陳夏蓮 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sat, 05 Feb 2022 05:56:10 +0000zh-TWhourly1https://wordpress.org/?v=6.6.10https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg陳夏蓮 – 臺語正字歌詞部落格https://2blog.ilc.edu.tw/327453232 情債https://2blog.ilc.edu.tw/32745/2022/02/05/%e6%83%85%e5%82%b5-5/Sat, 05 Feb 2022 05:56:10 +0000https://2blog.ilc.edu.tw/32745/?p=64430
《情債》Tsîng-tsè
陳夏蓮Tân Hā-liân
——————————————
情字欲寫
tsîng–jī beh siá
真簡單
tsin kán-tan
無心變成生份人
bô-sim piàn-sîng tshenn-hūn-lâng
不如放棄
put-jû hòng-khì
雙手放
siang-tshiú pàng
予你我袂閣留戀
hōo lí guá buē koh liû-luân
愛字欲講
ài–jī beh kóng
真簡單
tsin kán-tan
無心變成冤仇人
bô-sim piàn-sîng uan-siû-lâng
不如看破分西東
put-jû khuànn-phuà hun se-tang
予你我輕輕鬆鬆
hōo lí guá khin-khin-sang-sang
情債按怎判輸贏
tsîng-tsè án-tsuánn phuànn su-iânn
攑頭有天公咧看
gia̍h-thâu ū thinn-kong teh khuànn
分開了後
hun-khui liáu-āu
才來跋心機用手段
tsiah lâi pua̍h sim-ki iōng tshiú-tuānn
情債按怎判輸贏
tsîng-tsè án-tsuánn phuànn su-iânn
人咧做
lâng teh tsò
有天咧看
ū thinn teh khuànn
分手了後
hun-tshiú liáu-āu
莫閣心毋甘情毋願
mài koh sim m̄-kam tsîng m̄-guān
]]>愛阮https://2blog.ilc.edu.tw/32745/2022/02/05/%e6%84%9b%e9%98%ae-2/Sat, 05 Feb 2022 05:54:54 +0000https://2blog.ilc.edu.tw/32745/?p=64427
《愛阮》Ài Gún
陳夏蓮Tân Hā-liân
——————————————
一杯紅酒
tsi̍t-pue âng-tsiú
配著淡薄仔的憂愁
phuè tio̍h tām-po̍h-á ê iu-tshiû
一份相思
tsi̍t-hūn siunn-si
向望月娘轉達伊
ǹg-bāng gue̍h-niû tsuán-ta̍t i
一份真情
tsi̍t-hūn tsin-tsîng
望君珍惜
bāng kun tin-sioh
日日夜夜
ji̍t-ji̍t-iā-iā
將阮思念一直燒
tsiong gún su-liām it-ti̍t sio
一句愛阮
tsi̍t-kù ài gún
將伊收囥咧心底
tsiong i siu khǹg teh sim-té
一段情緣
tsi̍t-tuānn tsîng-iân
敢是天公來做媒
kám-sī thinn-kong lâi tsò-muê
一份真情
tsi̍t-hūn tsin-tsîng
啊~毋是假
ah~ m̄-sī ké
久久長長
kú-kú-tn̂g-tn̂g
是有情人的山盟海誓
sī ū-tsîng lâng ê san-bîng hái-sè
毋通咒誓
m̄-thang tsiù-tsuā
毋通辜負阮的情
m̄-thang koo-hū gún ê tsîng
一份真愛
tsi̍t-hūn tsin-ài
是萬年的等待
sī bān-nî ê tán-thāi
只要愛阮
tsí-iàu ài gún
只要珍惜阮青春
tsí-iàu tin-sioh gún tshing-tshun
望你陪阮
bāng lí puê gún
行完地久佮天長
kiânn uân tē-kú kah thian tn̂g
]]>感謝https://2blog.ilc.edu.tw/32745/2022/02/05/%e6%84%9f%e8%ac%9d-7/Sat, 05 Feb 2022 05:53:35 +0000https://2blog.ilc.edu.tw/32745/?p=64424
《感謝》Kám-siā
陳夏蓮Tân Hā-liân
——————————————
爸爸講阮細漢
pá-pah kóng gún sè-hàn
就是歹育晟
tiō-sī pháinn io-tshiânn
一聲吼了
tsi̍t-siann háu liáu
較等咧又一聲
khah tán–leh iū tsi̍t-siann
厝邊頭尾講阮
tshù-pinn-thâu-bué kóng gún
後擺一定是歹囝
āu-pái it-tīng sī pháinn-kiánn
媽媽伊講
má-mah i kóng
按怎嘛是心肝
án-tsuánn mā sī sim-kuann
國中畢業了後
kok-tiong pit-gia̍p liáu-āu
無讀冊
bô tha̍k-tsheh
走去唱歌
tsáu-khì tshiùnn-kua
彈一聲吉他
tuânn tsi̍t-siann gì-tah
較等咧唱一聲
khah tán–leh tshiùnn tsi̍t-siann
定定有人笑我
tiānn-tiānn ū-lâng tshiò guá
後擺無路通行
āu-pái bô-lōo thang kiânn
嘛有人叫阮
mā ū-lâng kiò gún
堅持一定會出名
kian-tshî it-tīng ē tshut-miâ
啊~毋管路偌敧
ah~ m̄-kuán lōo guā khi
隨人行
suî-lâng kiânn
毋管成功失敗了後
m̄-kuán sîng-kong sit-pāi liáu-āu
家己擔
ka-kī tann
無論你是鼓勵
bô-lūn lí sī kóo-lē
抑是咧笑我
ia̍h-sī teh tshiò guá
我一定會用真心
guá it-tīng ē iōng tsin-sim
共你感謝
kā lí kám-siā
]]>女人淚https://2blog.ilc.edu.tw/32745/2022/02/05/%e5%a5%b3%e4%ba%ba%e6%b7%9a-3/Sat, 05 Feb 2022 05:51:40 +0000https://2blog.ilc.edu.tw/32745/?p=64421
《女人淚》Lú-jîn Luī
陳夏蓮Tân Hā-liân
——————————————
月娘恬恬
gue̍h-niû tiām-tiām
掛在夜港邊
kuà tsāi iā káng-pinn
伴阮孤單
phuānn gún koo-tuann
等待彼个伊
tán-thāi hit ê i
想起你我
siūnn-khí lí guá
相愛的過去
siong-ài ê kuè-khì
唱著思啊思雙枝
tshiùnn tio̍h su–ah su-siang-ki
猶原是
iu-guân sī
毛毛小雨的暗暝
mn̂g-mn̂g sió-hōo ê àm-mî
加添思念的氣味
ka-thiam su-liām ê khì-bī
女人啊
lú-jîn–ah
總是為情痴
tsóng-sī uī tsîng tshi
夜夜珠淚到深更
iā-iā tsu-luī kàu tshim-kinn
月娘啊
gue̍h-niû–ah
請你替阮轉達伊
tshiánn lí thè gún tsuán-ta̍t i
我的心
guá ê sim
為伊等待千萬年
uī i tán-thāi tshian-bān-nî
女人淚
lú-jîn luī
也是為你滴
iā-sī uī lí tih
雨水啊
hōo-tsuí–ah
笑阮戇戇袂覺醒
tshiò gún gōng-gōng buē kak-tshínn
]]>望月圓https://2blog.ilc.edu.tw/32745/2022/02/05/%e6%9c%9b%e6%9c%88%e5%9c%93-3/Sat, 05 Feb 2022 05:50:03 +0000https://2blog.ilc.edu.tw/32745/?p=64418
《望月圓》Bāng Gue̍h Înn
陳夏蓮Tân Hā-liân
——————————————
夜風又吹規暝
iā-hong iū tshue kui-mî
無奈相思怨長暝
bô-nāi siunn-si uàn tn̂g-mî
暝哪遐爾長
mî ná hiah-nī tn̂g
空笑夢
khang tshiò bāng
望月圓
bāng gue̍h-înn
看月落月缺
khuànn gue̍h-lo̍h gue̍h-khih
落葉片片
lo̍h-hio̍h phìnn-phìnn
花嘆無著時
hue thàn bô tio̍h-sî
暝逢秋夜涼如水
mî hông tshiu-iā liâng jû tsuí
一暝亂秋風
tsi̍t-mî luān tshiu-hong
風吹帶寒意
hong tshue tài hân-ì
意中人
ì-tiong-jîn
人佇佗位
lâng tī tó-uī
日思夜盼望
ji̍t su iā phàn-bōng
望月心吐氣
bāng gue̍h sim thóo-khuì
夜夜望
iā-iā bāng
望穿秋水
bōng tshuan tshiu-tsuí
啊~憂頭結面
ah~ iu-thâu-kat-bīn
神魂飛對佗位去
sîn-hûn pue tuì tó-uī khì
如今樓空人去
jû-kim lâu khang lâng khì
淚眼抹愁眉
luī-gán buah tshiû-bî
啊~想你夢你
ah~ siūnn lí bāng lí
念你等你
liām lí tán lí
暗相思
àm siunn-si
思念藏
su-liām tshàng
藏心底
tshàng sim-té
望月圓
bāng gue̍h-înn
—
一暝亂啊
tsi̍t-mî luān–ah
亂秋風
luān tshiu-hong
風吹
hong tshue
帶啊帶寒意
tài–ah tài hân-ì
心頭茫茫
sim-thâu bâng-bâng
午夜入愁池
ngóo-iā ji̍p tshiû-tî
日來思夜來夢
ji̍t lâi su iā lâi bāng
日思夜夢
ji̍t-su iā-bāng
心憔悴
sim tsiâu-tsuī
望啊望離恨天
bāng–ah bāng lî-hūn thinn
望穿秋水
bāng tshuan tshiu-tsuí
]]>無地揣https://2blog.ilc.edu.tw/32745/2022/02/05/%e7%84%a1%e5%9c%b0%e6%8f%a3/Sat, 05 Feb 2022 05:48:39 +0000https://2blog.ilc.edu.tw/32745/?p=64415
《無地揣》Bô-tè Tshuē
陳夏蓮Tân Hā-liân
——————————————
斷線的風吹
tn̄g-suànn ê hong-tshue
飄浪天涯的感情
phiau-lōng thian-gâi ê kám-tsîng
失落的愛
sit-lo̍h ê ài
欲佗揣
beh toh tshuē
毋願溫柔夢
m̄-guān un-jiû bāng
親像豆菜底
tshin-tshiūnn tāu-tshài-té
茫茫渺渺
bông-bông-biáu-biáu
生活像烏白
sing-ua̍h tshiūnn oo-pe̍h
無情風雨
bô-tsîng hong-hōo
傷阮疼阮
siong gún thiànn gún
痴心無地揣
tshi-sim bô-tè tshuē
青春歲月
tshing-tshun suè-gua̍t
一年一年飛
tsi̍t-nî-tsi̍t-nî pue
緣份無代價
iân-hūn bô tāi-kè
真心袂後悔
tsin-sim buē hiō-hué
咒誓毋免山盟海誓
tsiù-tsuā m̄-bián san-bîng hái-sè
一生幸福
it-sing hīng-hok
有你來陪
ū lí lâi puê
]]>無緣戲https://2blog.ilc.edu.tw/32745/2022/02/05/%e7%84%a1%e7%b7%a3%e6%88%b2/Sat, 05 Feb 2022 05:47:21 +0000https://2blog.ilc.edu.tw/32745/?p=64412
《無緣戲》Bô-iân Hì
陳夏蓮Tân Hā-liân
——————————————
寒冷十月的天氣
hân-líng tsa̍p-gue̍h ê thinn-khì
已經漸漸有寒意
í-king tsiām-tsiām ū hân-ì
楓葉紅時又秋天
png-hio̍h âng sî iū tshiu-thinn
風吹落葉又冬時
hong tshue lo̍h-hio̍h iū tang-sî
經過這段的日子
king-kuè tsit tuānn ê ji̍t-tsí
原來愛情
guân-lâi ài-tsîng
哪有遮容易
ná-ū tsiah iông-ī
時間袂為我來定時
sî-kan buē uī guá lâi tīng-sî
已經看清其中的道理
í-king khuànn-tshing kî-tiong ê tō-lí
愛你需要勇氣
ài lí su-iàu ióng-khì
從來毋捌想欲放棄
tsiông-lâi m̄-bat siūnn-beh hòng-khì
敢是月老
kám-sī gua̍t-nóo
無心的創治
bô-sim ê tshòng-tī
安排這場無緣戲
an-pâi tsit tiûnn bô-iân hì
莫非花開毋著時
bo̍k-hui hue khui m̄-tio̍h-sî
好花嘛愛凍露水
hó hue mā ài tàng-lōo-tsuí
向望春來花開時
ǹg-bāng tshun lâi hue khui sî
只賰我佮你
tsí tshun guá kah lí
]]>心愛的人https://2blog.ilc.edu.tw/32745/2022/02/05/%e5%bf%83%e6%84%9b%e7%9a%84%e4%ba%ba-5/Sat, 05 Feb 2022 05:45:11 +0000https://2blog.ilc.edu.tw/32745/?p=64409
《心愛的人》Sim-ài ê Lâng
陳夏蓮Tân Hā-liân
——————————————
毋免玫瑰花
m̄-bián muî-kuì-hue
愛是平平凡凡
ài sī pîng-pîng-huân-huân
毋免你操煩
m̄-bián lí tshau-huân
日子是簡簡單單
ji̍t-tsí sī kán-kán-tan-tan
有你來做伴
ū lí lâi tsuè-phuānn
幸福會綴阮一世人
hīng-hok ē tuè gún tsi̍t-sì-lâng
鴛鴦夢
uan-iunn bāng
阮會真心來相等
gún ē tsin-sim lâi sio-tán
愛毋是三冬五冬
ài m̄-sī sann-tang gōo-tang
一粒心
tsi̍t-lia̍p sim
刻雙人的名
khik siang-lâng ê miâ
毋管未來按怎寫
m̄-kuán bī-lâi án-tsuánn siá
雙人仝命仝心肝
siang-lâng kāng miā kāng sim-kuann
愛毋是三冬五冬
ài m̄-sī sann-tang gōo-tang
月老早就
gua̍t-nóo tsá tiō
紅線牽絚絚
âng-suànn khan ân-ân
蝴蝶雙飛
ôo-tia̍p siang-pue
快樂風吹
khuài-lo̍k hong tshue
心愛的
sim-ài–ê
牽手愛你永遠
khan-tshiú ài lí íng-uán
]]>失落的情https://2blog.ilc.edu.tw/32745/2022/02/05/%e5%a4%b1%e8%90%bd%e7%9a%84%e6%83%85-4/Sat, 05 Feb 2022 05:43:26 +0000https://2blog.ilc.edu.tw/32745/?p=64406
《失落的情》Sit-lo̍h ê Tsîng
陳夏蓮Tân Hā-liân
——————————————
在我心內
tsāi guá sim-lāi
上深的所在
siōng tshim ê sóo-tsāi
偌疼啊你敢會知
guā thiànn–ah lí kám ē tsai
較濟的目屎
khah tsuē ê ba̍k-sái
猶原換袂轉來
iu-guân uānn buē tńg-lâi
過去彼个我的最愛
kuè-khì hit ê guá ê tsuè-ài
心肝頭冷啊冷
sim-kuann-thâu líng–ah líng
因為你無情
in-uī lí bô-tsîng
留予我傷痕一重重
lâu hōo guá siong-hûn tsi̍t-tîng-tîng
心肝頭凝啊凝
sim-kuann-thâu gîng–ah gîng
枉費我痴情
óng-huì guá tshi-tsîng
予你來僥心
hōo lí lâi hiau-sim
出賣感情
tshut-buē kám-tsîng
今夜月娘
kim-iā gue̍h-niû
覕甲無地揣
bih kah bô-tè tshuē
失落的情
sit-lo̍h ê tsîng
也袂當挽回
iā buē-tàng bán-huê
離別的酒
lî-pia̍t ê tsiú
敬你一杯
kìng lí tsi̍t-pue
從此咱莫閣相會
tsiông-tshú lán mài koh siong-huē
]]>星夜淚痕https://2blog.ilc.edu.tw/32745/2022/02/05/%e6%98%9f%e5%a4%9c%e6%b7%9a%e7%97%95/Sat, 05 Feb 2022 05:40:34 +0000https://2blog.ilc.edu.tw/32745/?p=64403
《星夜淚痕》Sing-iā Luī-hûn
陳夏蓮Tân Hā-liân
——————————————
星兒閃亮
xīng’r shǎnliàng
星空雲淡
xīngkōng yún dàn
阮的心中
gún ê sim-tiong
藏一份純情夢
tshàng tsi̍t-hūn sûn-tsîng bāng
思思念念
su-su-liām-liām
為伊等啊等無人
uī i tán–ah tán-bô lâng
望天星傳予伊
bāng thinn-tshinn thuân hōo i
啊~人為伊操煩
ah~ lâng uī i tshau-huân
星兒點點繁
xīng’r diǎndiǎn fán
心兒跟著慌
xīn’r gēn zhe huāng
覕佇窗邊看
li̍k tī thang-pinn khuànn
猶原一場空
iu-guân tsi̍t-tiûnn khang
相思淚淡
xiāngsī lèi dàn
啥人替阮成全
siánn-lâng thè gún sîng-tsuân
望露的花蕊
bāng lōo ê hue-luí
怎樣會堪
tsuánn-iūnn ē-kham
心袂鬆
sim buē sang
心兒慌
xīn’r huāng
星兒晃
xīng’r huàng
醉夢成空
tsuì bāng sîng-khang
怨啥人
uàn siánn-lâng
怨啥人
uàn siánn-lâng
夜夜心沉重
iā-iā sim tîm-tāng
心兒慌
xīn’r huāng
星兒晃
xīng’r huàng
墜落情網
tuī-lo̍h tsîng-bāng
這坎站
tsit khám-tsām
這坎站
tsit khám-tsām
望見星光淚汪汪
wàngjiàn xīngguāng lèi wāngwāng
心兒慌
xīn’r huāng
心兒亂
xīn’r luàn
亂啊心難放
luān–ah sim lân pàng
毋願放
m̄-guān pàng
情難斷
tsîng lân-tuān
望見星光淚兒
wàngjiàn xīngguāng lèi’r
汪汪心兒慌
wāngwāng xīn’r huāng
嗚~wū~
心頭亂
sim-thâu luān
]]>