《新娘船》Sim-niû-tsûn

林秀岳Lîm Siù-ga̍k

——————————————

噹嘟噹嘟哢嘟

tong-tooh tong-tooh long-tooh

彼个青春小姑娘

hit ê tshing-tshun sió-koo-niû

欲嫁去佗位

beh kè khì tó-uī

坐著新娘船咧

tsē tio̍h sin-niû tsûn–leh

怎樣來放我一个

tsuánn-iūnn lâi pàng guá tsi̍t-ê

踮在海邊頭犁犁

tiàm-tsāi hái-pinn thâu lê-lê

想欲來問伊詳細

siūnn-beh lâi mn̄g i siông-sè

心愛的

sim-ài–ê

僥心欲去嫁別个

hiau-sim beh khì kè pa̍t-ê

噹都噹都哢都

tong-tooh tong-tooh long-tooh

希望見著你一人

hi-bāng kìnn-tio̍h lí tsi̍t-lâng

到海邊看你

kàu hái-pinn khuànn lí

坐著新娘船咧

tsē tio̍h sin-niû tsûn–leh

並無來交代半項

pīng bô lâi kau-tài puànn-hāng

放我孤單心茫茫

pàng guá koo-tuann sim bâng-bâng

踮船內隨風搖弄

tiàm tsûn-lāi suî hong iô-lāng

心愛的

sim-ài–ê

僥心欲去嫁別人

hiau-sim beh khì kè pa̍t-lâng

噹都噹都哢都

tong-tooh tong-tooh long-tooh

為你心情放袂離

uī lí sim-tsîng pàng buē-lī

金金來看你

kim-kim lâi khuànn lí

坐著新娘船咧

tsē tio̍h sin-niû tsûn–leh

若想起你我情意

nā siūnn-khí lí guá tsîng-ì

叫我怎樣放袂記

kiò guá tsuánn-iūnn pàng-buē-kì

自今後永遠分離

tsū-kim-āu íng-uán hun-lî

心愛的

sim-ài–ê

僥心放我做你去

hiau-sim pàng guá tsuè lí khì

新娘船