蔡佳麟　 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sun, 10 Nov 2024 06:17:38 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg蔡佳麟　 – 臺語正字歌詞部落格https://2blog.ilc.edu.tw/327453232 夢七改https://2blog.ilc.edu.tw/32745/2024/11/10/%e5%a4%a2%e4%b8%83%e6%94%b9/Sun, 10 Nov 2024 06:17:38 +0000https://2blog.ilc.edu.tw/32745/?p=115235
《夢七改》Bāng Tshit-kái
蔡佳麟Tshuà Ka-lîn
——————————————
為了阮的愛
uī-liáu gún ê ài
流浪走天涯
liû-lōng tsáu thian-gâi
毋驚滿天霜雪
m̄-kiann muá-thinn sng-seh
滿天風雨來
muá-thinn hong-hōo lâi
盤山又過嶺
puânn-suann iū kuè-niá
走遍了四海
tsáu-phiàn liáu sù-hái
一心走揣夢中的愛
tsi̍t-sim tsáu-tshuē bāng-tiong ê ài
昨夜夢你夢七改
tsa-iā bāng lí bāng tshit-kái
思念化做相思海
su-liām huà-tsuè siunn-si hái
昨夜夢中夢醒來
tsa-iā bāng-tiong bāng tshínn–lâi
怎樣你無來
tsuánn-iūnn lí bô lâi
痴心的等待
tshi-sim ê tán-thāi
啊~望天鬥排解
ah~ bāng thinn tàu pâi-kái
揣一个良時吉日
tshuē tsi̍t-ê liông-sî kiat-ji̍t
點燈又結綵
tiám-ting iū kiat-tshái
—
等無你的愛
tán-bô lí ê ài
日頭又落西
ji̍t-thâu iū lo̍h-sai
月娘笑阮是
gue̍h-niû tshiò gún sī
笑阮是痴情戇大呆
tshiò gún sī tshi-tsîng gōng tuā tai
]]>佮你無關https://2blog.ilc.edu.tw/32745/2024/11/10/%e4%bd%ae%e4%bd%a0%e7%84%a1%e9%97%9c/Sun, 10 Nov 2024 06:15:29 +0000https://2blog.ilc.edu.tw/32745/?p=115232
《佮你無關》Kah Lí Bô-kuan
蔡佳麟Tshuà Ka-lîn
——————————————
是你予我揣無防空壕
sī lí hōo guá tshuē-bô hông-khong-hô
袂赴閃避你的空襲警報
buē-hù siám-pī lí ê khong-si̍p-kíng-pò
你講已經想甲真清楚
lí kóng í-king siūnn kah tsin tshing-tshó
無欲綴阮繼續玲瑯遨
bô beh tuè gún kè-sio̍k lin-long gô
我的心內插著一支刀
guá ê sim-lāi tshah tio̍h tsi̍t-ki to
嘛恬恬離開
mā tiām-tiām lī-khui
毋免閣囉嗦
m̄-bián koh lo-so
想當初
siūnn tong-tshoo
愛甲是心甘情願
ài kah sī sim kam tsîng guān
我何必來對你為難
guá hô-pit lâi tuì lí uî-lân
雖然講
sui-jiân kóng
愛是一種成全
ài sī tsi̍t-tsióng sîng-tsuân
敢有遐簡單
kám ū hiah kán-tan
講無愛已經傷慢
kóng bô-ài í-king siunn bān
我敢也會貪心留戀
guá kám iā ē tham-sim liû-luân
如今只有聲聲的怨嘆
jû-kim tsí-ū siann-siann ê uàn-thàn
從今以後
tsiông-kim í-āu
佮你無關
kah lí bô-kuan
]]>武當玄靈https://2blog.ilc.edu.tw/32745/2024/11/10/%e6%ad%a6%e7%95%b6%e7%8e%84%e9%9d%88/Sun, 10 Nov 2024 06:13:51 +0000https://2blog.ilc.edu.tw/32745/?p=115229
《武當玄靈》Bú-tong Hiân-lîng
蔡佳麟Tshuà Ka-lîn
——————————————
↓—(口白)—↓
神恩浩蕩
sîn-un hō-tōng
普濟眾生
phóo-tsè tsiòng-sing
太和武當北極殿
Thài-hô Bú-tong Pak-kik-tiān
↑—(口白)—↑
玄天上帝
Hiân-thian Siōng-tè
武當過臺灣
Bú-tong kuè Tâi-uân
護國佑民
hōo-kok iū-bîn
國泰民安
kok-thài bîn-an
跤踏龜蛇
kha ta̍h ku-siâ
神威不凡
sîn-ui put-huân
斬妖除魔
tsám-iau tû-môo
千古流傳
tshian-kóo liû-thuân
大慈大悲上帝公
tāi-tsû tāi-pi Siōng-tè-kong
八十二化展神通
peh-tsa̍p-jī huà tián sîn-thong
掌握七星寶劍玄武旗
tsióng-ak tshit-tshinn-pó-kiàm hiân-bú-kî
為民消災障
uī bîn siau tsai-tsiong
救苦救難上帝公
kiù-khóo kiù-lān Siōng-tè-kong
運轉乾坤正道名揚
ūn-tsuán khiân-khun tsìng-tō bîng iông
鎮邦護國
tìn-pang hōo-kok
萬世流芳
bān-sè liû-hong
↓↓(口白)—(口白)↓↓
頂戴森羅七座星
tíng tài sim-lô tshit tsō tshinn
來鎮北方為上帝
lâi tìn pak-hong uî siōng-tè
監管諸天掛甲兵
kàm-kuán tsu-thian kuà-kah ping
倒青龍右白虎
tò Tshing-liông iū Pe̍h-hóo
前朱雀後玄武
tsîng Tsu-tshiok hiō Hiân-bú
中勾陳
tiong Kau-tîn
坐管千里虛空內
tsē kuán tshian-lí hi-khong lāi
立照十方混天中
li̍p tsiàu si̍p-hong hūn-thian tiong
↑↑(口白)—(口白)↑↑
↓—(口白)—↓
弘揚道法
hông-iông tō-huat
代天宣化
tāi-thian suan-huà
太和武當北極殿
Thài-hô Bú-tong Pak-kik-tiān
]]>堅持到底https://2blog.ilc.edu.tw/32745/2024/11/10/%e5%a0%85%e6%8c%81%e5%88%b0%e5%ba%95-2/Sun, 10 Nov 2024 06:12:10 +0000https://2blog.ilc.edu.tw/32745/?p=115226
《堅持到底》Kian-tshî Kàu Té
蔡佳麟Tshuà Ka-lîn
——————————————
我的驕傲
guá ê kiau-ngōo
也袂沉在冰冷的海底
iā buē tîm tsāi ping-líng ê hái-té
雖然曾經
sui-jiân tsan-king
險險墜落萬丈的深坑
hiám-hiám tuī-lo̍h bān-tn̄g ê tshim-khenn
流過目屎
lâu kuè ba̍k-sái
流過血汗
lâu kuè hiat-kuānn
嘛攏無關係
mā lóng bô kuan-hē
沃著阮的心內勇敢的花
ak tio̍h gún ê sim-lāi ióng-kám ê hue
坎坷的路
khám-khia̍t ê lōo
有你指引阮方向
ū lí tsí-ín gún hong-hiòng
忍受著風霜
jím siū-tio̍h hong-song
為著你的笑容
uī-tio̍h lí ê tshiò-iông
啊~一切無問題
ah~ it-tshè bô būn-tê
展現氣魄的屈勢
tián-hiān khì-phik ê khut-sè
提出著咱的骨氣
the̍h tshut tio̍h lán ê kut-khì
繼續拚到底
kè-sio̍k piànn kàu té
啊~哪有啥問題
ah~ ná-ū sánn būn-tê
付出成功的代價
hù-tshut sîng-kong ê tāi-kè
堅持到底
kian-tshî kàu té
嘿嘿嘿
heh heh heh
]]>愛咿愛咿https://2blog.ilc.edu.tw/32745/2024/11/10/%e6%84%9b%e5%92%bf%e6%84%9b%e5%92%bf/Sun, 10 Nov 2024 06:10:30 +0000https://2blog.ilc.edu.tw/32745/?p=115223
《愛咿愛咿》Ài–ih Ài–ih
蔡佳麟Tshuà Ka-lîn
——————————————
愛咿愛咿
ài–ih ài–ih
愛著無藥醫
ài–tio̍h bô io̍h i
愛咿愛咿
ài–ih ài–ih
愛著較慘死
ài–tio̍h khah-tshám sí
世界若是看無你
sè-kài nā sī khuànn-bô lí
人生烏白全無味
jîn-sing oo-pe̍h tsuân bô-bī
愛咿愛咿
ài–ih ài–ih
愛著無藥醫
ài–tio̍h bô io̍h i
愛咿愛咿
ài–ih ài–ih
就是愛伊
tiō-sī ài i
希望真情
hi-bāng tsin-tsîng
你會當看見
lí ē-tàng khuànn–kìnn
阮期待你回應
gún kî-thāi lí huê-ìng
愛情無道理
ài-tsîng bô tō-lí
情人眼中
tsîng-jîn gán-tiong
總會出西施
tsóng ē tshut Se-si
緣份真趣味
iân-hūn tsin tshù-bī
茫茫人海拄著你
bâng-bâng jîn-hái tú-tio̍h lí
愛情無道理
ài-tsîng bô tō-lí
心甘情願
sim kam tsîng guān
只有為著你
tsí-ū uī-tio̍h lí
看啥人討厭
khuànn siánn-lâng thó-ià
看啥人佮意
khuànn siánn-lâng kah-ì
若是有緣
nā sī ū-iân
總會結連理
tsóng ē kiat-liân-lí
]]>小姐姐你好https://2blog.ilc.edu.tw/32745/2024/11/10/%e5%b0%8f%e5%a7%90%e5%a7%90%e4%bd%a0%e5%a5%bd/Sun, 10 Nov 2024 06:08:47 +0000https://2blog.ilc.edu.tw/32745/?p=115220
《小姐姐你好》
蔡佳麟Tshuà Ka-lîn
——————————————
今夜的音樂聲
kim-iā ê im-ga̍k-siann
真正是吵吵鬧鬧
tsin-tsiànn sī tshá-tshá-nāu-nāu
毋過阮的心情
m̄-koh gún ê sim-tsîng
也是會感覺無聊
iā-sī ē kám-kak bô-liâu
吧檯邊彼个伊
pa-tâi pinn hit ê i
真正是美麗妖嬌
tsin-tsiànn sī bí-lē iau-kiau
行過去笑微微
kiânn–kuè-khì tshiò bi-bi
講一聲
kóng tsi̍t-siann
小姐姐你好
xiǎojiêjie nǐ hǎo
我的心
guá ê sim
咇噗咇噗跳咇噗跳
phi̍h-phok phi̍h-phok thiàu phi̍h-phok thiàu
希望有好運
hi-bāng ū hó-ūn
桃花到
thô-hue kàu
伊對阮開喙叫oppa
i tuì gún khui-tshuì kiò oppa
Oh My God
我強欲擋袂牢
guá kiōng-beh tòng-buē-tiâu
我的心
guá ê sim
咇噗咇噗跳咇噗跳
phi̍h-phok phi̍h-phok thiàu phi̍h-phok thiàu
期待著美妙的節奏
kî-thāi tio̍h bí-biāu ê tsiat-tsàu
誰知伊行對我身邊的弟弟
siáng tsai i kiânn tuì guá sin-pinn ê tí-tih
害阮真見笑
hāi gún tsin kiàn-siàu
—
哎喲喂
ai-iō-uê
誰知緣份哪遮蠻皮
siáng tsai iân-hūn ná tsiah bân-phuê
共阮放粉鳥
kā gún pàng-hún-tsiáu
]]>天公會保庇https://2blog.ilc.edu.tw/32745/2024/11/10/%e5%a4%a9%e5%85%ac%e6%9c%83%e4%bf%9d%e5%ba%87/Sun, 10 Nov 2024 06:07:13 +0000https://2blog.ilc.edu.tw/32745/?p=115217
《天公會保庇》Thinn-kong Ē Pó-pì
蔡佳麟Tshuà Ka-lîn
——————————————
日頭落山
ji̍t-thâu lo̍h-suann
會閣東山再起
ē koh tong-san tsài-khí
初一十五
tshe-it tsa̍p-gōo
月無逐工圓
gue̍h bô ta̍k-kang înn
毋免欣羨別人的命較媠
m̄-bián him-siān pa̍t-lâng ê miā khah suí
人生的路
jîn-sing ê lōo
愛靠自己
ài khò tsū-kí
菜蟲食菜菜跤死
tshài-thâng tsia̍h tshài tshài-kha sí
善惡報應總有時
siān-ok pò-ìng tsóng ū-sî
啊~咱毋免佮人比
ah~ lán m̄-bián kah lâng pí
骨力拍拚
kut-la̍t phah-piànn
天公會保庇
thinn-kong ē pó-pì
天地若欲照甲子
thinn-tē nā beh tsiàu kah-tsí
做人著愛照天理
tsuè-lâng tio̍h-ài tsiàu thinn-lí
]]>攏是為著趁錢https://2blog.ilc.edu.tw/32745/2024/11/10/%e6%94%8f%e6%98%af%e7%82%ba%e8%91%97%e8%b6%81%e9%8c%a2/Sun, 10 Nov 2024 06:04:58 +0000https://2blog.ilc.edu.tw/32745/?p=115214
《攏是為著趁錢》Lóng-sī Uī-tio̍h Thàn-tsînn
蔡佳麟Tshuà Ka-lîn
——————————————
這馬已經是三更半暝
tsit-má í-king sī sann-kinn puànn-mî
我予客戶灌甲馬西馬西
guá hōo kheh-hōo kuàn kah má-si-má-si
細膩撏著褲袋仔內的鎖匙
sè-jī jîm tio̍h khòo-tē-á-lāi ê só-sî
千萬毋通予阮某來看見
tshian-bān m̄-thang hōo gún bóo lâi khuànn–kìnn
伊會受氣
i ē siūnn-khì
伊會受氣
i ē siūnn-khì
毋通予伊受氣
m̄-thang hōo i siūnn-khì
敢是我行毋著間
kám-sī guá kiânn m̄-tio̍h king
真正會舞死
tsin-tsiànn ē bú–sí
哪會按怎撨攏撨袂開
ná ē án-ná tshiâu lóng tshiâu buē-khui
敢會已經予人鎖佇外面
kám ē í-king hōo-lâng só tī guā-bīn
夭壽喔
iáu-siū–ooh
我心愛的膨椅
guá sim-ài ê phòng-í
今仔日又閣愛睏公司
kin-á-ji̍t iū-koh ài khùn kong-si
攏是為著趁錢趁錢
lóng-sī uī-tio̍h thàn-tsînn thàn-tsînn
將肝來賣伊
tsiong kuann lâi buē i
是趁幾仙錢
sī thàn kuí-sián tsînn
透早上班
thàu-tsá siōng-pan
暗時應酬
àm-sî ìng-siû
強欲二四小時
kiōng-beh jī-sì sió-sî
連鞭貸款連鞭學費
liâm-mī tāi-khuán liâm-mī ha̍k-huì
猶賰啥物
iáu tshun siánn-mih
只賰𤆬恁
tsí tshun tshuā lín
來公園散步溜滑梯
lâi kong-hn̂g sàn-pōo liūhuátī
趁錢趁錢
thàn-tsînn thàn-tsînn
無趁會無錢
bô thàn ē bô tsînn
是趁幾仙錢
sī thàn kuí-sián tsînn
前有爸母
tsîng ū pē-bú
後有某囝
āu ū bóo-kiánn
攏愛我飼
lóng ài guá tshī
連鞭保險連鞭電費
liâm-mī pó-hiám liâm-mī tiān-huì
逐個月催
ta̍k kò-gue̍h tshui
啊上好啉予死去
ah siōng-hó lim hōo sí–khì
毋免來面對
m̄-bián lâi bīn-tuì
↓—(口白)—↓
♪♫♪心事若無講出來♪♫♪
sim-sū nā bô kóng–tshut-lâi
哎~人講乎
haih~ lâng kóng–honnh
歡喜做
huann-hí tsò
著愛甘願受啦
to̍h-ài kam-guān siū–lah
只好吞腹內啊
tsí-hó thun pak-lāi–ah
]]>臺西太和武當北極殿玄天上帝https://2blog.ilc.edu.tw/32745/2024/07/07/%e8%87%ba%e8%a5%bf%e5%a4%aa%e5%92%8c%e6%ad%a6%e7%95%b6%e5%8c%97%e6%a5%b5%e6%ae%bf%e7%8e%84%e5%a4%a9%e4%b8%8a%e5%b8%9d/Sun, 07 Jul 2024 02:07:36 +0000https://2blog.ilc.edu.tw/32745/?p=104056
《臺西太和武當北極殿玄天上帝》Tâi-se Thài-hô Bú-tong Pak-ki̍k-tiān Hiân-thian Siōng-tè
蔡佳麟Tshuà Ka-lîn
——————————————
神恩浩蕩
sîn-un hō-tōng
普濟眾生
phóo-tsè tsiòng-sing
臺西太和武當北極殿
Tâi-sai Thài-hô Bú-tong Pak-ki̍k-tiān
–
玄天上帝
Hiân-thian Siōng-tè
武當過臺灣
Bú-tong kuè Tâi-uân
護國祐民
hōo-kok iū-bîn
國泰民安
kok-thài bîn-an
跤踏龜蛇
kha ta̍h ku-siâ
神威不凡
sîn-ui put-huân
斬妖除魔
tsám-iau tû-môo
千古流傳
tshian-kóo liû-thuân
大慈大悲上帝公
tāi-tsû tāi-pi Siōng-tè-kong
八十二化展神通
peh-tsa̍p-jī huà tián sîn-thong
掌握七星寶劍玄武旗
tsiáng-ak tshit-tshinn pó-kiàm hiân-bú kî
為民消災障
uī bîn siau tsai-tsiòng
救苦救難上帝公
kiù-khóo kiù-lān Siōng-tè-kong
運轉乾坤
ūn-tsuán khiân-khun
正道明揚
tsìng-tō bîng-iông
鎮邦護國
tìn-pang hōo-kok
萬世流芳
bān-sè liû-hong
—
頂戴森羅七座天
tíng tài sim-lô tshit-tsō thian
來鎮北方為上帝
lâi tìn pak-hong uî Siōng-tè
兼管諸天掛甲兵
kiam kuán tsu-thian kuà-kah ping
倒青龍
tò tshing-liong
右白虎
iū pe̍h-hóo
前朱雀
tsîng tsu-tshiok
後玄武
hiō hiân-bú
中勾陳
tiong kau-tîn
坐管千里虛空內
tsē kuán tshian-lí hi-khong lāi
立照十方混天宮
li̍p tsiàu si̍p-hong hūn-thian-kiong
–
弘揚道法
hông-iông tō-huat
代天宣化
tāi thian suan-huà
臺西太和武當北極殿
Tâi-sai Thài-hô Bú-tong Pak-ki̍k-tiān
]]>等待https://2blog.ilc.edu.tw/32745/2023/08/26/%e7%ad%89%e5%be%85-10/Sat, 26 Aug 2023 12:45:11 +0000https://2blog.ilc.edu.tw/32745/?p=94529

《等待》Tán-thāi
蔡佳麟Tshuà Ka-lîn
——————————————
我一个人
guá tsi̍t-ê-lâng
踮在這个所在
tiàm-tsāi tsit ê sóo-tsāi
我真想你
guá tsin siūnn lí
你攏毋知
lí lóng m̄-tsai
點一枝薰
tiám tsi̍t-ki hun
吐出深深無奈
thòo-tshut tshim-tshim bô-nāi
對你的反背
tuì lí ê huán-puē
心疼猶原在
sim-thiànn iu-guân tsāi
我一个人
guá tsi̍t-ê-lâng
踮在這个所在
tiàm-tsāi tsit ê sóo-tsāi
將這段情
tsiong tsit tuānn tsîng
囥咧心內
khǹg teh sim-lāi
過去已經
kuè-khì í-king
沉落茫茫大海
tîm-lo̍h bâng-bâng tuā-hái
留下往事
lâu-hā óng-sū
陪阮哭悲哀
puê gún khàu pi-ai
啊~我佇遮咧等待
ah~ guá tī tsia teh tán-thāi
愛你的心
ài lí ê sim
熱情猶原在
jia̍t-tsîng iu-guân tsāi
啊~你佇每日夢中來
ah~ lí tī muí-ji̍t bāng-tiong lâi
夢中的你
bāng-tiong ê lí
可愛猶原在
khó-ài iu-guân tsāi
]]>