王玲 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sun, 14 Jun 2026 01:56:10 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg王玲 – 臺語正字歌詞部落格https://2blog.ilc.edu.tw/327453232 窗內窗外https://2blog.ilc.edu.tw/32745/2026/06/14/%e7%aa%97%e5%85%a7%e7%aa%97%e5%a4%96/Sun, 14 Jun 2026 01:56:10 +0000https://2blog.ilc.edu.tw/32745/?p=145050

《窗內窗外》Thang-lāi Thang-guā
王玲Ông Lîng
——————————————
窗外的風聲吹袂離
thang-guā ê hong-siann tshue buē-lī
雨水冷爍爍
hōo-tsuí líng-sih-sih
窗內的珠淚點點滴
thang-lāi ê tsu-luī tiám-tiám tih
我叫著你名字
guá kiò tio̍h lí miâ-jī
遠遠飄來雨水味
hn̄g-hn̄g phiau lâi hōo-tsuí bī
鼻酸心稀微
phīnn sng sim hi-bî
一陣冷風凍心肝
tsi̍t-tsūn líng-hong tàng sim-kuann
阮想起彼當時
gún siūnn-khí hit-tong-sî
窗外風寒雨水滴
thang-guā hong kuânn hōo-tsuí tih
阮是痴情等規暝
gún sī tshi-tsîng tán kui-mî
希望阮誠心感動天
hi-bāng gún sîng-sim kám-tōng thinn
攑頭看對窗外去
gia̍h-thâu khuànn tuì thang-guā khì
看你徛踮窗仔邊
khuànn lí khiā tiàm thang-á-pinn
予我心歡喜
hōo guá sim huann-hí
雄雄走倚去
hiông-hiông tsáu uá–khì
伸手摸無
tshun-tshiú bong-bô
才發現
tsiah huat-hiān
是雨水澹目墘
sī hōo-tsuí tâm ba̍k-kînn
只好聲聲問蒼天
tsí-hó siann-siann mn̄g tshong-thinn
這馬你佇佗位
tsit-má lí tī tó-uī
]]>到底欲按怎https://2blog.ilc.edu.tw/32745/2025/07/12/%e5%88%b0%e5%ba%95%e6%ac%b2%e6%8c%89%e6%80%8e-3/Fri, 11 Jul 2025 22:54:29 +0000https://2blog.ilc.edu.tw/32745/?p=128192
《到底欲按怎》Tàu-té Beh Án-tsuánn
王玲Ông Lîng
——————————————
酒一吞落喉
tsiú tsi̍t thun lo̍h-âu
目屎就滴滴流
ba̍k-sái tsiū tih-tih-lâu
為何心總是亂操操
uī-hô sim tsóng-sī luān tshau-tshau
想起彼當時
siūnn-khí hit-tong-sî
越頭做你去
ua̍t-thâu tsuè lí khì
無做解說
bô tsuè kái-sueh
也無講是為著啥代誌
iā bô kóng sī uī-tio̍h siánn tāi-tsì
海水強強欲焦
hái-tsuí kiōng-kiōng-beh ta
石頭強強欲爛
tsio̍h-thâu kiōng-kiōng-beh nuā
猶原不見你的形影
iu-guân put-kiàn lí ê hîng-iánn
敢講是你對我
kám-kóng sī lí tuì guá
緣已盡
iân í tsīn
愛已散
ài í suànn
無欲佮我閣相牽拖
bô beh kah guá koh sio khan-thua
你叫我到底欲按怎
lí kiò guá tàu-té beh án-tsuánn
]]>予你騙毋知https://2blog.ilc.edu.tw/32745/2025/01/12/%e4%ba%88%e4%bd%a0%e9%a8%99%e6%af%8b%e7%9f%a5-4/Sun, 12 Jan 2025 01:44:52 +0000https://2blog.ilc.edu.tw/32745/?p=122244
《予你騙毋知》Hōo Lí Phiàn M̄-tsai
王玲Ông Lîng
——————————————
真早就已經佮你來熟似
tsin tsá tsiū í-king kah lí lâi si̍k-sāi
一直是將你當做阮心愛
it-ti̍t sī tsiong lí tòng-tsuē gún sim-ài
對你的感情
tuì lí ê kám-tsîng
你若講毋知
lí nā kóng m̄-tsai
我只有無奈
guá tsí-ū bô-nāi
無論是三更半暝起風颱
bô-lūn sī sann-kinn-puànn-mî khí-hong-thai
我永遠為你痴情咧等待
guá íng-uán uī lí tshi-tsîng teh tán-thāi
你敢有將阮
lí kám ū tsiong gún
囥踮你心內
khǹg tiàm lí sim-lāi
請你斟酌想看覓
tshiánn lí tsim-tsiok siūnn khuànn-māi
自從咱鬥陣
tsū-tsiông lán tàu-tīn
這段的日子以來
tsit tuānn ê ji̍t-tsí í-lâi
我敢有啥物所在對你䆀
guá kám ū siánn-mih sóo-tsāi tuì lí bái
對你是真情真義
tuì lí sī tsin-tsîng tsin-gī
又真心對待
iū tsin-sim tuì-thāi
驚你輕輕就受傷害
kiann lí khin-khin tiō siū-siong hāi
聽講你對阮
thiann-kóng lí tuì gún
全然無意愛
tsuân-jiân bô ì-ài
請你著明明白白講出來
tshiánn lí tio̍h bîng-bîng-pi̍k-pi̍k kóng–tshut-lâi
阮甘願痛苦傷心做一擺
gún kam-guān thòng-khóo siong-sim tsuē tsi̍t pái
較贏予你騙毋知
khah iânn hōo lí phiàn m̄-tsai
]]>月娘請安排https://2blog.ilc.edu.tw/32745/2025/01/12/%e6%9c%88%e5%a8%98%e8%ab%8b%e5%ae%89%e6%8e%92/Sun, 12 Jan 2025 01:43:04 +0000https://2blog.ilc.edu.tw/32745/?p=122241
《月娘請安排》Gue̍h-niû Tshiànn An-pâi
王玲Ông Lîng
——————————————
踮在樓窗望出去
tiàm-tsāi lâu-thang bāng–tshut-khì
望過一暝閣一暝
bāng kuè tsi̍t-mî koh tsi̍t-mî
相思房中驚人知
siunn-si pâng-tiong kiann lâng tsai
心事毋敢講出來
sim-sū m̄-kánn kóng–tshut-lâi
何時才會見著你
hô-sî tsiah ē kìnn-tio̍h lí
為何你攏無提起
uī-hô lí lóng bô thê-khí
阮只好靜靜來等待
gún tsí-hó tsīng-tsīng lâi tán-thāi
月娘請你來安排
gue̍h-niû tshiánn lí lâi an-pâi
]]>故鄉的小火車https://2blog.ilc.edu.tw/32745/2024/08/09/%e6%95%85%e9%84%89%e7%9a%84%e5%b0%8f%e7%81%ab%e8%bb%8a/Fri, 09 Aug 2024 12:12:33 +0000https://2blog.ilc.edu.tw/32745/?p=107452
《故鄉的小火車》Kòo-hiong ê Sió-hué-tshia
王玲Ông Lîng
——————————————
離開故鄉有三年
lī khui kòo-hiong ū sann-nî
來到繁華的都市
lâi kàu huân-huâ ê too-tshī
朋友親情免掛意
pîng-iú tshin-tsiânn bián kuà-ì
阮會照顧阮自己
gún ē tsiàu-kòo gún tsū-kí
想起故鄉小火車
siūnn-khí kòo-hiong sió-hué-tshia
載阮搖來閣搖去
tsài gún iô-lâi koh iô-khì
心愛的人毋通袂記
sim-ài ê lâng m̄-thang buē-kì
我會寫批寄予你
guá ē siá-phue kià hōo lí
這台小火車
tsit tâi sió-hué-tshia
你欲佗位去
lí beh tó-uī khì
是毋是欲載阮轉去
sī-m̄-sī beh tsài gún tńg–khì
阮的故鄉踮在水里
gún ê kòo-hiong tiàm-tsāi Tuí-lí
你敢將阮放袂記
lí kám tsiong gún pàng-buē-kì
心愛的人
sim-ài ê lâng
你是毋是
lí sī-m̄-sī
猶原踮在車頭邊
iu-guân tiàm-tsāi tshia-thâu pinn
成功彼日我會轉來
sîng-kong hit ji̍t guá ē tǹg–lâi
希望早日來相見
hi-bāng tsá-ji̍t lâi sann-kìnn
]]>心聲https://2blog.ilc.edu.tw/32745/2023/10/28/%e5%bf%83%e8%81%b2-2/Sat, 28 Oct 2023 12:02:04 +0000https://2blog.ilc.edu.tw/32745/?p=95219
《心聲》Sim-siann
王玲Ông Lîn
——————————————
踮在烏暗港邊
tiàm-tsāi oo-àm káng-pinn
目屎流落來
ba̍k-sái lâu–lo̍h-lâi
哀怨的感情佮悲傷
ai-uàn ê kám-tsîng kah pi-siong
你敢也了解阮痴情
lí kám iā liáu-kái gún tshi-tsîng
你我過去往事
lí guá kuè-khì óng-sū
我也記在心
guá iā kì tsāi sim
為著你的前途來拍算
uī-tio̍h lí ê tsiân-tôo lâi phah-sǹg
阮只好恬恬來離開
gún tsí-hó tiām-tiām lâi lī-khui
痴情的我
tshi-tsîng ê guá
痛苦的心
thòng-khóo ê sim
希望你也諒解
hi-bāng lí iā liōng-kái
祝福你健康順利
tsiok-hok lí kiān-khong sūn-lī
為著成功拍拚
uī-tio̍h sîng-kong phah-piànn
你我過去往事
lí guá kuè-khì óng-sū
我也記在心
guá iā kì tsāi sim
為著你的前途來拍算
uī-tio̍h lí ê tsiân-tôo lâi phah-sǹg
阮只好恬恬來離開
gún tsí-hó tiām-tiām lâi lī-khui
]]>窒車https://2blog.ilc.edu.tw/32745/2023/10/28/%e7%aa%92%e8%bb%8a-3/Sat, 28 Oct 2023 12:00:34 +0000https://2blog.ilc.edu.tw/32745/?p=95216
《窒車》That-tshia
王玲Ông Lîn
——————————————
真歡喜約束愛人
tsin huann-hí iok-sok ài-jîn
欲坐火車去南部
beh tsē hué-tshia khì lâm-pōo
想袂到市內交通
siūnn buē-kàu tshī-lāi kau-thong
一直窒規路
it-ti̍t that kui-lōo
看起來車頂的人
khuànn–khí-lâi tshia-tíng ê lâng
憂頭結面心帶苦
iu-thâu-kat-bīn sim tài khóo
我猶原心狂火著
guá iu-guân sim-kông-hué-to̍h
也是變無步
iā-sī piàn bô-pōo
窒車啦窒車窒車
that-tshia–lah that-tshia that-tshia
窒車實在真可惡
that-tshia si̍t-tsāi tsin khó-ònn
將阮的約會時間
tsiong gún ê iok-huē sî-kan
已經已經來耽誤
í-king í-king lâi tam-gōo
心愛的若毋原諒
sim-ài–ê nā m̄ guân-liōng
我也無法度
guá iā bô-huat-tōo
]]>真情無價https://2blog.ilc.edu.tw/32745/2023/10/28/%e7%9c%9f%e6%83%85%e7%84%a1%e5%83%b9/Sat, 28 Oct 2023 11:58:58 +0000https://2blog.ilc.edu.tw/32745/?p=95213
《真情無價》Tsin-tsîng Bô-kè
王玲Ông Lîn
——————————————
咱兩人的過去
lán nn̄g-lâng ê kuè-khì
彼段情
hit tuānn tsîng
如今變成空
jû-kim piàn-sîng khang
無奈心情
bô-nāi sim-tsîng
你敢會知
lí kám ē tsai
惜我花
sioh guá hue
記你心內
kì lí sim-lāi
咱兩人的世界
lán nn̄g-lâng ê sè-kài
是命運來阻礙
sī miā-ūn lâi tsóo-gāi
如今我孤單一人
jû-kim guá koo-tuann tsi̍t-lâng
守著夜
siú tio̍h iā
在夢中暗悲傷
tsāi bāng-tiong àm pi-siong
今夜風微微
kim-iā hong bî-bî
疼痛阮心稀微
thiànn-thàng gún sim hi-bî
想咱心情
siūnn lán sim-tsîng
滿腹心悲哀
muá-pak sim pi-ai
為一時耽誤一生
uī tsi̍t-sî tam-gōo it-sing
我的愛
guá ê ài
我的真情等待
guá ê tsin-tsîng tán-thāi
如今已經變成空
jû-kim í-king piàn-sîng khang
]]>女性的純情https://2blog.ilc.edu.tw/32745/2023/10/28/%e5%a5%b3%e6%80%a7%e7%9a%84%e7%b4%94%e6%83%85-2/Sat, 28 Oct 2023 11:57:22 +0000https://2blog.ilc.edu.tw/32745/?p=95210
《女性的純情》Lú-sìng ê Sûn-tsîng
王玲Ông Lîn
——————————————
為著一个飄撇的男性
uī-tio̍h tsi̍t-ê phiau-phiat ê lâm-sìng
獻出一切女性的純情
hiàn-tshut it-tshè lú-sìng ê sûn-tsîng
毋管別人怎批評
m̄-kuán pa̍t-lâng tsuánn phue-phîng
愛你真堅定
ài lí tsin kian-tīng
既然決心
kì-jiân kuat-sim
伴你過一生
phuānn lí kuè it-sing
阮無計較怎樣的犧牲
gún bô kè-kàu tsuánn-iūnn ê hi-sing
對你的情永遠無變
tuì lí ê tsîng íng-uán bô-piàn
愛你比鐵較堅定
ài lí pí thih khah kian-tīng
望你好好拍拚前程
bāng lí hó-hó phah-piànn tsiân-tîng
阮會照顧伴你過一生
gún ē tsiàu-kòo phuānn lí kuè it-sing
望你會當
bāng lí ē-tàng
好好疼痛阮
hó-hó thiànn-thàng gún
阮就是永遠你的人
gún tsiū-sī íng-uán lí ê lâng
]]>冷暖人生路https://2blog.ilc.edu.tw/32745/2023/10/28/%e5%86%b7%e6%9a%96%e4%ba%ba%e7%94%9f%e8%b7%af/Sat, 28 Oct 2023 11:55:09 +0000https://2blog.ilc.edu.tw/32745/?p=95207
《冷暖人生路》Líng-luán Jîn-sing Lōo
王玲Ông Lîn
——————————————
遙遠的人生路
iâu-uán ê jîn-sing lōo
有時風有時雨
ū-sî hong ū-sî hōo
盤山過嶺
puânn-suann kuè-niá
坎坷的路途
khám-khia̍t ê lōo-tôo
忍受拖磨
jím-siū thua-buâ
受盡痛苦
siū-tsīn thòng-khóo
恩恩怨怨
un-un-uàn-uàn
情海難渡
tsîng-hái lân tōo
互相體諒
hōo-siong thé-liōng
互相照顧
hōo-siong tsiàu-kòo
啊~啥人無期待
ah~ siánn-lâng bô kî-thāi
人助天也助
lâng tsōo thinn iā tsōo
日頭曝草埔
ji̍t-thâu pha̍k tsháu-poo
花蕊有甘露
hue-luí ū kam-lōo
沿路手牽手
iân-lōo tshiú khan-tshiú
踏著輕鬆的跤步
ta̍h-tio̍h khin-sang ê kha-pōo
合唱歡樂的歌譜
ha̍p-tshiùnn huan-lo̍k ê kua-phóo
]]>