蔡秋鳳 – 臺語正字歌詞部落格https://2blog.ilc.edu.tw/32745這是一個臺語歌曲正字網站Fri, 28 Feb 2025 03:09:10 +0000zh-TWhourly1https://wordpress.org/?v=6.6.9https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg蔡秋鳳 – 臺語正字歌詞部落格https://2blog.ilc.edu.tw/327453232 袂看破https://2blog.ilc.edu.tw/32745/2025/02/28/%e8%a2%82%e7%9c%8b%e7%a0%b4-2/Fri, 28 Feb 2025 03:09:10 +0000https://2blog.ilc.edu.tw/32745/?p=125149

《袂看破》Buē Khuànn-phuà
蔡秋鳳Tshuà Tshiu-hōng
——————————————
袂看破
buē khuànn-phuà
嘛著看予破
mā tio̍h khuànn hōo phuà
啥人叫我心肝遮爾大
siánn-lâng kiò guá sim-kuann tsiah-nī tuā
當初是你
tong-tshoo sī lí
你來欺騙我
lí lâi khi-phiàn guá
如今害我受拖磨
jû-kim hāi guá siū thua-buâ
你若來違背我
lí nā lâi uî-puē guá
你敢會快活
lí kám ē khuìnn-ua̍h
忍心放我一个孤單
jím-sim pàng guá tsi̍t-ê koo-tuann
你來戲弄我
lí lâi hì-lāng guá
僥雄嘛無地看
hiau-hiông mā bô-tè khuànn
這款的男性無較縒
tsit khuán ê lâm-sìng bô-khah-tsua̍h
放捒我
pàng-sak guá
我也可以活
guá iā khó-í ua̍h
總有一工
tsóng ū-tsi̍t-kang
後悔毋是我
hiō-hué m̄-sī guá
從今以後
tsiông-kim í-āu
你目睭金金看
lí ba̍k-tsiu kim-kim khuànn
我會成功予你看
guá ē sîng-kong hōo lí khuànn
]]>不再放蕩https://2blog.ilc.edu.tw/32745/2024/02/08/%e4%b8%8d%e5%86%8d%e6%94%be%e8%95%a9/Thu, 08 Feb 2024 06:38:37 +0000https://2blog.ilc.edu.tw/32745/?p=99645
《不再放蕩》Put-tsài Hòng-tōng
蔡秋鳳Tshuà Tshiu-hōng
——————————————
你愛聽我講
lí ài thiann guá kóng
𨑨迌無路用
thit-thô bô-lōo-iōng
你若展你勇佮強
lí nā tián lí ióng kah kiông
人看不中用
lâng khuànn put-tiòng-iōng
踮在當今社會上
tiàm-tsāi tong-kim siā-huē-siōng
請你毋通閣放蕩
tshiánn lí m̄-thang koh hòng-tōng
只要做人義理重
tsí-iàu tsuè-lâng gī-lí tiōng
何必自誇是英雄
hô-pit tsū-khua sī ing-hiông
咱是仝故鄉
lán sī kāng kòo-hiong
才來對你講
tsiah lâi tuì lí kóng
我勸的話
guá khǹg ê uē
愛順從
ài sūn-tsiông
創造好理想
tshòng-tsō hó lí-sióng
毋是我愛講
m̄-sī guá ài kóng
𨑨迌無路用
thit-thô bô-lōo-iōng
你若重視有信用
lí nā tiōng-sī ū sìn-iōng
人人會尊重
lâng lâng ē tsun-tiōng
踮在當今社會上
tiàm-tsāi tong-kim siā-huē-siōng
請你毋通閣懵懂
tshiánn lí m̄-thang koh bóng-tóng
只要做人意志強
tsí-iàu tsuè-lâng ì-tsì kiông
何必懼怕啥波浪
hô-pit khū-phà siánn pho-lōng
有緣再相逢
ū-iân tsài siong-hông
才來對你講
tsiah lâi tuì lí kóng
望你自己
bāng lí tsū-kí
愛○○
ài ? ?
創造好理想
tshòng-tsō hó lí-sióng
]]>望你相照顧https://2blog.ilc.edu.tw/32745/2024/02/08/%e6%9c%9b%e4%bd%a0%e7%9b%b8%e7%85%a7%e9%a1%a7/Thu, 08 Feb 2024 06:35:44 +0000https://2blog.ilc.edu.tw/32745/?p=99642
《望你相照顧》Bāng Lí Sio Tsiàu-kòo
蔡秋鳳Tshuà Tshiu-hōng
——————————————
阮是一枝
gún sī tsi̍t-ki
純情的花蕊
sûn-tsîng ê hue-luí
隨著春風開
suî tio̍h tshun-hong khui
無疑遇著風雨暗暝
bô-gî bú-tio̍h hong-ú àm-mî
花蕊煞來離花枝
hue-luí suah lâi lî hue-ki
真情的愛
tsin-tsîng ê ài
需要鼓勵
su-iàu kóo-lē
需要來安慰
su-iàu lâi an-uì
望君愛花
bāng kun ài hue
愛惜花枝
ài sioh hue-ki
毋通挽花蕊
m̄-thang bán hue-luí
想起你咱
siūnn-khí lí lán
初戀彼當時
tshoo-luân hit-tong-sî
情意糖蜜甜
tsîng-ì thn̂g-bi̍t-tinn
為欲創造前途
uī beh tshòng-tsō tsiân-tôo
不得已
put-tik-í
你咱煞來拆分離
lí lán suah lâi thiah-hun-lî
看見窗外
khuànn-kìnn thang-guā
綿綿雨水
mî-mî hōo-tsuí
情絲斷袂離
tsîng-si tuān buē-lī
等待春風若來的時
tán-thāi tshun-hong nā lâi ê sî
會得再團圓
ē-tit tsài thuân-înn
]]>需要你照顧https://2blog.ilc.edu.tw/32745/2024/02/08/%e9%9c%80%e8%a6%81%e4%bd%a0%e7%85%a7%e9%a1%a7/Thu, 08 Feb 2024 06:33:51 +0000https://2blog.ilc.edu.tw/32745/?p=99639
《需要你照顧》Su-iàu Lí Tsiàu-kòo
蔡秋鳳Tshuà Tshiu-hōng
——————————————
我有一份真情
guá ū tsi̍t-hūn tsin-tsîng
我有一份真意
guá ū tsi̍t-hūn tsin ì
想欲向你來表示
siūnn-beh hiòng lí lâi piáu-sī
毋通笑阮多情
m̄-thang tshiò gún to-tsîng
毋通笑阮痴迷
m̄-thang tshiò gún tshi-bê
阮是真心咧愛你
gún sī tsin-sim teh ài lí
毋求你的榮華
m̄ kiû lí ê îng-huâ
毋求你的富貴
m̄ kiû lí ê hù-kuì
希望有你在身邊
hi-bāng ū lí tsāi sin-pinn
望你對阮照顧
bāng lí tuì gún tsiàu-kòo
望你對阮安慰
bāng lí tuì gún an-uì
阮就深深感謝你
gún tsiū tshim-tshim kám-siā lí
毋通放阮
m̄-thang pàng gún
孤單寂寞
koo-tuann tsi̍k-bo̍k
我已對你
guá í tuì lí
深深咧愛慕
tshim-tshim teh ài-bōo
愛的旅途
ài ê lú-tôo
有甜有苦
ū tinn ū khóo
好好追求
hó-hó tui-kiû
美好的前途
bí-hó ê tsiân-tôo
毋通耽誤阮的幸福
m̄-thang tam-gōo gún ê hīng-hok
花蕊望露
hue-luí bāng lōo
需要你照顧
su-iàu lí tsiàu-kòo
]]>情深深意綿綿https://2blog.ilc.edu.tw/32745/2024/02/08/%e6%83%85%e6%b7%b1%e6%b7%b1%e6%84%8f%e7%b6%bf%e7%b6%bf/Thu, 08 Feb 2024 06:32:09 +0000https://2blog.ilc.edu.tw/32745/?p=99636
《情深深意綿綿》Tsîng Tshim-tshim Ì Mî-mî
蔡秋鳳Tshuà Tshiu-hōng
——————————————
對你講無愛你
tuì lí kóng bô-ài lí
這是考驗你心意
tse sī khó-giām lí sim-ì
你何必傷心珠淚滴
lí hô-pit siong-sim tsu-luī tih
深情難捨情難移
tshim-tsîng lân-siá tsîng lân-î
對你講討厭你
tuì lí kóng thó-ià lí
其實我是真愛你
kî-si̍t guá sī tsin ài lí
你怎樣袂了解阮心意
lí tsuánn-iūnn buē liáu-kái gún sim-ì
愛你情深意綿綿
ài lí tsîng tshim ì mî-mî
請你毋通來傷悲
tshiánn lí m̄-thang lâi siong-pi
阮嘛知影
gún mā tsai-iánn
你是對阮真情意
lí sī tuì gún tsin tsîng-ì
阮已將一切獻予你
gún í tsiong it-tshè hiàn hōo lí
叫我怎樣袂想你
kiò guá tsuánn-iūnn buē siūnn lí
怎樣袂想你
tsuánn-iūnn buē siūnn lí
]]>真情https://2blog.ilc.edu.tw/32745/2023/11/25/%e7%9c%9f%e6%83%85-5/Sat, 25 Nov 2023 11:15:59 +0000https://2blog.ilc.edu.tw/32745/?p=97181

《真情》Tsin-tsîng
蔡秋鳳Tshuà Tshiu-hōng
——————————————
深深的愛
tshim-tshim ê ài
在心內
tsāi sim-lāi
毋敢講出喙
m̄-kánn kóng tshut-tshuì
滿腹情話
muá-pak tsîng-uē
只有是
tsí-ū sī
寫批來表示
siá phue lâi piáu-sī
你敢會知
lí kám ē tsai
阮對你
gún tuì lí
全是真情義
tsuân sī tsin tsîng-gī
希望你猶原
hi-bāng lí iu-guân
真心對待阮
tsin-sim tuì-thāi gún
做阮的伴侶
tsuè gún ê phuānn-lī
一場美麗的戀夢
tsi̍t-tiûnn bí-lē ê luân-bāng
無疑來拍碎
bô-gî lâi phah-tshuì
從今以後
tsiông-kim í-āu
你欲叫阮
lí beh kiò gún
怎樣過日子
tsuánn-iūnn kuè ji̍t-tsí
全無帶念咱雙人
tsuân bô tài-liām lán siang-lâng
過去的情義
kuè-khì ê tsîng-gī
你哪通花言巧語
lí ná thang hua-giân khá-gú
欺騙阮
khi-phiàn gún
放阮做你去
pàng gún tsuè lí khì
]]>思慕你https://2blog.ilc.edu.tw/32745/2023/11/25/%e6%80%9d%e6%85%95%e4%bd%a0/Sat, 25 Nov 2023 11:14:34 +0000https://2blog.ilc.edu.tw/32745/?p=97178

《思慕你》Su-bōo Lí
蔡秋鳳Tshuà Tshiu-hōng
——————————————
思慕你
su-bōo lí
思慕你
su-bōo lí
少女伊咧思慕你
siàu-lú i teh su-bōo lí
思慕你
su-bōo lí
思慕你
su-bōo lí
偏偏你攏毋知伊
phian-phian lí lóng m̄-tsai i
想欲寫批寄予你
siūnn-beh siá phue kià hōo lí
偏偏阮毋知
phian-phian gún m̄-tsai
恁厝的地址
lín tshù ê tē-tsí
又閣拄著你
iū-koh tú-tio̍h lí
想欲提予你
siūnn-beh the̍h hōo lí
偏偏無勇氣
phian-phian bô ióng-khì
自恨自歎
tsū-hūn tsū-thàn
目屎滴
ba̍k-sái tih
大聲在夢中
tuā-siann tsāi bāng-tiong
叫著心愛的你名字
kiò tio̍h sim-ài–ê lí miâ-jī
你敢攏毋知
lí kám lóng m̄-tsai
少女的含情的心意
siàu-lú ê hâm-tsîng ê sim-ì
思慕你
su-bōo lí
思慕你
su-bōo lí
少女伊咧思慕你
siàu-lú i teh su-bōo lí
思慕你
su-bōo lí
思慕你
su-bōo lí
偏偏你攏毋知伊
phian-phian lí lóng m̄-tsai i
希望一日你會了解
hi-bāng tsi̍t-ji̍t lí ē liáu-kái
阮心內咧思慕你
gún sim-lāi teh su-bōo lí
]]>追想曲https://2blog.ilc.edu.tw/32745/2023/11/25/%e8%bf%bd%e6%83%b3%e6%9b%b2/Sat, 25 Nov 2023 11:13:18 +0000https://2blog.ilc.edu.tw/32745/?p=97176

《追想曲》Tui-sióng Khik
蔡秋鳳Tshuà Tshiu-hōng
——————————————
一跤紅皮箱
tsi̍t-kha âng phuê-siunn
陪伴阮身邊
puê-phuānn gún sin-pinn
沿路冷風吹
iân-lōo líng-hong tshue
想起咱當時
siūnn-khí lán tong-sî
初戀心歡喜
tshoo-luân sim huann-hí
暝日來做堆
mî-ji̍t lâi tsuè-tui
心愛的
sim-ài–ê
你一人
lí tsi̍t-lâng
就是阮伴侶
tsiū-sī gún phuānn-lī
一條思戀歌
tsi̍t-tiâu su-luân kua
安慰阮做伴
an-uì gún tsuè-phuānn
沿路唱無停
iân-lōo tshiùnn bô-thîng
啥人了解我
siánn-lâng liáu-kái guá
只有你一人
tsí-ū lí tsi̍t-lâng
了解阮心肝
liáu-kái gún sim-kuann
心愛的
sim-ài–ê
你因何
lí in-hô
變成遐冷淡
piàn-sîng hiah líng-tām
一領膨紗衫
tsi̍t-niá phòng-se-sann
這是你送我
tse sī lí sàng guá
沿路伴身軀
iân-lōo phuānn sin-khu
毋驚霜風大
m̄-kiann sng-hong tuā
今日孤一个
kim-ji̍t koo tsi̍t-ê
離開著故鄉
lī-khui tio̍h kòo-hiong
心愛的
sim-ài–ê
阮就是
gún tsiū-sī
為著伊一人
uī-tio̍h i tsi̍t-lâng
]]>純情的愛https://2blog.ilc.edu.tw/32745/2023/11/25/%e7%b4%94%e6%83%85%e7%9a%84%e6%84%9b-4/Sat, 25 Nov 2023 11:11:50 +0000https://2blog.ilc.edu.tw/32745/?p=97173
《純情的愛》Sûn-tsîng ê Ài
蔡秋鳳Tshuà Tshiu-hōng
——————————————
看見著青翠山邊
khuànn-kìnn tio̍h tshinn-tshuì suann-pinn
蝴蝶雙雙飛相隨
ôo-tia̍p siang-siang pue sio-suî
可比歡迎我佮你
khó-pí huan-gîng guá kah lí
做著好伴侶
tsuè tio̍h hó phuānn-lī
毋管愛情
m̄-kuán ài-tsîng
有啥阻礙
ū siánn tsóo-gāi
我也堅心愛慕你
guá iā kian-sim ài-bōo lí
你有情
lí ū-tsîng
我有義
guá ū-gī
互相鼓勵
hōo-siong kóo-lē
互相安慰
hōo-siong an-uì
純情的愛
sûn-tsîng ê ài
難分難離
lân-hun lân-lî
純情的愛
sûn-tsîng ê ài
難分難離
lân-hun lân-lî
永遠毋分離
íng-uán m̄ hun-lî
看見著茫茫海水
khuànn-kìnn tio̍h bông-bông hái-tsuí
海鳥對對飛相隨
hái-tsiáu tuì-tuì pue sio-suî
可比祝福我佮你
khó-pí tsiok-hok guá kah lí
情義糖蜜甜
tsîng-gī thn̂g-bi̍t-tinn
毋管愛情
m̄-kuán ài-tsîng
起啥風浪
khí siánn hong-lōng
我也堅心等待你
guá iā kian-sim tán-thāi lí
你佮我
lí kah guá
我佮你
guá kah lí
山盟海誓
san-bîng hái-sè
毋敢袂記
m̄-kánn buē-kì
純情的愛
sûn-tsîng ê ài
難分難離
lân-hun lân-lî
純情的愛
sûn-tsîng ê ài
難分難離
lân-hun lân-lî
永遠不分離
íng-uán put hun-lî
]]>女人啊女人https://2blog.ilc.edu.tw/32745/2023/11/25/%e5%a5%b3%e4%ba%ba%e5%95%8a%e5%a5%b3%e4%ba%ba-2/Sat, 25 Nov 2023 11:09:52 +0000https://2blog.ilc.edu.tw/32745/?p=97170
《女人啊女人》Lú-jîn–ah Lú-jîn
蔡秋鳳Tshuà Tshiu-hōng
——————————————
為情犧牲
uī tsîng hi-sing
付出偌濟的青春
hù-tshut guā-tsuē ê tshing-tshun
啥人安慰阮
siánn-lâng an-uì gún
失落的心
sit-lo̍h ê sim
青春可比
tshing-tshun khó-pí
女性的靈魂
lú-sìng ê lîng-hûn
情份若斷
tsîng-hūn nā tn̄g
只有恨
tsí-ū hūn
一个人倒眠床
tsi̍t-ê-lâng tó bîn-tshn̂g
傷心目屎腹內吞
siong-sim ba̍k-sái pak-lāi thun
孤單半暝等天光
koo-tuann puànn-mî tán thinn kng
艱苦嘛是無人問
kan-khóo mā sī bô-lâng mn̄g
啊~女人啊女人
ah~ lú-jîn–ah lú-jîn
女人啊女人
lú-jîn–ah lú-jîn
花蕊若無來變黃
hue-luí nā bô lâi piàn n̂g
望時間
bāng sî-kan
會當改變阮命運
ē-tàng kái-piàn gún miā-ūn
]]>