林久登 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sun, 27 Jul 2025 04:50:01 +0000zh-TWhourly1https://wordpress.org/?v=6.6.9https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg林久登 – 臺語正字歌詞部落格https://2blog.ilc.edu.tw/327453232 夢著你啦https://2blog.ilc.edu.tw/32745/2025/07/27/%e5%a4%a2%e8%91%97%e4%bd%a0%e5%95%a6/Sun, 27 Jul 2025 04:50:01 +0000https://2blog.ilc.edu.tw/32745/?p=128675
《夢著你啦》Bāng-tio̍h Lí–lah
林久登Lîm Kiú-ting
——————————————
夢著你啦
bāng-tio̍h lí–lah
毋願醒啦
m̄-guān tshínn–lah
夢醒三更半暝
bāng tshínn sann-kinn-puànn-mî
想著你啊
siūnn-tio̍h lí–ah
露凍心扉
lōo tàng sim-hui
淚澹枕頭邊
luī tâm tsím-thâu pinn
夢著你啦
bāng-tio̍h lí–lah
毋願分開
m̄-guān hun-khui
魂縈夢中相見
hûn îng bāng-tiong sann-kìnn
想著你啊
siūnn-tio̍h lí–ah
睏攏袂去
khùn lóng buē-khì
半夢半清醒
puànn bāng puànn tshing-tshínn
明知夜夜夢中分袂開
bîng-tsai iā-iā bāng-tiong hun buē-khui
難分又難離
lân-hun iū lân-lî
明知夢中相會毋著時
bîng-tsai bāng-tiong siong-huē m̄-tio̍h-sî
偏偏毋願醒
phian-phian m̄-guān tshínn
夢著你啦
bāng-tio̍h lí–lah
毋願分開
m̄-guān hun-khui
魂縈夢中相見
hûn îng bāng-tiong sann-kìnn
想著你啊
siūnn-tio̍h lí–ah
睏攏袂去
khùn lóng buē-khì
半茫半清醒
puànn bâng puànn tshing-tshínn
]]>坐踮咖啡廳https://2blog.ilc.edu.tw/32745/2025/07/27/%e5%9d%90%e8%b8%ae%e5%92%96%e5%95%a1%e5%bb%b3/Sun, 27 Jul 2025 04:48:32 +0000https://2blog.ilc.edu.tw/32745/?p=128672
《坐踮咖啡廳》Tsē Tiàm Ka-pi-thiann
林久登Lîm Kiú-ting
——————————————
冷風
líng-hong
無伴
bô-phuānn
心悶
sim būn
坐踮咖啡廳
tsē tiàm ka-pi-thiann
鬱卒
ut-tsut
心疼
sim thiànn
傷心的歌啥人聽
siong-sim ê kua siánn-lâng thiann
昔日溫柔
sik-ji̍t un-jiû
雙人坐踮咖啡廳
siang-lâng tsē tiàm ka-pi-thiann
今夜孤單
kim-iā koo-tuann
無人了解阮心聲
bô-lâng liáu-kái gún sim-siann
啉一杯咖啡
lim tsi̍t-pue ka-pi
溫醇的芳味
un-sûn ê phang-bī
予我暫時
hōo guá tsiām-sî
袂記無情的伊
bē-kì bô-tsîng ê i
咖啡的芳味
ka-pi ê phang-bī
溫暖阮心扉
un-luán gún sim-hui
沃澹我的恨火
ak-tâm guá ê hūn-hué
只有咖啡
tsí-ū ka-pi
我孤孤單單
guá koo-koo-tuann-tuann
一人坐踮咖啡廳
tsi̍t-lâng tsē tiàm ka-pi-thiann
]]>媽媽的料理https://2blog.ilc.edu.tw/32745/2025/07/27/%e5%aa%bd%e5%aa%bd%e7%9a%84%e6%96%99%e7%90%86/Sun, 27 Jul 2025 04:46:41 +0000https://2blog.ilc.edu.tw/32745/?p=128669
《媽媽的料理》Má-mah ê Liāu-lí
林久登Lîm Kiú-ting
——————————————
彼款的滋味
hit khuán ê tsu-bī
透著芳薟甜
thàu-tio̍h phang hiam tinn
無人會當比
bô-lâng ē-tàng pí
是媽媽的料理
sī má-mah ê liāu-lí
會記得細漢時
ē-kì-tit sè-hàn sî
媽媽若咧做滷味
má-mah nā teh tsuè lóo-bī
我會綴踮伊的身軀邊
guá ē tuè tiàm i ê sin-khu-pinn
食好料的
tsia̍h hó-liāu–ê
食甲笑咪咪
tsia̍h kah tshiò bi-bi
他鄉孤單暝
thann-hiong koo-tuann mî
想起阮媽咪
siūnn-khí gún ma-mi
出外的戇囝
tshut-guā ê gōng-kiánn
不時嘛咧食泡麵
put-sî mā teh tsia̍h phàu-mī
若想起媽媽時
nā siūnn-khí má-mah sî
目屎就流袂離
ba̍k-sái tsiū lâu buē-lī
心目中永遠的第一味
sim-bo̍k-tiong íng-uán ê tē-it bī
是媽媽煮食的料理
sī má-mah tsú-tsia̍h ê liāu-lí
毋知影時間
m̄ tsai-iánn sî-kan
經過幾若年
king-kuè kuí-lō nî
媽媽的的頭毛
má-mah ê ê thâu-mn̂g
漸漸嘛已經白去
tsiām-tsiām mā í-king pe̍h–khì
我佮伊約束
guá kah i iok-sok
阮欲有孝伊
gún beh iú-hàu i
阮欲予伊好命
gún beh hōo i hó-miā
食到一百二
tsia̍h kah tsi̍t-pah jī
媽媽的料理
má-mah ê liāu-lí
媽媽的滷味
má-mah ê lóo-bī
永遠永遠
íng-uán íng-uán
攏袂變滋味
lóng buē piàn tsu-bī
]]>像我這款人https://2blog.ilc.edu.tw/32745/2025/01/27/%e5%83%8f%e6%88%91%e9%80%99%e6%ac%be%e4%ba%ba/Mon, 27 Jan 2025 09:04:24 +0000https://2blog.ilc.edu.tw/32745/?p=123058

《像我這款人》Tshiūnn Guá Tsit Khuán Lâng
林久登Lîm Kiú-ting
——————————————
像我這款的人
tshiūnn guá tsit khuán ê lâng
敢有資格談戀愛
kám ū tsu-keh tâm-luân-ài
滿腹痴情
muá-pak tshi-tsîng
無人肯了解
bô-lâng khíng liáu-kái
若是付出真情
nā sī hù-tshut tsin-tsîng
阮就會得著悲哀
gún tiō ē tit-tio̍h pi-ai
叫我怎樣袂感慨
kiò guá tsuánn-iūnn buē kám-khài
啊~心情心情無人知
ah~ sim-tsîng sim-tsîng bô-lâng tsai
痴情痴情
tshi-tsîng tshi-tsîng
是戇大呆
sī gōng-tuā-tai
啊~阮的心情
ah~ gún ê sim-tsîng
可比小船遇風颱
khó-pí sió-tsûn gū hong-thai
阮的愛情
gún ê ài-tsîng
為怎樣猶未來
uī tsuánn-iūnn iáu-buē lâi
—
像我這款的人
tshiūnn guá tsit khuán ê lâng
敢有資格談戀愛
kám ū tsu-keh tâm-luân-ài
緣份沉落茫茫相思海
iân-hūn tîm-lo̍h bâng-bâng siunn-si hái
過去彼段情懷
kuè-khì hit tuānn tsîng-huâi
猶原是囥咧心內
iu-guân sī khǹg teh sim-lāi
舊情難忘舊情愛
kū-tsîng lân-bōng kū tsîng-ài
]]>天星https://2blog.ilc.edu.tw/32745/2024/10/10/%e5%a4%a9%e6%98%9f-5/Wed, 09 Oct 2024 23:44:15 +0000https://2blog.ilc.edu.tw/32745/?p=111328
《天星》Thinn-tshinn
林久登Lîm Kiú-ting
——————————————
天頂的星天頂的星
thinn-tíng ê tshinn thinn-tíng ê tshinn
閃閃爍爍
siám-siám-sih-sih
掛咧天頂掛咧天頂
kuà teh thinn-tíng kuà teh thinn-tíng
留情帶意
liû-tsîng tài-ì
問天星敢知影
mn̄g thinn-tshinn kám tsai-iánn
你的消息
lí ê siau-sit
問天星敢知影
mn̄g thinn-tshinn kám tsai-iánn
阮咧想你
gún teh siūnn lí
—
彼粒流星彼粒流星
hit lia̍p liû-tshinn hit lia̍p liû-tshinn
欲去佗位
beh khì tó-uī
閃過天頂閃過天頂
siám kuè thinn-tíng siám kuè thinn-tíng
含情閃爍
hâm-tsîng siám-sih
問流星敢會當
mn̄g liû-tshinn kám ē-tàng
傳阮心意
thuân gún sim-ì
問流星敢知影
mn̄g liû-tshinn kám tsai-iánn
阮咧相思
gún teh siunn-si
看天頂星
khuànn thinn-tíng tshinn
就想著你
tiō siūnn-tio̍h lí
想著咱做伙
siūnn-tio̍h lán tsò-hué
看滿天夜星
khuànn muá-thinn iā-tshinn
彼粒流星漂流天邊
hit lia̍p liû-tshinn phiau-liû thinn-pinn
將我的思慕
tsiong guá ê su-bōo
傳送予你
thuân-sàng hōo lí
——————————————
→
]]>追月https://2blog.ilc.edu.tw/32745/2024/10/10/%e8%bf%bd%e6%9c%88/Wed, 09 Oct 2024 23:34:50 +0000https://2blog.ilc.edu.tw/32745/?p=111325
《追月》Tui Gue̍h
林久登Lîm Kiú-ting
——————————————
床前明月光
tshông tsîng bîng-gua̍t kong
啊~疑似地上霜
ah~ gî sū tē-siōng song
攑頭望
gia̍h-thâu bāng
望啊望明月
bāng–ah bāng bîng-gue̍h
奈何對酒當歌
nāi-hô tuì tsiú tong ko
空對月
khong tuì gue̍h
月光光
gue̍h kng-kng
照阮一陣冷酸酸
tsiò gún tsi̍t-tsūn líng-sng-sng
望月想你心頭悶
bāng gue̍h siūnn lí sim-thâu būn
想你念你盼你
siūnn lí liām lí phàn lí
心情罩烏雲
sim-tsîng tà oo-hûn
月光光
gue̍h kng-kng
照白阮的烏頭毛
tsiò pe̍h gún ê oo thâu-mn̂g
千里音信一線斷
tshian-lí im-sìn tsi̍t-suànn tn̄g
恨你怨你嘆你
hūn lí uàn lí thàn lí
無來相借問
bô lâi sio-tsioh-mn̄g
心頭酸
sim-thâu sng
追你追月
tui lí tui gue̍h
捶心捶肝
tuî sim tuî kuann
捶著阮心疼
tuî tio̍h gún sim thiànn
望你望月
bāng lí bāng gue̍h
回心轉意
huê-sim tsuán-ì
了解阮心聲
liáu-kái gún sim-siann
追你追月
tui lí tui gue̍h
流星趕月
liû-tshinn kuánn gue̍h
追無你形影
tui bô lí hîng-iánn
只留床前明月光
tsí lâu tshông tsîng bîng-gua̍t kong
啊~疑似地上霜
ah~ gî sū tē-siōng song
月光光
gue̍h kng-kng
照阮一陣冷酸酸
tsiò gún tsi̍t-tsūn líng-sng-sng
望月想你心頭悶
bāng gue̍h siūnn lí sim-thâu būn
想你念你盼你
siūnn lí liām lí phàn lí
心情罩烏雲
sim-tsîng tà oo-hûn
追月光
tui gue̍h-kng
]]>廟口https://2blog.ilc.edu.tw/32745/2024/10/10/%e5%bb%9f%e5%8f%a3/Wed, 09 Oct 2024 23:32:45 +0000https://2blog.ilc.edu.tw/32745/?p=111322
《廟口》Biō-kháu
林久登Lîm Kiú-ting
——————————————
嘿~欲看鬧熱
beh khuànn lāu-jia̍t
就對遮來欸
tō tuì tsia lâi–eh
–
今仔日的廟口鬧猜猜
kin-á-ji̍t ê biō-kháu nāu-tshai-tshai
彼男女老幼嘛相招來
he lâm-lú nóo-iù mā sio-tsio lâi
也有踏蹺的佮弄獅
iā ū ta̍h-khiau–ê kah lāng-sai
相爭廟口搶包彩
sio-tsinn biō-kháu tshiúnn pau-tshái
今仔日的廟口鬧猜猜
kin-á-ji̍t ê biō-kháu nāu-tshai-tshai
彼桌頂的腥臊嘛真豐沛
he toh-tíng ê tshe-tshau mā tsin phong-phài
魚翅干貝彼燕窩糜
hî-tshì kan-puè he iàn-o-muâi
食甲喙仔裂獅獅
tsia̍h kah tshuì á li̍h-sai-sai
今仔日的廟口鬧猜猜
kin-á-ji̍t ê biō-kháu nāu-tshai-tshai
彼廟內的神尊嘛下凡來
he biō-lāi ê sîn-tsun mā hā-huān lâi
家將掃街兩爿排
ka-tsiòng sàu ke lióng-pîng pâi
闔境平安大發財
ha̍p-kíng pîng-an tuā-huat-tsâi
嘿~緊來緊來趕緊來
heh~ kín lâi kín lâi kuánn-kín lâi
歌仔戲山伯佮英臺
kua-á-hì San-pik kah Ing-tâi
布袋戲哪吒鬧東海
pòo-tē-hì lô-tshia nāu Tang-hái
今仔日的廟口
kin-á-ji̍t ê biō-kháu
咧做醮閣大拜拜
teh tsò-tsiò koh tuā-pài-pài
]]>香瓜鬚https://2blog.ilc.edu.tw/32745/2024/10/10/%e9%a6%99%e7%93%9c%e9%ac%9a/Wed, 09 Oct 2024 23:31:11 +0000https://2blog.ilc.edu.tw/32745/?p=111319
《香瓜鬚》Hiunn-kue-tshiu
林久登Lîm Kiú-ting
——————————————
青翠枝葉
tshinn-tshuì ki-hio̍h
旋藤的身態
suan-tîn ê sin-thài
香瓜仔鬚的意志
hiunn-kue-á-tshiu ê ì-tsì
徛在在
khiā tsāi-tsāi
毋捌怨嘆
m̄-bat uàn-thàn
毋捌悲哀
m̄-bat pi-ai
忍受風霜度生涯
jím-siū hong-song tōo sing-gâi
人若像怹
lâng ná-tshiūnn in
心內充滿愛
sim-lāi tshiong-buán ài
香瓜仔鬚的一切
hiunn-kue-á-tshiu ê it-tshè
多自在
to tsū-tsāi
任勞任怨
jīm-lô jīm-uàn
風吹日曝
hong tshue ji̍t pha̍k
忍受命運的安排
jím-siū miā-ūn ê an-pâi
香瓜仔鬚啊
hiunn-kue-á-tshiu–ah
香瓜仔鬚
hiunn-kue-á-tshiu
你予我看著
lí hōo guá khuànn-tio̍h
性命的光彩
sìnn-miā ê kong-tshái
心內無烏雲
sim-lāi bô oo-hûn
心情像大海
sim-tsîng tshiūnn tuā-hái
予我行入美麗的世界
hōo guá kiânn-ji̍p bí-lē ê sè-kài
]]>來去看戲https://2blog.ilc.edu.tw/32745/2024/10/10/%e4%be%86%e5%8e%bb%e7%9c%8b%e6%88%b2/Wed, 09 Oct 2024 23:29:36 +0000https://2blog.ilc.edu.tw/32745/?p=111316
《來去看戲》Lâi-khì Khuànn-hì
林久登Lîm Kiú-ting
——————————————
鑼鼓八音又響起
lô-kóo pat-im iū hiáng-khí
廟口鬧熱咧搬戲
biō-kháu lāu-jia̍t teh puann-hì
九叔公仔四嬸婆仔
Káu-tsik-kong–á Sì-tsím-pô–á
椅頭仔椅條攑來去
í-thâu-á í-liâu gia̍h–lâi-khì
逐家相招來去
ta̍k-ke sio-tsio lâi-khì
來去看戲
lâi-khì khuànn-hì
合)
逐家相招來去
ta̍k-ke sio-tsio lâi-khì
來去看戲
lâi-khì khuànn-hì
寶釧仔寒窰哭哀悲
Pó-tshuan–á hân-iô khàu ai-pi
擔沙填海
tann-sua thiām-hái
等無薛平貴
tán-bô Sih Pîng-kuì
臺頂哭臺跤啼
tâi-tíng khàu tâi-kha thî
人生嘛親像一齣戲
jîn-sing mā tshin-tshiūnn tsi̍t-tshut hì
逐家相招來去
ta̍k-ke sio-tsio lâi-khì
來去看戲
lâi-khì khuànn-hì
合)
逐家相招來去
ta̍k-ke sio-tsio lâi-khì
來去看戲
lâi-khì khuànn-hì
阿公看甲
a-kong khuànn kah
落下頦笑咪咪
làu-ē-hâi tshiò bi-bi
阿媽看甲
a-má khuànn kah
目屎掰袂離
ba̍k-sái pué bē-lī
看戲悾的做戲戇
khuànn-hì khong–ê tsò-hì gōng
臺跤嘛親像咧搬戲
tâi-kha mā tshin-tshiūnn teh puann-hì
逐家相招來去
ta̍k-ke sio-tsio lâi-khì
來去
lâi-khì
䞪䞪行哩嘟
tshiàng-tshiàng kiânn–lih-toh
䞪䞪去
tshiàng-tshiàng khì
來去看戲
lâi-khì khuànn-hì
合)
逐家相招來去
ta̍k-ke sio-tsio lâi-khì
來去看戲
lâi-khì khuànn-hì
]]>難得糊塗https://2blog.ilc.edu.tw/32745/2024/10/10/%e9%9b%a3%e5%be%97%e7%b3%8a%e5%a1%97-2/Wed, 09 Oct 2024 23:27:58 +0000https://2blog.ilc.edu.tw/32745/?p=111313
《難得糊塗》Lân-tit Hôo-tôo
林久登Lîm Kiú-ting
——————————————
聰明自有聰明誤
tshong-bîng tsū iú tshong-bîng gōo
彼人間難得
he jîn-kan lân-tit
是糊塗
sī hôo-tôo
糊塗一生無煩惱
hôo-tôo it-sing bô huân-ló
糊塗一生無煩惱
hôo-tôo it-sing bô huân-ló
聰明一世
tshong-bîng tsi̍t-sè
睏也睏袂好
khùn iā khùn buē-hó
世事原本塵歸塗
sè-sū guân-pún tîn kui thôo
彼慇勤計較又如何
he in-khîn kè-kàu iū jû-hô
貪人半喙礙腹肚
tham lâng puànn-tshuì gāi pak-tóo
貪人半喙礙腹肚
tham lâng puànn-tshuì gāi pak-tóo
量人一步
niū lâng tsi̍t-pōo
日後加照顧
ji̍t-āu ke tsiàu-kòo
看袂盡
khuànn buē-tsīn
陰謀奸巧難脫定數
im-bôo kan-khiáu lân thuat tīng-sòo
聽袂完
thiann buē-uân
昨得今失怎樣清楚
tsa-tit kim-sit tsuánn-iūnn tshing-tshó
想袂清
siūnn buē-tshing
能爭分毫難爭大度
lîng tsinn hun-hô lân tsinn tāi-tōo
料袂著
liāu buē-tio̍h
人心似鐵天理如爐
jîn-sim sū thih thian-lí jû lôo
何況浮雲做淡薄
hô-hóng phû-hûn tsuè–tām-po̍h
一山還有一山高
it san huân iú it san ko
看他機關算盡千萬步
khàn thann ki-kuan suàn-tsīn tshian-bān pōo
才知影戇人戇福
tsiah tsai-iánn gōng-lâng gōng hok
聰明原來是糊塗
tshong-bîng guân-lâi sī hôo-tôo
]]>