梅素蘭 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sat, 12 Oct 2024 07:10:01 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg梅素蘭 – 臺語正字歌詞部落格https://2blog.ilc.edu.tw/327453232 故都時雨https://2blog.ilc.edu.tw/32745/2024/10/12/%e6%95%85%e9%83%bd%e6%99%82%e9%9b%a8/Sat, 12 Oct 2024 07:10:01 +0000https://2blog.ilc.edu.tw/32745/?p=111585
《故都時雨》Kòo-too Sî-ú
梅素蘭Muî Sòo-lân
——————————————
人若孤單真空虛
lâng nā koo-tuann tsin khang-hi
萬項無趣味
bān-hāng bô tshù-bī
世間有我若無伊
sè-kan ū guá nā bô i
活著無意義
ua̍h-tio̍h bô ì-gī
看見著鳥隻
khuànn-kìnn tio̍h tsiáu-tsiah
一路感慨
tsi̍t-lōo kám-khài
毋知啼哭啥物
m̄-tsai thî-khàu siánn-mih
原來就是啊
guân-lâi tsiū-sī–ah
欲落大雨拚袂離
beh lo̍h tuā-hōo piànn buē-lī
黃昏時陣落大雨
hông-hun sî-tsūn lo̍h tuā-hōo
害阮行無路
hāi gún kiânn-bô lōo
有風佮雨變無步
ū hong kah hōo piàn-bô-pōo
憂悶心慒慒
iu-būn sim tso-tso
遠遠有聽著哀怨琴聲
hn̄g-hn̄g ū thiann-tio̍h ai-uàn khîm-siann
害人毋免用刀
hāi lâng m̄-bián iōng to
予阮心酸啊
hōo gún sim sng–ah
風雨遮大欲如何
hong-hōo tsiah tuā beh jû-hô
暗頭路燈暗濛霧
àm-thâu lōo-ting àm bông-bū
雨煞才會光
hōo suah tsiah ē kng
看著夜市佮戲園
khuànn-tio̍h iā-tshī kah hì-hn̂g
無人踏入門
bô-lâng ta̍h ji̍p-mn̂g
平常時人群行到天光
pîng-siông-sî lâng-kûn kiânn kàu thinn kng
規暝鬧熱滾滾
kui-mî lāu-jia̍t kún-kún
因為這是啊
in-uī tse sī–ah
文明故都的黃昏
bûn-bîng kòo-too ê hông-hun
]]>風塵女郎https://2blog.ilc.edu.tw/32745/2024/10/12/%e9%a2%a8%e5%a1%b5%e5%a5%b3%e9%83%8e/Sat, 12 Oct 2024 07:08:12 +0000https://2blog.ilc.edu.tw/32745/?p=111582
《風塵女郎》Hong-tîn Lú-lông
梅素蘭Muî Sòo-lân
——————————————
阮是風塵的女郎
gún sī hông-tîn ê lú-lông
跤尖手幼毋免受風霜
kha-tsiam-tshiú-iù m̄-bián siū hong-song
心頭欲碎無地講
sim-thâu io̍k tshuì bô-tè kóng
為愛金錢受風霜
uī ài kim-tsînn siū hong-song
予人辱罵理應當
hōo-lâng jio̍k-mā lí ing-tong
欲哭無淚
beh khàu bô luī
面閣帶笑容
bīn koh tài tshiò-iông
內心想欲如意郎
lāi-sim siūnn-bueh jû-ì-lông
自恨烏鴉怎樣配鳳凰
tsū-hūn oo-a tsuánn-iūnn phuè hōng-hông
阮是風塵女紅妝
gún sī hông-tîn lú hông-tsong
霓虹燈影照阮茫茫
nî-hông ting-iánn tsiò gún bông-bông
心內苦楚無地講
sim-lāi khóo-tshóo bô-tè kóng
人客花言來煽動
lâng-kheh hua-giân lâi siàn-tōng
只有心頭激戇戇
tsí-ū sim-thâu kik gōng-gōng
阮落風塵
gún lo̍h hông-tîn
毋是愛虛榮
m̄-sī ài hi-îng
希望每日來相逢
hi-bāng muí-ji̍t lâi siong-hông
阮是烏鴉怎樣配鳳凰
gún sī oo-a tsuánn-iūnn phuè hōng-hông
]]>顧你將來https://2blog.ilc.edu.tw/32745/2024/10/12/%e9%a1%a7%e4%bd%a0%e5%b0%87%e4%be%86/Sat, 12 Oct 2024 07:06:35 +0000https://2blog.ilc.edu.tw/32745/?p=111580
《顧你將來》Kòo Lí Tsiong-lâi
梅素蘭Muî Sòo-lân
——————————————
深深愛你在心內
tshim-tshim ài lí tsāi sim-lāi
忍著痛苦啥人知
jím tio̍h thòng-khóo siánn-lâng tsai
情意毋敢講出來
tsîng-ì m̄-kánn kóng–tshut-lâi
暗崁心內口難開
àm-khàm sim-lāi khió lân khai
想欲表示予你知
siūnn-beh piáu-sī hōo lí tsai
又驚你袂當了解
iū kiann lí buē-tàng liáu-kái
並非對你不理睬
pīng-hui tuì lí put lí-tshái
只為環境來所害
tsí uī khuân-kíng lâi sóo hāi
心愛的心愛的
sim-ài–ê sim-ài–ê
離別苦
lî-pia̍t khóo
滋味䆀
tsu-bī bái
當做美酒吞腹內
tòng-tsuè bí-tsiú thun pak-lāi
萬項咱著愛忍耐
bān-hāng lán tio̍h-ài jím-nāi
阮是顧著你將來
gún sī kòo tio̍h lí tsiong-lâi
]]>心愛我哥哥https://2blog.ilc.edu.tw/32745/2024/10/12/%e5%bf%83%e6%84%9b%e6%88%91%e5%93%a5%e5%93%a5/Sat, 12 Oct 2024 07:05:01 +0000https://2blog.ilc.edu.tw/32745/?p=111578
《心愛我哥哥》Sim-ài Guá Kó-koh
梅素蘭Muî Sòo-lân
——————————————
咱雙人情意好
lán siang-lâng tsîng-ì hó
戀愛路中起風波
luân-ài lōo-tiong khí hong-pho
欲怎樣
bueh tsuánn-iūnn
咱免煩惱
lán bián huân-ló
你愛我
lí ài guá
我也愛你
guá iā ài lí
真情來相好
tsin-tsîng lâi siong-hó
叫一聲貼心啊好哥哥
kiò tsi̍t-siann tah-sim–ah hó kó-koh
雙人相𤆬來去𨑨迌
siang-lâng sio-tshuā lâi-khì tshit-thô
鴛鴦夢起風波
uan-iunn bāng khí hong-pho
只要雙人感情好
tsí-iàu siang-lâng kám-tsîng hó
心靜意堅
sim tsīng ì kian
免煩惱
bián huân-ló
你愛我
lí ài guá
我也愛你
guá iā ài lí
真情來相好
tsin-tsîng lâi siong-hó
叫一聲貼心啊好哥哥
kiò tsi̍t-siann tah-sim–ah hó kó-koh
雙人相𤆬來去𨑨迌
siang-lâng sio-tshuā lâi-khì tshit-thô
]]>你會了解阮https://2blog.ilc.edu.tw/32745/2024/10/12/%e4%bd%a0%e6%9c%83%e4%ba%86%e8%a7%a3%e9%98%ae/Sat, 12 Oct 2024 07:03:32 +0000https://2blog.ilc.edu.tw/32745/?p=111576
《你會了解阮》Lí Ē Liáu-kái Gún
梅素蘭Muî Sòo-lân
——————————————
希望你了解阮
hi-bāng lí liáu-kái gún
毋是船過水無痕
m̄-sī tsûn kuè tsuí bô hûn
環境阻礙毋允准
khuân-kíng tsóo-gāi m̄ ún-tsún
請你愛吞忍
tshiánn lí ài thun-lún
只要你咱兩人
tsí-iàu lí lán nn̄g-lâng
若是註定有緣份
nā sī tsù-tiānn ū iân-hūn
毋管啥物時陣
m̄-kuán siánn-mih sî-tsūn
都會來合群
tio ē lâi ha̍p-kûn
心愛的心愛的
sim-ài–ê sim-ài–ê
希望你會了解阮
hi-bāng lí ē liáu-kái gún
希望你了解阮
hi-bāng lí liáu-kái gún
風塵生活無單純
hong-tîn sing-ua̍h bô tan-sûn
雖然污泥中打滾
sui-jiân u-nî tiong tá-kún
阮也守分寸
gún iā siú hun-tshùn
只要你咱兩人
tsí-iàu lí lán nn̄g-lâng
若是註定有緣份
nā sī tsù-tiānn ū iân-hūn
毋管啥物波折
m̄-kuán siánn-mih pho-tsiat
請你暫吞忍
tshiánn lí tsiām thun-lún
心愛的心愛的
sim-ài–ê sim-ài–ê
希望你會了解阮
hi-bāng lí ē liáu-kái gún
]]>我君討海人https://2blog.ilc.edu.tw/32745/2024/10/12/%e6%88%91%e5%90%9b%e8%a8%8e%e6%b5%b7%e4%ba%ba/Sat, 12 Oct 2024 07:01:47 +0000https://2blog.ilc.edu.tw/32745/?p=111574
《我君討海人》Guá Kun Thó-hái-lâng
梅素蘭Muî Sòo-lân
——————————————
我哥欲去海南島
guá ko beh khì Hái-lâm-tó
予阮擔心啊揣無哥
hōo gún tam-sim–ah tshuē-bô ko
無彩兩人遮爾好
bô-tshái nn̄g-lâng tsiah-nī hó
為哥失戀無功勞
uī ko sit-luân bô kong-lô
你我離別一年後
lí guá lî-pia̍t tsi̍t-nî āu
掠魚趁錢嘛無回頭
lia̍h-hî thàn-tsînn–mah bô huê-thâu
成功機會望日後
sîng-kong ki-huē bāng ji̍t-āu
為哥失戀亂操操
uī ko sit-luân luān-tshau-tshau
冬天討海冷佮寒
tang-thinn thó-hái líng kah kuânn
海水潑面啊凍心肝
hái-tsuí phuah bīn–ah tàng sim-kuann
烏雲密佈欲按怎
oo-hûn bi̍t-pòo beh án-tsuánn
祈禱風雨較緊煞
kî-tó hong-hōo khah-kín suah
今日又是風雨天
kim-ji̍t iū sī hong-ú thinn
我君仔透早嘛著掠魚
guá kun–á thàu-tsá–mah tio̍h lia̍h-hî
討海男兒愛有志氣
thó-hái lâm-jî ài ū tsì-khì
期待早日出頭天
kî-thāi tsá-ji̍t tshut-thâu-thinn
為著前途出鄉里
uī-tio̍h tsiân-tôo tshut hiong-lí
出海認真啊咧掠魚
tshut-hái jīn-tsin–ah teh lia̍h-hî
全望滿載回鄉里
tsuân bāng buán-tsài huê hiong-lí
毋通予阮心傷悲
m̄-thang hōo gún sim siong-pi
]]>每日思念你https://2blog.ilc.edu.tw/32745/2024/10/12/%e6%af%8f%e6%97%a5%e6%80%9d%e5%bf%b5%e4%bd%a0-2/Sat, 12 Oct 2024 07:00:23 +0000https://2blog.ilc.edu.tw/32745/?p=111572
《每日思念你》Muí-ji̍t Su-liām Lí
梅素蘭Muî Sòo-lân
——————————————
自從彼日來分離
tsū-tsiông hit-ji̍t lâi hun-lî
時常夢見你
sî-siông bāng-kìnn lí
無疑一去過數年
bô-gî tsi̍t-khì kuè sòo-nî
全然無音訊
tsuân-jiân bô im-sìn
心愛的
sim-ài–ê
為啥物
uī-siánn-mih
輕輕叫著你的名字
khin-khin kiò tio̍h lí ê miâ-jī
你咱情深
lí lán tsîng tshim
毋是用話講會盡
m̄-sī iōng uē kóng ē tsīn
我的心
guá ê sim
是你的
sī lí ê
每日思念你
muí-ji̍t su-liām lí
]]>愛情最神聖https://2blog.ilc.edu.tw/32745/2024/10/12/%e6%84%9b%e6%83%85%e6%9c%80%e7%a5%9e%e8%81%96/Sat, 12 Oct 2024 06:58:59 +0000https://2blog.ilc.edu.tw/32745/?p=111570
《愛情最神聖》Ài-tsîng Tsuè Sîn-sìng
梅素蘭Muî Sòo-lân
——————————————
你是富家的囝兒
lí sī hù-ka ê kiánn-jî
阮是散赤女
gún sī sàn-tshiah-lí
自從佮你來熟似
tsū-tsiông kah lí lâi si̍k-sāi
予阮又驚又歡喜
hōo gún iū kiann iū huann-hí
想阮身份袂比你
siūnn gún sin-hūn buē pí lí
驚你無真意
kiann lí bô tsin-ì
又閣擔心有一日
iū-koh tam-sim ū-tsi̍t-ji̍t
好夢來拍醒
hó-bāng lâi phah-tshínn
所以毋敢來接受
sóo-í m̄-kánn lâi tsiap-siū
毋是欲拒絕你
m̄-sī beh kī-tsua̍t lí
算來愛情是神聖
sǹg–lâi ài-tsîng sī sîn-sìng
上好是真情
siōng-hó sī tsin-tsîng
金錢兩字袂比並
kim-tsînn nn̄g-jī buē pí-phīng
無分階級佮平等
bô-hun kai-kip kah pîng-tíng
一生初戀頭一擺
it-sing tshoo-luân thâu tsi̍t-pái
袂當無考慮
buē-tàng bô khó-lū
人人都會談戀愛
lâng-lâng to ē tâm-luân-ài
擋也擋袂住
tòng iā tòng buē-tsū
改掉門戶的觀念
kái-tiāu mn̂g-hōo ê kuan-liām
自由才是文明
tsū-iû tsiah-sī bûn-bîng
]]>阮一時的錯誤https://2blog.ilc.edu.tw/32745/2024/10/12/%e9%98%ae%e4%b8%80%e6%99%82%e7%9a%84%e9%8c%af%e8%aa%a4/Sat, 12 Oct 2024 06:57:19 +0000https://2blog.ilc.edu.tw/32745/?p=111567
《阮一時的錯誤》Gún Tsi̍t-sî ê Tshò-gōo
梅素蘭Muî Sòo-lân
——————————————
今日又來到鬧熱街路
kim-ji̍t iū lâi-kàu lāu-jia̍t ke-lōo
看人咧快樂散步
khuànn-lâng teh khuài-lo̍k sàn-pōo
手牽手相照顧
tshiú khan-tshiú sio tsiàu-kòo
毋驚日頭毋驚雨
m̄-kiann ji̍t-thâu m̄-kiann hōo
阮的心肝真艱苦
gún ê sim-kuann tsin kan-khóo
有啥人會來幫助
ū siánn-lâng ē lâi pang-tsōo
攏是阮一時的糊塗
lóng-sī gún tsi̍t-sî ê hôo-tôo
無代無誌來食醋
bô-tāi-bô-tsì lâi tsia̍h-tshòo
愛情煞來起風波
ài-tsîng suah lâi khí hong-pho
心內痛苦
sim-lāi thòng-khóo
實在是阮的錯誤
si̍t-tsāi sī gún ê tshò-gōo
]]>何必怨恨天https://2blog.ilc.edu.tw/32745/2020/08/09/%e4%bd%95%e5%bf%85%e6%80%a8%e6%81%a8%e5%a4%a9/Sun, 09 Aug 2020 07:34:17 +0000https://2blog.ilc.edu.tw/32745/?p=26022
《何必怨恨天》Hô-pit Uàn-hūn Thinn
梅素蘭 Muî Sòo-lân
——————————————
世事本是多演變
sè-sū pún sī to ián-piàn
往事一片如雲煙
óng-sū it-phiàn jû hûn-ian
空有相思意綿綿
khang ū siunn-si ì biân-biân
滿腹心事藏心田
muá-pak sim-sū tshàng sim-tiân
好花人人多欣羨
hó-hue lâng-lâng to him-siān
䆀花凋謝誰可憐
bái-hue tiau-siā siáng khó-liân
純情花蕊情意堅
sûn-tsîng hue-luí tsîng-ì kian
媠䆀何必怨恨天
suí-bái hô-pit uàn-hūn thian
人生總有得意時
jîn-sing tsóng ū tit-ì sî
應該把握好良機
ìng-kai pá-ak hó liông-ki
毋通等待葉離枝
m̄-thang tán-thāi hio̍h lî ki
欲守已經有較遲
beh siú í-king ū khah tî
可比好花正芳時
khó-pí hó-hue tng phang sî
蝴蝶野蜂纏袂離
ôo-tia̍p iá-phang tînn buē-lī
良辰美景值回憶
liông-sîn bí-kíng ta̍t huê-ik
空等何必怨恨天
khang tán hô-pit uàn-hūn thinn
好花人人多欣羨
hó-hue lâng-lâng to him-siān
䆀花凋謝誰可憐
bái-hue tiau-siā siáng khó-liân
純情花蕊情意堅
sûn-tsîng hue-luí tsîng-ì kian
媠䆀何必怨恨天
suí-bái hô-pit uàn-hūn thian
]]>