陳昶均 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sat, 24 Jan 2026 13:20:46 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg陳昶均 – 臺語正字歌詞部落格https://2blog.ilc.edu.tw/327453232 我相信https://2blog.ilc.edu.tw/32745/2026/01/24/%e6%88%91%e7%9b%b8%e4%bf%a1-2/Sat, 24 Jan 2026 13:20:46 +0000https://2blog.ilc.edu.tw/32745/?p=136840
《我相信》Guá Siong-sìn
陳昶均Tân Thióng-kun
——————————————
一片真心一片情
it-phiàn tsin-sim ti̍st-phìnn tsîng
我的真心獻予你
guá ê tsin-sim hiàn hōo lí
兩人世界心連心
nn̄g-lâng sè-kài sim liân-sim
毋免別人來證明
m̄-bián pa̍t-lâng lâi tsìng-bîng
這款心電的感應
tsit khuán sim-tiān ê kám-ìng
像喘氣遐自然
tshiūnn tshuán-khuì hiah tsū-jiân
這款天生的約定
tsit khuán thian-sing ê iok-tīng
早就刻佇心
tsá tiō khik tī sim
哈啊~我相信我相信
ha-ah~ guá siong-sìn guá siong-sìn
自由的愛無地比
tsū-iû ê ài bô-tè pí
用感動的彩筆
iōng kám-tōng ê tshái-pit
畫出屬於咱的天
uē tshut sio̍k-î lán ê thinn
哈啊~我相信我相信
ha-ah~ guá siong-sìn guá siong-sìn
祝福的愛上可貴
tsiok-hok ê ài siōng khó-kuì
用歌聲邀請你
iōng kua-siann iau-tshiánn lí
伴著幸福的人
phuānn tio̍h hīng-hok ê lâng
千萬年
tshian-bān nî
]]>一夜情愁https://2blog.ilc.edu.tw/32745/2026/01/24/%e4%b8%80%e5%a4%9c%e6%83%85%e6%84%81/Sat, 24 Jan 2026 13:19:04 +0000https://2blog.ilc.edu.tw/32745/?p=136837
《一夜情愁》It-iā Tsîng-tshiû
陳昶均Tân Thióng-kun
——————————————
一夜的迷戀
it-iā ê bê-luân
夢醒變成空
bāng-tshínn piàn-sîng khang
一切命運咧戲弄
it-tshè miā-ūn teh hì-lāng
一諾千年
it-lo̍k tshian-nî
是咱幸福約定
sī lán hīng-hok iok-tīng
一場美夢
tsi̍t-tiûnn bí-bāng
怎變惡夢
tsuánn piàn ok-bāng
一意孤行的個性
it-ì koo-hîng ê kò-sìng
辜負我前程
koo-hū guá tsiân-tîng
一無所有
it-bû sóo-iú
心頭漸漸冷
sim-thâu tsiām-tsiām líng
一針見血的真言
it-tsiam kìnn-hueh ê tsin-giân
叫我澈底愛改變
kiò guá thiat-té ài kái-piàn
一語道破美麗甜言
it-gí tō-phuà bí-lē tinn-giân
一言難盡的感情傷
it-giân lân-tsīn ê kám-tsîng siong
]]>詐騙集團https://2blog.ilc.edu.tw/32745/2026/01/24/%e8%a9%90%e9%a8%99%e9%9b%86%e5%9c%98/Sat, 24 Jan 2026 13:17:14 +0000https://2blog.ilc.edu.tw/32745/?p=136834
《詐騙集團》Tsà-phiàn Tsi̍p-thuân
陳昶均Tân Thióng-kun
——————————————
若是對一个人
nā sī tuì tsi̍t-ê lâng
已經無期待
í-king bô kî-thāi
這段感情
tsit tuānn kám-tsîng
註定無將來
tsù-tiānn bô tsiong-lâi
一粒燒燒的心
tsi̍t-lia̍p sio-sio ê sim
予你冷冷對待
hōo lí líng-líng tuì-thāi
我只好對你Say Bye-bye
guá tsí-hó tuì lí Say Bye-bye
你的心內
lí ê sim-lāi
無我的存在
bô guá ê tsûn-tsāi
無結局的愛
bô kiat-kio̍k ê ài
著愛看破才應該
tio̍h-ài khuànn-phuà tsiah ing-kai
無奈的愛
bô-nāi ê ài
只有感慨佮悲哀
tsí-ū kám-khài kah pi-ai
天知地知
thinn tsai tē tsai
你敢知
lí kám tsai
你比詐騙集團較厲害
lí pí tsà-phiàn tsi̍p-thuân khah lī-hāi
Money提去開
Money the̍h khì khai
感情被迫害
kám-tsîng pī pik-hāi
傷害我不應該
siong-hāi guá put-ing-kai
蹧躂我的愛
tsau-that guá ê ài
害害害
hāi hāi hāi
你實在真害
lí si̍t-tsāi tsin hāi
既然無愛
kì-jiân bô-ài
扯扯咧重來
tshé-tshé–eh tîng-lâi
這段錯誤的愛
tsit tuānn tshò-gōo ê ài
拋落大海
phau lo̍h tuā-hái
]]>拚著一口氣https://2blog.ilc.edu.tw/32745/2026/01/24/%e6%8b%9a%e8%91%97%e4%b8%80%e5%8f%a3%e6%b0%a3/Sat, 24 Jan 2026 13:15:15 +0000https://2blog.ilc.edu.tw/32745/?p=136831
《拚著一口氣》Piànn Tio̍h Tsi̍t-kháu-khuì
陳昶均Tân Thióng-kun
——————————————
咱的頭頂
lán ê thâu-tíng
攏有一片天
lóng ū tsi̍t-phìnn thinn
一時的失敗
tsi̍t-sî ê sit-pāi
算啥物
sǹg siánn-mi̍h
面對困難
bīn-tuì khùn-lân
就算拚生死
tiō-sǹg piànn senn-sí
用我這條命
iōng guá tsit tiâu miā
我也欲堅持
guá iā beh kian-tshî
人生風湧
jîn-sing hong-íng
有落也有起
ū lo̍h iā ū khí
跤步來踏錯
kha-pōo lâi ta̍h-tshò
免失志
bián sit-tsì
提出信心
the̍h tshut sìn-sim
勇敢的男兒
ióng-kám ê lâm-jî
拭掉心中流落的彼滴淚
tshit-tiāu sim-tiong lâu–lo̍h ê hit tih luī
人生拚著一口氣
jîn-sing piànn tio̍h tsi̍t-kháu-khuì
毋驚命運兩字
m̄-kiann miā-ūn nn̄g-jī
明日的太陽
bîng-ji̍t ê thài-iông
猶原照佇咱身邊
iu-guân tsiò tī lán sin-pinn
人生拚著一口氣
jîn-sing piànn tio̍h tsi̍t-kháu-khuì
毋驚天地無講理
m̄-kiann thinn-tē bô kóng-lí
烏暗的日子
oo-àm ê ji̍t-tsí
一定會過去
it-tīng ē kuè–khì
成功有咱的名字
sîng-kong ū lán ê miâ-jī
]]>火化https://2blog.ilc.edu.tw/32745/2022/11/12/%e7%81%ab%e5%8c%96/Fri, 11 Nov 2022 23:55:05 +0000https://2blog.ilc.edu.tw/32745/?p=80748
《火化》Hué Hua
陳昶均Tân Thióng-kun
——————————————
一年一年
tsi̍t-nî tsi̍t-nî
花開又花謝
hue khui iū hue siā
累積的相思
luí-tsik ê siunn-si
懸過山
kuân kuè suann
一通一通
tsi̍t-thong tsi̍t-thong
電話一直敲
tiān-uē it-ti̍t khà
像石沉大海
tshiūnn tsio̍h tîm tuā-hái
無應聲
bô ìn-siann
愛你到遮
ài lí kàu tsia
油盡火也化
iû tsīn hué iā hua
想你到遮
siūnn lí kàu tsia
情冷心畏寒
tsîng líng sim uì-kuânn
海誓山盟
hái-sè san-bîng
美麗的咒誓
bí-lē ê tsiù-tsuā
輸過別人
su-kuè pa̍t-lâng
溫柔的手段
un-jiû ê tshiú-tuānn
風靜雨停淚焦
hong tsīng hōo thîng luī ta
敢會叫醒
kám ē kiò tshínn
你失落的心肝
lí sit-lo̍h ê sim-kuann
莫想
mài siūnn
莫講
mài-kóng
莫聽
mài thiann
愛情不過是
ài-tsîng put-kò-sī
一場春夢影
tsi̍t-tiûnn tshun-bāng iánn
]]>Piano戀歌https://2blog.ilc.edu.tw/32745/2022/11/12/piano%e6%88%80%e6%ad%8c/Fri, 11 Nov 2022 23:53:12 +0000https://2blog.ilc.edu.tw/32745/?p=80745
《Piano戀歌》Piano Luân-kua
陳昶均Tân Thióng-kun
——————————————
一道煙火
tsi̍t-tō ian-hué
空中來磅起
khong-tiong lâi pōng khí
噗仔聲也摧落
pho̍k-á-siann iā tshui–lo̍h
舞臺上
bú-tâi siōng
閃爍五色霓虹
siám-sih gōo-sik nî-hông
上扦的piano
siōng tshuann ê piano
一个樂師先
tsi̍t-ê ga̍k-su-sian
擺著兩張譜
pái tio̍h nn̄g-tiunn phóo
三聲彈出Mi Re Do
sann-siann tuânn-tshut Mi Re Do
伊對透早
i tuì thàu-tsá
就彩排到彼下晡
tiō tshái-pâi kàu hit ē-poo
愈彈心愈快樂
jú tuânn sim jú khuài-lo̍k
來啊來
lâi–ah lâi
逐家真快樂
ta̍k-ke tsin khuài-lo̍k
阮唱歌予恁欣賞
gún tshiùnn-kua hōo lín him-sióng
來啊來
lâi–ah lâi
燒酒寬寬仔倒
sio-tsiú khuann-khuann-á tò
滿面攏是笑容
muá-bīn lóng-sī tshiò-iông
一首老情歌
tsi̍t-siú lāu tsîng-kua
陪咱行過
puê lán kiânn kuè
歡喜佮悲傷
huann-hí kah pi-siong
上蓋懷念
siōng-kài huâi-liām
舊時阮厝內
kū-sî gún tshù-lāi
彼台piano
hit tâi piano
]]>夜夜情https://2blog.ilc.edu.tw/32745/2022/11/12/%e5%a4%9c%e5%a4%9c%e6%83%85/Fri, 11 Nov 2022 23:51:40 +0000https://2blog.ilc.edu.tw/32745/?p=80742
《夜夜情》Iā-iā Tsîng
陳昶均Tân Thióng-kun
——————————————
相愛簡單
siong-ài kán-tan
相處哪會遐爾困難
siong-tshú ná ē hiah-nī khùn-lân
真情付出
tsin-tsîng hù-tshut
換心沉重
uānn sim tîm-tāng
想彼時
siūnn hit-sî
情深義重
tsîng tshim gī tāng
夜夜迷戀
iā-iā bê-luân
到如今
kàu jû-kim
人去樓也空
lâng khì lâu iā khang
愛情做白工
ài-tsîng tsuè pe̍h-kang
心肝遮爾亂
sim-kuann tsiah-nī luān
閣再痴戀
koh-tsài tshi-luân
我是戇人
guá sī gōng-lâng
雄雄聽見
hiông-hiông thiann-kìnn
月娘叫我毋通毋通
gue̍h-niû kiò guá m̄-thang m̄-thang
情場失敗
tsîng-tiûnn sit-pāi
毋免心寒
m̄-bián sim-hân
有情的人
ū-tsîng ê lâng
後一站啊
āu tsi̍t tsām–ah
為我等
uī guá tán
]]>心的住址https://2blog.ilc.edu.tw/32745/2022/11/12/%e5%bf%83%e7%9a%84%e4%bd%8f%e5%9d%80/Fri, 11 Nov 2022 23:49:50 +0000https://2blog.ilc.edu.tw/32745/?p=80739
《心的住址》Sim ê Tsū-tsí
陳昶均Tân Thióng-kun
——————————————
冷冷的月
líng-líng ê gue̍h
照在窗邊
tsiò tsāi thang-pinn
窗內孤影伴相思
thang-lāi koo-iánn phuānn siunn-si
想著過去甜蜜日子
siūnn-tio̍h kuè-khì tinn-bi̍t ji̍t-tsí
心肝內陣陣傷悲
sim-kuann-lāi tsūn-tsūn siong-pi
你來離開
lí lâi lī-khui
講是不得已
kóng sī put-tik-í
彼段感情
hit tuānn kám-tsîng
就欲放棄
tiō beh hòng-khì
想欲問你哪會按呢
siūnn-beh mn̄g lí ná-ē án-ne
對我遮無公平
tuì guá tsiah bô kong-pînn
風咧哭
hong teh khàu
雨流淚
hōo lâu-luī
啥人知影我心碎
siánn-lâng tsai-iánn guá sim tshuì
將這跤無緣手指
tsiong tsit kha bô-iân tshiú-tsí
大力拋向天邊
tuā-la̍t phau hiòng thinn-pinn
心的住址
sim ê tsū-tsí
已經無你
í-king bô lí
]]>痴情夜港邊https://2blog.ilc.edu.tw/32745/2022/11/12/%e7%97%b4%e6%83%85%e5%a4%9c%e6%b8%af%e9%82%8a/Fri, 11 Nov 2022 23:48:20 +0000https://2blog.ilc.edu.tw/32745/?p=80736
《痴情夜港邊》Tshi-tsîng Iā Káng-pinn
陳昶均Tân Thióng-kun
——————————————
痴情夜港邊
tshi-tsîng iā káng-pinn
船螺聲響四邊
tsûn-lê siann hiáng sì-pinn
引我傷情
ín guá siong-tsîng
心內稀微
sim-lāi hi-bî
我愛你
guá ài lí
勝過我家己
sìng-kuè guá ka-tī
誰知你無情離開
siáng tsai lí bô-tsîng lī-khui
辜負著痴情的男兒
koo-hū tio̍h tshi-tsîng ê lâm-jî
愛難捨
ài lân-siá
情難離
tsîng lân-lî
暗相思
àm siunn-si
希望流星
hi-bāng liû-tshinn
傳達予你
thuân-ta̍t hōo lí
佮你再相見
kah lí tsài sann-kìnn
重溫咱甜蜜的情意
tiông-un lán tinn-bi̍t ê tsîng-ì
]]>戇人有天來疼https://2blog.ilc.edu.tw/32745/2022/11/12/%e6%88%87%e4%ba%ba%e6%9c%89%e5%a4%a9%e4%be%86%e7%96%bc/Fri, 11 Nov 2022 23:46:49 +0000https://2blog.ilc.edu.tw/32745/?p=80733
《戇人有天來疼》Gōng-lâng Ū Thinn Lâi Thiànn
陳昶均Tân Thióng-kun
——————————————
夜靜門埕春山空
iā-tsīng mn̂g-tiânn tshun-suann khang
冷露無聲桂花落
líng-lōo bô-siann kuì-hue lo̍h
秋風送來陣陣芳
tshiu-hong sàng lâi tsūn-tsūn phang
思念阿母的氣味
su-liām a-bú ê khì-bī
抱著滿腹理想
phō tio̍h muá-pak lí-sióng
離開故鄉
lī-khui kòo-hiong
哪知繁華光景
ná tsai huân-huâ kong-kíng
已經無四序
í-king bô sù-sī
青春一去不回頭
tshing-tshun it-khì put huê-thâu
再回頭夢袂圓
tsài huê-thâu bāng buē înn
孤鳥哀啼
koo-tsiáu ai-thî
想欲回鄉里
siūnn-beh huê hiong-lí
月光光天星星
gue̍h kng-kng thinn tshinn-tshinn
親像叫阮緊轉去
tshin-tshiūnn kiò gún kín tńg–khì
踮阿爸阿母的身邊
tiàm a-pa a-bú ê sin-pinn
無成功
bô sîng-kong
免悲傷
bián pi-siong
實實在在來做人
si̍t-si̍t-tsāi-tsāi lâi tsuè-lâng
戇人有天來疼
gōng-lâng ū thinn lâi thiànn
]]>