後悔

《後悔》Hiō-hué
方馨Png Hing
——————————————
慢慢行過這條路
bān-bān kiânn kuè tsit tiâu lōo
無人關懷感情路
bô-lâng kuan-huâi kám-tsîng lōo
天頂的野鳥為阮吼
thinn-tíng ê iá-tsiáu uī gún háu
為啥物阮會目屎流
uī-siánn-mih gún ē ba̍k-sái lâu

想欲講一句我愛你
siūnn-beh kóng tsi̍t-kù guá ài lí
為何毋敢講出喙
uī-hô m̄-kánn kóng tshut-tshuì
目屎親像雨水滴
ba̍k-sái tshin-tshiūnn hōo-tsuí tih
恬恬來離開
tiām-tiām lâi lī-khui

想欲講一句對不起
siūnn-beh kóng tsi̍t-kù tuì-put-khí
當時無留你踮身邊
tong-sî bô lâu lí tiàm sin-pinn
我後悔無講我愛你
guá hiō-hué bô kóng guá ài lí
予你來離開
hōo lí lâi lī-khui

後悔佮你來賭氣
hiō-hué kah lí lâi tóo-khì
無將你留踮阮身邊
bô tsiong lí lâu tiàm gún sin-pinn
後悔佮你來分開
hiō-hué kah lí lâi hun-khui
如今揣無你
jû-kim tshuē-bô lí