蔡昇州 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sun, 07 Jul 2024 02:17:08 +0000zh-TWhourly1https://wordpress.org/?v=6.6.9https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg蔡昇州 – 臺語正字歌詞部落格https://2blog.ilc.edu.tw/327453232 兄弟悲歌https://2blog.ilc.edu.tw/32745/2024/07/07/%e5%85%84%e5%bc%9f%e6%82%b2%e6%ad%8c/Sun, 07 Jul 2024 02:15:55 +0000https://2blog.ilc.edu.tw/32745/?p=104066
《兄弟悲歌》Hiann-tī Pi-kua
蔡昇州Tshuà Sing-tsiu(州師父)
——————————————
繁華夜都市
huân-huâ iā too-tshī
燈火閃閃爍
ting-hué siám-siám-sih
安貧知命
an pîn ti miā
一身懸命
it-sin hiân-miā
前途未卜看袂清
tsiân-tôo buē-pok khuànn buē-tshing
暗暝伴月娘佇佗位
àm-mî phuānn gue̍h-niû tī tó-uī
天頂鳥隻飛佗去
thinn-tíng tsiáu-tsiah pue toh khì
親像無岫吼哀悲
tshin-tshiūnn bô siū háu ai-pi
懷念故鄉阿母菜桌的感情
huâi-liām kòo-hiong a-bú tshài-toh ê kám-tsîng
為性命拚一口氣
uī sìnn-miā piànn tsi̍t-kháu-khuì
踏入江湖社會
ta̍p-ji̍p kang-ôo siā-huē
欲拚一片天
beh piànn tsi̍t-phìnn thinn
冷風吹入心肝
líng-hong tshue ji̍p sim-kuann
唱出兄弟的悲歌
tshiùnn-tshut hiann-tī ê pi-kua
就算暗時閣再孤單
tiō-sǹg àm-sî koh-tsài koo-tuann
查埔人的目屎
tsa-poo-lâng ê ba̍k-sái
嘛愛拭焦
mā ài tshit ta
手頭點一枝薰
tshiú-thâu tiám tsi̍t-ki hun
才是心內的孤單
tsiah-sī sim-lāi ê koo-tuann
攑頭向天咒誓
gia̍h-thâu hiòng thinn tsiù-tsuā
我欲靠我的雙手
guá beh khò guá ê siang-tshiú
拚出一支名
piànn tshut tsi̍t-ki miâ
—
為著某囝
uī-tio̍h bóo-kiánn
日炎也著走
ji̍t iām iā tio̍h tsáu
肩胛頭的責任
king-kah-thâu ê tsik-jīm
用我的氣魄拚出聲
iōng guá ê khì-phik piànn tshut-siann
踏入社會天大
ta̍p-ji̍p siā-huē thinn tuā
我用性命伴人生
guá iōng sìnn-miā phuānn jîn-sing
演出兄弟悲歌
ián-tshut hiann-tī pi-kua
]]>帝爺上帝公https://2blog.ilc.edu.tw/32745/2024/07/07/%e5%b8%9d%e7%88%ba%e4%b8%8a%e5%b8%9d%e5%85%ac/Sun, 07 Jul 2024 02:14:03 +0000https://2blog.ilc.edu.tw/32745/?p=104063
《帝爺上帝公》Tè-iâ Siōng-tè-kong
蔡昇州Tshuà Sing-tsiu(州師父)
——————————————
鎮守是掌管北方
tìn-siú sī tsiáng-kuán pak-hong
威猛神通坐北烏雲中
ui-bíng sîn-thong tsē pak oo-hûn tiong
先斬下方無道邪魔鬼
sing tsám hā-hong bû-tō siâ-môo-kuí
再斬外邪不正妖神魔
tsài tsám guā-siâ put-tsiànn iau-sîn-môo
手來斬魔是七星劍
tshiú lâi tsám môo sī tshit-tshenn-kiàm
龜蛇跤力
ku-tsuâ kha-la̍t
康趙來做先鋒
Khng Tiō lâi tsò sian-hong
北極真武大帝
Pak-ki̍k Tsin-bú Tāi-tè
蕩魔天尊
Tōng-môo Thian-tsun
玄天上帝帝爺公
Hiân-thian Siōng-tè Tè-iâ-kong
北極玄天上帝
Pak-ki̍k Hiân-thian Siōng-tè
真武大帝
Tsin-bú Tāi-tè
蕩魔天尊
Tōng-môo Thian-tsun
帝爺上帝
Tè-iâ Siōng-tè
攏是咱心目中
lóng-sī lán sim-bo̍k-tiong
信仰帝爺上帝公
sìn-gióng Tè-iâ Siōng-tè-kong
拜的是信仰
pài–ê sī sìn-gióng
嘛有精神佮思想
mā ū tsing-sîn kah su-sióng
為人心中若正氣
uî-jîn sim-tiong nā tsiànn-khuì
神明自然會保庇
sîn-bîng tsū-jiân ē pó-pì
阿公佮阿媽
a-kong kah a-má
𤆬著阿母佮阿爸
tshuā tio̍h a-bú kah a-pah
牽著細漢時的我
khan-tio̍h sè-hàn-sî ê guá
雙手合掌金金看
siang-tshiú ha̍p-tsiúnn kim-kim khuànn
清香攑咧手
tshing-hiunn gia̍h teh tshiú
拜拜總是為咱求
pài-pài tsóng-sī uī lán kiû
保庇囝孫
pó-pì kiánn-sun
保庇序細平安
pó-pì sī-sè pîng-an
讀冊做班長
tha̍k-tsheh tsuè pan-tiúnn
三皇時代
sam-hông sî-tāi
昊天金闕玉皇上帝來降生
hō-thian kim-khuat Gio̍k-hông Siōng-tè lâi kàng-sing
入胎淨樂國
ji̍p-thai Tsīng-lo̍k-kok
皇室的善勝皇后
hông-sik ê Siān-sìng hông-hiō
懷胎十四月
huâi-thai tsa̍p-sì gue̍h
開皇時代甲辰三月初三
Khai-hông sî-tāi kah-sîn sann-gue̍h tshe-sann
正應虛危之宿
tsìng ìng hi-guî tsi siok
午時聖誕在王宮
gōo-sî sìng-tàn tsāi ông-kiong
出世幼神靈
tshut-sì iù sîn-lîng
不統放棄著王位
put thóng hòng-khì tio̍h ông-uī
拜別爸母
pài-pia̍t pē-bú
誓收天下妖魔
sè siu thian-hā iau-môo
武當山修行
Bú-tong-suann siu-hīng
甲子九月初九日
kah-tsí káu-gue̍h tshe-káu ji̍t
統領三大天將兵
thóng-niá sann tuā thian-tsiong ping
六丁六甲天掛甲兵
lio̍k-ting lio̍k-kah thian kuà-kah ping
得道北極上帝神
tit-tō pak-ki̍k Siōng-tè-sîn
鎮守是掌管北方
tìn-siú sī tsiáng-kuán pak-hong
威猛神通坐北烏雲中
ui-bíng sîn-thong tsē pak oo-hûn tiong
先斬下方無道邪魔鬼
sing tsám hā-hong bû-tō siâ-môo-kuí
再斬外邪不正妖神魔
tsài tsám guā-siâ put-tsiànn iau-sîn-môo
手來斬魔是七星劍
tshiú lâi tsám môo sī tshit-tshenn-kiàm
龜蛇跤力
ku-tsuâ kha-la̍t
康趙來做先鋒
Khng Tiō lâi tsò sian-hong
北極真武大帝
Pak-ki̍k Tsin-bú Tāi-tè
蕩魔天尊
Tōng-môo Thian-tsun
玄天上帝帝爺公
Hiân-thian Siōng-tè Tè-iâ-kong
咱的信仰帝爺公
lán ê sìn-gióng Tè-iâ-kong
護祐眾生上帝公
hōo-iū tsiòng-sing Siōng-tè-kong
庇祐你我帝爺公
pì-iū lí guá Tè-iâ-kong
北極玄天上帝帝爺公
Pak-ki̍k Hiân-thian Siōng-tè Tè-iâ-kong
咱的信仰帝爺公
lán ê sìn-gióng Tè-iâ-kong
護祐眾生上帝公
hōo-iū tsiòng-sing Siōng-tè-kong
庇祐你我帝爺公
pì-iū lí guá Tè-iâ-kong
北極玄天上帝帝爺公
Pak-ki̍k Hiân-thian Siōng-tè Tè-iâ-kong
—
社會是世間上複雜的人生
siā-huē sī sè-kan siōng ho̍k-tsa̍p ê jîn-sing
毋通袂記細漢爸母的精神
m̄-thang buē-kì sè-hàn pē-bú ê tsing-sîn
天公地道
thian-kong tē-tō
凡事對起咱的心
huân sī tuì khí lán ê sim
放下恩怨
hòng-hā un-uàn
笑笑過一生
tshiò-tshiò kuè it-sing
人生在世無不散的宴席
jîn-sing tsāi-sè bô put-sàn ê iàn-si̍k
毋通浪費佇無必要的光陰
m̄-thang lōng-huì tī bô-pit-iàu ê kong-im
爸母是天地
pē-bú sī thinn-tē
百善孝為先
pah-siān hàu uî sian
越頭看一切
ua̍t-thâu khuànn it-tshè
了解啥物是真假
liáu-kái siánn-mih sī tsin-ké
]]>愛拚才會贏https://2blog.ilc.edu.tw/32745/2024/07/07/%e6%84%9b%e6%8b%9a%e6%89%8d%e6%9c%83%e8%b4%8f-2/Sun, 07 Jul 2024 02:12:30 +0000https://2blog.ilc.edu.tw/32745/?p=104060
《愛拚才會贏》Ài Piànn Tsiah Ē Iânn
蔡昇州Tshuà Sing-tsiu(州師父)
——————————————
細漢阿爸
sè-hàn a-pah
佇咱耳空共咱講
tī lán hīnn-khang kā lán kóng
愛會記得
ài ē-kì-eh
一枝草是一點露
tsi̍t-ki tsháu sī tsi̍t-tiám lōo
出外著靠家己
tshut-guā tio̍h khò ka-kī
因為靠山山會倒
in-uī khò-suann suann ē tó
免驚艱苦
bián-kiann kan-khóo
拍斷手骨顛倒勇
phah-tn̄g tshiú-kut tian-tò ióng
媽媽牽咱的手
má-mah khan lán ê tshiú
細聲共咱講
sè-siann kā lán kóng
趁錢有數
thàn-tsînn iú-sòo
性命著愛顧
sènn-miā tio̍h-ài kòo
起厝是動千工
khí-tshù sī tāng tshian-kang
拆厝是一陣風
thiah tshù sī tsi̍t-tsūn hong
年上驚中秋
nî siōng kiann tiong-tshiu
月驚十九號
gue̍h kiann tsa̍p-káu hō
出外綴人拍拚
tshut-guā tuè lâng phah-piànn
咱勇敢向前行
lán ióng-kám hiòng-tsiân kiânn
我相信天公伯
guá siong-sìn thinn-kong-peh
一定會疼戇囝
it-tīng ē thiànn gōng-kiánn
朋友有你伨我
pîng-iú ū lí thīn guá
有困難咱做伙擔
ū khùn-lân lán tsò-hué tann
委屈酒杯仔捀懸
uí-khut tsiú-pue-á phâng kuân
咱一喙啉予焦
lán tsi̍t-tshuì lim hōo ta
現實社會烏暗
hiān-si̍t siā-huē oo-àm
咱攑頭免驚惶
lán gia̍h-thâu bián kiann-hiânn
做牛著愛拖
tsuè gû tio̍h-ài thua
做人著愛磨
tsuè-lâng tio̍h-ài buâ
在生孝敬一粒豆
tsāi-senn hàu-kìng tsi̍t-lia̍p tāu
毋通後悔無有孝
m̄-thang hiō-hué bô iú-hàu
雙跤正氣踏塗跤
siang-kha tsiànn-khuì ta̍h thôo-kha
我勇敢向前行
guá ióng-kám hiòng-tsiân kiânn
愛拚才會贏
ài piànn tsiah ē iânn
—
離鄉的囡仔
lî-hiong ê gín-á
想厝的心情
siūnn tshù ê sim-tsiânn
成功回鄉稟公媽
sîng-kong huê-hiong pín kong-má
艱苦嘛著擔
kan-khóo mā tio̍h tann
委屈咱當做磨
uí-khut lán tòng-tsuè buâ
咱是臺灣
lán sī Tâi-uân
勇敢的查埔囝
ióng-kám ê tsa-poo-kiánn
–
兄弟啊
hiann-tī–ah
有你來做伴
ū lí lâi tsuè-phuānn
]]>蔡昇州https://2blog.ilc.edu.tw/32745/2024/05/08/%e8%94%a1%e6%98%87%e5%b7%9e/Wed, 08 May 2024 13:21:37 +0000https://2blog.ilc.edu.tw/32745/?p=102284四字部

兄弟悲歌

五字部

帝爺上帝公 愛拚才會贏

]]>