陳燕芬 – 臺語正字歌詞部落格https://2blog.ilc.edu.tw/32745這是一個臺語歌曲正字網站Wed, 24 Jul 2024 12:45:33 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg陳燕芬 – 臺語正字歌詞部落格https://2blog.ilc.edu.tw/327453232 委屈一句話https://2blog.ilc.edu.tw/32745/2024/07/24/%e5%a7%94%e5%b1%88%e4%b8%80%e5%8f%a5%e8%a9%b1/Wed, 24 Jul 2024 12:45:33 +0000https://2blog.ilc.edu.tw/32745/?p=105222
《委屈一句話》Uí-khut Tsi̍t-kù Uē
陳燕芬Tân Iàn-hun
——————————————
夜蟲聲啼叫
iā-thâng siann thî-kiò
心稀微
sim hi-bî
想著彼當時
siūnn-tio̍h hit-tong-sî
雙雙對對形影不分離
siang-siang tuì-tuì hîng-iánn put hun-lî
手牽手行路邊
tshiú khan-tshiú kiânn lōo-pinn
路燈暗淡
lōo-ting àm-tām
照在四邊
tsiò tsāi sì-pinn
遮爾無元氣
tsiah-nī bô guân-khì
叫人有話歹講起
kiò lâng ū uē pháinn kóng-khí
我心內有委屈一句話
guá sim-lāi ū uí-khut tsi̍t-kù uē
欲對啥人講起
beh tuì siánn-lâng kóng-khí
]]>哪會看無人https://2blog.ilc.edu.tw/32745/2024/07/24/%e5%93%aa%e6%9c%83%e7%9c%8b%e7%84%a1%e4%ba%ba/Wed, 24 Jul 2024 12:44:06 +0000https://2blog.ilc.edu.tw/32745/?p=105220
《哪會看無人》Ná Ē Khuànn-bô Lâng
陳燕芬Tân Iàn-hun
——————————————
呢呢呢
neh neh neh
哪會看無人
ná ē khuànn-bô lâng
呢呢呢
neh neh neh
毋知走佗藏
m̄-tsai tsáu toh tshàng
想著心沉重
siūnn-tio̍h sim tîm-tāng
想著心茫茫
siūnn-tio̍h sim bâng-bâng
較想嘛是無彩工
khah siūnn mā sī bô-tshái-kang
若是無看伊一人
nā sī bô khuànn i tsi̍t-lâng
心情一定袂輕鬆
sim-tsîng it-tīng buē khin-sang
為伊思戀遮爾重
uī i su-luân tsiah-nī tāng
呢呢呢
neh neh neh
哪會看無人
ná ē khuànn-bô lâng
呢呢呢
neh neh neh
毋知走佗藏
m̄-tsai tsáu toh tshàng
想著心沉重
siūnn-tio̍h sim tîm-tāng
想著心茫茫
siūnn-tio̍h sim bâng-bâng
為何走甲看無人
uī-hô tsáu kah khuànn-bô lâng
]]>莫閣來這套https://2blog.ilc.edu.tw/32745/2024/07/24/%e8%8e%ab%e9%96%a3%e4%be%86%e9%80%99%e5%a5%97-2/Wed, 24 Jul 2024 12:42:34 +0000https://2blog.ilc.edu.tw/32745/?p=105218
《莫閣來這套》Mài Koh Lâi Tsit Thò
陳燕芬Tân Iàn-hun
——————————————
雖然你對我好
sui-jiân lí tuì guá hó
我將你當做是兄哥
guá tsiong lí tòng-tsuè sī hiann-ko
你的心內想啥物
lí ê sim-lāi siūnn siánn-mih
阮嘛實在袂清楚
gún mā si̍t-tsāi buē tshing-tshó
實在對你講
si̍t-tsāi tuì lí kóng
又驚你煩惱
iū kiann lí huân-ló
送阮禮品閣攏遐爾好
sàng gún lé-phín koh lóng hiah-nī hó
收著你的物件
siu-tio̍h lí ê mi̍h-kiānn
才知是○○
tsiah tsai sī ??
恁兜有一个好兄嫂
lín tau ū tsi̍t-ê hó hiann-só
千萬莫閣來這套
tshian-bān mài koh lâi tsit thò
]]>港邊傷心人https://2blog.ilc.edu.tw/32745/2024/07/24/%e6%b8%af%e9%82%8a%e5%82%b7%e5%bf%83%e4%ba%ba/Wed, 24 Jul 2024 12:41:13 +0000https://2blog.ilc.edu.tw/32745/?p=105216
《港邊傷心人》Káng-pinn Siong-sim Lâng
陳燕芬Tân Iàn-hun
——————————————
手來拭著傷心的目屎
tshiú lâi tshit tio̍h-siong sim ê ba̍k-sái
無限感慨在心內
bû-hān kám-khài tsāi sim-lāi
過去的一段苦苦的愛
kuè-khì ê tsi̍t-tuānn khóo-khóo ê ài
你敢全然毋知
lí kám tsuân-jiân m̄-tsai
如今如今才知
jû-kim jû-kim tsiah tsai
你按怎毋轉來
lí án-tsuánn m̄ tńg–lâi
因為揣著新心愛
in-uī tshuē-tio̍h sin sim-ài
啊~抑是嫌阮
ah~ ia̍h-sī hiâm gún
生做比別人較䆀
senn-tsuè pí pa̍t-lâng khah bái
]]>愛情像浮雲https://2blog.ilc.edu.tw/32745/2024/07/24/%e6%84%9b%e6%83%85%e5%83%8f%e6%b5%ae%e9%9b%b2/Wed, 24 Jul 2024 12:39:49 +0000https://2blog.ilc.edu.tw/32745/?p=105214
《愛情像浮雲》Ài-tsîng Tshiūnn Phû-hûn
陳燕芬Tân Iàn-hun
——————————————
看著你對阮笑呅呅
khuànn-tio̍h lí tuì gún tshiò bûn-bûn
心內一直交懍恂
sim-lāi it-ti̍t ka-lún-sún
無熟似就無緣份
bô si̍k-sāi tiō bô iân-hūn
愛情像浮雲
ài-tsîng tshiūnn phû-hûn
毋知你做啥物
m̄-tsai lí tsuè siánn-mih
想欲約阮
siūnn-bueh iok gún
阮當然袂允准
gún tong-jiân buē ún-tsún
毋免戲弄阮青春
m̄-bián hì-lāng gún tshing-tshun
阮毋是真認份
gún m̄-sī tsin jīn-hūn
]]>過去付水流https://2blog.ilc.edu.tw/32745/2024/07/24/%e9%81%8e%e5%8e%bb%e4%bb%98%e6%b0%b4%e6%b5%81/Wed, 24 Jul 2024 12:38:29 +0000https://2blog.ilc.edu.tw/32745/?p=105212
《過去付水流》Kuè-khì Hù Tsuí Lâu
陳燕芬Tân Iàn-hun
——————————————
感情好歹無地比
kám-tsîng hó-pháinn bô-tè pí
愛著較慘死
ài–tio̍h khah tshám sí
愛情毋通當做𨑨迌物
ài-tsîng m̄-thang tòng-tsuè tshit-thô-mi̍h
害了別人誤自己
hāi liáu pa̍t-lâng gōo tsū-kí
該來的來
kai lâi–ê lâi
該去的去
kai khì–ê khì
我袂為你想袂開
guá buē uī lí siūnn buē-khui
啊~過去付流水
ah~ kuè-khì hù liû-tsuí
阮毋免別人來安慰
gún m̄-bián pa̍t-lâng lâi an-uì
]]>離別雙叉路https://2blog.ilc.edu.tw/32745/2024/07/24/%e9%9b%a2%e5%88%a5%e9%9b%99%e5%8f%89%e8%b7%af/Wed, 24 Jul 2024 12:36:55 +0000https://2blog.ilc.edu.tw/32745/?p=105210
《離別雙叉路》Lî-pia̍t Siang-tshe-lōo
陳燕芬Tân Iàn-hun
——————————————
雙人行到雙叉路
siang-lâng kiânn kàu siang-tshe-lōo
心內酸帶苦
sim-lāi sng tài khóo
欲來講一句
bueh lâi kóng tsi̍t kù
再會啦
tsài-huē–lah
天色已經漸漸烏
thinn-sik í-king tsiām-tsiām oo
珠淚恬恬滴落塗
tsu-luī tiām-tiām tih lo̍h-thôo
暗風吹酸心○
àm-hong tshue sng sim ?
今日欲離開
kim-ji̍t bueh lī-khui
你著會記
lí tio̍h ē-kì
分開佇咧雙叉路
hun-khui tī-leh siang-tshe-lōo
]]>已經無愛嫁https://2blog.ilc.edu.tw/32745/2024/07/24/%e5%b7%b2%e7%b6%93%e7%84%a1%e6%84%9b%e5%ab%81/Wed, 24 Jul 2024 12:35:38 +0000https://2blog.ilc.edu.tw/32745/?p=105208
《已經無愛嫁》Í-king Bô-ài Kè
陳燕芬Tân Iàn-hun
——————————————
講阮無情也無意
kóng gún bô-tsîng iā bô-ì
甘願予你恨落去
kam-guān hōo lí hūn–lo̍h-khì
較早阮已經有咒誓
khah-tsá gún í-king ū tsiù-tsuā
你若變心
lí nā piàn-sim
無愛予你娶
bô-ài hōo lí tshuā
人總是有志氣
lâng tsóng–sī ū tsì-khì
女性毋是𨑨迌物
lú-sìng m̄-sī tshit-thô-mi̍h
予你喝來喝去
hōo lí huah-lâi-huah-khì
將阮當做是啥物
tsiong gún tòng-tsuè sī siánn-mih
莫講遐濟
mài-kóng hiah tsuē
拜託咧
pài-thok–leh
阮已經無愛嫁
gún í-king bô-ài kè
]]>初戀的港岸https://2blog.ilc.edu.tw/32745/2024/07/24/%e5%88%9d%e6%88%80%e7%9a%84%e6%b8%af%e5%b2%b8/Wed, 24 Jul 2024 12:34:10 +0000https://2blog.ilc.edu.tw/32745/?p=105205
《初戀的港岸》Tshoo-luân ê Káng-huānn
陳燕芬Tân Iàn-hun
——————————————
又來到初戀的港岸
iū lâi kàu tshoo-luân ê káng-huānn
想起著昔日的情伴
siūnn-khí tio̍h sik-ji̍t ê tsîng-phuānn
海鳥雄雄飛過岸
hái-tsiáu hiông-hiông pue kuè huānn
予阮感覺愈孤單
hōo gún kám-kak jú koo-tuann
你敢你敢
lí kám lí kám
會記三年前
ē-kì sann-nî tsîng
約束約束
iok-sok iok-sok
來到這个港岸
lâi kàu tsit ê káng-huānn
當時對天有咒誓
tong-sî tuì thinn ū tsiù-tsuā
啊~你煞來
ah~ lí suah lâi
刺激阮心肝
tshì-kik gún sim-kuann
無疑悟
bô-gî-ngōo
你煞放捒我
lí suah pàng-sak guá
]]>田庄姑娘欲入城https://2blog.ilc.edu.tw/32745/2024/07/24/%e7%94%b0%e5%ba%84%e5%a7%91%e5%a8%98%e6%ac%b2%e5%85%a5%e5%9f%8e/Wed, 24 Jul 2024 12:32:38 +0000https://2blog.ilc.edu.tw/32745/?p=105203
《田庄姑娘欲入城》Tshân-tsng Koo-niû Beh Ji̍p-siânn
陳燕芬Tân Iàn-hun
——————————————
喙點胭脂紅記記
tshuì tiám ian-tsi âng-kì-kì
穿插又閣拋哩拋哩
tshīng-tshah iū-koh pha-lí-pha-lih
手攑一支小雨傘
tshiú gia̍h tsi̍t-ki sió hōo-suànn
欲去都市看景緻
beh khì too-tshī khuànn kíng-tì
來到都市
lâi kàu too-tshī
樓仔厝拄天
lâu-á-tshù tú-thinn
看一下強欲栽落去
khuànn tsi̍t-ē kiōng-beh tsai–lo̍h-khì
啦~心內歡喜
lah~ sim-lāi huann-hí
沿路來唱著歌詩
iân-lōo lâi tshiùnn tio̍h kua-si
]]>