莊振凱 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sat, 18 Feb 2023 12:57:48 +0000zh-TWhourly1https://wordpress.org/?v=6.6.10https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg莊振凱 – 臺語正字歌詞部落格https://2blog.ilc.edu.tw/327453232 好歹字運https://2blog.ilc.edu.tw/32745/2023/02/18/%e5%a5%bd%e6%ad%b9%e5%ad%97%e9%81%8b/Sat, 18 Feb 2023 12:57:48 +0000https://2blog.ilc.edu.tw/32745/?p=88790
《好歹字運》Hó-pháinn Jī-ūn
莊振凱Tsng Tsín-khái
——————————————
人生海海
jîn-sing hái-hái
路偌長
lōo guā tn̂g
我問我的心
guá mn̄g guá ê sim
看清楚
khuànn tshing-tshó
鹹酸苦澀的世情
kiâm-sng khóo-siap ê sè-tsîng
相欠偌濟
sio khiàm guā-tsē
無需要算
bô su-iàu sǹg
將心比心
tsiong-sim pí-sim
我有堅強的命運
guá ū kian-kiông ê miā-ūn
有情人事事認份
ū-tsîng-lâng sū-sū jīn-hūn
無情人出賣靈魂
bô-tsîng-lâng tshut-bē lîng-hûn
拍著算盤
phah tio̍h sǹg-puânn
人情論分寸
jîn-tsîng lūn hun-tshùn
擉一粒靠勢五分
tia̍k tsi̍t-lia̍p khò-sè gōo-hun
敢有贏起來囥
kám ū iânn khí-lâi khǹg
旺聲有啥路用
āng-siann ū siánn lōo-īng
我氣魄留三分
guá khì-phik lâu sann-hun
好歹字運的路
hó-pháinn jī-ūn ê lōo
贏出人生
iânn tshut jîn-sing
]]>男性自尊https://2blog.ilc.edu.tw/32745/2023/02/18/%e7%94%b7%e6%80%a7%e8%87%aa%e5%b0%8a/Sat, 18 Feb 2023 12:56:20 +0000https://2blog.ilc.edu.tw/32745/?p=88788
《男性自尊》Lâm-sìng Tsū-tsun
莊振凱Tsng Tsín-khái
——————————————
離開傷心的所在
lī-khui siong-sim ê sóo-tsāi
無留戀
bô liû-luân
只有感慨
tsí-ū kám-khài
用真心換無真愛
iōng tsin-sim uānn-bô tsin-ài
真情換無情虧待
tsin-tsîng uānn bô-tsîng khui-thāi
話像刀遐爾利
uē tshiūnn to hiah-nī lāi
為愛忍耐
uī ài jím-nāi
毋是無境界
m̄-sī bô kíng-kài
男性自尊猶原在
lâm-sìng tsū-tsun iu-guân tsāi
你的愛
lí ê ài
空殼支票
khang-khak-tsi-phiò
白賊一而再
pe̍h-tsha̍t it-jî-tsài
愛甲遮悲哀
ài kah tsiah pi-ai
實在不應該
si̍t-tsāi put-ing-kai
收回我自尊佮氣概
siu-huê guá tsū-tsun kah khì-khài
]]>國際阿哥https://2blog.ilc.edu.tw/32745/2023/02/18/%e5%9c%8b%e9%9a%9b%e9%98%bf%e5%93%a5/Sat, 18 Feb 2023 12:55:02 +0000https://2blog.ilc.edu.tw/32745/?p=88786
《國際阿哥》Kok-tsè A-ko
莊振凱Tsng Tsín-khái
——————————————
飄撇的眼神
phiau-phiat ê gán-sîn
順一个風
sūn tsi̍t-ê hong
春風微微
tshun-hong bî-bî
掛著笑容
kuà tio̍h tshiò-iông
國際阿哥
kok-tsè a-ko
為愛走傱
uī ài tsáu-tsông
為愛走天涯
uī ài tsáu thian-gâi
無人通阻擋
bô-lâng thang tsóo-tòng
阿哥的English
a-ko ê English
嘛真?講
mā tsin gâu kóng
ありがとう
arigatoo
嘛會通
mā ē-thong
一蕊玫瑰花
tsi̍t-luí muî-kuì-hue
提踮手中
the̍h tiàm tshiú-tiong
可愛的小姐攏掠狂
khó-ài ê xiǎojiě lóng lia̍h-kông
啊~純情的波浪
ah~ sûn-tsîng ê pho-lōng
阿哥的電力滿檔
a-ko ê tiān-la̍t buán-tòng
啊~情愛莫閣踅玲瑯
ah~ tsîng-ài mài koh se̍h-lin-long
阿哥的油門催盡磅
a-ko ê iû-mn̂g tshui tsīn-pōng
]]>無緣情花https://2blog.ilc.edu.tw/32745/2023/02/18/%e7%84%a1%e7%b7%a3%e6%83%85%e8%8a%b1/Sat, 18 Feb 2023 12:53:47 +0000https://2blog.ilc.edu.tw/32745/?p=88784
《無緣情花》Bô-iân Tsîng-hue
莊振凱Tsng Tsín-khái
——————————————
情到冬月
tsîng kàu tang-gue̍h
凍心底
tàng sim-té
夢過五更
bāng kuè gōo-kinn
也該清醒
iā kai tshing-tshénn
終其尾
tsiong-kî-bué
你我兩頭飛
lí guá nn̄g-thâu pue
感情路
kám-tsîng lōo
行甲摖破皮
kiânn kah tshè-phuà phuê
鴛鴦雙棲
uan-iunn siang-tshe
變無四配
piàn bô sù-phuè
山盟海誓
san-bîng hái-sè
煞無算話
suah bô-sǹg uē
你是我的彼蕊
lí sī guá ê hit luí
無緣情花
bô-iân tsîng-hue
我的心疼
guá ê sim thiànn
只賰淚來洗
tsí tshun luī lâi sé
咱的這段
lán ê tsit tuānn
這段傷心情債
tsit tuānn siong-sim tsîng-tsè
雖然無緣
sui-jiân bô-iân
雖然情份短
sui-jiân tsîng-hūn té
但是曾經美麗過
tān-sī tsan-king bí-lē–kuè
]]>男兒的骨氣https://2blog.ilc.edu.tw/32745/2023/02/18/%e7%94%b7%e5%85%92%e7%9a%84%e9%aa%a8%e6%b0%a3/Sat, 18 Feb 2023 12:52:26 +0000https://2blog.ilc.edu.tw/32745/?p=88782
《男兒的骨氣》Lâm-jî ê Kut-khì
莊振凱Tsng Tsín-khái
——————————————
頭頂彼片天
thâu-tíng hit phìnn thinn
地面佮海水
tē-bīn kah hái-tsuí
孤單的我
koo-tuann ê guá
無論未來抑過去
bô-lūn bī-lâi ia̍h kuè-khì
絕對毋流悲傷的珠淚
tsua̍t-tuì m̄ lâu pi-siong ê tsu-luī
心頭彼句話
sim-thâu hit kù uē
爸母的教示
pē-bú ê kà-sī
如今的我
jû-kim ê guá
無論逍遙抑失意
bô-lūn siau-iâu ia̍h sit-ì
絕對欲予命運聽自己
tsua̍t-tuì beh hōo miā-ūn thiann tsū-kí
感謝恁
kám-siā lín
用一生來安慰
iōng it-sing lâi an-uì
我冷冷淡淡的稀微
guá líng-líng-tām-tām ê hi-bî
陪伴所有孤單的暗暝
puê-phuānn sóo-ū koo-tuann ê àm-mî
在無依無倚的日子
tsāi bô-i-bô-uá ê ji̍t-tsí
因為恁了解
in-uī lín liáu-kái
我只賰滿身的骨氣
guá tsí tshun muá-sin ê kut-khì
予我用一生來阻止
hōo guá iōng it-sing lâi tsóo-tsí
咱風風雨雨的四季
lán hong-hong-ú-ú ê sù-kuì
行過所有霜冷佮諷刺
kiânn kuè sóo-ū sng-líng kah hóng-tshì
在烏烏暗暗的牆圍
tsāi oo-oo-àm-àm ê tshiûnn-uî
因為我知影
in-uī guá tsai-iánn
會當拍碎
ē-tàng phah-tshuì
任何痛苦
jīm-hô thòng-khóo
只有男人的骨氣
tsí-ū lâm-jîn ê kut-khì
]]>傷心的地圖https://2blog.ilc.edu.tw/32745/2023/02/18/%e5%82%b7%e5%bf%83%e7%9a%84%e5%9c%b0%e5%9c%96/Sat, 18 Feb 2023 12:50:51 +0000https://2blog.ilc.edu.tw/32745/?p=88779
《傷心的地圖》Siong-sim ê Tē-tôo
莊振凱Tsng Tsín-khái
——————————————
他鄉路
thann-hiong lōo
我踏著
guá ta̍h tio̍h
傷心的跤步
siong-sim ê kha-pōo
愛你的心
ài lí ê sim
愛甲遮爾苦
ài kah tsiah-nī khóo
情跋落一張
tsîng pua̍h-lo̍h tsi̍t-tiunn
傷心的地圖
siong-sim ê tē-tôo
情哪會
tsîng ná ē
行甲遮爾薄
kiânn kah tsiah-nī po̍h
兩人心
nn̄g-lâng sim
千萬步
tshian-bān pōo
看無咱的幸福
khuànn-bô lán ê hīng-hok
快樂哪會
khuài-lo̍k ná ē
出現在眼中
tshut-hiān tsāi gán-tiong
兩人行
nn̄g-lâng kiânn
姻緣路
in-iân lōo
情斷欲如何
tsîng tn̄g beh jû-hô
幸福牽著糊塗
hīng-hok khan tio̍h hôo-tôo
自私牽著勉強
tsū-su khan tio̍h bián-kióng
怎選擇
tsuánn suán-ti̍k
放手才有
pàng-tshiú tsiah ū
你我重新的路途
lí guá tiông-sin ê lōo-tôo
]]>愛甲天無應https://2blog.ilc.edu.tw/32745/2023/02/18/%e6%84%9b%e7%94%b2%e5%a4%a9%e7%84%a1%e6%87%89/Sat, 18 Feb 2023 12:49:18 +0000https://2blog.ilc.edu.tw/32745/?p=88777
《愛甲天無應》Ài Kah Thinn Bô Ìn
莊振凱Tsng Tsín-khái
——————————————
你是我最後的愛人
lí sī guá tsuè-āu ê ài-jîn
一直相信
it-ti̍t siong-sìn
誓言變成真
sè-giân piàn-sîng tsin
彼日看著你
hit-ji̍t khuànn-tio̍h lí
將伊攬佇我位置
tsiong i lám tī guá uī-tì
純情美夢
sûn-tsîng bí-bāng
總算來看清
tsóng-sǹg lâi khuànn-tshing
你是我最後的愛人
lí sī guá tsuè-āu ê ài-jîn
到底你是敢有良心
tàu-té lí sī kám ū liông-sim
我有夠戇
guá ū-kàu gōng
想欲佮你伴一生
siūnn-beh kah lí phuānn it-sing
幸福已經
hīng-hok í-king
佮我無仝爿
kah guá bô-kāng pîng
我從來毋敢來相信
guá tsiông-lâi m̄-kánn lâi siong-sìn
換來著你反面無情
uānn lâi tio̍h lí huán-bīn bô-tsîng
枉費對你一片痴心
óng-huì tuì lí it-phiàn tshi-sim
愛你的記持
ài lí ê kì-tî
留佇我的心內面
lâu tī guá ê sim lāi-bīn
如今愛你
jû-kim ài lí
愛甲叫天
ài kah kiò thinn
天無應
thinn bô ìn
何必將你
hô-pit tsiong lí
當做我的天
tòng-tsuè guá ê thinn
]]>今夜又閣咧想你https://2blog.ilc.edu.tw/32745/2023/02/18/%e4%bb%8a%e5%a4%9c%e5%8f%88%e9%96%a3%e5%92%a7%e6%83%b3%e4%bd%a0/Sat, 18 Feb 2023 12:48:01 +0000https://2blog.ilc.edu.tw/32745/?p=88774
《今夜又閣咧想你》Kim-iā Iū-koh Teh Siūnn Lí
莊振凱Tsng Tsín-khái
——————————————
今夜又閣咧想你
kim-iā iū-koh teh siūnn lí
你無愛我
lí bô-ài guá
已經無所謂
í-king bû-sóo-uī
今夜又閣為你醉
kim-iā iū-koh uī lí tsuì
燒酒一杯
sio-tsiú tsi̍t-pue
雄雄吞落去
hiông-hiông thun–lo̍h-khì
恩恩愛愛
un-un-ài-ài
彼段的過去
hit tuānn ê kuè-khì
遐爾仔愛你
hiah-nī-á ài lí
思思念念
su-su-liām-liām
舊情也綿綿
kū tsîng iā mî-mî
不知不覺
put-ti-put-kak
流落傷心淚
lâu lo̍h siong-sim luī
啥人來安慰
siánn-lâng lâi an-uì
枉費緣份已經盡
óng-huì iân-hūn í-king tsīn
今夜又閣睏袂去
kim-iā iū-koh khùn buē-khì
予我想你
hōo guá siūnn lí
一暝過一暝
tsi̍t-mî kuè tsi̍t-mî
]]>感情路上https://2blog.ilc.edu.tw/32745/2021/11/06/%e6%84%9f%e6%83%85%e8%b7%af%e4%b8%8a/Sat, 06 Nov 2021 04:39:45 +0000https://2blog.ilc.edu.tw/32745/?p=61740https://www.youtube.com/watch?v=nGr1m87E8QM

《感情路上》Kám-tsîng Lōo-siōng
莊振凱Tsng Tsín-khái
——————————————
每到黃昏
muí kàu hông-hun
攏會想起故鄉
lóng ē siūnn-khí kòo-hiong
心愛的你
sim-ài ê lí
你敢有想我無
lí kám ū siūnn guá bô
無來每日將你惜
bô lâi muí-ji̍t tsiong lí sioh
感情敢會來變故
kám-tsîng kám ē lâi piàn-kòo
予我耐心佮堅強
hōo guá nāi-sim kah kian-kiông
等我轉去重逢
tán guá tńg-khì tiông-hông
一年兩年三年
tsi̍t-nî nn̄g-nî sann-nî
漸漸來過去
tsiām-tsiām lâi kuè–khì
相逢的日子
siong-hông ê ji̍t-tsí
也遙遠無期
iā iâu-uán bô-kî
你敢懷念咱過去
lí kám huâi-liām lán kuè-khì
時常會來想著你
sî-siông ē lâi siūnn-tio̍h lí
也會偷偷流著目屎
iā ē thau-thau lâu tio̍h ba̍k-sái
吼袂離
háu buē-lī
有人每一次的感情受傷
ū-lâng muí tsi̍t-tshù ê kám-tsîng siū-siong
學會曉成長
o̍h ē-hiáu sîng-tióng
有人每一次的感情失落
ū-lâng muí tsi̍t-tshù ê kám-tsîng sit-lo̍h
學會曉堅強
o̍h ē-hiáu kian-kiông
感情路上
kám-tsîng lōo-siōng
只賰過去甜蜜
tsí tshun kuè-khì tinn-bi̍t
美麗的笑容
bí-lē ê tshiò-iông
有你踮我心中
ū lí tiàm guá sim-tiong
就是予我
tō-sī hōo guá
向前的力量
hiòng-tsiân ê li̍k-liōng
]]>一夜一夜空https://2blog.ilc.edu.tw/32745/2021/11/06/%e4%b8%80%e5%a4%9c%e4%b8%80%e5%a4%9c%e7%a9%ba/Sat, 06 Nov 2021 04:37:53 +0000https://2blog.ilc.edu.tw/32745/?p=61737https://www.youtube.com/watch?v=r7KuCiC0Q9Q

《一夜一夜空》Tsi̍t-iā Tsi̍t-iā Khang
莊振凱Tsng Tsín-khái
——————————————
天地茫茫
thinn-tē bông-bông
明月如霜
bîng-gue̍h jû song
夜夜相思
iā-iā siunn-si
浸在夢中
tsìm tsāi bāng-tiong
孤單一人
koo-tuann tsi̍t-lâng
寂寞的心
tsi̍k-bo̍k ê sim
花開花謝
hue khui hue siā
片片是傷痕
phìnn-phìnn sī siong-hûn
誰知影阮的心
siáng tsai-iánn gún ê sim
含淚到深更
hâm-luī kàu tshim-kinn
誰知影阮的夢
siáng tsai-iánn gún ê bāng
一夜一夜空
tsi̍t-iā-tsi̍t-iā khang
誰知影阮的命
siáng tsai-iánn gún ê miā
愛恨天註定
ài-hūn thinn tsù-tiānn
一幕一幕
tsi̍t-bōo-tsi̍t-bōo
攏是你的形影
lóng-sī lí ê hîng-iánn
]]>