臺灣基督長老教會 – 臺語正字歌詞部落格https://2blog.ilc.edu.tw/32745這是一個臺語歌曲正字網站Thu, 01 Dec 2022 22:53:18 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg臺灣基督長老教會 – 臺語正字歌詞部落格https://2blog.ilc.edu.tw/327453232 聖哉聖哉聖哉https://2blog.ilc.edu.tw/32745/2022/05/26/%e8%81%96%e5%93%89%e8%81%96%e5%93%89%e8%81%96%e5%93%89/Thu, 26 May 2022 12:49:00 +0000https://2blog.ilc.edu.tw/32745/?p=73485https://www.youtube.com/watch?v=2KBviHkw6Sw

《聖哉聖哉聖哉》Sìng-tsài Sìng-tsài Sìng-tsài

臺灣基督長老教會 TÂI-UÂN KI-TOK TIÚNN-LÓ KÀU-HUĒ
聖哉聖哉聖哉
Sìng-tsài Sìng-tsài Sìng-tsài
全能大主宰
tsuân-lîng tuā Tsú-tsáinn
咱著齊聲唱歌
lán tio̍h tsuê-siann tshiùnn-kua
呵咾主耶和華
o-ló Tsú Iâ-hô-hua
聖哉聖哉聖哉
Sìng-tsài Sìng-tsài Sìng-tsài
掌理天地佮海
tsiáng-lí thinn tuē kap hái
呵咾上帝至尊至懸至大
o-ló Siōng-tè tsì tsun tsì kuân tsì tuā
–
聖哉聖哉聖哉
Sìng-tsài Sìng-tsài Sìng-tsài
萬聖攏敬拜
bān sìng lóng kìng-pài
冕旒感恩尊榮
bián-liû kám-un tsun-îng
奉獻佇寶座前
hōng-hiàn tī pó-tsō tsîng
千千萬萬天軍
tshing-tshing bān-bān thian-kun
暝日呵咾敬尊
mî-ji̍t o-ló kìng-tsun
出聲感謝永遠上帝大恩
tshut-siann kám-siā íng-uán Siōng-tè tuā un
–
聖哉聖哉聖哉
Sìng-tsài Sìng-tsài Sìng-tsài
全智大主宰
tsuân-tì tuā Tsú-tsáinn
萬民大聲吟詩
bān-bîn tuā siann gîm-si
呵咾上帝慈悲
o-ló Siōng-tè tsû-pi
聖哉聖哉聖哉
Sìng-tsài Sìng-tsài Sìng-tsài
尊榮到萬世代
tsun-îng kàu bān sè-tāi
呵咾三位是獨一的主宰
o-ló Sam-uī sī to̍k-it ê Tsú-tsáinn
阿們
A-men
]]>我真愛講這故事https://2blog.ilc.edu.tw/32745/2022/04/03/%e6%88%91%e7%9c%9f%e6%84%9b%e8%ac%9b%e9%80%99%e6%95%85%e4%ba%8b/Sun, 03 Apr 2022 00:12:41 +0000https://2blog.ilc.edu.tw/32745/?p=68121https://www.youtube.com/watch?v=2rabebuTLKY&fbclid=IwAR1gzYttqcz1IHurjqGXQHuaSlGFw49zCXjjpHF5HX0-c2v-WHCmNLXg9x8

《我真愛講這故事》Guá Tsin Ài Kóng Tse Kòo-sū

臺灣基督長老教會 TÂI-UÂN KI-TOK TIÚNN-LÓ KÀU-HUĒ
我真愛講這故事
guá tsin ài kóng tse kòo-sū
天頂奧妙的代
thinn-tíng ò-biāu ê tāi
論主極大的榮光
lūn Tsú ki̍k tuā ê îng-kng
以及伊大仁愛
í-ki̍p I tuā jîn-ài
我真愛講這故事
guá tsin ài kóng tse kòo-sū
因為我知是實
in-uī guá tsai sī si̍t
予我心安兼知足
hōo guá sim an kiam ti-tsiok
贏過芳花甜蜜
iânn-kè phang-hue tinn-bi̍t
–
我真愛講這故事
guá tsin ài kóng tse kòo-sū
上天也講這故事
tsiūnn thinn iā kóng tse kòo-sū
永遠新新的故事
íng-uán sin-sin ê kòo-sū
數念疼我的主
siàu-liām thiànn guá ê Tsú
–
我真愛講這故事
guá tsin ài kóng tse kòo-sū
那想那有滋味
ná siūnn ná ū tsu-bī
世間逐項所向望
sè-kan ta̍k hāng sóo ǹg-bāng
攏總佮這袂比
lóng-tsóng kap tse buē pí
我真愛講這故事
guá tsin ài kóng tse kòo-sū
對這受大感激
tuì tse siū tuā kám-kik
所以報我所經過
sóo-í pò guá sóo king-kè
望恁來得利益
bāng lín lâi tit lī-ik
–
我真愛講這故事
guá tsin ài kóng tse kòo-sū
親像樂器的聲
tshin-tshiūnn ga̍k-khì ê siann
逐擺那想那出奇
ta̍k pái ná siūnn ná tshut-kî
那講也那好聽
ná kóng iā ná hó-thiann
我真愛講這故事
guá tsin ài kóng tse kòo-sū
世人真濟未聽
sè-jîn tsin tsuē bē thiann
上帝聖經所記載
Siōng-tè Sìng-king sóo kì-tsài
福音救人的聲
hok-im kiù lâng ê siann
–
我真愛講這故事
guá tsin ài kóng tse kòo-sū
雖然聽到熟熟
sui-jiân thiann kàu si̍k-si̍k
猶原那枵那喙焦
iu-guân ná iau ná tshuì-ta
欣慕愛聽到極
him-bōo ài thiann kàu ki̍k
到佇榮光的所在
kàu tī îng-kng ê sóo-tsāi
咧吟天頂的詩
teh gîm thinn-tíng ê si
也是紀念這故事
iā sī kì-liām tse kòo-sū
救主仁愛無比
Kiù-tsú jîn-ài bô pí
–
阿們
a-men
]]>我毋知明日會怎樣https://2blog.ilc.edu.tw/32745/2022/04/03/%e6%88%91%e6%af%8b%e7%9f%a5%e6%98%8e%e6%97%a5%e6%9c%83%e6%80%8e%e6%a8%a3/Sun, 03 Apr 2022 00:11:18 +0000https://2blog.ilc.edu.tw/32745/?p=68118

《我毋知明日會怎樣》Guá M̄ Tsai Bîng-ji̍t Uē Tsáinn-iūnn

臺灣基督長老教會 TÂI-UÂN KI-TOK TIÚNN-LÓ KÀU-HUĒ
我毋知明日會怎樣
guá m̄ tsai bîng-ji̍t uē tsáinn-iūnn
主?路我免擔憂
Tsú tshuā lōo guá bián tam-iu
我無求逐日好日光
guá bô kiû ta̍k-ji̍t hó ji̍t-kng
有時陣烏暗僫當
ū sî-tsūn oo-àm oh tng
對將來我充滿向望
tuì tsiong-lâi guá tshiong-muá ǹg-bāng
主保守的確穩當
Tsú pó-siú tik-khak ún-tàng
我逐日佮主同跤步
guá ta̍k-ji̍t kap Tsú tâng kha-pōo
伊知我頭前路途
I tsai guá thâu-tsîng lōo-tôo
–
濟濟事明日會臨到
tsuē-tsuē sū bîng-ji̍t uē lîm-kàu
濟濟事僫得明瞭
tsuē-tsuē sū oh-tit bîng-liâu
我深知主掌管明日
guá tshim tsai Tsú tsiáng-kuán bîng-ji̍t
伊牽我一路行透
I khan guá tsi̍t lōo kiânn thàu
–
每一步那行那光明
muí tsi̍t pōo ná kiânn ná kng-bîng
親像?黃金樓梯
tshin-tshiūnn peh n̂g-kim lâu-thui
我重擔那背就那輕
guá tāng-tànn ná pē tsiū ná khin
若雲彩燦爛光輝
ná hûn-tshái tshàn-lān kong-hui
彼所在主榮光普照
hit sóo-tsāi Tsú îng-kng phóo-tsiò
無目屎永無試煉
bô ba̍k-sái íng bô tshì-liān
佇美麗彩虹的盡頭
tī bí-lē tshái-hông ê tsīn-thâu
眾山嶺佮天相連
tsìng suann-niá kap thinn sann-liân
–
我毋知將來的日子
guá m̄ tsai tsiong-lâi ê ji̍t-tsí
是枵餓抑是傷悲
sī iau-gō á-sī siong-pi
既然主有養飼鳥隻
kì-jiân Tsú ū iúnn-tshī tsiáu-tsiah
伊也會予我夠額
I iā uē hōo guá kàu-gia̍h
佇頭前雖然有水火
tī thâu-tsîng sui-jiân ū tsuí hé
有試煉也有苦杯
ū tshì-liān iā ū khóo-pue
今有主引?我路站
tann ū Tsú ín-tshuā guá lōo-tsām
伊寶血共我遮崁
I pó-huih kā guá jia-khàm
]]>至好朋友就是耶穌https://2blog.ilc.edu.tw/32745/2022/04/03/%e8%87%b3%e5%a5%bd%e6%9c%8b%e5%8f%8b%e5%b0%b1%e6%98%af%e8%80%b6%e7%a9%8c/Sun, 03 Apr 2022 00:09:37 +0000https://2blog.ilc.edu.tw/32745/?p=68115

《至好朋友就是耶穌》Tsì-hó Pîng-iú Tsiū Sī Iâ-soo

臺灣基督長老教會 TÂI-UÂN KI-TOK TIÚNN-LÓ KÀU-HUĒ
至好朋友就是耶穌
tsì-hó pîng-iú tsiū sī Iâ-soo
擔當罪過佮煩惱
tam-tng tsuē-kuà kap huân-ló
真正咱有大大福氣
tsin-tsiànn lán ū tuā-tuā hok-khì
萬事攏通對伊討
bān-sū lóng thang tuì I thó
心肝常常失落平安
sim-kuann siông-siông sit-lo̍h pîng-an
沓沓掛慮艱苦事
ta̍uh-ta̍uh khuà-lū kan-khóo sū
這是對咱未有深信
tse sī tuì lán bē ū tshim-sìn
未有放心交託主
bē ū pàng sim kau-thok Tsú
–
檢采拄著憂悶試煉
kiám-tshái tú-tio̍h iu-būn tshì-liān
抑是啥物大煩惱
á-sī sím-mi̍h tuā huân-ló
的確毋通常常失志
tik-khak m̄-thang siông-siông sit-tsì
著將逐項來祈禱
tio̍h tsiong ta̍k-hāng lâi kî-tó
敢有朋友到遮盡忠
kiám ū pîng-iú kàu tsiah tsīn-tiong
甘願體貼萬災禍
kam-guān thé-thiap bān tsai-hō
耶穌知咱心的軟弱
Iâ-soo tsai lán sim ê luán-jio̍k
將這苦事來祈禱
tsiong tse khóo sū lâi kî-tó
–
設使厭懶攏無氣力
siat-sú ià-lán lóng bô khuì-la̍t
親像擔擔欲跋倒
tshin-tshiūnn tann tànn beh pua̍h-tó
至大救主咱通親近
tsì-tuā Kiù-tsú lán thang tshin-kūn
萬事攏通對伊討
bān-sū lóng thang tuì I thó
朋友若有看輕厭賤
pîng-iú nā ū khuànn-khin iàm-tsiān
通將這事來祈禱
thang tsiong tse sū lâi kî-tó
主會用手遮閘保護
Tsú uē īng tshiú jia-tsa̍h pó-hōo
心通安然免煩惱
sim thang an-jiân bián huân-ló
–
阿們
a-men
]]>我心仰望十字寶架https://2blog.ilc.edu.tw/32745/2022/04/03/%e6%88%91%e5%bf%83%e4%bb%b0%e6%9c%9b%e5%8d%81%e5%ad%97%e5%af%b6%e6%9e%b6/Sun, 03 Apr 2022 00:08:07 +0000https://2blog.ilc.edu.tw/32745/?p=68112

《我心仰望十字寶架》Guá Sim Gióng-bōng Si̍p-jī Pó-kè

臺灣基督長老教會 TÂI-UÂN KI-TOK TIÚNN-LÓ KÀU-HUĒ
我心仰望十字寶架
guá sim gióng-bōng si̍p-jī pó-kè
榮耀的主替我受罪
îng-iāu ê Tsú thuè guá siū tsuē
我前欣慕世上榮華
guá tsîng him-bōo sè-tsiūnn îng-huâ
今願為主攏總放煞
tann guān uī Tsú lóng-tsóng pàng suah
–
予我莫得誇口一切
hōo guá bo̍h-tit khua-kháu it-tshè
只有誇口我主十架
tsí-ū khua-kháu guá Tsú si̍p-kè
世間所有空虛福氣
sè-kan sóo-ū khang-hu hok-khì
為主寶血情願放離
uī Tsú pó-huih tsîng-guān pàng-lī
–
來看救主頭殼跤手
lâi khuànn Kiù-tsú thâu-khak kha-tshiú
流出寶血慈愛憂愁
lâu-tshut pó-huih tsû-ài iu-tshiû
這樣疼痛自古未有
tse iūnn thiànn-thàng tsū-kóo bī-ū
刺杮變成榮耀冕旒
tshì-phè piàn-tsiânn îng-iāu bián-liû
–
設使得著寶玉黃金
siat-sú tit-tio̍h pó-gi̍k n̂g-kim
全獻予主也袂到盡
tsuân hiàn hōo Tsú iā buē kàu tsīn
主疼世人長闊懸深
Tsú thiànn sè-jîn tn̂g khuah kuân tshim
我欲報答全獻我心
guá beh pò-tap tsuân hiàn guá sim
–
阿們
a-men
]]>主踮我心內 無驚惶自在https://2blog.ilc.edu.tw/32745/2022/04/03/%e4%b8%bb%e8%b8%ae%e6%88%91%e5%bf%83%e5%85%a7-%e7%84%a1%e9%a9%9a%e6%83%b6%e8%87%aa%e5%9c%a8/Sun, 03 Apr 2022 00:06:18 +0000https://2blog.ilc.edu.tw/32745/?p=68109

《主踮我心內 無驚惶自在》Tsú Tiàm Guá Sim-lāi, Bô Kiann-hiânn Tsū-tsāi

臺灣基督長老教會 TÂI-UÂN KI-TOK TIÚNN-LÓ KÀU-HUĒ
主踮我心內無驚惶自在
Tsú tiàm guá sim-lāi, bô kiann-hiânn tsū-tsāi
這世間只有祢是我所愛
tsit sè-kan tsí-ū Lí sī guá sóo ài
暝日我心神數念祢無停
mî-ji̍t guá sim-sîn siàu-liām Lí bô thîng
祢做我光燈予我有光明
Lí tsuè guá kng-ting, hōo guá ū kng-bîng
–
主做我智慧予我通倚靠
Tsú tsuè guá tì-huī, hōo guá thang uá-khò
逐時刻踮佇祢受祢照顧
ta̍k sî-khik tiàm tī Lí, siū Lí tsiàu-kòo
祢做我天爸我做祢的囝
Lí tsuè guá Thinn-pē, guá tsuè Lí ê kiánn
祢佮我結連我佮祢同行
Lí kap guá kiat-liân, guá kap Lí tâng kiânn
–
世間無一項比祢較寶貝
sè-kan bô tsi̍t hāng pí Lí khah pó-puè
因為祢屬佇我永遠袂廢
in-uī Lí sio̍k tī guá, íng-uán buē huè
祢是我一切我欲信靠祢
Lí sī guá it-tshè, guá beh sìn-khò Lí
天頂的君王世間無通比
thinn-tíng ê Kun-ông, sè-kan bô thang pí
–
天頂的君王予我會得勝
thinn-tíng ê Kun-ông, hōo guá uē tik-sìng
願祢?我到天永踮天庭
guān Lí tshuā guá kàu thinn, íng tiàm thian-tîng
或是有艱難抑是大變遷
hi̍k-sī ū kan-lân, á-sī tuā piàn-tshian
我決斷綴主永遠無厭?
guá kuat-tuàn tè Tsú, íng-uán bô ià-siān
–
阿們
a-men
]]>臺灣基督長老教會https://2blog.ilc.edu.tw/32745/2021/09/12/%e8%87%ba%e7%81%a3%e5%9f%ba%e7%9d%a3%e9%95%b7%e8%80%81%e6%95%99%e6%9c%83/Sun, 12 Sep 2021 13:04:51 +0000https://2blog.ilc.edu.tw/32745/?p=51048六字部

聖哉聖哉聖哉

七字部

我真愛講這故事

八字部

我毋知明日會怎樣 至好朋友就是耶穌

我心仰望十字寶架

十字部

主踮我心內 無驚惶自在

]]>