《望川》Bāng-tshuan
林俊吉Lîm Tsùn-kiat
葉諾帆Ia̍p Lo̍k-huân
——————————————
風塵僕僕夜迷惘
hong-tîn po̍k-po̍k iā bê-bóng
千里迢迢路遙遠
tshian-lí tiâu-tiâu lōo iâu-uán
為了前途毋驚風險
uī liáu tsiân-tôo m̄-kiann hong-hiám
天星專工來託夢
thinn-tshinn tsuan-kang lâi thok-bāng
叫醒千年的思念
kiò tshínn tshian-nî ê su-liām
毋通袂記故鄉彼个人
m̄-thang buē-kì kòo-hiong hit-ê lâng

風沙滾滾情勢亂
hong-sua kún-kún tsîng-sè luān
日月滄桑夜淒涼
ji̍t-gua̍t tshong-song iā tshe-liâng
為了走揣人生的美夢
uī liáu tsáu-tshuē jîn-sing ê bí-bāng
青春笑阮像戇人
tshing-tshun tshiò gún tshiūnn gōng-lâng
當芳花欉鎖空房
tng-phang hue-tsâng só khang-pâng
只愛江山無惜花紅
tsí ài kang-san bô sioh hue âng

望川想你
bāng-tshuan siūnn lí
行盡千山萬里無了時
kiânn tsīn tshian-san bān-lí bô-liáu-sî
往事回首千行淚
óng-sū huê-siú tshian-hâng luī
無情歲月啊摧啊摧
bô-tsîng suè-gua̍t–ah tshui–ah tshui
望川想你
bāng-tshuan siūnn lí
看盡千江萬水無地比
khuànn tsīn tshian-kang bān-suí bô-tè pí
原來你蹛在阮心中千萬年
guân-lâi lí tuà tsāi gún sim-tiong tshian-bān nî

望川