蕭玉芬 – 臺語正字歌詞部落格https://2blog.ilc.edu.tw/32745這是一個臺語歌曲正字網站Mon, 01 Jan 2024 11:01:53 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg蕭玉芬 – 臺語正字歌詞部落格https://2blog.ilc.edu.tw/327453232 予我心疼https://2blog.ilc.edu.tw/32745/2024/01/01/%e4%ba%88%e6%88%91%e5%bf%83%e7%96%bc/Mon, 01 Jan 2024 11:01:53 +0000https://2blog.ilc.edu.tw/32745/?p=98481
《予我心疼》Hōo Guá Sim Thiànn
蕭玉芬Siau Gio̍k-hun
——————————————
到底欲按怎
tàu-té beh án-tsuánn
愛你的心敢知影
ài lí ê sim kám tsai-iánn
分分秒秒有你
hun-hun-bió-bió ū lí
叫你的名
kiò lí ê miâ
毋知欲按怎
m̄-tsai beh án-tsuánn
折磨的心
tsiat-buâ ê sim
心碎無聲
sim tshuì bô-siann
寂寞揣無伴
tsi̍k-bo̍k tshuē-bô phuānn
欲講啥人聽
beh kóng siánn-lâng thiann
孤單的人
koo-tuann ê lâng
思思念念你的影
su-su-liām-liām lí ê iánn
望也是無望
bāng iā-sī bô-bāng
想也變成空
siūnn iā piàn-sîng khang
傷心的人
siong-sim ê lâng
是欲按怎
sī beh án-tsuánn
委屈的心像刀割
uí-khut ê sim tshiūnn to kuah
目屎流袂煞
ba̍k-sái lâu buē-suah
想著我就驚
siūnn-tio̍h guá tiō kiann
傷心的人
siong-sim ê lâng
我欲按怎
guá beh án-tsuánn
暗淡路燈照孤單
àm-tām lōo-ting tsiò koo-tuann
過去彼段
kuè-khì hit tuānn
予我心疼
hōo guá sim thiànn
]]>心頭淚https://2blog.ilc.edu.tw/32745/2023/12/24/%e5%bf%83%e9%a0%ad%e6%b7%9a/Sun, 24 Dec 2023 09:32:51 +0000https://2blog.ilc.edu.tw/32745/?p=98273
《心頭淚》Sim-thâu Luī
蕭玉芬Siau Gio̍k-hun
——————————————
落葉
lo̍h hio̍h
嘛有一聲
mā ū tsi̍t-siann
落淚
lo̍h luī
無人知影
bô-lâng tsai-iánn
落在心頭的淚聲
lo̍h tsāi sim-thâu ê luī-siann
疼疼疼
thiànn-thiànn-thiànn
叫阮按怎
kiò gún án-tsuánn
來看破這一段
lâi khuànn-phuà tse tsi̍t-tuānn
明明當初牽做伙
bîng-bîng tong-tshoo khan tsò-hué
明明雙雙棲
bîng-bîng siang-siang tshe
你講你無愛過
lí kóng lí bô ài–kuè
偏偏痴心毋覺醒
phian-phian tshi-sim m̄ kak-tshénn
偏偏賭一回
phian-phian tóo tsi̍t-huê
別人的話
pa̍t-lâng ê uē
聽袂落
thiann bē-lueh
如今
jû-kim
有緣變成
ū-iân piàn-sîng
曾經的美麗
tsan king ê bí-lē
有情變成
ū-tsîng piàn-sîng
孤孤無人的
koo-koo bô-lâng ê
]]>愛人啊愛人https://2blog.ilc.edu.tw/32745/2023/12/24/%e6%84%9b%e4%ba%ba%e5%95%8a%e6%84%9b%e4%ba%ba/Sun, 24 Dec 2023 09:31:05 +0000https://2blog.ilc.edu.tw/32745/?p=98270
《愛人啊愛人》Ài-jîn–ah Ài-jîn
蕭玉芬Siau Gio̍k-hun
——————————————
愛人啊愛人
ài-jîn–ah ài-jîn
為何愛甲無良心
uī-hô ài kah bô-liông-sim
欠我的情
khiàm guá ê tsîng
你拍算按怎還
lí phah-sǹg án-tsuánn hîng
水中月
tsuí-tiong gue̍h
像咱的今生
tshiūnn lán ê kim-sing
月罩霧
gue̍h tà-bū
也看袂明
iā khuànn buē-bîng
甘願愛著薄情
kam-guān ài-tio̍h po̍k-tsîng
來受酷刑
lâi siū khok-hîng
東西南北
tang-sai lâm-pak
已經分袂清
í-king hun buē-tshing
恨一生
hūn it-sing
為情來犧牲
uī tsîng lâi hi-sing
聽你講
thiann lí kóng
也毋是無可能
iā m̄-sī bô khó-lîng
傷害的心
siong-hāi ê sim
已經來造成
í-king lâi tsō-sîng
愛人啊愛人
ài-jîn–ah ài-jîn
為何愛甲遮薄倖
uī-hô ài kah tsiah po̍k-hīng
女人的青春
lú-jîn ê tshing-tshun
甘願為你耽誤一生
kam-guān uī lí tam-gōo it-sing
愛人啊愛人
ài-jîn–ah ài-jîn
為何愛甲無良心
uī-hô ài kah bô-liông-sim
欠我的情
khiàm guá ê tsîng
你拍算按怎還
lí phah-sǹg án-tsuánn hîng
]]>無情火https://2blog.ilc.edu.tw/32745/2023/12/18/%e7%84%a1%e6%83%85%e7%81%ab/Sun, 17 Dec 2023 20:35:57 +0000https://2blog.ilc.edu.tw/32745/?p=98087
《無情火》Bô-tsîng Hué
蕭玉芬Siau Gio̍k-hun
——————————————
愛情毋是大風吹
ài-tsîng m̄-sī dàfēngtsuī
毋是啥人攏是小寶貝
m̄-sī siánn-lâng lóng-sī sió pó-puè
甘願相信你的解說
kam-guān siong-sìn lí ê kái-sueh
是我想太濟
sī guá siūnn thài tsuē
恨我毋聽恁的話
hūn guá m̄ thiann lín ê uē
如今才來為情苦受罪
jû-kim tsiah lâi uī tsîng khóo siū-tsuē
一分真情半分假
tsi̍t-hun tsin-tsîng puànn-hun ké
愈愛愈痴迷
jú ài jú tshi-bê
愈想愈後悔
jú siūnn jú hiō-hué
當初山盟加海誓
tong-tshoo san-bîng ka hái-sè
咒誓只愛阮一个
tsiù-tsuā tsí ài gún tsi̍t-ê
你的懺悔
lí ê tshàm-hué
只是摻糖的白賊話
tsí-sī tsham thn̂g ê pe̍h-tsha̍t-uē
你用一把無情火
lí iōng tsi̍t-pé bô-tsîng hué
燒掉所有的一切
sio-tiāu sóo-ū ê it-tshè
哪知你將感情
ná tsai lí tsiong kám-tsîng
當做喝俗賣
tòng-tsuè huah sio̍k-buē
若欲愛我
nā beh ài guá
你無資格
lí bô tsu-keh
若欲愛我
nā beh ài guá
你無資格
lí bô tsu-keh
]]>愛著你會害https://2blog.ilc.edu.tw/32745/2023/12/18/%e6%84%9b%e8%91%97%e4%bd%a0%e6%9c%83%e5%ae%b3/Sun, 17 Dec 2023 20:34:12 +0000https://2blog.ilc.edu.tw/32745/?p=98084
《愛著你會害》Ài-tio̍h Lí Ē Hāi
蕭玉芬Siau Gio̍k-hun
——————————————
望著春風訴情懷
bāng tio̍h tshun-hong sòo tsîng-huâi
感情世界勉強袂來
kám-tsîng sè-kài bián-kióng buē-lâi
兩个人假使有意愛
nn̄g-ê lâng khá-sú ū ì-ài
哪通情路空徘徊
ná thang tsîng-lōo khang pâi-huê
心內的話你毋知
sim-lāi ê uē lí m̄-tsai
一片真心擲入大海
tsi̍t-phiàn tsin-sim tàn ji̍p tuā-hái
事到如今
sū kàu jû-kim
思念成災
su-liām sîng tsai
哪通夢醒無人愛
ná thang bāng tshínn bô-lâng ài
啊~會害會害
ah~ ē hāi ē hāi
愛著你
ài-tio̍h lí
會害
ē hāi
不知不覺
put-ti-put-kak
共你來倖歹
kā lí lâi sīng pháinn
啊~會害會害
ah~ ē hāi ē hāi
愛著你
ài-tio̍h lí
會害
ē hāi
世間情愛
sè-kan tsîng-ài
予人變戇呆
hōo-lâng piàn gōng-tai
]]>愛請你毋通走傷緊https://2blog.ilc.edu.tw/32745/2023/12/18/%e6%84%9b%e8%ab%8b%e4%bd%a0%e6%af%8b%e9%80%9a%e8%b5%b0%e5%82%b7%e7%b7%8a/Sun, 17 Dec 2023 20:32:44 +0000https://2blog.ilc.edu.tw/32745/?p=98081
《愛請你毋通走傷緊》Ài Tshiánn Lí M̄-thang Tsáu Siunn Kín
蕭玉芬Siau Gio̍k-hun
——————————————
愛
ài
請你毋通來傷緊
tshiánn lí m̄-thang lâi siunn kín
阮的心
gún ê sim
猶未做好準備
iáu-buē tsò-hó tsún-pī
阮希望你來的時陣
gún hi-bāng lí lâi ê sî-tsūn
阮是世間上媠的花蕊
gún sī sè-kan siōng suí ê hue-luí
愛
ài
請你毋通走傷緊
tshiánn lí m̄-thang tsáu siunn kín
阮的夢
gún ê bāng
猶未完全清醒
iáu-buē uân-tsuân tshing-tshínn
阮希望你走的時陣
gún hi-bāng lí tsáu ê sî-tsūn
會當看著你最後一面
ē-tàng khuànn-tio̍h lí tsuè-āu tsi̍t-bīn
為啥物你來去匆匆
uī-siánn-mih lí lâi-khì tshong-tshong
毋願留下你的行蹤
m̄-guān lâu-hā lí ê hîng-tsong
為啥物你來去如風
uī-siánn-mih lí lâi-khì jû hong
無法看清你的面容
bô-huat khuànn-tshing lí ê bīn-iông
一生的期待
it-sing ê kî-thāi
受盡風霜
siū-tsīn hong-song
一生的青春
it-sing ê tshing-tshun
為你埋葬
uī lí mâi-tsòng
]]>天光https://2blog.ilc.edu.tw/32745/2022/05/28/%e5%a4%a9%e5%85%89-4/Sat, 28 May 2022 12:05:34 +0000https://2blog.ilc.edu.tw/32745/?p=73772
《天光》Thinn-kng
蕭玉芬 Siau Gio̍k-hun
——————————————
以為付出才是愛情
í-uî hù-tshut tsiah sī ài-tsîng
真正愛過才會傷心
tsin-tsiànn ài kuè tsiah-ē siong-sim
情路坎坷
tsîng-lōo khám-khia̍t
一路紅燈
tsi̍t-lōo âng-ting
揣無跤擋
tshuē-bô kha-tòng
欲按怎停
beh án-tsuánn thîng
原來真心
guân-lâi tsin-sim
換來絕情
uānn lâi tsua̍t-tsîng
早就已經毋是新聞
tsá tiō í-king m̄-sī sin-bûn
敢講天地
kám-kóng thinn-tē
早就顛倒反
tsá tiō tian-tò-píng
世間的愛袂久長
sè-kan ê ài buē kú-tn̂g
原來予人傷心的月光
guân-lâi hōo-lâng siong-sim ê gue̍h-kng
早就懸懸照入門
tsá tiō kuân-kuân tsiò ji̍p-mn̂g
行入冷冷清清的房間
kiânn-ji̍p líng-líng tshing-tshing ê pâng-king
才知孤單佔眠床
tsiah tsai koo-tuann tsiàm bîn-tshn̂g
夜夜抱著枕頭喝心酸
iā-iā phō tio̍h tsím-thâu huah sim-sng
是欲按怎到天光
sī beh án-tsuánn kàu thinn-kng
]]>玫瑰https://2blog.ilc.edu.tw/32745/2022/05/28/%e7%8e%ab%e7%91%b0-3/Sat, 28 May 2022 12:03:53 +0000https://2blog.ilc.edu.tw/32745/?p=73769
《玫瑰》Muî-kuì
蕭玉芬Siau Gio̍k-hun
——————————————
風雨中的玫瑰
hong-hōo tiong ê muî-kuì
揣無春天
tshuē-bô tshun-thinn
無人愛失去芳味
bô-lâng ài sit-khì phang-bī
敢有人看著伊心內傷悲
kám ū-lâng khuànn-tio̍h i sim-lāi siong-pi
暗暗來流著珠淚
àm-àm lâi lâu tio̍h tsu-luī
踮佇繁華無你的城市
tiàm tī huân-huâ bô lí ê siânn-tshī
愛情已經消失去
ài-tsîng í-king siau-sit–khì
望啊望啊
bāng–ah bāng–ah
望無伊轉來阮身邊
bāng bô i tńg-lâi gún sin-pinn
阮是苦苦等待的玫瑰
gún sī khóo-khóo tán-thāi ê muî-kuì
雨水落啊落規暝
hōo-tsuí lo̍h–ah lo̍h kui-mî
我的心予思念包圍
guá ê sim hōo su-liām pau-uî
等無伊
tán bô i
愛無去
ài bô khì
花袂閣再開
hue buē koh-tsài khui
阮的愛到遮為止
gún ê ài kàu tsia uî-tsí
]]>雨傘https://2blog.ilc.edu.tw/32745/2022/05/28/%e9%9b%a8%e5%82%98-2/Sat, 28 May 2022 12:01:16 +0000https://2blog.ilc.edu.tw/32745/?p=73766
《雨傘》Hōo-suànn
蕭玉芬Siau Gio̍k-hun
——————————————
窗外又閣陣陣雨聲
thang-guā iū-koh tsūn-tsūn hōo-siann
叫醒著阮心內的疼
kiò-tshínn tio̍h gún sim-lāi ê thiànn
徛佇雨中
khiā tī hōo-tiong
攑著心酸的雨傘
gia̍h tio̍h sim-sng ê hōo-suànn
欲按怎來掩崁孤單
beh án-tsuánn lâi am-khàm koo-tuann
寂寞的夜
tsi̍k-bo̍k ê iā
欲哭無聲
beh khàu bô-siann
唱著哀怨悲傷的歌
tshiùnn tio̍h ai-uàn pi-siong ê kua
徛佇雨中
khiā tī hōo-tiong
走揣著你的形影
tsáu-tshuē tio̍h lí ê hîng-iánn
偏偏雨水
phian-phian hōo-tsuí
煞愈落愈大
suah jú lo̍h jú tuā
變心的天
piàn-sim ê thinn
落著冷冷的雨
lo̍h tio̍h líng-líng ê hōo
阻擋著阮揣你的跤步
tsóo-tòng tio̍h gún tshuē lí ê kha-pōo
敢是愛你愛毋著
kám-sī ài lí ài m̄-tio̍h
才會一人行一路
tsiah ē tsi̍t-lâng kiânn tsi̍t-lōo
予阮揣無愛情通倚靠
hōo gún tshuē-bô ài-tsîng thang uá-khò
愛你的心
ài lí ê sim
落著冷冷的雨
lo̍h tio̍h líng-líng ê hōo
綴袂著你變心的跤步
tuè buē-tio̍h lí piàn-sim ê kha-pōo
過去的你
kuè-khì ê lí
已經揣無
í-king tshuē-bô
雨中的覺悟
hōo-tiong ê kak-ngōo
停佇最後分手彼一幕
thîng tī tsuè-āu hun-tshiú hit tsi̍t-bōo
]]>毒藥https://2blog.ilc.edu.tw/32745/2022/05/28/%e6%af%92%e8%97%a5/Sat, 28 May 2022 11:57:54 +0000https://2blog.ilc.edu.tw/32745/?p=73763
《毒藥》To̍k-io̍h
蕭玉芬 Siau Gio̍k-hun
—————————————————
三更半暝無人的老街
sann-kinn-puànn-mî bô-lâng ê lāu ke
只有路燈陪我佇遮坐
tsí-ū lōo-ting puê guá tī tsia tsē
問天問地誰毋捌愛過
mn̄g thinn mn̄g tē siâng m̄-bat ài kuè
是誰留阮佇遮徘徊
sī siâng lâu gún tī tsia pâi-huê
分開的人敢會閣相揣
hun-khui ê lâng kám ē koh sio-tshuē
咒誓敢會變做是笑話
tsiù-tsuā kám ē piàn-tsuè sī tshiò-uē
明知愛情是毒藥
bîng-tsai ài-tsîng sī to̍k-io̍h
偏偏一喙共啉落
phian-phian tsi̍t tshuì kā lim–lo̍h
等到情火一直燒
tán-kàu tsîng-hué it-ti̍t sio
揣無止疼的解藥
tshuē-bô tsí-thiànn ê kái-io̍h
毋知情份比紙薄
m̄-tsai tsîng-hūn pí tsuá po̍h
一片痴心變落葉
it-phiàn tshi-sim piàn lo̍h-hio̍h
山盟海誓早就無
san-bîng-hái-sè tsá tiō bô
阮的感情欲揣誰討
gún ê kám-tsîng beh tshuē siâng thó
]]>