馮偉傑 – 臺語正字歌詞部落格https://2blog.ilc.edu.tw/32745這是一個臺語歌曲正字網站Tue, 02 Nov 2021 23:08:16 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg馮偉傑 – 臺語正字歌詞部落格https://2blog.ilc.edu.tw/327453232 醉https://2blog.ilc.edu.tw/32745/2021/11/03/%e9%86%89-2/Tue, 02 Nov 2021 23:08:16 +0000https://2blog.ilc.edu.tw/32745/?p=61075
《醉》Tsuì
馮偉傑Pâng Uí-kia̍t
——————————————
苦苦的咖啡
khóo-khóo ê ka-pi
愈厚就愈有味
jú kāu tiō jú ū bī
雄雄閣想起
hiông-hiông koh siūnn-khí
透風落雨彼一暝
thàu-hong lo̍h-hōo hit tsi̍t-mî
心像針咧揻
sim tshiūnn tsiam teh ui
連咖啡也會醉
liân ka-pi iā ē tsuì
我想你
guá siūnn lí
但是你佇佗位
tān-sī lí tī tó-uī
毋免予我同情安慰
m̄-bián hōo guá tông-tsîng an-uì
驚我荒唐失志
kiann guá hong-tông sit-tsì
心也放袂開
sim iā pàng buē-khui
感情有時
kám-tsîng ū-sî
著愛用酒來坉
tio̍h-ài iōng tsiú lâi thūn
人講心疼無藥通治
lâng kóng sim thiànn bô-io̍h thang tī
有酒就斟予滇
ū tsiú tiō thîn hōo tīnn
心較袂稀微
sim khah buē hi-bî
予你去
hōo lí khì
免掛意
bián kuà-ì
予我醉
hōo guá tsuì
]]>三十https://2blog.ilc.edu.tw/32745/2021/11/03/%e4%b8%89%e5%8d%81/Tue, 02 Nov 2021 23:06:44 +0000https://2blog.ilc.edu.tw/32745/?p=61073
《三十》Sann-tsa̍p
馮偉傑Pâng Uí-kia̍t
——————————————
一个欲滿三十歲的男人
tsi̍t-ê beh muá sann-tsa̍p huè ê lâm-jîn
一間差不多
tsi̍t-king tsha-put-to
八坪的房間
peh-phîng ê pâng-king
一人看著電視
tsi̍t-lâng khuànn-tio̍h tiān-sī
一人寫歌彈琴
tsi̍t-lâng siá-kua tuânn-khîm
一人生活
tsi̍t-lâng sing-ua̍h
臺北這城市
Tâi-pak tse siânn-tshī
每工毋知是
muí-kang m̄-tsai sī
為誰咧無閒
uī siáng teh bô-îng
感情的代誌
kám-tsîng ê tāi-tsì
無時間想起
bô sî-kan siūnn-khí
下班的西門町
hā-pan ê Se-mn̂g-ting
規路成雙成對
kui-lōo sîng-siang sîng-tuì
陪伴我
puê-phuānn guá
賰手內的鎖匙
tshun tshiú-lāi ê só-sî
我的心內永遠為伊
guá ê sim-lāi íng-uán uī i
留著一个位
lâu tio̍h tsi̍t-ê uī
陪我食飯
puê guá tsia̍h-pn̄g
陪我出門彼个伊
puê guá tshut-mn̂g hit ê i
我相信愛
guá siong-sìn ài
總有一日
tsóng ū-tsi̍t-ji̍t
行到阮對面
kiânn kàu gún tuì-bīn
無定過了這个青紅燈
bô-tiānn kuè liáu tsit ê tshinn-âng-ting
會去拄著伊
ē khì tú-tio̍h i
]]>水蓮天https://2blog.ilc.edu.tw/32745/2021/11/03/%e6%b0%b4%e8%93%ae%e5%a4%a9/Tue, 02 Nov 2021 23:05:08 +0000https://2blog.ilc.edu.tw/32745/?p=61070
《水蓮天》Tsuí-lián-thian
馮偉傑Pâng Uí-kia̍t
——————————————
雲海茫茫
hûn-hái bâng-bâng
逍遙自在人間
siau-iâu tsū-tsāi jîn-kan
春花秋風送遺憾
tshun-hue tshiu-hong sàng uî-hām
萬里江山
bān-lí kang-san
啥人闖過情關
siánn-lâng tshuáng kuè tsîng-kuan
雲開月照千重山
hûn khai gue̍h tsiò tshian-tîng san
夜梟輕嘆
iā-hiau khin thàn
一杯清酒醉規暗
tsi̍t-pue tshing-tsiú tsuì kui-àm
心似斷弦
sim sū tn̄g-hiân
有情難成雙
ū-tsîng lân sîng-siang
水蓮天
tsuí-liân-thian
月影被擾亂
gue̍h-iánn pī jiáu-luān
真珠簾
tsin-tsu liâm
樓成空
lâu sîng khang
含淚墜落煙花巷
hâm-luī tuī-lo̍h ian-hua-hāng
水蓮天
tsuí-liân-thian
殘燈照樓窗
tsân-ting tsiò lâu-thang
多情人
to-tsîng-lâng
無情夢
bô-tsîng bāng
三月雨水聲聲嘆
sann-gue̍h hōo-tsuí siann-siann thàn
]]>雪桐花https://2blog.ilc.edu.tw/32745/2021/11/03/%e9%9b%aa%e6%a1%90%e8%8a%b1/Tue, 02 Nov 2021 23:03:32 +0000https://2blog.ilc.edu.tw/32745/?p=61068
《雪桐花》Suat-tâng-hue
馮偉傑Pâng Uí-kia̍t
——————————————
你敢知雪桐花
lí kám tsai suat-tâng-hue
怎樣遮爾美麗
tsuánn-iūnn tsiah-nī bí-lē
風若吹
hong nā tshue
親像咧落雪
tshin-tshiūnn teh lo̍h-seh
春天的笑面
tshun-thinn ê tshiò-bīn
牽成一段好情話
khan-sîng tsi̍t-tuānn hó tsîng-uē
單純的快樂
tan-sûn ê khuài-lo̍k
白如花
pe̍h jû hue
每一年雪桐花
muí tsi̍t-nî suat-tâng-hue
開咧這个時節
khui teh tsit ê sî-tsiat
風一吹
hong tsi̍t-tshue
親像雪咧飛
tshin-tshiūnn seh teh pue
天頂的白雲
thinn-tíng ê pe̍h-hûn
伴著快樂的風吹
phuānn tio̍h khuài-lo̍k ê hong-tshue
青春的記持啊
tshing-tshun ê kì-tî–ah
遮爾濟
tsiah-nī tsuē
你敢知我的心內
lí kám tsai guá ê sim-lāi
只有你一个
tsí-ū lí tsi̍t-ê
深深咧愛你
tshim-tshim teh ài lí
毋是假
m̄-sī ké
對你的情意
tuì lí ê tsîng-ì
親像桐花遮坦白
tshin-tshiūnn tâng-hue tsiah thán-pe̍h
毋知影像我這款
m̄ tsai-iánn tshiūnn guá tsit khuán
你會棄嫌袂
lí ē khì-hiâm buē
其實我對你的心
kî-si̍t guá tuì lí ê sim
一直無變過
it-ti̍t bô- piàn–kuè
我講愛你
guá kóng ài lí
攏是真的
lóng-sī tsin–ê
將欲講的話
tsiong beh kóng ê uē
借著桐花來表白
tsioh tio̍h tâng-hue lâi piáu-pe̍h
這句話
tsit kù uē
彼句話
hit kù uē
你愛袂
lí ài buē
]]>我的知己https://2blog.ilc.edu.tw/32745/2021/11/03/%e6%88%91%e7%9a%84%e7%9f%a5%e5%b7%b1/Tue, 02 Nov 2021 23:01:59 +0000https://2blog.ilc.edu.tw/32745/?p=61065
《我的知己》Guá ê Ti-kí
馮偉傑Pâng Uí-kia̍t
——————————————
袂記有幾年
buē-kì ū kuí nî
毋捌來想起
m̄-bat lâi siūnn-khí
細漢我上好的瑪摺
sè-hàn guá siōng-hó ê má-tsih
我離開著故里
guá lī-khui tio̍h kòo-lí
來到大城市
lâi-kàu tuā siânn-tshī
一个人
tsi̍t-ê-lâng
簡單平凡過日子
kán-tan pîng-huân kuè ji̍t-tsí
想當初講欲離開
siūnn tong-tshoo kóng beh lī-khui
你賭強毋願來相見
lí tóo-kiông m̄-guān lâi sann-kìnn
人生中的知己
jîn-sing tiong ê ti-kí
除了你無別位
tû-liáu lí bô pa̍t-uī
你過了敢好
lí kuè liáu kám hó
敢有平安閣順序
kám ū pîng-an koh sūn-sī
人生中的兄弟
jîn-sing tiong ê hiann-tī
一世人攏會記
tsi̍t-sì-lâng lóng ē-kì
有閒著相招一下
ū-îng tio̍h sio-tsio–tsi̍t-ē
逐家來做伙團圓
ta̍k-ke lâi tsò-hué thuân-înn
燒酒泡茶
sio-tsiú phàu-tê
歡喜講規暝
huann-hí kóng kui-mî
]]>無輸無贏https://2blog.ilc.edu.tw/32745/2021/11/03/%e7%84%a1%e8%bc%b8%e7%84%a1%e8%b4%8f-2/Tue, 02 Nov 2021 23:00:33 +0000https://2blog.ilc.edu.tw/32745/?p=61063
《無輸無贏》Bô-su Bô-iânn
馮偉傑Pâng Uí-kia̍t
——————————————
我想你
guá siūnn lí
無愛我做你一生的伴
bô-ài guá tsuè lí it-sing ê phuānn
人生這條路線
jîn-sing tsit tiâu lōo-suànn
緣份只到遮
iân-hūn tsí kàu tsia
若是你佮伊較快活
nā-sī lí kah i khah khuìnn-ua̍h
何必煩惱我敢會孤單
hô-pit huân-ló guá kám ē koo-tuann
無我你欲按怎
bô guá lí beh án-tsuánn
無你我會疼
bô lí guá ē thiànn
我想你
guá siūnn lí
無愛我做你倚靠的山
bô-ài guá tsuè lí uá-khò ê suann
心內有伊無我
sim-lāi ū i bô guá
其實我知影
kî-si̍t guá tsai-iánn
我無你想的
guá bô lí siūnn–ê
遐軟汫
hiah nńg-tsiánn
也無人講
iā bô-lâng kóng
遐爾?心肝
hiah-nī tīng sim-kuann
因為我毋是你
in-uī guá m̄-sī lí
你也毋是我
lí iā m̄-sī guá
目睭咪瞌瞌
ba̍k-tsiu bi kheh-kheh
毋敢看
m̄-kánn khuànn
看恁咧背後
khuànn lín teh puē-āu
深情難捨
tshim-tsîng lân-siá
到底你愛的人
tàu-té lí ài ê lâng
是伊是我
sī i sī guá
心內的海湧
sim-lāi ê hái-íng
是驚惶
sī kiann-hiânn
倔強毋願喝疼
ku̍t-kiông m̄-guān huah thiànn
感情你攏無輸
kám-tsîng lí lóng bô-su
我也攏無贏
guá iā lóng bô-iânn
]]>幸福袂等人https://2blog.ilc.edu.tw/32745/2021/11/03/%e5%b9%b8%e7%a6%8f%e8%a2%82%e7%ad%89%e4%ba%ba/Tue, 02 Nov 2021 22:59:04 +0000https://2blog.ilc.edu.tw/32745/?p=61060
《幸福袂等人》Hīng-hok Buē Tán Lâng
馮偉傑Pâng Uí-kia̍t
——————————————
啊~日子一工一工
ah~ ji̍t-tsí tsi̍t-kang-tsi̍t-kang
好䆀攏仝款
hó-bái lóng kāng-khuán
我的鬢邊
guá ê pìn-pinn
一重一重
tsi̍t-tîng-tsi̍t-tîng
變白的頭鬃
piàn pe̍h ê thâu-tsang
啊~人生酸甜苦澀
ah~ jîn-sing sng-tinn khóo-siap
無退無閃
bô-thè bô-siám
才會體會烏咖啡
tsiah ē thé-huē oo-ka-pi
苦苦的芳
khóo-khóo ê phang
有情無地送
ū-tsîng bô-tè sàng
欲怨啥物人
beh uàn siánn-mih lâng
有心無地藏
ū-sim bô-tè tshàng
倔強是戇人
ku̍t-kiông sī gōng-lâng
青春無幾冬
tshing-tshun bô kuí tang
飄撇假輕鬆
phiau-phiat ké khin-sang
有愛的人
ū ài ê lâng
你斟酌聽我的播送
lí tsim-tsiok thiann guá ê pòo-sàng
啊~燒酒一杯一杯
ah~ sio-tsiú tsi̍t-pue-tsi̍t-pue
敬無緣的人
kìng bô-iân ê lâng
我的感情
guá ê kám-tsîng
一段一段
tsi̍t-tuānn-tsi̍t-tuānn
時到就收工
sî kàu tiō siu-kang
啊~人生目一个?
ah~ jîn-sing ba̍k tsi̍t-ê nih
落幕演完
lo̍h-bōo ián uân
幸福就是你的手
hīng-hok tiō-sī lí ê tshiú
有人來牽
ū-lâng lâi khan
有情就愛送
ū-tsîng tiō ài sàng
毋通來掩崁
m̄-thang lâi am-khàm
有心就勇敢
ū-sim tiō ióng-kám
追求你的夢
tui-kiû lí ê bāng
春夏過秋冬
tshun-hā kuè tshiu-tang
幸福袂等人
hīng-hok buē tán lâng
有愛的人
ū ài ê lâng
你敢是我欲揣的人
lí kám-sī guá beh tshuē ê lâng
啊~欲怨啥物人
ah~ beh uàn siánn-mih lâng
有心無地藏
ū-sim bô-tè tshàng
倔強是戇人
ku̍t-kiông sī gōng-lâng
青春無幾冬
tshing-tshun bô kuí tang
飄撇假輕鬆
phiau-phiat ké khin-sang
有愛的人
ū ài ê lâng
你斟酌聽我的播送
lí tsim-tsiok thiann guá ê pòo-sàng
啊~毋通來掩崁
ah~ m̄-thang lâi am-khàm
有心就勇敢
ū-sim tiō ióng-kám
追求你的夢
tui-kiû lí ê bāng
春夏過秋冬
tshun-hā kuè tshiu-tang
幸福袂等人
hīng-hok buē tán lâng
有愛的人
ū ài ê lâng
你敢是我欲揣的人
lí kám-sī guá beh tshuē ê lâng
]]>風中的煙花https://2blog.ilc.edu.tw/32745/2021/11/03/%e9%a2%a8%e4%b8%ad%e7%9a%84%e7%85%99%e8%8a%b1/Tue, 02 Nov 2021 22:57:08 +0000https://2blog.ilc.edu.tw/32745/?p=61057
《風中的煙花》Hong-tiong ê Ian-hue
馮偉傑Pâng Uí-kia̍t
——————————————
昔日的青春
sik-ji̍t ê tshing-tshun
攏留踮無邊的海岸
lóng lâu tiàm bô-pinn ê hái-huānn
盈暗的心事
îng-àm ê sim-sū
像出海流浪的船隻
tshiūnn tshut-hái liû-lōng ê tsûn-tsiah
風中的記持
hong-tiong ê kì-tî
想來是刺鑿人心肝
siūnn lâi sī tshì-tsha̍k lâng sim-kuann
稀微啊
hi-bî–ah
啥人知影
siánn-lâng tsai-iánn
啊~唀唀唀
ah~ siú siú siú
親像雨中的煙花
tshin-tshiūnn hōo-tiong ê ian-hua
目一个?
ba̍k tsi̍t-ê nih
一瞬間消失無影
tsi̍t-sùn-kan siau-sit bô-iánn
啊~唱這首歌
ah~ tshiùnn tsit siú kua
毋知欲唱予啥人聽
m̄-tsai beh tshiùnn hōo siánn-lâng thiann
情歌一个人唱
tsîng-kua tsi̍t-ê-lâng tshiùnn
袂好聽
buē hó-thiann
聽著海湧聲
thiann-tio̍h hái-íng siann
為怎樣會寂寞心疼
uī tsuánn-iūnn ē tsi̍k-bo̍k sim thiànn
昔日的海岸
sik-ji̍t ê hái-huānn
如今煞無人陪我行
jû-kim suah bô-lâng puê guá kiânn
甜蜜的情話
tinn-bi̍t ê tsîng-uē
一句句想來捶心肝
tsi̍t-kù-kù siūnn–lâi tuî-sim-kuann
像吉他
tshiūnn gì-tah
斷了線
tn̄g liáu suànn
]]>一人孤單兩人疼https://2blog.ilc.edu.tw/32745/2021/11/03/%e4%b8%80%e4%ba%ba%e5%ad%a4%e5%96%ae%e5%85%a9%e4%ba%ba%e7%96%bc/Tue, 02 Nov 2021 22:55:31 +0000https://2blog.ilc.edu.tw/32745/?p=61054
《一人孤單兩人疼》Tsi̍t-lâng Koo-tuann Nn̄g-lâng Thiànn
馮偉傑Pâng Uí-kia̍t
——————————————
愛著你
ài-tio̍h lí
到底是我的命
ài kàu lí tàu-té sī guá ê miā
像月光
tshiūnn gue̍h-kng
予烏雲遮著影
hōo oo-hûn jia tio̍h iánn
哪無風無力
ná bô hong bô la̍t
予船隻來起行
hōo tsûn-tsiah lâi khí-kiânn
我恬恬咧情海
guá tiām-tiām teh tsîng-hái
吼孤單
háu koo-tuann
愛著你
ài-tio̍h lí
到死也毋知疼
kàu sí iā m̄-tsai thiànn
尾幫車
bué-pang-tshia
將傷心載滿滿
tsiong siong-sim tsài muá-muá
若無愛
nā bô-ài
為何強留我蹛咧遮
uī-hô kiông lâu guá tuà teh tsia
看著你
khuànn-tio̍h lí
共別人惜命命
kā pa̍t-lâng sioh-miā-miā
我的愛情
guá ê ài-tsîng
是予啥人來咒誓
sī hōo siánn-lâng lâi tsiù-tsuā
心割著風
sim kuah-tio̍h hong
揣無幸福路通行
tshuē-bô hīng-hok lōo thang kiânn
我一个人孤單
guá tsi̍t-ê-lâng koo-tuann
兩个人心疼
nn̄g-ê lâng sim thiànn
心情是重重疊疊
sim-tsîng sī tîng-tîng-tha̍h-tha̍h
歹心情
pháinn sim-tsiânn
無情人
bô-tsîng-lâng
無愛過
bô ài–kuè
毋知疼
m̄-tsai thiànn
痛苦的
thòng-khóo ê
攏是別人的心肝
lóng-sī pa̍t-lâng ê sim-kuann
]]>今夜又閣想起你https://2blog.ilc.edu.tw/32745/2021/11/03/%e4%bb%8a%e5%a4%9c%e5%8f%88%e9%96%a3%e6%83%b3%e8%b5%b7%e4%bd%a0-2/Tue, 02 Nov 2021 22:53:12 +0000https://2blog.ilc.edu.tw/32745/?p=61051
《今夜又閣夢見你》Kim-iā Iū-koh Bāng-kìnn Lí
馮偉傑Pâng Uí-kia̍t
——————————————
因為你的離開
in-uī lí ê lī-khui
我生活欠一味
guá sing-ua̍h khiàm tsi̍t-bī
過去彼段感情
kuè-khì hit tuānn kám-tsîng
我攏毋敢想起
guá lóng m̄-kánn siūnn-khí
關於你去佗位
kuan-î lí khì tó-uī
攏無消無息
lóng bô-siau-bô-sik
連朋友
liân pîng-iú
也毋敢對我講起
iā m̄-kánn tuì guá kóng-khí
心愛的
sim-ài–ê
今夜又閣夢見你
kim-iā iū-koh bāng-kìnn lí
夢見你
bāng-kìnn lí
倚踮我的身軀邊
uá tiàm guá ê sin-khu-pinn
喙角的笑容
tshuì-kak ê tshiò-iông
猶原遐爾甜
iu-guân hiah-nī tinn
天光以前
thinn kng í-tsîng
請你毋通來離開
tshiánn lí m̄-thang lâi lī-khui
有人問我為啥物
ū-lâng mn̄g guá uī-siánn-mih
我毋願離開
guá m̄-guān lī-khui
我講因為這間厝內
guá kóng in-uī tsit king tshù-lāi
有伊的芳味
ū i ê phang-bī
雖然海角天邊
sui-jiân hái-kak thinn-pinn
你遠走高飛
lí uán-tsáu ko-hui
床頭邊
tshn̂g-thâu pinn
猶刻著咱的名字
iáu khik tio̍h lán ê miâ-jī
]]>