謝大山 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sat, 01 Mar 2025 00:06:10 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg謝大山 – 臺語正字歌詞部落格https://2blog.ilc.edu.tw/327453232 風速的男兒https://2blog.ilc.edu.tw/32745/2025/03/01/%e9%a2%a8%e9%80%9f%e7%9a%84%e7%94%b7%e5%85%92/Sat, 01 Mar 2025 00:06:10 +0000https://2blog.ilc.edu.tw/32745/?p=125465
《風速的男兒》Hong-sok ê Lâm-jî
謝大山Siā Tāi-san
——————————————
↓—(口白)—↓
歡喜啥物
huann-hí siánn-mih
啊~免問啦
ah~ bián mn̄g–lah
煞毋知欲來去揣愛人
suah m̄-tsai beh lâi-khì tshē ài-jîn
↑—(口白)—↑
啊~阮是一个
ah~ gún sī tsi̍t-ê
青春的男兒
tshing-tshun ê lâm-jî
今日的
kim-ji̍t ê
今日的心情真歡喜
kim-ji̍t ê sim-tsîng tsin huann-hí
坐一台烏肚䆀
tsē tsi̍t-tâi oo-tóo-bái
離開著田庄
lī-khui tio̍h tshân-tsng
向著大路
hiòng tio̍h tuā-lōo
毋驚路頭遠
m̄-kiann lōo-thâu hn̄g
欲揣阮愛人
beh tshē gún ài-jîn
↓↓(口白)—(口白)↓↓
插伊啊!
tshap i–ah!
啥物路狹人較濟
siánn-mih lōo ue̍h lâng khah tsē
哼!我不管伊嘛
hngh! guá put-kuán i–mah
總是揣愛人較要緊
tsóng–sī tshē ài-jîn khah iàu-kín
催落去
tshui–lo̍h-khì
催落去啊
tshui–lo̍h-khì ah
↑↑(口白)—(口白)↑↑
啊~想起彼个
ah~ siūnn-khí hit ê
活潑的女兒
ua̍t-phuat ê lú-jî
浪漫的
lōng bān ê
浪漫的體態迷人意
lōng bān ê thé-thài bê lâng-ì
坐一台烏肚䆀
tsē tsi̍t-tâi oo-tóo-bái
招伊欲遊市
tsio i beh iû-tshī
無疑看著
bô-gî khuànn-tio̍h
別人載著伊
pa̍t-lâng tsài tio̍h i
坐車一直去
tsē-tshia it-ti̍t khì
↓—(口白)—↓
啊!去講去囉
ah! khì kóng khù–looh
無彩我拚遮緊
bô-tshái guá piànn tsiah kín
煞去予別人載去矣啦
suah khì hōo pa̍t-lâng tsài khì–ah lah
↑—(口白)—↑
啊~枉費著阮
ah~ óng-huì tio̍h gún
歡喜坐新車
huann-hí tsē sin-tshia
真無疑
tsin bô-gî
真無疑愛人綴人去
tsin bô-gî ài-jîn tuè lâng khì
坐一台烏肚䆀
tsē tsi̍t-tâi oo-tóo-bái
凝心目箍紅
gîng-sim ba̍k-khoo âng
別人一台
pa̍t-lâng tsi̍t-tâi
坐著兩个人
tsē tio̍h nn̄g-ê lâng
只有我一人
tsí-ū guá tsi̍t-lâng
]]>勸男兒https://2blog.ilc.edu.tw/32745/2023/12/11/%e5%8b%b8%e7%94%b7%e5%85%92/Sun, 10 Dec 2023 20:22:31 +0000https://2blog.ilc.edu.tw/32745/?p=97774
《勸男兒》Khǹg Lâm-jî
謝大山Siā Tāi-san
——————————————
咱生做男兒
lán sinn-tsuè lâm-jî
著愛有志氣
tio̍h-ài ū tsì-khì
無論環境怎樣惡孽
bô-lūn khuân-kíng tsuánn-iūnn ok-gia̍t
也著來忍耐
iā tio̍h lâi jím-nāi
目屎吞腹內
ba̍k-sái thun pak-lāi
免予別人知
bián hōo pa̍t-lâng tsai
世間人無情
sè-kan-lâng bô-tsîng
求人不如求家己
kiû jîn put-jû kiû ka-kī
咱雖然無錢
lán sui-jiân bô-tsînn
毋通來失志
m̄-thang lâi sit-tsì
啥物代誌
siánn-mih tāi-tsì
著愛家己拍拚
tio̍h-ài ka-kī phah-piànn
才合理
tsiah ha̍p-lí
成功佮失敗
sîng-kong kah sit-pāi
由天做主裁
iû thinn tsuè tsú-tshâi
成功也毋通自大
sîng-kong iā m̄-thang tsū-tāi
失敗免悲哀
sit-pāi bián pi-ai
咱生做男兒
lán sinn-tsuè lâm-jî
筊場毋通去
kiáu-tiûnn m̄-thang khì
筊是愈奕愈會發狂
kiáu sī jú ī jú ē huat-kông
奕久人悾悾
ī kú lâng khong-khong
無顧做代誌
bô kòo tsò tāi-tsì
一定袂趁錢
it-tīng buē thàn-tsînn
筊若輸
kiáu nā su
人帶痚呴
lâng tài he-ku
債主總到厝
tsè-tsú tsóng kàu tshù
咱欲交朋友
lán beh kau pîng-iú
千萬愛小心
tshian-bān ài sió-sim
有錢有酒
ū tsînn ū tsiú
你兄我弟
lí hiann guá tī
全是好朋友
tsuân sī hó pîng-iú
一旦若失敗
it-tàn nā sit-pāi
朋友無熟似
pîng-iú bô si̍k-sāi
對咱若有牽成
tuì lán nā ū khan-sîng
著愛知人情
tio̍h-ài tsai jîn-tsîng
咱生做男兒
lán sinn-tsuè lâm-jî
女性愛細膩
lú-sìng ài suè-jī
煙花女性
ian-hua lú-sìng
假情假義
ké-tsîng ké-gī
毋通愛著伊
m̄-thang ài-tio̍h i
女性真濟款
lú-sìng tsin tsuē khuán
好歹無相仝
hó-pháinn bô sio-kāng
認清看明
jīn tshing khuànn bîng
才袂耽誤咱一生
tsiah buē tam-gōo lán it-sing
]]>太太萬歲https://2blog.ilc.edu.tw/32745/2023/11/26/%e5%a4%aa%e5%a4%aa%e8%90%ac%e6%ad%b2-2/Sun, 26 Nov 2023 09:43:04 +0000https://2blog.ilc.edu.tw/32745/?p=97458
《太太萬歲》Thài-thài Bān-suè
謝大山Siā Tāi-san
——————————————
↓—(口白)—↓
男)
欸!太太
eh! thài-thài
我我我轉來矣啦
guá, guá, guá tńg–lâi ah-lah
女)
哼!啥人是恁太太
hng! siánn-lâng sī lín thài-thài
我問你
guá mn̄g lí
這馬幾點矣
tsit-má kuí-tiám–ah
你共天借膽
lí kā thinn tsioh tánn
來!共我跪落去
lâi! kā guá kuī–lo̍h-khì
↑—(口白)—↑
我的好牽手
guá ê hó khan-tshiú
予予予我哀求
hōo, hōo, hōo guá ai-kiû
我會去啉酒
guá ē khì lim-tsiú
也也也是有理由
iā, iā, iā-sī ū lí-iû
公司的朋友
kong-si ê pîng-iú
將月給扣留
tsiong ge̍h-kip khàu-liû
又強拖強搝
iū kiông thua kiông giú
強迫拔虎鬚
kiông-pik pui̍h hóo-tshiu
跤頭趺遮幼
kha-thâu-u tsiah iù
跪久會結瘤
kuī kú ē kiat-liû
請同情
tshiánn tông-tsîng
請解救
tshiánn kái-kiù
聽我求情唷
thiann guá kiû-tsîng–iooh
↓—(口白)—↓
哼!毋免好喙
hng! m̄-bián hó-tshuì
也毋免辯解
iā m̄-bián piān-kái
無予你艱苦
bô hōo lí kan-khóo
你是袂驚啦
lí sī buē kiann–lah
↑—(口白)—↑
太太好心行
thài-thài hó sim-hīng
予予予我求情
hōo, hōo, hōo guá kiû-tsîng
khōng-ku-lí遮?
khōng-ku-lí tsiah tīng
又又又閣冷冰冰
iū, iū, iū-koh líng ping-ping
請你著同情
tshiánn lí tio̍h tông-tsîng
千萬毋通凝
tshian-bān m̄-thang gîng
也請你答應
iā tshiánn lí tah-ìng
允准入房間
ín-tsún ji̍p pâng-king
客廳內真冷
kheh-thiann lāi tsin líng
跪久血會停
kuī kú huih ē thîng
若感冒
nā kám-mōo
就僥倖
tiō hiau-hīng
聽我求情唷
thiann guá kiû-tsîng–iooh
↓—(口白)—↓
你知影艱苦矣乎
lí tsai-iánn kan-khóo–ah honnh
後擺看你閣敢無
āu-pái khuànn lí koh kánn–bô
好啦
hó–lah
起來
peh–khí-lâi
阮的心肝內
gún ê sim-kuann-lāi
嘛真毋甘
mā tsin m̄-kam
阮是驚你去外口
gún sī kiann lí khì guā-kháu
嗯~來啦
ngh~ lâi–lah
↑—(口白)—↑
太太真賢慧
thài-thài tsin hiân-huē
看看看我反悔
khuànn, khuànn, khuànn guá huán-hué
才允准赦罪
tsiah ín-tsún sià-tsuē
抑抑抑無著連回
ia̍h, ia̍h, ia̍h-bô tio̍h liân-huê
愛情有澈底
ài-tsîng ū thiat-tué
恐驚我亂做
khióng-kiann guá luān-tsuè
交外頭野花
kau guā-thâu iá-hue
會發生問題
ē huat-sing būn-tuê
我絕對聽話
guá tsua̍t-tuì thiann-uē
毋敢第二回
m̄-kánn tē-jī huê
願好好拜天地
guān hó-hó pài thinn-tuē
太太萬歲唷
thài-thài bān-suè–iooh
]]>月臺別情https://2blog.ilc.edu.tw/32745/2023/11/26/%e6%9c%88%e8%87%ba%e5%88%a5%e6%83%85/Sun, 26 Nov 2023 09:41:36 +0000https://2blog.ilc.edu.tw/32745/?p=97456
《月臺別情》Gua̍t-tâi Pia̍t-tsîng
謝大山Siā Tāi-san
——————————————
春風微微吹過來
tshun-hong bî-bî tshue–kè-lâi
分手在月臺
hun-tshiú tsāi gua̍t-tâi
螺聲響亮
lê-siann hiáng-liāng
添阮心內
thiam gún sim-lāi
憂愁佮悲哀
iu-tshiû kah pi-ai
句句言語
kù-kù giân-gí
共阮交代
kā gún kau-tài
含目屎
hâm ba̍k-sái
毋通袂記咱的愛
m̄-thang buē-kì lán ê ài
我一定認真拍拚
guá it-tīng jīn-tsin phah-piànn
等待成功轉來
tán-thāi sîng-kong tńg–lâi
火車已經開起行
hué-tshia í-king khui khí-kiânn
心愛徛定定
sim-ài khiā tiānn-tiānn
搖手大聲
iô-tshiú tuā-siann
叫阮的名
kiò gún ê miâ
害阮心痛疼
hāi gún sim thàng-thiànn
句句言語
kù-kù giân-gí
共阮交代
kā gún kau-tài
心愛正
sim ài tsiànn
身體保重較勇健
sin-thé pó-tiōng khah ióng-kiānn
我一定認真拍拚
guá it-tīng jīn-tsin phah-piànn
絕對認真拍拚
tsua̍t-tuì jīn-tsin phah-piànn
雙人暫時著忍耐
siang-lâng tsiām-sî tio̍h jím-nāi
分手在月臺
hun-tshiú tsāi gua̍t-tâi
應該拍拚為將來
ing-kai phah-piànn uī tsiong-lâi
互相著了解
hōo-siong tio̍h liáu-kái
句句言語
kù-kù giân-gí
互相交代
hōo-siong kau-tài
免悲哀
bián pi-ai
堅心遵守咱的愛
kian-sim tsun-siú lán ê ài
我一定早日轉來
guá it-tīng tsá-ji̍t tńg–lâi
請你放心等待
tshiánn lí hòng-sim tán-thāi
]]>花言巧語https://2blog.ilc.edu.tw/32745/2023/11/26/%e8%8a%b1%e8%a8%80%e5%b7%a7%e8%aa%9e-4/Sun, 26 Nov 2023 09:40:12 +0000https://2blog.ilc.edu.tw/32745/?p=97454
《花言巧語》Hua-giân Ká-gí
謝大山Siā Tāi-san
——————————————
你實在真美麗
lí si̍t-tsāi tsin bí-lē
又閣做人真純情
iū-koh tsuè-lâng tsin sûn-tsîng
因為你太純情
in-uī lí thài sûn-tsîng
顛倒會來誤一生
tian-tò ē lâi gōo it-sing
我敢來保證
guá kánn lâi pó-tsìng
實在喔
si̍t-tsāi–ooh
若欲叫我將著詳細
nā beh kiò guá tsiong tio̍h siông-sè
對你說分明
tuì lí sueh hun-bîng
最好是約束後日
tsuè-hó sī iok-sok āu-ji̍t
你我再見面
lí guá tsài kìnn-bīn
因為月娘已經
in-uī ge̍h-niû í-king
也墜落山坡彼爿
iā tuī-lo̍h suann-pho hit-pîng
我做人真慷慨
guá tsuè-lâng tsin khóng-khài
又閣做事有熱情
iū-koh tsuè-sū ū jia̍t-tsîng
你若愛啥物件
lí nā ài siánn mi̍h-kiānn
最好對我來表明
tsuè hó tuì guá lâi piáu-bîng
客氣啥路用
kheh-khì siánn lōo-īng
免客氣啦
bián kheh-khì–lah
看過你的歡喜笑容
khuànn-kè lí ê huann-hí tshiò-iông
引我心頭清
ín guá sim-thâu tshing
真願意百貨公司
tsin guān-ì pah-hè-kong-si
?你行一逝
tshuā lí kiânn tsi̍t-tsuā
因為月娘已經
in-uī ge̍h-niû í-king
也墜落山彼爿
iā tuī-lo̍h suann hit-pîng
你毋知我想欲
lí m̄-tsai guá siūnn-beh
怎樣建設咱家庭
tsánn-iūnn kiàn-siat lán ka-tîng
有冰箱有電視
ū ping-siunn ū tiān-sī
電氣化的好環境
tiān-khì-huà ê hó khuân-kíng
快樂過一生
khuài-lo̍k kè it-sing
共你掛保證
kā lí kuà-pó-tsìng
你若希望聽較詳細
lí nā hi-bāng thiann khah siông-sè
並來我胸前
phīng lâi guá hing-tsîng
若講起結婚事項
nā kóng-khí kiat-hun sū-hāng
絕對欲答應
tsua̍t-tuì beh tah-ìng
因為月娘已經
in-uī ge̍h-niû í-king
也墜落山彼爿
iā tuī-lo̍h suann hit-pîng
]]>太太緊轉來https://2blog.ilc.edu.tw/32745/2023/11/26/%e5%a4%aa%e5%a4%aa%e7%b7%8a%e8%bd%89%e4%be%86/Sun, 26 Nov 2023 09:38:21 +0000https://2blog.ilc.edu.tw/32745/?p=97451
《太太緊轉來》Thài-Thài Kín Tńg–lâi
謝大山Siā Tāi-san
——————————————
太太你
thài-thài lí
怎樣放翁放囝
tsánn-iūnn pàng ang pàng kiánn
無帶念我的名聲
bô tài-liām guá ê miâ-siann
黃昏若到
hông-hun nā kàu
我育細囝
guá io suè-kiánn
細囝毋揣我
suè-kiánn m̄ tshē guá
欲揣阿娘
bueh tshuē a-niâ
引我心痛疼
ín guá sim thàng-thiànn
太太好心咧
thài-thài hó-sim–leh
回心轉意
huê-sim tsuán-ì
毋通閣佮我離開
m̄-thang koh kah guá lī-khui
趕緊轉來阮身邊
kuánn-kín tńg-lâi gún sin-pinn
無緣無故
bô-iân-bô-kòo
放我做你走
pàng guá tsuè lí tsáu
離開我
lī-khui guá
一去無回頭
tsi̍t-khì bô huê-thâu
放著細囝
pàng tio̍h suè-kiánn
一直吼
it-ti̍t háu
厝內若無你
tshù-lāi nā bô lí
一切亂操操
it-tshè luān-tshau-tshau
你是去啥人兜
lí sī khì siánn-lâng tau
太太好心咧
thài-thài hó-sim–leh
回心轉意
huê-sim tsuán-ì
毋通閣佮我離開
m̄-thang koh kah guá lī-khui
趕緊轉來顧囝兒
kuánn-kín tńg-lâi kòo kiánn-jî
離開我
lī-khui guá
也已經三年
iā í-king sann-nî
你到底是去佗位
lí tàu-tué sī khì tó-uī
厝內囝兒
tshù-lāi kiánn-jî
哭欲揣你
khàu bueh tshuē lí
囝兒的哭聲
kiánn-jî ê khàu-siann
你敢無聽見
lí kám bô thiann–kìnn
你心肝遮硬
lí sim-kuann tsiah ngī
太太好心咧
thài-thài hó-sim–leh
回心轉意
huê-sim tsuán-ì
毋通閣佮我離開
m̄-thang koh kah guá lī-khui
趕緊轉來團圓
kuánn-kín tńg-lâi thuân-înn
]]>思慕你一人https://2blog.ilc.edu.tw/32745/2023/11/26/%e6%80%9d%e6%85%95%e4%bd%a0%e4%b8%80%e4%ba%ba/Sun, 26 Nov 2023 09:36:49 +0000https://2blog.ilc.edu.tw/32745/?p=97448
《思慕你一人》Su-bōo Lí Tsi̍t-lâng
謝大山Siā Tāi-san
——————————————
啊~心愛的人唷
ah~ sim-ài ê lâng–iooh
啊~心愛的人唷
ah~ sim-ài ê lâng–iooh
你真無情
lí tsin bô-tsîng
你真無情
lí tsin bô-tsîng
自從彼日
tsū-tsiông hit-ji̍t
放我孤單
pàng guá koo-tuann
做你去
tsuè lí khì
害著我
hāi-tio̍h guá
寂寞孤單流珠淚
tsi̍k-bo̍k koo-tuann lâu tsu-luī
你是為著啥物原因
lí sī uī-tio̍h siánn-mih guân-in
啊!變成遮爾無情義
ah! piàn-sîng tsiah-nī bô tsîng-gī
啊~心愛的人唷
ah~ sim-ài ê lâng–iooh
啊~心愛的人唷
ah~ sim-ài ê lâng–iooh
我曷想無
guá ia̍h siūnn bô
我曷想無
guá ia̍h siūnn bô
彼時怎樣
hit-sî tsánn-iūnn
偏偏會來愛著你
phian-phian ē lâi ài-tio̍h lí
像今日自嘆自悲
tshiūnn kim-ji̍t tsū-thàn tsū-pi
又來流著珠淚
iū lâi lâu tio̍h tsu-luī
你也明知
lí iā bîng-tsai
我若無你
guá nā bô lí
啊!感覺世間無趣味
ah! kám-kak sè-kan bô tshù-bī
啊~心愛的人唷
ah~ sim-ài ê lâng–iooh
啊~心愛的人唷
ah~ sim-ài ê lâng–iooh
你佇佗位
lí tī tó-uī
你佇佗位
lí tī tó-uī
陪著啥人
puê tio̍h siánn-lâng
過著美麗青春期
kè tio̍h bí-lē tshing-tshun-kî
雖然我賭著意志
sui-jiân guá tóo tio̍h ì-tsì
毋願流著珠淚
m̄-guān lâu tio̍h tsu-luī
你的形影
lí ê hîng-iánn
浮在夢中
phû tsāi bāng-tiong
啊!總是逼我心哀悲
ah! tsóng–sī pik guá sim ai-pi

 

]]>流浪為著你https://2blog.ilc.edu.tw/32745/2023/11/26/%e6%b5%81%e6%b5%aa%e7%82%ba%e8%91%97%e4%bd%a0/Sun, 26 Nov 2023 09:35:09 +0000https://2blog.ilc.edu.tw/32745/?p=97446
《流浪為著你》Liû-lōng Uī-tio̍h Lí
謝大山Siā Tāi-san
——————————————
為怎樣
uī-tsuánn-iūnn
我變成流浪兒
guá piàn-sîng liû-lōng-jî
離開著
lī-khui tio̍h
山明水秀的鄉里
san-bîng tsuí-siù ê hiunn-lí
來到他鄉
lâi-kàu thann-hiong
繁華的都市
huân-huâ ê too-tshī
走天涯欲揣你
tsáu thian-gâi bueh tshuē lí
我的流浪
guá ê liû-lōng
也是為著你
iā-sī uī-tio̍h lí
彼當時
hit-tong-sî
你我的形影無離
lí guá ê hîng-iánn bô lî
為怎樣
uī-tsuánn-iūnn
放捒著我
pàng-sak tio̍h guá
做你去
tsuè lí khì
來到他鄉
lâi-kàu thann-hiong
為著欲揣伊
uī-tio̍h bueh tshuē i
才離開咱鄉里
tsiah lī-khui lán hiunn-lí
我的流浪
guá ê liû-lōng
也是為著你
iā-sī uī-tio̍h lí
我流浪
guá liû-lōng
到如今兩三年
kàu jû-kim nn̄g-sann nî
忍耐著
jím-nāi tio̍h
鹹酸苦澀的日子
kiâm-sng khóo-siap ê ji̍t-tsí
來到他鄉
lâi-kàu thann-hiong
走揣心愛伊
tsáu-tshuē sim-ài i
我為伊費心機
guá uī i huì sim-ki
我的流浪
guá ê liû-lōng
也是為著你
iā-sī uī-tio̍h lí
]]>悲情的小雨https://2blog.ilc.edu.tw/32745/2023/11/26/%e6%82%b2%e6%83%85%e7%9a%84%e5%b0%8f%e9%9b%a8/Sun, 26 Nov 2023 09:33:37 +0000https://2blog.ilc.edu.tw/32745/?p=97443
《悲情的小雨》Pi-tsîng ê Sió-hōo
謝大山Siā Tāi-san
——————————————
愛著你一人
ài-tio̍h lí tsi̍t-lâng
放捒好前途
pàng-sak hó tsiân-tôo
已經來犧牲一切
í-king lâi hi-sing it-tshè
性命也無顧
sìnn-miā iā bô-kòo
為你
uī lí
為著你來離開
uī-tio̍h lí lâi lī-khui
我也
guá iā
我也來異鄉的城市
guá iā lâi ī-hiong ê siânn-tshī
希望你予我揣著
hi-bāng lí hōo guá tshē–tio̍h
回復咱做堆
huê-ho̍k lán tsuè-tui
啊~今日的城市
ah~ kim-ji̍t ê siânn-tshī
又落著悲情的小雨
iū lo̍h tio̍h pi-tsîng ê sió-hōo
為著你一人
uī-tio̍h lí tsi̍t-lâng
青春來耽誤
tshing-tshun lâi tam-gōo
攑頭看路程暗淡
gia̍h-thâu khuànn lōo-tîng àm-tām
茫茫照街路
bông-bông tsiò ke-lōo
叫你
kiò lí
暗中來叫著你
àm-tiong lâi kiò tio̍h lí
到底
tàu-tué
你到底閃避在佗位
lí tàu-té siám-pī tsāi tó-uī
只有是冷霜夜雨
tsí-ū sī líng-sng iā-hōo
添我心酸悲
thiam guá sim sng-pi
啊~今日的城市
ah~ kim-ji̍t ê siânn-tshī
又落著悲情的小雨
iū lo̍h tio̍h pi-tsîng ê sió-hōo
想著你一人
siūnn tio̍h lí tsi̍t-lâng
懷念彼當初
huâi-liām hit-tong-tshoo
不覺來流著珠淚
put-kak lâi lâu tio̍h tsu-luī
點滴像落雨
tiám-tih tshiūnn lo̍h-hōo
無你
bô lí
我無你在身邊
guá bô lí tsāi sin-pinn
倚靠燒酒
uá-khò sio-tsiú
來安慰著稀微
lâi an-uì tio̍h hi-bî
醉茫茫
tsuì-bâng-bâng
想欲將你來放袂記
siūnn-beh tsiong lí lâi pàng-buē-kì
啊~今日的城市
ah~ kim-ji̍t ê siânn-tshī
又落著悲情的小雨
iū lo̍h tio̍h pi-tsîng ê sió-hōo
]]>媽媽請等候https://2blog.ilc.edu.tw/32745/2023/11/26/%e5%aa%bd%e5%aa%bd%e8%ab%8b%e7%ad%89%e5%80%99/Sun, 26 Nov 2023 09:32:05 +0000https://2blog.ilc.edu.tw/32745/?p=97440
《媽媽請等候》Má-mah Tshiánn Tán-hāu
謝大山Siā Tāi-san
——————————————
因為咱家庭貧苦
in-uī lán ka-tîng pîn-khóo
才著出外去
tsiah tio̍h tshut-guā khì
放媽媽遮年老
pàng má-mah tsiah nî-lāu
孤單真稀微
koo-tuann tsin hi-bî
踮月臺
tiàm gua̍t-tâi
難分難離
lân-hun lân-lî
傷心淚點點滴
siong-sim luī tiám-tiám tih
我一定照你交代
guá it-tīng tsiàu lí kau-tài
拍拚過日子
phah-piànn kè ji̍t-tsí
媽媽唷
má-mah–iooh
免掛意
bián khuà-ì
等囝成功回鄉里
tán kiánn sîng-kong huê hiunn-lí
車欲開
tshia beh khui
車螺聲音
tshia-lê siann-im
引我心茫茫
ín guá sim bông-bông
請媽媽你身體
tshiánn má-mah lí sin-thé
家己著保重
ka-kī tio̍h pó-tiōng
為將來
uī tsiong-lâi
食好穿好
tsia̍h hó tshīng hó
才決心到外鄉
tsiah kuat-sim kàu guā-hiong
我一定拍拚認真
guá it-tīng phah-piànn jīn-tsin
努力得成功
nóo-li̍k tit sîng-kong
媽媽唷
má-mah–iooh
請保重
tshiánn pó-tiōng
等囝成功回家鄉
tán kiánn sîng-kong huê ka-hiong
天欲光
thinn beh kng
雞啼聲音
kue-thî siann-im
引我心痛疼
ín guá sim thàng-thiànn
像媽媽在家鄉
tshiūnn má-mah tsāi ka-hiong
叫著囝的名
kiò tio̍h kiánn ê miâ
叫我著全心全意
kiò guá tio̍h tsuân-sim tsuân-ì
愛認真愛拍拚
ài jīn-tsin ài phah-piànn
我一定立志成功
guá it-tīng li̍p-tsì sîng-kong
予你真好命
hōo lí tsin hó-miā
媽媽唷
má-mah–iooh
請等新正
tshiánn tán sin-tsiann
請等明年的新正
tshiánn tán muâ-nî ê sin-tsiann
]]>