陳秀玲 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sat, 03 Aug 2024 00:44:31 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg陳秀玲 – 臺語正字歌詞部落格https://2blog.ilc.edu.tw/327453232 失落的心https://2blog.ilc.edu.tw/32745/2024/08/03/%e5%a4%b1%e8%90%bd%e7%9a%84%e5%bf%83-2/Sat, 03 Aug 2024 00:44:31 +0000https://2blog.ilc.edu.tw/32745/?p=105871
《失落的心》Sit-lo̍h ê Sim
陳秀玲Tân Siù-lîng
——————————————
失落的心天頂飛
sit-lo̍h ê sim thinn-tíng pue
受傷靈魂咧徘徊
siū-siong lîng-hûn teh pâi-huê
哪會堪
ná ē-kham
風咧吹雨淋過
hong teh tshue hōo lâm–kuè
上驚孤單來做伙
siōng kiann koo-tuann lâi tsò-hué
我的心
guá ê sim
像玻璃遐爾脆
tshiūnn po-lê hiah-nī tshè
無細膩碎滿地
bô-sè-jī tshuì muá-tē
我要求無算濟
guá iau-kiû bô-sǹg tsuē
我只是需要有人陪
guá tsí-sī su-iàu ū-lâng puê
我的悲傷啥人體會
guá ê pi-siong siánn-lâng thé-huē
一片真情
it-phiàn tsin-tsîng
擲落海底
tàn lo̍h hái-té
]]>思念的你https://2blog.ilc.edu.tw/32745/2024/08/03/%e6%80%9d%e5%bf%b5%e7%9a%84%e4%bd%a0/Sat, 03 Aug 2024 00:42:55 +0000https://2blog.ilc.edu.tw/32745/?p=105868
《思念的你》Su-liām ê Lí
陳秀玲Tân Siù-lîng
——————————————
思念的
su-liām ê
你泡的茶
lí phàu ê tê
思念的
su-liām ê
你問我食飽未
lí mn̄g guá tsia̍h-pá–buē
這條感情線
tsit tiâu kám-tsîng-suànn
綿綿的心肝
mî-mî ê sim-kuann
牽著咱情深深
khan-tio̍h lán tsîng tshim-tshim
一直行
it-ti̍t kiânn
忽然間無奈運命
hut-jiân-kan bô-nāi ūn-miā
強強來共你𤆬
kiōng-kiōng lâi kā lí tshuā
無帶念阮的心情
bô tài-liām gún ê sim-tsîng
雄雄來拆散
hiông-hiông lâi thiah-suànn
啊~我真毋甘
ah~ guá tsin m̄-kam
啊~我真毋願
ah~ guá tsin m̄-guān
思念你溫柔的笑聲
su-liām lí un-jiû ê tshiò-siann
思念你堅強的形影
su-liām lí kian-kiông ê hîng-iánn
]]>傷心的城市https://2blog.ilc.edu.tw/32745/2024/08/03/%e5%82%b7%e5%bf%83%e7%9a%84%e5%9f%8e%e5%b8%82-3/Sat, 03 Aug 2024 00:41:04 +0000https://2blog.ilc.edu.tw/32745/?p=105865
《傷心的城市》Siong-sim ê Siânn-tshī
陳秀玲Tân Siù-lîng
——————————————
花蕊若蔫去
hue-luí nā lian–khì
落葉嘛會青
lo̍h-hio̍h mā ē tshinn
欲等花開時
beh tán hue khui sî
明年的春天
mê-nî ê tshun-thinn
想欲來問天
siūnn-beh lâi mn̄g thinn
敢知阮心意
kám tsai gún sim-ì
相逢等待月光圓
siong-hông tán-thāi gue̍h-kng înn
棉被冷吱吱
mî-phuē líng-ki-ki
枕頭伴相思
tsím-thâu phuānn siunn-si
寂寞月暝
tsi̍k-bo̍k gue̍h-mî
總是想你
tsóng-sī siūnn lí
踮茫茫三更
tiàm bâng-bâng sann-kinn
啊~欲往佗位去
ah~ beh óng tó-uī khì
袂閣想起你
buē koh siūnn-khí lí
我毋願我毋願
guá m̄-guān guá m̄-guān
徘徊傷心的城市
pâi-huê siong-sim ê siânn-tshī
過去所有的美麗
kuè-khì sóo-ū ê bí-lē
不再夢中閃爍
put-tsài bāng-tiong siám-sih
愛佮恨
ài kah hūn
猶原雙飛又雙纏
iu-guân siang-pue iū siang-tînn
]]>愛情三字歌https://2blog.ilc.edu.tw/32745/2024/08/03/%e6%84%9b%e6%83%85%e4%b8%89%e5%ad%97%e6%ad%8c/Sat, 03 Aug 2024 00:39:15 +0000https://2blog.ilc.edu.tw/32745/?p=105862
《愛情三字歌》Ài-tsîng Sann-jī Kua
陳秀玲Tân Siù-lîng
——————————————
人之初
jîn tsi tshoo
性本善
sìng pún siān
–
聽人講著愛情
thiann lâng kóng-tio̍h ài-tsîng
遮輕鬆
tsiah khin-sang
為何愛你
uī-hô ài lí
愛甲遮爾煩
ài kah tsiah-nī huân
一暝幾若夢
tsi̍t-mî kuí-lō bāng
伸手予你牽
tshun-tshiú hōo lí khan
醒來哭甲
tshínn–lâi khàu kah
目箍紅紅陷陷陷
ba̍k-khoo âng-âng ha̋m-hām-hām
胭脂水粉
ian-tsi tsuí-hún
抹予上幼工
buah hōo siōng iù-kang
為著愛你看阮媠噹噹
uī-tio̍h ài lí khuànn gún suí-tang-tang
芳精較毋甘
phang-tsing khah m̄-kam
嘛透水洗頭鬃
mā thàu tsuí sé thâu-tsang
阮的初戀
gún ê tshoo-luân
已經決定予你
í-king kuat-tīng hōo lí
無別人
bô pa̍t-lâng
甘願青春
kam-guān tshing-tshun
摒予空空空
piànn hōo kha̋ng-khang-khang
毋知敢通
m̄-tsai kám thang
沃你澹澹澹
ak lí ta̋m-tâm-tâm
你哪會有影
lí ná ē ū-iánn
遮爾甘甘甘
tsiah-nī ka̋m-kam-kam
放阮沿路綴甲
pàng gún iân-lōo tè kah
喘喘喘
tshuán-tshuán-tshuán
阮是空杯
gún sī khang pue
攑予懸懸懸
gia̍h hōo kua̋n-kuân-kuân
等你用愛
tán lí iōng ài
予阮茫茫茫
hōo gún ba̋ng-bâng-bâng
情路行甲
tsîng-lōo kiânn kah
遮爾彎彎彎
tsiah-nī ua̋n-uan-uan
愛字規丸
ài–jī kui-uân
揹甲忝忝忝
phāinn kah thiám-thiám-thiám
阮逐工若花瓶
gún ta̍k-kang ná hue-pân
無你的愛
bô lí ê ài
穎袂完全
ínn buē uân-tsuân
只有目睭
tsí-ū ba̍k-tsiu
激予ha̋ng-hang-hang
kik hōo ha̋ng-hang-hang
繼續為你等等等
kè-sio̍k uī lí tán tán-tán
三字經寫予讀書人
sann-jī-king siá hōo tha̍k-tsu-lâng
阮的歌
gún ê kua
只唱予你一个人
tsí tshiùnn hōo lí tsi̍t-ê lâng
]]>疼佇心內愛佇心內https://2blog.ilc.edu.tw/32745/2024/08/03/%e7%96%bc%e4%bd%87%e5%bf%83%e5%85%a7%e6%84%9b%e4%bd%87%e5%bf%83%e5%85%a7/Sat, 03 Aug 2024 00:37:23 +0000https://2blog.ilc.edu.tw/32745/?p=105858
《疼佇心內愛佇心內》Thiànn Tī Sim-lāi Ài Tī Sim-lāi
陳秀玲Tân Siù-lîng
——————————————
明知會傷心
bîng-tsai ē siong-sim
偏偏思念特別深
phian-phian su-liām ti̍k-pia̍t tshim
愛你到如今
ài lí kàu jû-kim
偏偏講袂出原因
phian-phian kóng buē-tshut guân-in
做陣遐濟冬
tsuè-tīn hiah tsuē tang
叫阮是毋甘毋願放
kiò gún sī m̄-kam m̄-guān pàng
每一暝等待你入夢
muí tsi̍t-mî tán-thāi lí ji̍p-bāng
問你的行蹤
mn̄g lí ê hîng-tsong
總是無定無時陣
tsóng-sī bô-tiānn bô sî-tsūn
想你的心情
siūnn lí ê sim-tsîng
上驚欲暗的黃昏
siōng kiann beh àm ê hông-hun
約束遐爾濟
iok-sok hiah-nī tsuē
像石頭沉落大海底
tshiūnn tsio̍h-thâu tîm-lo̍h tuā-hái té
莫非咱的愛
bo̍k-hui lán ê ài
已經再會
í-king tsài-huē
問你敢知
mn̄g lí kám tsai
你敢會知
lí kám ē tsai
有一種疼
ū tsi̍t-tsióng thiànn
是疼佇心內
sī thiànn tī sim-lāi
有話阮是家己吞落
ū uē gún sī ka-kī thun–lo̍h
家己恬恬悲哀
ka-kī tiām-tiām pi-ai
希望你知
hi-bāng lí tsai
希望你知
hi-bāng lí tsai
有一種愛
ū tsi̍t-tsióng ài
是愛佇心內
sī ài tī sim-lāi
輕聲為你唱出等待
khin-siann uī lí tshiùnn-tshut tán-thāi
但願今夜夢中
tān-guān kim-iā bāng-tiong
有你的愛
ū lí ê ài
]]>玫瑰心https://2blog.ilc.edu.tw/32745/2022/11/30/%e7%8e%ab%e7%91%b0%e5%bf%83-2/Tue, 29 Nov 2022 22:43:52 +0000https://2blog.ilc.edu.tw/32745/?p=82007
《玫瑰心》Muî-kuì Sim
陳秀玲Tân Siù-lîng
——————————————
你愛我的心
lí ài guá ê sim
若海上帆船
ná hái-siōng phâng-tsûn
浮浮沉沉的情
phû-phû-tîm-tîm ê tsîng
真假分袂明
tsin-ké hun buē-bîng
敢講是這段戀情
kám-kóng sī tsit tuānn luân-tsîng
袂當來穩定
buē-tàng lâi ún-tīng
茫茫渺渺
bông-bông-biáu-biáu
揣無岸通停
tshuē-bô huānn thang thîng
若問阮的心
nā mn̄g gún ê sim
愛你有偌深
ài lí ū guā tshim
恬恬為你付出
tiām-tiām uī lí hù-tshut
你攏看袂清
lí lóng khuànn buē-tshing
真情煞變成傷心
tsin-tsîng suah piàn-sîng siong-sim
夜夜為你眩
Iā-iā uī lí hîn
為何？？你的心堅定
uī-hô ? ? lí ê sim kian-tīng
玫瑰心
muî-kuì sim
初戀情
tshoo-luân tsîng
哪會為你拄風湧
ná ē uī lí tú hong-íng
敢是命中註定阮
kám-sī miā-tiong tsù-tiānn gún
有情有愛無緣份
ū tsîng ū ài bô iân-hūn
玫瑰心
muî-kuì sim
孤單情
koo-tuann tsîng
花謝落塗退流行
hue siā lo̍h-thôo thè liû-hîng
孤單青春到如今
koo-tuann tshing-tshun kàu jû-kim
失落的心
sit-lo̍h ê sim
只有揣你還
tsí-ū tshuē lí hîng
]]>無緣感情線https://2blog.ilc.edu.tw/32745/2022/11/30/%e7%84%a1%e7%b7%a3%e6%84%9f%e6%83%85%e7%b7%9a/Tue, 29 Nov 2022 22:41:39 +0000https://2blog.ilc.edu.tw/32745/?p=82004
《無緣感情線》Bô-iân Kám-tsîng-suànn
陳秀玲Tân Siù-lîng
——————————————
過去的人
kuè-khì ê lâng
過去的戀夢
kuè-khì ê luân-bāng
怎樣無情
tsuánn-iūnn bô-tsîng
煞來變成空
suah lâi piàn-sîng khang
思念的人
su-liām ê lâng
思念的留戀
su-liām ê liû-luân
多情的人
to-tsîng ê lâng
受命運戲弄
siū miā-ūn hì-lāng
浮浮沉沉
phû-phû-tîm-tîm
親像手中的感情線
tshin-tshiūnn tshiú-tiong ê kám-tsîng-suànn
牽到最後
khan kah tsuè-āu
也是來分散
iā-sī lâi hun-suànn
毋敢拍開
m̄-kánn phah-khui
斟酌看手中
tsim-tsiok khuànn tshiú-tiong
彼條感情線
hit tiâu kám-tsîng-suànn
孤孤單單親像我
koo-koo-tuann-tuann tshin-tshiūnn guá
毋敢越頭
m̄-kánn ua̍t-thâu
閣再看彼條
koh-tsài khuànn hit tiâu
無緣的感情線
bô-iân ê kám-tsîng-suànn
予阮一人變無伴
hōo gún tsi̍t-lâng piàn bô-phuānn
]]>斷線情https://2blog.ilc.edu.tw/32745/2022/11/15/%e6%96%b7%e7%b7%9a%e6%83%85-3/Tue, 15 Nov 2022 13:03:05 +0000https://2blog.ilc.edu.tw/32745/?p=81597
《斷線情》Tn̄g-suànn Tsîng
陳秀玲Tân Siù-lîng
——————————————
情夢愈揹愈濟
tsîng-bāng jú phāinn jú tsē
情話愈拆愈白
tsîng-uē jú thiah jú pe̍h
風風雨雨
hong-hong-ú-ú
等無你一个
tán bô lí tsi̍t-ê
看無你的跤步
khuànn-bô lí ê kha-pōo
才知你是
tsiah tsai lí sī
斷線的風吹
tn̄g-suànn ê hong-tshue
愛情這條路
ài-tsîng tsit tiâu lōo
有夠狹
ū-kàu e̍h
情路愈退愈後
tsîng-lōo jú thè jú āu
燒酒愈啉愈厚
sio-tsiú jú lim jú kāu
日日夜夜
ji̍t-ji̍t-iā-iā
等無你回頭
tán-bô lí huê-thâu
風吹著半爿月
hong-tshue tio̍h puànn-pîng gue̍h
照著彼段
tsiò tio̍h hit tuānn
往事的門口
óng-sū ê mn̂g-kháu
才知心著賊偷
tsiah tsai sim tio̍h-tsha̍t-thau
斷線的你
tn̄g-suànn ê lí
無越頭
bô ua̍t-thâu
進攏無步
tsìn lóng bô-pōo
退攏無路
thè lóng bô-lōo
失去愛
sit-khì ài
無岸通倚靠
bô huānn thang uá-khò
愛無前途
ài bô tsiân-tôo
恨無地討
hūn bô-tè thó
攏是上遙遠的路
lóng-sī siōng iâu-uán ê lōo
進攏無步
tsìn lóng bô-pōo
退攏無路
thè lóng bô-lōo
夢已經愈飛愈遠
bāng í-king jú pue jú hn̄g
愈等愈糊塗
jú tán jú hôo-tôo
親像斷線的情
tshin-tshiūnn tn̄g-suànn ê tsîng
拍袂開的鎖
phah buē-khui ê só
]]>我是你的人https://2blog.ilc.edu.tw/32745/2022/11/15/%e6%88%91%e6%98%af%e4%bd%a0%e7%9a%84%e4%ba%ba-5/Tue, 15 Nov 2022 13:01:41 +0000https://2blog.ilc.edu.tw/32745/?p=81595
《我是你的人》Guá Sī Lí ê Lâng
陳秀玲Tân Siù-lîng
——————————————
欲分開彼一暗
beh hun-khui hit tsi̍t-àm
窗外寒風帶雨淋
thang-guā hân-hong tuà hōo lâm
只有路燈暗淡
tsí-ū lōo-ting àm-tām
看見咱心沉重
khuànn-kìnn lán sim tîm-tāng
彼暝阮攏無睏
hit-mî gún lóng bô khùn
一條情歌唱袂定
tsi̍t-tiâu tsîng-kua tshiùnn buē tiānn
聲聲是今生無怨嘆
siann-siann sī kim-sing bô uàn-thàn
我是你的人
guá sī lí ê lâng
當初你我雙人
tong-tshoo lí guá siang-lâng
青春夢攏總相仝
tshing-tshun bāng lóng-tsóng sio-kāng
青春夢到盈暗
tshing-tshun bāng kah îng-àm
希望會當照心願
hi-bāng ē-tàng tsiàu sim-guān
相思彼蕊花欉
siunn-si hit luí hue-tsâng
雖然經過風吹雨淋
sui-jiân king-kuè hong tshue hōo lâm
如今閣再相見
jû-kim koh-tsài sio-kìnn
笑容猶原遐爾芳
tshiò-iông iu-guân hiah-nī phang
有情天有暗示
ū-tsîng thinn ū àm-sī
有情人愛堅持
ū-tsîng lâng ài kian-tshî
純情花無放棄
sûn-tsîng hue bô hòng-khì
純情歌
sûn-tsîng kua
多情的意義
to-tsîng ê ì-gī
]]>真心希望愛https://2blog.ilc.edu.tw/32745/2022/11/15/%e7%9c%9f%e5%bf%83%e5%b8%8c%e6%9c%9b%e6%84%9b/Tue, 15 Nov 2022 13:00:12 +0000https://2blog.ilc.edu.tw/32745/?p=81593
《真心希望愛》Tsin-sim Hi-bāng Ài
陳秀玲Tân Siù-lîng
——————————————
陣陣冷風無熟似
tsūn-tsūn líng-hong bô si̍k-sāi
聲聲陪阮咧感慨
siann-siann puê gún teh kám-khài
想當初
siūnn tong-tshoo
想未來
siūnn bī-lâi
毋知相思遐爾利
m̄-tsai siunn-si hiah-nī lāi
步步接近的期待
pōo-pōo tsiap-kīn ê kî-thāi
茫茫人生的舞臺
bâng-bâng jîn-sing ê bú-tâi
是甘甜
sī kam-tinn
是悲哀
sī pi-ai
但願有你做後臺
tān-guān ū lí tsuè āu-tâi
深深希望愛
tshim-tshim hi-bāng ài
真心猶原在
tsin-sim iu-guân tsāi
燦爛若是虛華
tshàn-lān nā-sī hi-hua
阮甘願無人知
gún kam-guān bô-lâng tsai
深深希望愛
tshim-tshim hi-bāng ài
堅心閣等待
kian-sim koh tán-thāi
最後的光彩
tsuè-āu ê kong-tshái
也是當初你的愛
iā-sī tong-tshoo lí ê ài
]]>