王茉聿 – 臺語正字歌詞部落格https://2blog.ilc.edu.tw/32745這是一個臺語歌曲正字網站Thu, 25 Dec 2025 01:03:02 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg王茉聿 – 臺語正字歌詞部落格https://2blog.ilc.edu.tw/327453232 夢攏是仝款https://2blog.ilc.edu.tw/32745/2025/12/25/%e5%a4%a2%e6%94%8f%e6%98%af%e4%bb%9d%e6%ac%be/Thu, 25 Dec 2025 01:03:02 +0000https://2blog.ilc.edu.tw/32745/?p=132270
《夢攏是仝款》Bāng Lóng-sī Kāng-khuán
王茉聿Ông Bua̍t-u̍t
——————————————
毋驚前方
m̄-kiann tsiân-hong
風吹佮日曝
hong tshue kah ji̍t pha̍k
你的心我的心
lí ê sim guá ê sim
毋驚惶
m̄ kiann-hiânn
就算有偌濟鹹酸苦汫
tiō-sǹg ū guā-tsuē kiâm-sng khóo-tsiánn
我攏願意陪你行
guá lóng guān-ì puê lí kiânn
有時心肝嘛會忝
ū-sî sim-kuann mā ē thiám
珠淚流袂煞
tsu-luī lâu buē-suah
我將你的目屎
guá tsiong lí ê ba̍k-sái
拭予焦
tshit hōo ta
夢攏是仝款
bāng lóng-sī kāng-khuán
袂放你一人孤單
buē pàng lí tsi̍t-lâng koo-tuann
咱鬥陣走揣
lán tàu-tīn tsáu-tshuē
美麗的天邊海角
bí-lē ê thinn-pinn hái-kak
度過起起落落
tōo-kuè khí-khí-lo̍h-lo̍h
花開花謝
hue khui hue siā
有你佇遮
ū lí tī tsia
免驚跤步踏差
bián-kiann kha-pōo ta̍h-tsha
夢攏是仝款
bāng lóng-sī kāng-khuán
講好情意袂變卦
kóng-hó tsîng-ì buē piàn-kuà
咱做伙欣賞
lán tsò-hué him-sióng
這个世界有偌闊
tsit ê sè-kài ū guā khuah
度過雨天好天
tōo-kuè hōo-thinn hó-thinn
春夏秋冬
tshun-hā tshiu-tang
甘願獻出一世人
kam-guān hiàn-tshut tsi̍t-sì-lâng
—
紛紛擾擾
hun-hun jiáu-jiáu
欲將夢拍散
beh tsiong bāng phah-suànn
有你有我
ū lí ū guá
心內的光線
sim-lāi ê kng-suànn
一字閣一字咱有咒誓
tsi̍t-jī koh tsi̍t-jī lán ū tsiù-tsuā
愛相牽嘛愛勇敢
ài sio-khan mā ài ióng-kám
——
袂放你一人孤單
buē pàng lí tsi̍t-lâng koo-tuann
咱鬥陣走揣
lán tàu-tīn tsáu-tshuē
美麗的天邊海角
bí-lē ê thinn-pinn hái-kak
度過起起落落
tōo-kuè khí-khí-lo̍h-lo̍h
花開花謝
hue khui hue siā
有你佇遮免驚跤步踏差
ū lí tī tsia bián-kiann kha-pōo ta̍h-tsha
夢攏是仝款
bāng lóng-sī kāng-khuán
講好情意袂變卦
kóng-hó tsîng-ì buē piàn-kuà
咱做伙欣賞
lán tsò-hué him-sióng
這个世界有偌闊
tsit ê sè-kài ū guā khuah
度過雨天好天
tōo-kuè hōo thinn hó-thinn
春夏秋冬
tshun-hā tshiu-tang
甘願獻出一世人
kam-guān hiàn-tshut tsi̍t-sì-lâng
望後世人
bāng āu-sì-lâng
繼續行
kè-sio̍k kiânn
]]>攏是為著你https://2blog.ilc.edu.tw/32745/2025/12/25/%e6%94%8f%e6%98%af%e7%82%ba%e8%91%97%e4%bd%a0/Thu, 25 Dec 2025 01:01:14 +0000https://2blog.ilc.edu.tw/32745/?p=132268
《攏是為著你》Lóng-sī Uī-tio̍h Lí
王茉聿Ông Bua̍t-u̍t
——————————————
風吹雨淋
hong tshue hōo lâm
人生是艱苦的影
jîn-sing sī kan-khóo ê iánn
阮一步一步行
gún tsi̍t-pōo-tsi̍t-pōo kiânn
攏毋驚
lóng m̄-kiann
人講夢太遠
lâng kóng bāng thài hn̄g
我有你做伙行
guá ū lí tsuè-hué kiânn
是你佇阮心內
sī lí tī gún sim-lāi
照光阮的希望
tsiò-kng gún ê hi-bāng
因為有你
in-uī ū lí
夢想永遠袂停止
bāng-sióng íng-uán buē thîng-tsí
咱的心也是真
lán ê sim iā-sī tsin
愛毋是一句話
ài m̄-sī tsi̍t-kù uē
是堅持的證明
sī kian-tshî ê tsìng-bîng
咱同齊永遠攏行鬥陣
lán tâng-tsê íng-uán lóng kiânn tàu-tīn
攏是為著你
lóng-sī uī-tio̍h lí
咱攏互相做伴行
lán lóng hōo-siong tsuè-phuānn kiânn
一句話一个笑聲
tsi̍t-kù uē tsi̍t-ê tshiò-siann
永遠就有希望
íng-uán tiō ū hi-bāng
人生是一齣戲
jîn-sing sī tsi̍t-tshut hì
咱互相陪伴
lán hōo-siong puê-phuānn
緊緊牽咱的手
kín-kín ân-ân khan lán ê tshiú
陪我行每一工
puê guá kiânn muí tsi̍t-kang
—
有你佮阮做伴
ū lí kah gún tsuè-phuānn
才知幸福佇遮
tsiah tsai hīng-hok tī tsia
]]>一路有你陪伴https://2blog.ilc.edu.tw/32745/2025/12/25/%e4%b8%80%e8%b7%af%e6%9c%89%e4%bd%a0%e9%99%aa%e4%bc%b4/Thu, 25 Dec 2025 00:59:45 +0000https://2blog.ilc.edu.tw/32745/?p=132266
《一路有你陪伴》Tsi̍t-lōo Ū Lí Puê-phuānn
王茉聿Ông Bua̍t-u̍t
——————————————
一直等待
it-ti̍t tán-thāi
出現彼个人
tshut-hiān hit ê lâng
陪我行過春夏秋冬
puê guá kiânn kuè tshun-hā tshiu-tang
心內的願望
sim-lāi ê guān-bāng
愈來愈遙遠
jú-lâi-jú iâu-uán
猶原相信
iu-guân siong-sìn
寬寬咧等
khuan-khuan teh tán
等待的心情
tán-thāi ê sim-tsîng
其實咱攏仝款
kî-si̍t lán lóng kāng-khuán
有時也需要一寡勇敢
ū-sî iā su-iàu tsi̍t-kuá ióng-kám
聽著阮心聲
thiann-tio̍h gún sim-siann
行入阮性命
kiânn ji̍p gún sìnn-miā
原來你一直徛佇遐
guân-lâi lí it-ti̍t khiā tī hia
一路上有你陪伴
tsi̍t-lōo-siōng ū lí puê-phuānn
烏暗也毋驚
oo-àm iā m̄-kiann
曾經的寂寞孤單
tsan-king ê tsi̍k-bo̍k koo-tuann
親像一場夢
tshin-tshiūnn tsi̍t-tiûnn bāng
行過才會知影
kiânn–kuè tsiah ē tsai-iánn
緣份天註定
iân-hūn thinn tsù-tiānn
幸福愛用真心來交換
hīng-hok ài iōng tsin-sim lâi kau-uānn
一路上有你陪伴
tsi̍t-lōo-siōng ū lí puê-phuānn
故事唱袂煞
kòo-sū tshiùnn buē-suah
沿途盤山過嶺
iân-tôo puânn-suann kuè-niá
滿滿的感謝
muá-muá ê kám-siā
愛是一種感覺
ài sī tsi̍t-tsióng kám-kak
無需要咒誓
bô su-iàu tsiù-tsuā
你是我靈魂的彼一半
lí sī guá lîng-hûn ê hit tsi̍t-puànn
]]>月娘你敢有聽著https://2blog.ilc.edu.tw/32745/2025/12/25/%e6%9c%88%e5%a8%98%e4%bd%a0%e6%95%a2%e6%9c%89%e8%81%bd%e8%91%97/Thu, 25 Dec 2025 00:57:50 +0000https://2blog.ilc.edu.tw/32745/?p=132263
《月娘你敢有聽著》Gue̍h-niû Lí Kám Ū Thiann–tio̍h
王茉聿Ông Bua̍t-u̍t
——————————————
風吹樹影
hong tshue tshiū-iánn
搖啊搖
iô–ah iô
月娘佇天頂微微仔笑
gue̍h-niû tī thinn-tíng bî-bî-á tshiò
回憶入夢
huê-ik ji̍p bāng
望啊望
bāng–ah bāng
你敢會笑我是戇人
lí kám ē tshiò guá sī gōng-lâng
行過舊厝的巷仔
kiânn kuè kū-tshù ê hāng-á
鼻著熟似的芳味
phīnn-tio̍h si̍k-sāi ê phang-bī
較早的笑聲袂來消失
khah-tsá ê tshiò-siann buē lâi siau-sit
這心事欲對佗藏
tse sim-sū beh tuì toh tshàng
綴時間沓沓仔來放
tuè sî-kan ta̍uh-ta̍uh-á lâi pàng
寂寞的影
tsi̍k-bo̍k ê iánn
藏佇咧空縫
tshàng tī-leh khang-phāng
月娘請聽阮講
gue̍h-niû tshiánn thiann gún kóng
青春的寄望
tshing-tshun ê kià-bāng
猶咧流浪
iáu teh liû-lōng
繁華敢攏是夢
huân-huâ kám lóng-sī bāng
來想起過往
lâi siūnn-khí kuè-óng
彼時揣無的路
hit-sî tshuē-bô ê lōo
一時懵懂
tsi̍t-sî bóng-tóng
月娘請聽阮講
gue̍h-niû tshiánn thiann gún kóng
簡單過日子
kán-tan kuè ji̍t-tsí
是我的願望
sī guá ê guān-bōng
毋免閣驚風霜
m̄-bián koh kiann hong-song
有人來照顧
ū-lâng lâi tsiàu-kòo
你敢有聽著
lí kám ū thiann–tio̍h
]]>象桮https://2blog.ilc.edu.tw/32745/2025/11/29/%e8%b1%a1%e6%a1%ae/Sat, 29 Nov 2025 09:06:41 +0000https://2blog.ilc.edu.tw/32745/?p=131379
《象桮》Sīn-pue
王茉聿Ông Bua̍t-u̍t
——————————————
象桮象桮象桮
sīn-pue sīn-pue sīn-pue
點一枝香
tiám tsi̍t-ki hiunn
點起咱的誠心佮希望
tiám-khí lán ê sîng-sim kah hi-bāng
攑起雙手
gia̍h-khí siang-tshiú
合掌祈求未來的美夢
ha̍p-tsióng kî-kiû bī-lâi ê bí-bāng
也著神
iā tio̍h sîn
也著人
iā tio̍h jîn
家和萬事興好年冬
ka hô bān-sū hing hó nî-tang
有燒香
ū sio-hiunn
有保庇
ū pó-pì
有食藥
ū tsia̍h-io̍h
有行氣
ū kiânn-khì
好運每一工
hó-ūn muí tsi̍t-kang
跋一个象桮
pua̍h tsi̍t-ê sīn-pue
喔象桮
ooh sīn-pue
求著好運來開花
kiû tio̍h hó-ūn lâi khui-hue
閣一个象桮
koh tsi̍t-ê sīn-pue
喔象桮
ooh sīn-pue
保庇一定會好過
pó-pì it-tīng ē hó-kuè
跋兩个象桮
pua̍h nn̄g-ê sīn-pue
喔象桮
ooh sīn-pue
欲趁大錢大富貴
beh thàn-tuā-tsînn dàfùguì
來三个象桮
lâi sann-ê sīn-pue
喔象桮
ooh sīn-pue
今年咱就欲做伙
kin-nî lán tiō beh tsò-hué
來起飛
lâi khí-pue
象桮象桮象桮
sīn-pue sīn-pue sīn-pue
三个桮三个願
sann-ê pue sann-ê guān
金銀財寶攏總趁
kim-gîn tsâi-pó lóng-tsóng thàn
月老月老紅線牽
gua̍t-ló gua̍t-ló âng-suànn khan
千里姻緣毋免等
tshing-lí in-iân m̄-bián tán
一家伙仔平平安安
tsi̍t-ke-hué-á pîng-pîng-an-an
事業攏順順利利
sū-gia̍p lóng sūn-sūn-lī-lī
凡事攏圓滿
huân-sū lóng uân-buán
—
象桮象桮象桮
sīn-pue sīn-pue sīn-pue
]]>等無愛的人https://2blog.ilc.edu.tw/32745/2025/11/29/%e7%ad%89%e7%84%a1%e6%84%9b%e7%9a%84%e4%ba%ba-2/Sat, 29 Nov 2025 09:04:33 +0000https://2blog.ilc.edu.tw/32745/?p=131376
《等無愛的人》Tán-bô Ài ê Lâng
王茉聿Ông Bua̍t-u̍t
——————————————
秋風吹起月暗淡
tshiu-hong tshue-khí gue̍h àm-tām
吹開心內的門窗
tshue-khui sim-lāi ê mn̂g-thang
思念飛出心頭
su-liām pue tshut sim-thâu
引阮想起彼場夢
ín gún siūnn-khí hit tiûnn bāng
曾經對愛有寄望
tsan-king tuì ài ū kià-bāng
幸福花開出清芳
hīng-hok hue khui-tshut tshing-phang
最後猶原一人度過寒冬
tsuè-āu iu-guân tsi̍t-lâng tōo-kuè hân-tang
心內總是有虛空
sim-lāi tsóng–sī ū hi-khang
愛袂當成全
ài buē-tàng sîng-tsuân
徛佇感情月臺
khiā tī kám-tsîng gua̍t-tâi
緣份是毋是
iân-hūn sī-m̄-sī
已經閣過站
í-king koh kuè-tsām
天光天暗
thinn kng thinn àm
阮是一个
gún sī tsi̍t-ê
等無愛的人
tán-bô ài ê lâng
毋願守著月娘對望
m̄-guān siú tio̍h gue̍h-niû tuì-bāng
孤影伴遺憾
koo-iánn phuānn uî-hām
日思夜夢
ji̍t-su iā-bāng
拄著一个等待愛的人
tú-tio̍h tsi̍t-ê tán-thāi ài ê lâng
佮伊做陣行
kah i tsuè-tīn kiânn
風雨淋
hong-hōo lâm
手也毋甘放
tshiú iā m̄-kam pàng
到永遠
kàu íng-uán
—
日思夜夢
ji̍t-su iā-bāng
拄著一个等待愛的人
tú-tio̍h tsi̍t-ê tán-thāi ài ê lâng
兩人牽手
nn̄g-lâng khan-tshiú
行到白頭鬃
kiânn kàu pe̍h thâu-tsang
是阮向望的圓滿
sī gún ǹg-bāng ê uân-buán
]]>我驚我傷愛你https://2blog.ilc.edu.tw/32745/2025/11/29/%e6%88%91%e9%a9%9a%e6%88%91%e5%82%b7%e6%84%9b%e4%bd%a0/Sat, 29 Nov 2025 09:02:29 +0000https://2blog.ilc.edu.tw/32745/?p=131374
《我驚我傷愛你》Guá Kiann Guá Siunn Ài Lí
王茉聿Ông Bua̍t-u̍t
——————————————
離開
lī-khui
我一直攏講袂出喙嗯~
guá it-ti̍t lóng kóng buē tshut-tshuì ngh~
疑心
gî-sim
只要你無佇我身邊
tsí-iàu lí bô tī guá sin-pinn
我驚我傷愛你
guá kiann guá siunn ài lí
因為我重感情
in-uī guá tiōng kám-tsîng
我驚我傷愛你
guá kiann guá siunn ài lí
只好假做我攏無代誌
tsí-hó ké-tsuè guá lóng bô tāi-tsì
其實我知影
kî-si̍t guá tsai-iánn
你總有一工會離開
lí tsóng ū-tsi̍t-kang-huē lī-khui
我嘛繼續家己騙家己
guá mā kè-sio̍k ka-kī phiàn ka-kī
我驚我傷愛你
guá kiann guá siunn ài lí
怪命運來創治
kuài miā-ūn lâi tshòng-tī
我驚我傷愛你
guá kiann guá siunn ài lí
最後只賰稀微
tsuè-āu tsí tshun hi-bî
其實我一直
kî-si̍t guá it-ti̍t
咧等待成為你唯一
teh tán-thāi sîng-uî lí uî-it
到時
kàu-sî
我會對你
guá ē tuì lí
講我願意
kóng guá guān-ì
—
一句我愛你
tsi̍t-kù guá ài lí
我的心
guá ê sim
就隨你去
tiō suî lí khì
欲怎樣來放棄
beh tsuánn-iūnn lâi hòng-khì
行出輪迴的愛情
kiânn tshut lûn-huê ê ài-tsîng
]]>幸福敢會揣著我https://2blog.ilc.edu.tw/32745/2025/11/26/%e5%b9%b8%e7%a6%8f%e6%95%a2%e6%9c%83%e6%8f%a3%e8%91%97%e6%88%91/Wed, 26 Nov 2025 13:35:17 +0000https://2blog.ilc.edu.tw/32745/?p=131362
《幸福敢會揣著我》Hīng-hok Kám Ē Tshuē-tio̍h Guá
王茉聿Ông Bua̍t-u̍t
——————————————
幸福敢會揣著我
hīng-hok kám ē tshuē-tio̍h guá
陪佇身邊袂孤單
puê tī sin-pinn buē koo-tuann
佇阮心內
tī gún sim-lāi
一直期待
it-ti̍t kî-thāi
會當佮伊相依倚
ē-tàng kah i sio i-uá
幸福敢會揣著我
hīng-hok kám ē tshuē-tio̍h guá
阮的心聲
gún ê sim-siann
等伊來聽
tán i lâi thiann
心的未來
sim ê bī-lâi
怎樣安排
tsuánn-iūnn an-pâi
這一路上才精彩
tse tsi̍t-lōo-siōng tsiah tsing-tshái
等一个人
tán tsi̍t-ê lâng
飛入阮心房
pue ji̍p gún sim-pâng
雙手已經等伊來牽
siang-tshiú í-king tán i lâi khan
毋管頭前阻礙
m̄-kuán thâu-tsîng tsóo-gāi
偌濟困難
guā-tsuē khùn-lân
我相信
guá siong-sìn
咱會做伙承擔
lán ē tsò-hué sîng-tam
等一个人
tán tsi̍t-ê lâng
蹛入阮心房
tuà ji̍p gún sim-pâng
伊會陪阮行一世人
i ē puê gún kiânn tsi̍t-sì-lâng
有花開的所在
ū hue khui ê sóo-tsāi
就有希望
tiō ū hi-bāng
風吹過
hong tshue–kuè
愛是陣陣的芳
ài sī tsūn-tsūn ê phang
]]>茉莉https://2blog.ilc.edu.tw/32745/2025/01/12/%e8%8c%89%e8%8e%89/Sun, 12 Jan 2025 02:05:41 +0000https://2blog.ilc.edu.tw/32745/?p=122267
《茉莉》Ba̍k nī
王茉聿Ông Bua̍t-u̍t
——————————————
過去定定會問
kuè-khì tiānn-tiānn ē mn̄g
是毋是無人疼
sī-m̄-sī bô-lâng thiànn
敢若無體會過幸福是啥
kánn-ná bô thé-huē kuè hīng-hok sī siánn
這馬漸漸想欲
tsit-má tsiām-tsiām siūnn-beh
將憂愁攏放下
tsiong iu-tshiû lóng hòng-hā
牽著你的手
khan tio̍h lí ê tshiú
行過烏夜
kiânn kuè oo-iā
行過寒冬
kiânn kuè hân-tang
茉莉花芳
ba̍k-nī-hue phang
開佇溫暖的一工
khui tī un-luán ê tsi̍t-kang
茉莉花芳
ba̍k-nī-hue phang
決定全心愛一个人
kuat-tīng tsuân-sim ài tsi̍t-ê lâng
花蕊飄啊飄啊飄啊飄
hue-luí phiau–ah phiau–ah phiau–ah phiau
去四界追求美夢
khì sì-kè tui-kiû bí-bāng
茉莉花芳
ba̍k-nī-hue phang
放捒曾經的虧欠
pàng-sak tsan-king ê khui-khiàm
茉莉花芳
ba̍k-nī-hue phang
將過去暗淡攏裂破
tsiong kuè-khì àm-tām lóng liah-phuà
承受過孤單
sîng-siū kuè koo-tuann
經過風雨淋
king-kuè hong-hōo lâm
花愈嬌豔
hue jú kiau-iām
]]>戇戇https://2blog.ilc.edu.tw/32745/2025/01/12/%e6%88%87%e6%88%87-3/Sun, 12 Jan 2025 02:04:16 +0000https://2blog.ilc.edu.tw/32745/?p=122265
《戇戇》Gōng-gōng
王茉聿Ông Bua̍t-u̍t
——————————————
你莫閣佇遐咧假戇戇
lí mài koh tī hia teh ké gōng-gōng
猶毋趕緊做出行動
iáu m̄ kuánn-kín tsò-tshut hîng-tōng
敢真正你是一个戇戇
kám tsin-tsiànn lí sī tsi̍t-ê gōng-gōng
對我攏無感覺心動
tuì guá lóng bô kám-kak sim-tōng
緣投的你莫閣假戇戇
iân-tâu ê lí mài koh ké gōng-gōng
莫放我孤單望春風
mài pàng guá koo-tuann bāng tshun-hong
若是你又閣繼續戇戇
nā sī lí iū-koh kè-sio̍k gōng-gōng
真正是會予我失望
tsin-tsiànn sī ē hōo guá sit-bōng
想欲對你慢慢來倚近
siūnn-beh tuì lí bān-bān lâi uá-kīn
予你了解我的心
hōo lí liáu-kái guá ê sim
來聽見我的聲音
lâi thiann-kìnn guá ê siann-im
咇噗咇噗跳
pi̍h-pok pi̍h-pok thiàu
喔~咇噗咇噗跳
ooh~ pi̍h-pok pi̍h-pok thiàu
我的心快要受不了
wǒ de xīn kuài-yào shòu bùliâo
咇噗咇噗跳
pi̍h-pok pi̍h-pok thiàu
喔~咇噗咇噗跳
ooh~ pi̍h-pok pi̍h-pok thiàu
party people一起尖叫
party people yìqǐ jiānjiào
咇噗咇噗跳
pi̍h-pok pi̍h-pok thiàu
喔~咇噗咇噗跳
ooh~ pi̍h-pok pi̍h-pok thiàu
愛你的心我擋袂牢
ài lí ê sim guá tòng buē-tiâu
咇噗咇噗跳
pi̍h-pok pi̍h-pok thiàu
My darling I need you right now
oh~ yeah~
]]>