姊妹情

四字部

蘋果思情

五字部

傷心的少女

《傷心的少女》Siong-sim ê Siàu-lú

江蕾Kang Luî

——————————————

自從彼日見你一面

tsū-tsiông hit-ji̍t kìnn lí tsi̍t-bīn

為你費心神

uī lí huì sim-sîn

思戀你空思妄想

su-luân lí khang-su-bōng-sióng

變成相思人

piàn-sîng siunn-si-jîn

阮希望美夢成真

gún hi-bāng bí-bāng sîng tsin

相愛佮相親

siong-ài kah siong-tshin

你佮我永遠鬥陣

lí kah guá íng-uán tàu-tīn

又為你來失眠

iū uī lí lâi sit-bîn

阮第二次閣見著你

gún tē-jī tshù koh kìnn-tio̍h lí

對你笑微微

tuì lí tshiò-bî-bî

怨恨你無愛插阮

uàn-hūn lí bô-ài tshap gún

越頭做你去

ua̍t-thâu tsuè lí khì

阮決定毋再想你

gún kuat-tīng m̄-tsài siūnn lí

但是看著你

tān-sī khuànn-tio̍h lí

真英俊風度標致

tsin ing-tsùn hong-tōo phiau-tì

又叫阮心綿綿

iū kiò gún sim mî-mî

阮在昨日閣遇著你

gún tsāi tsa-ji̍t koh gū-tio̍h lí

心內真受氣

sim-lāi tsin siūnn-khì

有一位美麗小姐

ū tsi̍t-uī bí-lē sió-tsiá

踮在你身邊

tiàm-tsāi lí sin-pinn

看著恁情甘意甜

khuànn-tio̍h lín tsîng kam ì tinn

才知獨相思

tsiah tsai to̍k-siunn-si

阮不覺傷心淚滴

gún put-kak siong-sim luī tih

又為你哭規暝

iū uī lí khàu kui-mî

《蘋果思情》Phōng-kó Su Tsîng

江蕾Kang Luî

——————————————

林檎欲來開花

lìn-gooh beh lâi khui-hue

秋風又一直吹

tshiu-hong iū it-ti̍t tshe

媽媽唷

má-mah–iooh

心愛媽媽

sim-ài má-mah

放阮一人

pàng gún tsi̍t-lâng

欸~eh~

女兒暝連日目屎滴

lú-jî mî liân-ji̍t ba̍k-sái tih

思念你一人心哀悲

su-liām lí tsi̍t-lâng sim ai-pi

林檎欲來開花

lìn-gooh beh lâi khui-hue

秋風又一直吹

tshiu-hong iū it-ti̍t tshe

啊~ah~

↓↓(口白)—(口白)—(口白)↓↓

媽媽

má-mah

你所種彼欉林檎

lí sóo tsìng hit tsâng lìn-gooh

現在已經大欉矣

hiān-tsāi í-king tuā-tsâng–ah

而且將近欲開花矣

jî-tshiánn tsiong-kīn beh khui-hue–ah

你知毋

lí tsai–m̄

毋過冷冷的秋風

m̄-koh líng-líng ê tshiu-hong

是毋是

sī-m̄-sī

會來共阻礙咧

ē lâi kā tsóo-gāi–leh

媽媽你哪毋轉來共看覓咧

má-mah lí ná m̄ tńg-lâi kā khuànn-māi–leh

親像我

tshin-tshiūnn guá

現在有一个心愛的人

hiān-tsāi ū tsi̍t-ê sim-ài ê lâng

但是爸爸伊是每日啉燒酒

tān-sī pá-pah i sī muí-ji̍t lim sio-tsiú

一切的代誌放外外

it-tshè ê tāi-tsì pàng-guā-guā

我哪有心放落弟弟佮妹妹

guá ná ū-sim pàng-lo̍h tí-tih kah mé-meh kah tī-tī

做我去嫁伊咧

tsuè guá khì kè i–leh

媽媽你雖然怨恨爸爸

má-mah lí sui-jiân uàn-hūn pá-pah

但是阮佮弟弟妹妹

tān-sī gún kah tí-tih mé-meh

就是你生的

tiō-sī lí sinn–ê

你敢袂關心是毋

lí kám buē kuan-sim sī–m̄

媽媽

má-mah

↑↑(口白)—(口白)—(口白)↑↑

女兒歲頭也十七八

lú-jî huè-thâu iā tsa̍p-tshit-peh

為著你一人毋願嫁

uī-tio̍h lí tsi̍t-lâng m̄-guān kè

林檎已經開花

lìn-gooh í-king khui-hue

被風來吹落地

phuē hong lâi tshue lo̍h-tē

啊~ah~