楊肅浩 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sun, 16 Feb 2025 09:55:13 +0000zh-TWhourly1https://wordpress.org/?v=6.6.10https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg楊肅浩 – 臺語正字歌詞部落格https://2blog.ilc.edu.tw/327453232 痕跡https://2blog.ilc.edu.tw/32745/2025/02/16/%e7%97%95%e8%b7%a1/Sun, 16 Feb 2025 09:55:13 +0000https://2blog.ilc.edu.tw/32745/?p=124584
《痕跡》Hûn-jiah
楊肅浩Iûnn Siok-hō
——————————————
有一段記持免閂
ū tsi̍t-tuānn kì-tî bián tshuànn
思念彼幾个名
su-liām hit kuí-ê miâ
逐工盤早幫列車
ta̍k-kang puânn tsá-pang lia̍t-tshia
生活囥冊揹仔
sing-ua̍h khǹg tsheh-phāinn-á
總是恬恬望窗外
tsóng-sī tiām-tiām bāng thang-guā
沿路的風景
iân-lōo ê hong-kíng
嘛是一款陪伴
mā sī tsi̍t-khuán puê-phuānn
青春的痕跡
tshing-tshun ê hûn-jiah
穿仝一軀衫
tshīng kāng tsi̍t-su sann
彼幾个伴
hit kuí-ê phuānn
若欲講講袂煞
nā beh kóng kóng buē-suah
攑頭斟酌看
gia̍h-thâu tsim-tsiok khuànn
烏枋寫幾逝
oo-pang siá kuí-tsuā
日子毋捌回頭行
ji̍t-tsí m̄-bat huê-thâu kiânn
跤步聲
kha-pōo siann
帶來變化
tuà-lâi piàn-huà
未來漸漸開闊
bī-lâi tsiām-tsiām khui-khuah
若孤單
nā koo-tuann
轉來看看
tńg-lâi khuànn-khuànn
心中彼个靠岸
sim-tiong hit ê khò-huānn
毋免驚頭前的坱埃
m̄-bián kiann thâu-tsîng ê ing-ia
傷痕總是磕著會疼
siong-hûn tsóng–sī kha̍p–tio̍h ē thiànn
青春的痕跡
tshing-tshun ê hûn-jiah
穿仝一軀衫
tshīng kāng tsi̍t-su sann
彼幾个伴
hit kuí-ê phuānn
若欲講講袂煞
nā beh kóng kóng buē-suah
攑頭斟酌看
gia̍h-thâu tsim-tsiok khuànn
烏枋寫幾逝
oo-pang siá kuí-tsuā
日子毋捌回頭行
ji̍t-tsí m̄-bat huê-thâu kiânn
青春的痕跡
tshing-tshun ê hûn-jiah
毋但只有我
m̄-nā tsí-ū guá
這年燒熱
tsit nî sio-jua̍h
攏有喝怹的名
lóng ū huah in ê miâ
成長的變化
sîng-tióng ê piàn-huà
慢且越頭看
bān-tshiánn ua̍t-thâu khuànn
有起有落有性命
ū khí ū lo̍h ū sènn-miā
—
青春的痕跡
tshing-tshun ê hûn-jiah
一領學生衫
tsi̍t-niá ha̍k-sing sann
幾場電影
kuí-tiûnn tiān-iánn
共日子留佇遐
kā ji̍t-tsí lâu tī hia
雙跤欲去佗
siang-kha beh khì tah
心愛掠予定
sim-ài lia̍h hōo tiānn
過去這馬
kuè-khì tsit-má
攏順行
lóng sūn-kiânn
]]>著驚https://2blog.ilc.edu.tw/32745/2025/02/16/%e8%91%97%e9%a9%9a/Sun, 16 Feb 2025 09:53:16 +0000https://2blog.ilc.edu.tw/32745/?p=124582
《著驚》Tio̍h-kiann
楊肅浩Iûnn Siok-hō
——————————————
天清清地靈靈
thinn tshing tshing tē lîng-lîng
天清清地靈靈
thinn tshing tshing tē lîng-lîng
天清清地靈靈
thinn tshing tshing tē lîng-lîng
天清清地靈靈
thinn tshing tshing tē lîng-lîng
身穿素衣數萬兵
sin tshīng sòo-i sòo-bān ping
戴老君帶上天庭
tì nóo-kun-tuà tsiūnn thian-tîng
身穿素衣數萬兵
sin tshīng sòo-i sòo-bān ping
落地下
lo̍h tē-hā
救萬民
kiù bān-bîn
佇這个顛顛倒倒的世界
tī tsit ê tian-tian-tó-tó ê sè-kài
有時三魂七魄
ū sî sam-hûn tshit-phik
飛去佗位無人知
pue khì tó-uī bô-lâng tsai
萬項生活
bān-hāng sing-ua̍h
攏愛靠網路的時代
lóng ài khò bāng-lōo ê sî-tāi
上驚假仙假觸的
siōng kiann ké-sian-ké-tak ê
彼寡妖魔鬼怪
hit kuá iau-môo-kuí-kuài
規工講
kui-kang kóng
怹流量濟過啥
in liû-liong tsē kuè siánn
演甲親像
ián kah tshin-tshiūnn
移山倒海樊梨花
î-san tó-hái Hân Lê-hua
啥物物件時行
siánn-mih mi̍h-kiānn sî-kiânn
怹就緊研究啥
in tiō kín gián-kiù siánn
喙角全泡
tshuì-kak tsuân pho
家己的名煞袂曉寫
ka-kī ê miâ suah buē-hiáu siá
收驚收驚來收驚
siu-kiann siu-kiann lâi siu-kiann
有偌濟人點入去看
ū guā-tsē lâng tiám ji̍p-khì khuànn
伊就奢颺
i tiō tshia-iānn
收驚收驚來收驚
siu-kiann siu-kiann lâi siu-kiann
哪會鞏金的
ná ē khōng-kim–ê
變做是歹銅舊錫
piàn-tsò sī pháinn-tâng-kū-siah
收驚收驚來收驚
siu-kiann siu-kiann lâi siu-kiann
走去烏魯木齊
tsáu-khì oo-lóo-bo̍k-tsê
講伊有偌好額
kóng i ū guā hó-gia̍h
收驚收驚來收驚
siu-kiann siu-kiann lâi siu-kiann
莫予手機仔變做鴉片
mài hōo tshiú-ki-á piàn-tsò a-phiàn
死毋驚
sí m̄-kiann
明明是臭臊鼻啪
bîng-bîng sī tshàu-tsho phīnn-phah
彼款水性楊花
hit khuán tsuí-sìng iông-hua
鏡頭內底
kiànn-thâu lāi-té
愛甲無命毋知驚
ài kah bô-miā m̄-tsai kiann
這款漫畫
tsit khuán bàng-kah
毋但只是愛情爾爾
m̄-nā tsí-sī ài-tsîng niā-niā
無仝款的劇本
bô kāng-khuán ê kio̍k-pún
佇社會逐工咧搬
tī siā-huē ta̍k-kang teh puann
收驚收驚來收驚
siu-kiann siu-kiann lâi siu-kiann
有偌濟人點入去看
ū guā-tsē lâng tiám ji̍p-khì khuànn
伊就奢颺
i tiō tshia-iānn
收驚收驚來收驚
siu-kiann siu-kiann lâi siu-kiann
哪會鞏金的
ná ē khōng-kim–ê
變做是歹銅舊錫
piàn-tsò sī pháinn-tâng-kū-siah
收驚收驚來收驚
siu-kiann siu-kiann lâi siu-kiann
走去烏魯木齊
tsáu-khì oo-lóo-bo̍k-tsê
講伊有偌好額
kóng i ū guā hó-gia̍h
收驚收驚來收驚
siu-kiann siu-kiann lâi siu-kiann
莫予手機仔變做鴉片
mài hōo tshiú-ki-á piàn-tsò a-phiàn
死毋驚
sí m̄-kiann
收到東西南北方
siu kàu tang-sai-lâm-pak hong
收到中央土地公
siu kàu tiong-iong Thóo-tī-kong
TikTok來收驚
TikTok lâi siu-kiann
面冊來收驚
bīn-tsheh lâi siu-kiann
拜請慈悲觀音媽
pài-tshiánn tsû-pi Kuan-im-má
拜請風火李哪吒
pài-tshiánn hong-hué Lí-lô-tshia
不收別人魂
put siu pa̍t-lâng hûn
不收別人魄
put siu pa̍t-lâng phik
三魂歸做一路返
sam-hûn kui-tsò it-lōo huán
七魄歸做一路回
tshit-phik kui-tsò it-lōo huê
收遐的頭腦變悾悾
siu hia-ê thâu-náu piàn khong-khong
收遐的性命無行蹤
siu hia-ê sènn-miā bô hîng-tsong
拜請網路兵佮網路將啊
pài-tshiánn bāng-lōo ping kah bāng-lōo tsiòng–ah
東西南北方
tang-sai-lâm-pak hong
收驚收驚來收驚
siu-kiann siu-kiann lâi siu-kiann
有偌濟人點入去看
ū guā-tsē lâng tiám ji̍p-khì khuànn
伊就奢颺
i tiō tshia-iānn
收驚收驚來收驚
siu-kiann siu-kiann lâi siu-kiann
哪會鞏金的
ná ē khōng-kim–ê
變做是歹銅舊錫
piàn-tsò sī pháinn-tâng-kū-siah
收驚收驚來收驚
siu-kiann siu-kiann lâi siu-kiann
走去烏魯木齊
tsáu-khì oo-lóo-bo̍k-tsê
講伊有偌好額
kóng i ū guā hó-gia̍h
收驚收驚來收驚
siu-kiann siu-kiann lâi siu-kiann
莫予手機仔變做鴉片
mài hōo tshiú-ki-á piàn-tsò a-phiàn
死毋驚
sí m̄-kiann
]]>搶孤https://2blog.ilc.edu.tw/32745/2025/02/16/%e6%90%b6%e5%ad%a4/Sun, 16 Feb 2025 09:51:53 +0000https://2blog.ilc.edu.tw/32745/?p=124579
《搶孤》Tshiúnn-koo
楊肅浩Iûnn Siok-hō
——————————————
鬼門開
kuí-mn̂g khui
鬼門關
kuí-mn̂g kuinn
豐沛招待好兄弟
phong-phài tsiau-thāi hó-hiann-tī
一頓飯
tsi̍t-tuìnn puīnn
好言好語
hó-giân hó-gí
盈暗是故鄉的大代誌
îng-àm sī kòo-hiong ê tuā tāi-tsì
取竹篙
tshú tik-ko
縛圓箍
pa̍k înn-khoo
序大序細看鑼鼓
sī-tuā sī-sè khuànn lô-kóo
北管自透早就唱規路
pak-kuán tsū thàu-tsá tō tshiùnn kui-lōo
司公祈福求媽祖
sai-kong kî-hok kiû Má-tsóo
搶孤搶孤
tshiúnn-koo tshiúnn-koo
三聲鑼
sann-siann lô
人疊人
lâng tha̍h lâng
一步一步
tsi̍t-pōo-tsi̍t-pōo
身軀的牛油烏趖趖
sin-khu ê gû-iû oo-sô-sô
倒翻棚的痕跡上蓋勇
tò-huan-pênn ê hûn-jiah siōng-kài ióng
搶孤搶孤
tshiúnn-koo tshiúnn-koo
孤棧搖
koo-tshiàn iô
人𤲍人
lâng kheh lâng
咧喝燒
teh huah sio
順風旗
sūn-hong-kî
七月普渡
tshit-gue̍h phóo-tōo
放落水燈
pàng-lo̍h tsuí-ting
將思念迎來送往
tsiong su-liām ngiâ-lâi sàng-óng
—
順風旗
sūn-hong-kî
七月普渡
tshit-gue̍h phóo-tōo
放落水燈
pàng-lo̍h tsuí-ting
將思念迎來送往
tsiong su-liām ngiâ-lâi sàng-óng
]]>毋成囝https://2blog.ilc.edu.tw/32745/2025/02/16/%e6%af%8b%e6%88%90%e5%9b%9d/Sun, 16 Feb 2025 09:50:17 +0000https://2blog.ilc.edu.tw/32745/?p=124576
《毋成囝》M̄-tsiânn-kiánn
楊肅浩Iûnn Siok-hō
——————————————
毋是每一間厝
m̄-sī muí tsi̍t-king tshù
攏有溫暖的眠床
lóng ū un-luán ê bîn-tshn̂g
親像伊定定等門
tshin-tshiūnn i tiānn-tiānn tán mn̂g
等無爸母顧三頓
tán-bô pē-bú kòo-sann-tǹg
毋是飄撇愛虛華
m̄-sī phiau-phiat ài hi-hua
只是安全感佇佗
tsí-sī an-tsuân-kám tī tah
嘛想欲做人的依倚
mā siūnn-beh tsò lâng ê i-uá
幾段感情真緊就煞
kuí-tuānn kám-tsîng tsin kín tiō suah
成長的路行到遮
sîng-tióng ê lōo kiânn kah tsia
人攏講伊是毋成囝
lâng lóng kóng i sī m̄-tsiânn-kiánn
欲行去佗
beh kiânn khì tah
一夜一夜
tsi̍t-iā-tsi̍t-iā
反袂起身的生活
píng buē khí-sin ê sing-ua̍h
無人疼的囡仔
bô-lâng thiànn ê gín-á
帶愛的八字按怎寫
tuà ài ê pueh-jī án-tsuánn siá
連一个遮風避雨的家
liân tsi̍t-ê jia-hong phiah-hōo ê ke
攏毋知生做啥
lóng m̄-tsai senn-tsò siánn
伊的青春有塗沙
i ê tshing-tshun ū thôo-sua
沐著雨水就變荏懶
bak-tio̍h hōo-tsuí tiō piàn lám-nuā
漸漸行向烏暗路的
tsiām-tsiām kiânn hiòng oo-àm-lōo ê
毋成囝
m̄-tsiânn-kiánn
伊若拍開厝內的門
i nā phah-khui tshù-lāi ê mn̂g
看著成長的傷痕
khuànn-tio̍h sîng-tióng ê siong-hûn
偌濟傷痕變怨恨
guā-tsē siong-hûn piàn uàn-hūn
鑽入心肝無地囥
tsǹg-ji̍p sim-kuann bô-tè khǹg
袂癮予別人踏塗跤
buē-giàn hōo pa̍t-lâng ta̍h thôo-kha
轉踅甲心內變空營
tńg-se̍h kah sim-lāi piàn khang-iânn
認幾个阿兄欲趁食
jīn kuí-ê a-hiann beh thàn-tsia̍h
偌濟是嘐潲的咒誓
guā-tsē sī hau-siâu ê tsiù-tsuā
拍翸的路行到遮
phah-phún ê lōo kiânn kàu tsia
有幾个鬥陣的無變卦
ū kuí-ê tàu-tīn–ê bô piàn-kuà
心愛偌勇健
sim ài guā ióng-kiānn
目屎流焦
ba̍k-sái lâu ta
才發覺怨恨無較縒
tsiah huat-kak uàn-hūn bô-khah-tsua̍h
無人疼的囡仔
bô-lâng thiànn ê gín-á
帶愛的八字無算啥
tuà ài ê pueh-jī bô-sǹg siánn
大漢的時間按怎變化
tuā-hàn ê sî-kan án-tsuánn piàn-huà
無人講會定
bô-lâng kóng ē-tiānn
若是青春有塗沙
nā sī tshing-tshun ū thôo-sua
予風吹過就變坱埃
hōo hong tshue–kuè tiō piàn ing-ia
有偌濟光的所在
ū guā-tsuē kng ê sóo-tsāi
有偌濟烏影
ū guā-tsuē oo-iánn
無人疼的囡仔
bô-lâng thiànn ê gín-á
帶愛的八字無算啥
tuài ài ê pueh-jī bô-sǹg siánn
大漢的時間按怎變化
tuā-hàn ê sî-kan án-tsuánn piàn-huà
無人講會定
bô-lâng kóng ē-tiānn
若是青春有塗沙
nā sī tshing-tshun ū thôo-sua
予風吹過就變坱埃
hōo hong tshue–kuè tiō piàn ing-ia
有偌濟光的所在
ū guā-tsē kng ê sóo-tsāi
有偌濟烏影
ū guā-tsē oo-iánn
若是每一个人
nā sī muí tsi̍t-ê lâng
攏有成長的傷痕
lóng ū sîng-tióng ê siong-hûn
偌濟傷痕變養份
guā-tsē siong-hûn piàn ióng-hūn
毋是隨時通按算
m̄-sī suî-sî thang àn-sǹg
偌深的無奈佮孤單
guā tshim ê bô-nāi kah koo-tuann
坎坷的路毋捌好行
khám-khia̍t ê lōo m̄-bat hó-kiânn
是毋是越頭斟酌看
sī-m̄-sī ua̍t-thâu tsim-tsiok khuànn
猶有人點著燈火佇遐
iáu ū-lâng tiám tio̍h ting-hué tī hia
]]>八月初八https://2blog.ilc.edu.tw/32745/2025/02/16/%e5%85%ab%e6%9c%88%e5%88%9d%e5%85%ab/Sun, 16 Feb 2025 09:48:39 +0000https://2blog.ilc.edu.tw/32745/?p=124574
《八月初八》Peh-gue̍h Tshe-peh
楊肅浩Iûnn Siok-hō
——————————————
嬰仔搖啊搖落地
enn-á iô–ah iô lo̍h-tē
紅紅幼幼開始學講話
âng-âng iù-iù khai-sí o̍h kóng-uē
思念你的時
su-liām lí ê sî
踮電話輕聲細說
tiàm tiān-uē khin-siann-sè-sueh
幾禮拜轉來一兩暝
kuí lé-pài tńg-lâi tsi̍t-nn̄g mê
嬰仔變做少年家
enn-á piàn-tsò siàu-liân-ke
成長的疑問按怎體會
sîng-tióng ê gî-būn án-tsuánn thé-huē
電話漸漸無法度講詳細
tiān-uē tsiām-tsiām bô-huat-tōo kóng siông-sè
需要了解的青春
su-iàu liáu-kái ê tshing-tshun
毋但一兩暝
m̄-nā tsi̍t-nn̄g mê
後來咱攏毋講話
āu–lâi lán lóng m̄ kóng-uē
真濟代誌貧惰解說
tsin tsē tāi-tsì pîn-tuānn kái-sueh
若有機會
nā ū ki-huē
我嘛真想欲
guá mā tsin siūnn-beh
佮你講心內話
kah lí kóng sim-lāi uē
哪會變做遐爾生份的兩个
ná ē piàn-tsuè hiah-nī senn-hūn ê nn̄g-ê
一條血脈
tsi̍t-tiâu hiat-me̍h
流過偌濟的歹勢
lâu kuè guā-tsē ê pháinn-sè
嘛會期待你驕傲越頭
mā ē kî-thāi lí kiau-ngōo ua̍t-thâu
呵咾幾句話
o-ló kuí-kù uē
哪會變做遐爾生份的兩个
ná ē piàn-tsuè hiah-nī senn-hūn ê nn̄g-ê
牽連的血脈
khan-liân ê hiat-me̍h
佮我的青春相閃過
kah guá ê tshing-tshun sio-siám kuè
凡勢無解說
huān-sè bô kái-sueh
八月初八
peh-gue̍h tshe-peh
是囥心肝底
sī khǹg sim-kuann-té
毋敢講的話
m̄ kám-kóng ê uē
少年家漸漸出社會
siàu-liân-ke tsiām-tsiām tshut-siā-huē
人情冷暖過十八歲
jîn-tsîng líng-luán kuè tsa̍p-peh huè
有一寡關係予時間來解說
ū tsi̍t-kuá kuan-hē hōo sî-kan lâi kái-sueh
緣深情淺
iân tshim tsîng tshián
毋是簡單的問題
m̄-sī kán-tan ê būn-tê
敢若咱攏咧覕相揣
kánn-ná lán lóng teh bih-sio-tshuē
你也漸漸加寡年歲
lí iā tsiām-tsiām ke kuá nî-huè
若有機會
nā ū ki-huē
我嘛想欲佮你
guá mā siūnn-beh kah lí
心事講規暝
sim-sū kóng kui-mê
哪會變做遐爾生份的兩个
ná ē piàn-tsuè hiah-nī senn-hūn ê nn̄g-ê
一條血脈
tsi̍t-tiâu hiat-me̍h
流過偌濟的歹勢
lâu kuè guā-tsē ê pháinn-sè
嘛會期待你驕傲越頭
mā ē kî-thāi lí kiau-ngōo ua̍t-thâu
呵咾幾句話
o-ló kuí-kù uē
哪會變做遐爾生份的兩个
ná ē piàn-tsuè hiah-nī senn-hūn ê nn̄g-ê
牽連的血脈
khan-liân ê hiat-me̍h
佮我的青春相閃過
kah guá ê tshing-tshun sio-siám kuè
凡勢無解說
huān-sè bô kái-sueh
八月初八
peh-gue̍h tshe-peh
閣藏心肝底
koh tshàng sim-kuann-té
藏甲袂講話
tshàng kah bē kóng-uē
我嘛已經行到
guá mā í-king kiânn kàu
你生我的年歲
lí senn guá ê nî-huè
哪會無彼个把握通成家
ná ē bô hit ê pá-ak thang sîng-ke
一粒心肝
tsi̍t-lia̍p sim-kuann
按怎才會好勢
án-tsuánn tsiah ē hó-sè
八月初八
peh-gue̍h tshe-peh
是通知時間的掛號批
sī thong-ti sî-kan ê kuà-hō-phue
你佇另外的彼个家
lí tī līng-guā ê hit ê ke
著好好照顧身體
tio̍h hó-hó tsiàu-kòo sin-thé
彼支變做遐爾生份的電話
hit ki piàn-tsuè hiah-nī senn-hūn ê tiān-uē
人生短短
jîn-sing té-té
敢有和解的機會
kám ū hô-kái ê ki-huē
時間敢會無解說
sî-kan kám ē bô kái-sueh
八月初八
peh-gue̍h tshe-peh
閣通點幾枝蠟燭火
koh thang tiám kuí-ki la̍h-tsik hué
]]>這个世界https://2blog.ilc.edu.tw/32745/2025/02/16/%e9%80%99%e4%b8%aa%e4%b8%96%e7%95%8c/Sun, 16 Feb 2025 09:47:10 +0000https://2blog.ilc.edu.tw/32745/?p=124572
《這个世界》Tsit Ê Sè-kài
楊肅浩Iûnn Siok-hō
——————————————
你講佇這个世界
lí kóng tī tsit ê sè-kài
揣無家己的存在
tshuē-bô ka-kī ê tsûn-tsāi
共家己關起來
kā ka-kī kuainn–khí-lâi
無等於啥物攏毋知
bô tíng-î siánn-mih lóng m̄-tsai
我講佇這个世界
guá kóng tī tsit ê sè-kài
嘛有淡薄仔悲哀
mā ū tām-po̍h-á pi-ai
真濟話袂當講出來
tsin tsē uē buē-tàng kóng–tshut-lâi
講出來
kóng–tshut-lâi
嘛無人通了解
mā bô-lâng thang liáu-kái
寂寞哪會遮囂俳
tsi̍k-bo̍k ná ē tsiah hiau-pai
纏跤絆手的眼光
tînn-kha-puànn-tshiú ê gán-kong
管待
kuán-thāi
活佇這个世界
ua̍h tī tsit ê sè-kài
攏愛配合期待
lóng ài phuè-ha̍p kî-thāi
是毋是小可仔變態變態
sī-m̄-sī sió-khuá-á piàn-thài-piàn-thài
有的時陣
ū-ê sî-tsūn
希望無人熟似
hi-bāng bô-lâng si̍k-sāi
一个越頭
tsi̍t-ê ua̍t-thâu
行向深山林仔內
kiânn hiòng tshim-suann-nâ-á-lāi
若佇這个世界
nā tī tsit ê sè-kài
無愛配合期待
bô-ài phuè-ha̍p kî-thāi
是毋是小可仔狡怪狡怪
sī-m̄-sī sió-khuá-á káu-kuài-káu-kuài
生活的本身就摻著無奈
sing-ua̍h ê pún-sin tiō tsham tio̍h bô-nāi
敢會當勇敢為家己
kám ē-tàng ióng-kám uī ka-kī
活一擺
ua̍h tsi̍t-pái
—
敢講佇這个世界
kám-kóng tī tsit ê sè-kài
揣無安靜的所在
tshuē-bô an-tsīng ê sóo-tsāi
心內話
sim-lāi uē
一改閣一改
tsi̍t-kái koh tsi̍t-kái
講到底
kóng tàu-té
嘛分袂清好䆀
mā hun buē-tshing hó-bái
寂寞哪會遮囂俳
tsi̍k-bo̍k ná ē tsiah hiau-pai
纏跤絆手的眼光
tînn-kha-puànn-tshiú ê gán-kong
管待
kuán-thāi
]]>投胎無著時https://2blog.ilc.edu.tw/32745/2025/02/16/%e6%8a%95%e8%83%8e%e7%84%a1%e8%91%97%e6%99%82/Sun, 16 Feb 2025 09:45:45 +0000https://2blog.ilc.edu.tw/32745/?p=124570
《投胎無著時》Tâu-thai Bô Tio̍h-sî
楊肅浩Iûnn Siok-hō
——————————————
臺灣錢淹跤目彼當時
Tâi-uân tsînn im kha-ba̍k hit-tang-sî
我猶佇頂世人
guá iáu tī tíng-sì-lâng
食飯配滷卵
tsia̍h-puīnn phuè lóo-nuī
古錐的序大定定講起
kóo-tsui ê sī-tuā tiānn-tiānn kóng-khí
彼時無人考公職
hit-sî bô-lâng khó kong-tsit
攏咧做生理
lóng teh tsò-sing-lí
踏入社會的男男女女
ta̍p-ji̍p siā-huē ê lâm-lâm-lí-lí
會期待每一个時機
ē kî-thāi muí tsi̍t-ê sî-ki
—
柴米油鹽逐項攏起
tshâ-bí iû-iâm ta̍k-hāng lóng khí
若欲講相的
nā beh kóng sio-siâng–ê
就是口座的薪水
tiō-sī kháu-tsō ê sin-suí
過往的時代偌好過日
kuè-óng ê sî-tāi guā hó kuè-ji̍t
嘛已經過了三十年
mā í-king kuè-liáu sann-tsa̍p nî
無啥參考意義
bô siánn tsham-khó ì-gī
現此時的煩惱沓沓滴滴
hiān-tsú-sî ê huân-ló ta̍p-ta̍p-tih-tih
敢看會著後一个時機
kám khuànn ē-tio̍h āu tsi̍t-ê sî-ki
卍卍卍卍卍卍卍卍卍卍卍卍卍卍卍卍
觀自在菩薩
kuan-tsū-tsāi phôo-sat
行深般若波羅密多時
hîng tshim puat-jiá pho-lô-bi̍t-to sî
照見五蘊皆空
tsiàu kiàn ngóo-ūn kai khong
度一切苦厄
tōo it-tshè khóo-ik
舍利子
sià-lī-tsú
色不異空
sik put ī khong
空不異色
khong put ī sik
色即是空
sik tsik sī khong
空即是色
khong tsik sī sik
受想行識
siū sióng hîng sik
亦復如是
i̍k ho̍k jû sī
舍利子
sià-lī-tsú
是諸法空相
sī tsu huat khong siòng
不生不滅
put sing put bia̍t
不垢不淨
put kóo put tsīng
不增不減
put tsing put kiám
是故空中無色
sī kòo khong tiong bû sik
無受想行識
bû siū sióng hîng sik
無眼耳鼻舌身意
bû gán ní pī sia̍t sin ì
無色聲香味觸法
bû sik sing hiong bī tshiok huat
無眼界
bû gán kài
乃至無意識界
nái tsì bû ì-sik kài
無無明
bû bû-bîng
亦無無明盡
i̍k bû bû-bîng tsīn
乃至無老死
nái tsì bû nóo-sú
亦無老死盡
i̍k bû nóo-sú tsīn
無苦集滅道
bû khóo tsi̍p bia̍t tō
無智亦無得
bû tì i̍k bû tik
以無所得故
í bû sóo tik kòo
菩提薩埵
phôo-thê-sat-tó
依般若波羅密多故
i puat-jiá pho-lô-bi̍t-to kòo
心無罣礙
sim bû kuà-gāi
無罣礙故
bû kuà-gāi kòo
無有恐怖
bû iú khióng-pòo
遠離顛倒夢想
uán lî tian tó bōng sióng
究竟涅槃
kiù kìng liap-puân
卍卍卍卍卍卍卍卍卍卍卍卍卍卍卍卍
]]>做伙食早頓https://2blog.ilc.edu.tw/32745/2025/02/16/%e5%81%9a%e4%bc%99%e9%a3%9f%e6%97%a9%e9%a0%93/Sun, 16 Feb 2025 09:43:59 +0000https://2blog.ilc.edu.tw/32745/?p=124567
《做伙食早頓》Tsò-hué Tsia̍h Tsá-tǹg
楊肅浩Iûnn Siok-hō
——————————————
月娘光光
gue̍h-niû kng-kng
照入阮的心門
tsiò ji̍p gún ê sim-mn̂g
遙遠的你當欲睏
iâu-uán ê lí tng-beh khùn
心亂紛紛
sim luān hun-hun
思念怎樣按算
su-liām tsuánn-iūnn àn-sǹg
無啥甘願遮認份
bô siánn kam-guān tsiah jīn-hūn
嘛知影
mā tsai-iánn
你離我遮爾遠
lí lî guá tsiah-nī hn̄g
會堪得寂寞
ē-kham-tit tsi̍k-bo̍k
咱才行會久長
lán tsiah kiânn ē kú-tn̂g
若問我
nā mn̄g guá
真心欲按怎囥
tsin-sim beh án-tsuánn khǹg
想欲走去你的夢中
siūnn-beh tsáu-khì lí ê bāng-tiong
看日出
khuànn ji̍t-tshut
海風吹
hái-hong tshue
吹向你長長的頭毛
tshue hiòng lí tn̂g-tn̂g ê thâu-mn̂g
代替我無法度陪你食的暗頓
tāi-thè guá bô-huat-tōo puê lí tsia̍h ê àm-tǹg
海風吹
hái-hong tshue
吹咱無仝向的月光
tshue lán bô-kāng hiòng ê gue̍h-kng
看著手機仔的面
khuànn-tio̍h tshiú-ki-á ê bīn
哪會小可仔生份
ná ē sió-khuá-á senn-hūn
海風吹
hái-hong tshue
吹向心肝頭會酸酸
tshue hiòng sim-kuann-thâu ē sng-sng
你若佇邊仔
lí nā tī pinn–á
咱就會使做伙來轉
lán tiō ē-sái tsò-hué lâi-tńg
海風吹
hái-hong tshue
吹向你彼爿的眠床
tshue hiòng lí hit-pîng ê bîn-tshn̂g
等待彼工
tán-thāi hit-kang
咱做伙醒來
lán tsò-hué tshínn–lâi
食早頓
tsia̍h tsá-tǹg
—
一暝月光
tsi̍t-mî gue̍h-kng
思念咱彼時陣
su-liām lán hit-sî-tsūn
寬寬仔感受這青春
khuann-khuann-á kám-siū tse tshing-tshun
]]>像我這款人https://2blog.ilc.edu.tw/32745/2025/02/16/%e5%83%8f%e6%88%91%e9%80%99%e6%ac%be%e4%ba%ba-2/Sun, 16 Feb 2025 09:42:22 +0000https://2blog.ilc.edu.tw/32745/?p=124564
《像我這款人》Tshiūnn Guá Tsit Khuán Lâng
楊肅浩Iûnn Siok-hō
——————————————
我這款人啊
guá tsit khuán lâng–ah
講來嘛無啥
kóng–lâi mā bô-siánn
不時囥一捾鎖匙
put-sî khǹg tsi̍t-kuānn só-sî
佇橐袋仔
tī lak-tē-á
拍會開的
phah ē-khui–ê
是過去的運命
sī kuè-khì ê ūn-miā
拍袂開的
phah buē-khui–ê
是彼本戶口簿仔
sī hit pún hōo-kháu-phōo-á
我這款人啊
guá tsit khuán lâng–ah
定定驚孤單
tiānn-tiānn kiann koo-tuann
有幾支鎖匙
ū kuí-ki só-sî
前後囥佇怹遐
tsîng-āu khǹg tī in hia
生活
sing-ua̍h
畫妝是欲予誰看
uē-tsong sī beh hōo siáng khuànn
幾支鎖匙
kuí-ki só-sî
閣轉來倒邊的屜仔
koh tńg-lâi tò-pinn ê thuah-á
一台車
tsi̍t-tâi tshia
來來去去幾个聲
lâi-lâi-khì-khì kuí-ê siann
嘛是貼心乖巧
mā sī tah-sim kuai-khá
溫柔的名
un-jiû ê miâ
副駕駛的位
hù-kà-sú ê uī
空空佇遐
khang-khang tī hia
越頭無人問阮欲食啥
ua̍t-thâu bô-lâng mn̄g gún beh tsia̍h siánn
像我這款人啊
tshiūnn guá tsit khuán lâng–ah
只顧家己快活
tsí kòo ka-kī khuìnn-ua̍h
性地一來
sìng-tē tsi̍t-lâi
真濟代誌袂收山
tsin tsē tāi-tsì buē-siu-suann
一个看袂著對方需要的伴
tsi̍t-ê khuànn buē-tio̍h tuì-hong su-iàu ê phuānn
有啥物資格
ū siánn-mih tsu-keh
去期待人穿新娘衫
khì kî-thāi lâng tshīng sin-niû-sann
像我這款人啊
tshiūnn guá tsit khuán lâng–ah
叫是家己偌奢颺
kiò-sī ka-kī guā tshia-iānn
心內蹛一个
sim-lāi tuà tsi̍t-ê
猶未大漢的囡仔
iáu-buē tuā-hàn ê gín-á
遺憾是分開了後
uî-hām sī hun-khui liáu-āu
才知影
tsiah tsai-iánn
予人愛過的彼个我
hōo-lâng ài–kuè ê hit ê guá
有偌好命
ū guā hó-miā
—
像我這款人啊
tshiūnn guá tsit khuán lâng–ah
閣通期待啥
koh thang kî-thāi siánn
欲講的話
beh kóng ê uē
到尾嘛是講袂伸捙
kàu-bué mā sī kóng buē tshun-tshia
袂當予伊好命的查某囡仔
buē-tàng hōo i hó-miā ê tsa-bóo-gín-á
嘛是曾經刻佇心肝的名
mā sī tsan-king khik tī sim-kuann ê miâ
像我這款人啊
tshiūnn guá tsit khuán lâng–ah
落塗就註定
lo̍h-thôo tiō tsù-tiānn
註定是四界流浪的囡仔
tsù-tiānn sī sì-kè liû-lōng ê gín-á
遺憾是
uî-hām sī
彼條圍巾猶囥佇遐
hit tiâu uî-kin iáu khǹg tī hia
像我這款人啊
tshiūnn guá tsit khuán lâng–ah
孤單拄好爾爾
koo-tuann tú-hó niā-niā
遺憾是
uî-hām sī
上好的青春留佇遐
siōng-hó ê tshing-tshun lâu tī hia
像我這款人啊
tshiūnn guá tsit khuán lâng–ah
孤單拄好爾爾
koo-tuann tú-hó niā-niā
]]>皇民戰士大軍夫https://2blog.ilc.edu.tw/32745/2025/02/16/%e7%9a%87%e6%b0%91%e6%88%b0%e5%a3%ab%e5%a4%a7%e8%bb%8d%e5%a4%ab/Sun, 16 Feb 2025 09:40:45 +0000https://2blog.ilc.edu.tw/32745/?p=124561
《皇民戰士大軍夫》Hông-bîn Tsiàn-sū Tuā Kun-hu
楊肅浩Iûnn Siok-hō
——————————————
告別家鄉的新娘仔
kò-pia̍t ka-hiong ê sin-niû-á
眠床猶未睏燒
bîn-tshn̂g iáu-buē khùn sio
就來起行
tiō lâi khí-kiânn
厝內的田地三甲外
tshù-lāi ê tshân-tē sann-kah guā
六月燒熱
la̍k–gue̍h sio-jua̍h
只賰老爸割稻仔
tsí tshun lāu-pē kuah tiū-á
火車行到咿嘟搐搐銅仔
hué-tshia kiânn kàu ih-toh tiuh-tiuh-tâng-á
半線盤車開往打狗城
Puànn-suànn puânn-tshia khui óng Tá-káu-siânn
打狗港邊人峇峇
Tá-káu káng-pinn lâng bā-bā
漢人高砂
Hàn-jîn Ko-sua
南來北往的船隻
lâm-lâi pak-óng ê tsûn-tsiah
吁~問船夫
uh~ mn̄g tsûn-hu
一支太陽旗
tsi̍t-ki thài-iông-kî
飛過偌遠的海洋
pue kuè guā hn̄g ê hái-iûnn
吁~一欉香
uh~ tsi̍t-tsâng hiunn
無細膩
bô-sè-jī
踏入時代的漂流
ta̍p-ji̍p sî-tāi ê phiau-liû
皇民戰士大軍夫
hông-bîn tsiàn-sū tuā kun-hu
做伙來去南洋起大厝
tsò-hué lâi-khì Lâm-iûnn khí tuā-tshù
紅紅的日頭曝身軀
âng-âng ê ji̍t-thâu pha̍k sin-khu
故鄉的平安符
kòo-hiong ê pîng-an-hû
遙遠的媽祖娘
iâu-uán ê Má-tsóo-niû
皇民戰士大軍夫
hông-bîn tsiàn-sū tuā kun-hu
鮮鮮的血水
tshinn-tshinn ê hueh-tsuí
流遍太平洋
lâu-phiàn Thài-pîng-iûnn
紅紅的日頭
âng-âng ê ji̍t-thâu
毋認輸
m̄ jīn-su
歐洲亞洲攏咧沐沐泅
Au-tsiu A-tsiu lóng teh bo̍k-bo̍k-siû
天頂的炮彈逐工射
thinn-tíng ê phàu-tuânn ta̍k-kang siā
人的生死攏是天註定
lâng ê senn-sí lóng-sī thinn tsù-tiānn
無米通食的番薯仔囝
bô bí thang tsia̍h ê han-tsî-á-kiánn
一暝睏醒
tsi̍t-mî khùn-tshínn
敢就會無性命
kám tiō ē bô sìnn-miā
吁~問船夫
uh~ mn̄g tsûn-hu
一場戰事
tsi̍t-tiûnn tsiàn-sū
需要偌濟的理由
su-iàu guā-tsē ê lí-iû
吁~一欉香
uh~ tsi̍t-tsâng hiunn
夜夜夢著母親的彼雙手
iā-iā bāng-tio̍h bó-tshin ê hit siang tshiú
皇民戰士大軍夫
hông-bîn tsiàn-sū tuā kun-hu
做伙來去南洋起大厝
tsò-hué lâi-khì Lâm-iûnn khí tuā-tshù
紅紅的日頭曝身軀
âng-âng ê ji̍t-thâu pha̍k sin-khu
故鄉的平安符
kòo-hiong ê pîng-an-hû
遙遠的媽祖娘
iâu-uán ê Má-tsóo-niû
皇民戰士大軍夫
hông-bîn tsiàn-sū tuā kun-hu
鮮鮮的血水
tshinn-tshinn ê hueh-tsuí
流遍太平洋
lâu-phiàn Thài-pîng-iûnn
紅紅的日頭
âng-âng ê ji̍t-thâu
毋認輸
m̄ jīn-su
歐洲亞洲攏咧沐沐泅
Au-tsiu A-tsiu lóng teh bo̍k-bo̍k-siû
皇民戰士大軍夫
hông-bîn tsiàn-sū tuā kun-hu
賰無幾个人平安轉到厝
tshun-bô kuí-ê lâng pîng-an tńg kàu tshù
活落去的
ua̍h–lo̍h-khì–ê
罪孽縛身軀
tsuē-gia̍t pa̍k hun-khu
人來問起
lâng lâi mn̄g-khí
心肝結規毬
sim-kuann kiat-kui-khiû
皇民戰士大軍夫
hông-bîn tsiàn-sū tuā kun-hu
孤單的亡魂
koo-tuann ê bông-hûn
留咧太平洋
lâu teh Thài-pîng-iûnn
鹹鹹的思念
kiâm-kiâm ê su-liām
寄月娘
kià gue̍h-niû
行向戰場
kiânn hiòng tsiàn-tiûnn
敢攏真正有冤仇
kám lóng tsin-tsiànn ū uan-siû
]]>