬佇佗位
tsit-má tī tó-uī
予我過一工
hōo guá kuè tsi̍t-kang
親像過一年
tshin-tshiūnn kuè tsi̍t-nî
定定啊為你
tiānn-tiānn–ah uī lí
為你咧來失神
uī lí teh lâi sit-sîn
思念的空喙
su-liām ê khang-tshuì
袂堅疕
buē kian-phí
大海的彼爿
tuā-hái ê hit-pîng
有阮熟似的聲音
ū gún si̍k-sāi ê siann-im
大海的彼爿
tuā-hái ê hit-pîng
有阮向望的笑面
ū gún ǹg-bāng ê tshiò-bīn
等你轉來的春天
tán lí tńg–lâi ê tshun-thinn
牽手鬥陣來團圓
khan-tshiú tàu-tsūn lâi thuân-înn
海水淹滿阮目墘
hái-tsuí im buán gún ba̍k-kînn
大海的彼爿
tuā-hái ê hit-pîng
毋管海湧偌冰冷
m̄-kuán hái-íng guā ping-líng
大海的彼爿
tuā-hái ê hit-pîng
浮浮沉沉袂喘氣
phû-phû-tîm-tîm buē tshuán-khuì
請海風將阮心意
tshiánn hái-hong tsiong gún sim-ì
送去大海彼一爿
sàng khì tuā-hái hit tsi̍t-pîng
我上親愛的你
guá siōng tshin-ài ê lí
]]>我在你心中https://2blog.ilc.edu.tw/32745/2022/04/03/%e6%88%91%e5%9c%a8%e4%bd%a0%e5%bf%83%e4%b8%ad/Sun, 03 Apr 2022 01:02:57 +0000https://2blog.ilc.edu.tw/32745/?p=68173
《我在你心中》Guá Tsāi Lí Sim-tiong
鳳琴Hōng-khîm
——————————————
美妙歌聲
bí-biāu kua-siann
一聲又一聲
tsi̍t-siann iū tsi̍t-siann
唱出阮心聲
tshiùnn-tshut gún sim-siann
今夜相會
kim-iā siong-huē
真有感覺
tsin ū kám-kak
你心意
lí sim-ì
阮嘛知影
gún mā tsai-iánn
甘蜜的酒
kam-bi̍t ê tsiú
一杯又一杯
tsi̍t-pue iū tsi̍t-pue
歡喜在心底
huann-hí tsāi sim-té
感情交流
kám-tsîng kau-liû
深深體會
tshim-tshim thé-huē
來講出心內的話
lâi kóng-tshut sim-lāi ê uē
天下無不散的宴席
thian-hā bô put-sàn ê iàn-si̍k
悲歡離合是平常
pi-huan lî-ha̍p sī pîng-siông
海角天涯
hái-kak thian-gâi
請你保重
tshiánn lí pó-tiōng
我會永遠在你心中
guá ē íng-uán tsāi lí sim-tiong
離別也是
lī-pia̍t iā-sī
相逢的開始
siong-hông ê khai-sí
後會總有期
hiō-huē tsóng iú-kî
我來誠心祝福你
guá lâi sîng-sim tsiok-hok lí
幸福來伴相隨
hīng-hok lâi phuānn-siong-suî
]]>宜蘭好所在https://2blog.ilc.edu.tw/32745/2022/04/03/%e5%ae%9c%e8%98%ad%e5%a5%bd%e6%89%80%e5%9c%a8/Sun, 03 Apr 2022 01:01:12 +0000https://2blog.ilc.edu.tw/32745/?p=68170
《宜蘭好所在》Gî-lân Hó Sóo-tsāi
鳳琴Hōng-khîm
——————————————
宜蘭好所在
Gî-lân hó sóo-tsāi
世界通人知
sè-kài thong-lâng tsai
雪山隧道一路來
Suat-suann Suī-tō tsi̍t-lōo lâi
三星蔥仔蒜仔
Sam-sing tshang-á suàn-á
好食上將梨
hó-tsia̍h Siōng-tsiòng-lâi
太平山頂
Thài-pîng-suann tíng
賞雪看雲海
siúnn-seh khuànn hûn-hái
南方澳仔漁港
Lâm-hong-ò-á hî-káng
海鮮船滿載
hái-sian tsûn buán-tsài
龜山海面
Ku-suann hái-bīn
鯨魚噴水真精彩
kiann-hî phùn-tsuí tsin tsing-tshái
礁溪是溫泉鄉
Ta-khe sī un-tsuânn-hiong
蘇澳冷泉
Soo-ò líng-tsuânn
予你人清爽
hōo lí lâng tshing-sóng
壯圍出好米
Tsòng-uî tshut hó bí
員山水果芳又甜
Înn-suann tsuí-kó phang iū tinn
羅東夜市小食好滋味
Lô-tong iā-tshī sió tsia̍h-hó tsu-bī
天然景點五峰瀑布
thian-jiân kíng-tiám Gōo-hong Pho̍k-pòo
冬山河的童玩節
Tang-suann-hô ê Tông-uán-tseh
出名流傳在國際
tshut-miâ liû-thuân tsāi kok-tsè
宜蘭人
Gî-lân-lâng
拍拚又勤儉
phah-piànn iū khîn-khiām
民風樸實
bîn-hong phok-si̍t
景色迷人
kíng-sik bê-lâng
相招趕緊來
sio-tsio kuánn-kín lâi
美麗蘭陽
bí-lē Lân-iâng
幸福的所在
hīng-hok ê sóo-tsāi
]]>深情的花蕊https://2blog.ilc.edu.tw/32745/2022/04/03/%e6%b7%b1%e6%83%85%e7%9a%84%e8%8a%b1%e8%95%8a/Sun, 03 Apr 2022 00:59:24 +0000https://2blog.ilc.edu.tw/32745/?p=68167
《深情的花蕊》Tshim-tsîng ê Hue-luí
鳳琴Hōng-khîm
——————————————
一旦來付出真情
it-tàn lâi hù-tshut tsin-tsîng
是欲叫阮怎樣停
sī beh kiò gún tsuánn-iūnn thîng
阮的用心
gún ê iōng-sim
阮的痴情
gún ê tshi-tsîng
你的心親像
lí ê sim tshin-tshiūnn
石頭遐爾?
tsio̍h-thâu hiah-nī tīng
深情的花蕊
tshim-tsîng ê hue-luí
偏偏著來受酷刑
phian-phian tio̍h lâi siū khok-hîng
你不該
lí put-kai
一面愛我
tsi̍t-bīn ài guá
一面來傷害我
tsi̍t-bīn lâi siong-hāi guá
啊~今夜風雨遮爾大
ah~ kim-iā hong-hōo tsiah-nī tuā
你敢有想著我
lí kám ū siūnn-tio̍h guá
我毋願閣再來
guá m̄-guān koh-tsài lâi
為你浪費我性命
uī lí lōng-huì guá sìnn-miā
深情的花蕊
tshim-tsîng ê hue-luí
目屎也流焦啦
ba̍k-sái iā lâu ta–lah
]]>愛是單行道https://2blog.ilc.edu.tw/32745/2022/04/03/%e6%84%9b%e6%98%af%e5%96%ae%e8%a1%8c%e9%81%93/Sun, 03 Apr 2022 00:57:57 +0000https://2blog.ilc.edu.tw/32745/?p=68164
《愛是單行道》Ài Sī Tan-hîng-tō
鳳琴Hōng-khîm
——————————————
一直來對你
it-ti̍t lâi tuì lí
情深深
tsîng tshim-tshim
重視你
tiōng-sī lí
勝過我自己
sìng-kuè guá tsū-kí
只因為你一句話
tsí in-uī lí tsi̍t-kù uē
我也無後悔
guá iā bô hiō-hué
付出的感情
hù-tshut ê kám-tsîng
比海閣較深
pí hái koh-khah tshim
愛是單行道
ài sī tan-hîng-tō
情是一條河
tsîng sī tsi̍t-tiâu hô
袂當回頭
buē-tàng huê-thâu
袂當倒流
buē-tàng tò-lâu
為情來磨
uī tsîng lâi buâ
性命來跋
sìnn-miā lâi pua̍h
女人情深
lú jîn-tsîng tshim
是幸是不幸
sī hīng sī put-hīng
]]>愛情幌當鞦https://2blog.ilc.edu.tw/32745/2022/04/03/%e6%84%9b%e6%83%85%e5%b9%8c%e7%95%b6%e9%9e%a6/Sun, 03 Apr 2022 00:56:05 +0000https://2blog.ilc.edu.tw/32745/?p=68161
《愛情幌當鞦》Ài-tsîng Hàinn-tong-tshiu
鳳琴Hōng-khîm
——————————————
咱的愛情
lán ê ài-tsîng
親像幌當鞦
tshin-tshiūnn hàinn-tong-tshiu
連鞭仔懸
liâm-mi-á kuân
連鞭仔低
liâm-mi-á kē
幌著咱青春的美麗
hàinn tio̍h lán tshing-tshun ê bí-lē
攑頭看著藍天
gia̍h-thâu khuànn-tio̍h nâ-thinn
做伙來算
tsò-hué lâi sǹg
有白雲幾蕊
ū pe̍h-hûn kuí luí
你對我講
lí tuì guá kóng
仙女嘛無我遮爾媠
sian-lú mā bô guá tsiah-nī suí
咱的愛情
lán ê ài-tsîng
親像幌當鞦
tshin-tshiūnn hàinn-tong-tshiu
連鞭仔懸
liâm-mi-á kuân
連鞭仔低
liâm-mi-á kē
幌著咱青春的美麗
hàinn tio̍h lán tshing-tshun ê bí-lē
攑頭看著月娘
gia̍h-thâu khuànn tio̍h gue̍h-niû
做伙來唱歌唸歌詩
tsò-hué lâi tshiùnn-kua liām kua-si
你對我講
lí tuì guá kóng
若無我
nā bô guá
你會病相思
lí ē pīnn-siunn-si
當鞦幌啊幌
tong-tshiu hàinn–ah hàinn
我的心嘛幌啊幌
guá ê sim mā hàinn–ah hàinn
幌轉去原位
hàinn tńg-khì guân-uī
是毋是
sī-m̄-sī
你的真心無變
lí ê tsin-sim bô-piàn
當鞦幌啊幌
tong-tshiu hàinn–ah hàinn
我的心嘛幌啊幌
guá ê sim mā hàinn–ah hàinn
幌轉去原位
hàinn tńg-khì guân-uī
是毋是
sī-m̄-sī
愛我親像過去
ài guá tshin-tshiūnn kuè-khì
]]>