成鳳 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sun, 12 Jan 2025 08:43:53 +0000zh-TWhourly1https://wordpress.org/?v=6.6.9https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg成鳳 – 臺語正字歌詞部落格https://2blog.ilc.edu.tw/327453232 期待再期待https://2blog.ilc.edu.tw/32745/2025/01/12/%e6%9c%9f%e5%be%85%e5%86%8d%e6%9c%9f%e5%be%85/Sun, 12 Jan 2025 08:43:53 +0000https://2blog.ilc.edu.tw/32745/?p=122395
《期待再期待》Kî-thāi Tsài Kî-thāi
成鳳Sîng-hōng
——————————————
目屎吞腹內
ba̍k-sái thun pak-lāi
痛苦無人知
thòng-khóo bô-lâng tsai
對你真情深似海
tuì lí tsin-tsîng tshim sū hái
你煞笑我戇大呆
lí suah tshiò guá gōng-tuā-tai
無人知
bô-lâng tsai
無人知
bô-lâng tsai
我有滿腹無奈的感慨
guá ū muá-pak bô-nāi ê kám-khài
我欲感動你的愛
guá beh kám-tōng lí ê ài
對你期待再期待
tuì lí kî-thāi tsài kî-thāi
]]>細姨https://2blog.ilc.edu.tw/32745/2024/10/02/%e7%b4%b0%e5%a7%a8/Wed, 02 Oct 2024 05:21:34 +0000https://2blog.ilc.edu.tw/32745/?p=110918
《細姨》Sè-î
成鳳Sîng-hōng
——————————————
你已經有家庭
lí í-king ū ka-tîng
已經有家庭
í-king ū ka-tîng
也已經有某囝
iā í-king ū bóo-kiánn
四序排在目睭前
sù-sī pâi tsāi ba̍k-tsiu-tsîng
我也是知影
guá iā-sī tsai-iánn
結果一定真不幸
kiat-kó it-tīng tsin put-hīng
偏偏我會來對你
phian-phian guá ē lâi tuì lí
付出真情
hù-tshut tsin-tsîng
啊~痴情的女性
ah~ tshi-tsîng ê lú-sìng
痴情的女性
tshi-tsîng ê lú-sìng
我的遭遇
guá ê tso-gū
啥人來同情
siánn-lâng lâi tông-tsîng
啊~痴情的女性
ah~ tshi-tsîng ê lú-sìng
痴情的女性
tshi-tsîng ê lú-sìng
婚姻無人來肯定
hun-in bô-lâng lâi khíng-tīng
予人講
hōo-lâng kóng
予人笑
hōo-lâng tshiò
講阮是破害家庭
kóng gún sī phò-hāi ka-tîng
叫阮心頭冷
kiò gún sim-thâu líng
—
叫阮心頭冷
kiò gún sim-thâu líng
]]>離別https://2blog.ilc.edu.tw/32745/2024/10/02/%e9%9b%a2%e5%88%a5-5/Wed, 02 Oct 2024 05:20:13 +0000https://2blog.ilc.edu.tw/32745/?p=110916
《離別》Lî-pia̍t
成鳳Sîng-hōng
——————————————
離別予人心沉重
lî-pia̍t hōo-lâng sim tîm-tāng
離別予人目箍紅
lî-pia̍t hōo-lâng ba̍k-khoo âng
為何咱兩人
uī-hô lán nn̄g-lâng
一時就欲分西東
tsi̍t-sî tsiū beh hun se-tang
一時就欲分西東
tsi̍t-sî tsiū beh hun se-tang
想欲笑容來相送
siūnn-beh tshiò-iông lâi sio-sàng
一時才知真困難
tsi̍t-sî tsiah tsai tsin khùn-lân
鬥陣的時間
tàu-tīn ê sî-kan
毋是一工兩工
m̄-sī tsi̍t-kang-nn̄g-kang
為何緣份創治人
uī-hô iân-hūn tshòng-tī lâng
]]>苦咖啡https://2blog.ilc.edu.tw/32745/2024/10/02/%e8%8b%a6%e5%92%96%e5%95%a1/Wed, 02 Oct 2024 05:18:40 +0000https://2blog.ilc.edu.tw/32745/?p=110914
《苦咖啡》Khóo Ka-pi
成鳳Sîng-hōng
——————————————
咖啡廳
ka-pi-thiann
等無你的形影
tán-bô lí ê hîng-iánn
注意身邊
tsù-ì sin-pinn
每一个跤步聲
muí tsi̍t-ê kha-pōo siann
咖啡廳
ka-pi-thiann
我孤單的形影
guá koo-tuann ê hîng-iánn
傷心伴著
siong-sim phuānn tio̍h
淒涼音樂聲
tshe-liâng im-ga̍k-siann
啉落去
lim–lo̍h-khì
啉落去
lim–lo̍h-khì
一杯又一杯的
tsi̍t-pue iū tsi̍t-pue ê
佮心情仝款的苦咖啡
kah sim-tsîng kāng-khuán ê khóo ka-pi
苦咖啡
khóo ka-pi
苦咖啡
khóo ka-pi
啊~閣來一杯苦咖啡
ah~ koh lâi tsi̍t-pue khóo ka-pi
]]>想予開https://2blog.ilc.edu.tw/32745/2024/10/02/%e6%83%b3%e4%ba%88%e9%96%8b-2/Wed, 02 Oct 2024 05:17:07 +0000https://2blog.ilc.edu.tw/32745/?p=110912
《想予開》Siūnn Hōo Khui
成鳳Sîng-hōng
——————————————
朋友啊
pîng-iú–ah
我請問你
guá tshiánn-mn̄g lí
一个人咧想啥物
tsi̍t-ê-lâng teh siūnn siánn-mih
敢是予人看無起
kám-sī hōo-lâng khuànn-bô-khí
抑是予人冷落你
ia̍h-sī hōo-lâng líng-lo̍h lí
小可的代誌
sió-khuá ê tāi-tsì
無啥物要緊
bô-siánn-mih iàu-kín
盡量想予開
tsīn-liōng siūnn hōo khui
人生計較無值錢
jîn-sing kè-kàu bô ta̍t-tsînn
食著虧是無所謂
tsia̍h-tio̍h khui sī bô-sóo-uī
上天對咱真公平
siōng-thinn tuì lán tsin kong-pînn
月娘嘛會半邊圓
gue̍h-niû mā ē puànn-pinn înn
毋是我欲安慰你
m̄-sī guá beh an-uì lí
若欲予人看有起
nā beh hōo-lâng khuànn-ū-khí
事事項項靠自己
sū-sū-hāng-hāng khò tsū-kí
啊~天大的代誌
ah~ thinn-tuā ê tāi-tsì
無啥物要緊
bô-siánn-mih iàu-kín
盡量想予開
tsīn-liōng siūnn hōo khui
]]>摸心肝https://2blog.ilc.edu.tw/32745/2024/10/02/%e6%91%b8%e5%bf%83%e8%82%9d-2/Wed, 02 Oct 2024 05:15:52 +0000https://2blog.ilc.edu.tw/32745/?p=110910
《摸心肝》Bong Sim-kuann
成鳳Sîng-hōng
——————————————
再會啦
tsài-huē–lah
心愛的人
sim-ài ê lâng
再會啦
tsài-huē–lah
變心的人
piàn-sim ê lâng
咱兩人分西東
lán nn̄g-lâng hun se-tang
你敢有目箍紅
lí kám ū ba̍k-khoo âng
兩人鬥陣
nn̄g-lâng tàu-tīn
兩人鬥陣
nn̄g-lâng tàu-tīn
毋是一兩工
m̄-sī tsi̍t-nn̄g-kang
你也有咒誓
lí iā ū tsiù-tsuā
你也有咒誓
lí iā ū tsiù-tsuā
若無我你無娶
nā bô guá lí bô tshuā
請你摸心肝
tshiánn lí bong sim-kuann
摸心肝
bong sim-kuann
哪會一聲一聲
ná ē tsi̍t-siann-tsi̍t-siann
講你毋捌我
kóng lí m̄-bat guá
想來想去
siūnn-lâi-siūnn-khì
想來想去
siūnn-lâi-siūnn-khì
想著心會寒
siūnn-tio̍h sim ē kuânn
放我傷心一个人無伴
pàng guá siong-sim tsi̍t-ê-lâng bô-phuānn
一个人孤單
tsi̍t-ê-lâng koo-tuann
啊~啊~
ah~ ah~
請你請你摸心肝
tshiánn lí tshiánn lí bong sim-kuann
]]>見景傷情https://2blog.ilc.edu.tw/32745/2024/10/02/%e8%a6%8b%e6%99%af%e5%82%b7%e6%83%85-2/Wed, 02 Oct 2024 05:14:25 +0000https://2blog.ilc.edu.tw/32745/?p=110908
《見景傷情》Kiàn-kíng Siong-tsîng
成鳳Sîng-hōng
——————————————
寒冷的淡水河邊
hân-líng ê Tām-tsuí-hô pinn
行來行去
kiânn-lâi-kiânn-khì
予我來想起著
hōo guá lâi siūnn-khí tio̍h
分開的時
hun-khui ê sî
帶著滿腹酸苦味
tuà tio̍h muá-pak sng-khóo-bī
傷心珠淚滴
siong-sim tsu-luī tih
咱感情毋是一時
lán kám-tsîng m̄-sī tsi̍t-sî
怎樣放袂記
tsuánn-iūnn pàng-buē-kì
你敢知影
lí kám tsai-iánn
我的心已經綴你去
guá ê sim í-king tuè lí khì
暗時的淡水河邊
àm-sî ê Tām-tsuí-hô pinn
雙雙對對
siang-siang-tuì-tuì
有情人引起阮
ū-tsîng-lâng ín-khí gún
心內稀微
sim-lāi hi-bî
見景傷情的所在
kiàn-kíng siong-tsîng ê sóo-tsāi
想欲來離開
siūnn-beh lâi lī-khui
咱感情為著怎樣
lán kám-tsîng uī-tio̍h tsuánn-iūnn
放也放袂離
pàng iā pàng buē-lī
無人知影
bô-lâng tsai-iánn
我的心已經綴你去
guá ê sim í-king tuè lí khì
]]>賣蚵仔嫂https://2blog.ilc.edu.tw/32745/2024/10/02/%e8%b3%a3%e8%9a%b5%e4%bb%94%e5%ab%82/Wed, 02 Oct 2024 05:12:59 +0000https://2blog.ilc.edu.tw/32745/?p=110906
《賣蚵仔嫂》Bē-ô-á-só
成鳳Sîng-hōng
——————————————
鹿港古城大海邊
Lo̍k-káng kóo-siânn tuā-hái pinn
透早奔走滿街里
thàu-tsá pun-tsáu muá ke-lí
拍拚望君仔出頭天
phah-piànn bāng kun–á tshut-thâu-thinn
啊~賣蚵仔嫂
ah~ bē-ô-á-só
啊~望君仔出頭天
ah~ bāng kun–á tshut-thâu-thinn
為著光明的前途
uī-tio̍h kong-bîng ê tsiân-tôo
賣掉厝地做頭路
bē-tiāu tshù-tē tsuè thâu-lōo
成功望君仔來照顧
sîng-kong bāng kun–á lâi tsiàu-kòo
啊~賣蚵仔嫂
ah~ bē-ô-á-só
啊~望君仔來照顧
ah~ bāng kun–á lâi tsiàu-kòo
無疑一去斷情義
bô-gî tsi̍t-khì tuān tsîng-gī
忍受困苦賭志氣
jím-siū khùn-khóo tóo tsì-khì
怨嘆望君仔回心意
uàn-thàn bāng kun–á huê sim-ì
啊~賣蚵仔嫂
ah~ bē-ô-á-só
啊~望君仔回心意
ah~ bāng kun–á huê sim-ì
啊~望君仔回心意
ah~ bāng kun–á huê sim-ì
]]>委屈無人知https://2blog.ilc.edu.tw/32745/2024/10/02/%e5%a7%94%e5%b1%88%e7%84%a1%e4%ba%ba%e7%9f%a5/Wed, 02 Oct 2024 05:11:41 +0000https://2blog.ilc.edu.tw/32745/?p=110904
《委屈無人知》Uí-khut Bô-lâng Tsai
成鳳Sîng-hōng
——————————————
到底應該不應該
tàu-té ing-kai put-ing-kai
閣再流目屎
koh-tsài lâu ba̍k-sái
到底應該不應該
tàu-té ing-kai put-ing-kai
聽天來安排
thiann thinn lâi an-pâi
一擺又一擺
tsi̍t-pái iū tsi̍t-pái
毋敢哭出來
m̄-kánn khàu–tshut-lâi
生活是親像
sing-ua̍h sī tshin-tshiūnn
平靜的大海
pîng-tsīng ê tuā-hái
雄雄起風颱
hiông-hiông khí-hong-thai
啊~哭出來
ah~ khàu–tshut-lâi
哭出來
khàu–tshut-lâi
毋通囥咧心肝內
m̄-thang khǹg teh sim-kuann-lāi
委屈無人知
uí-khut bô-lâng tsai
]]>知己好朋友https://2blog.ilc.edu.tw/32745/2024/10/02/%e7%9f%a5%e5%b7%b1%e5%a5%bd%e6%9c%8b%e5%8f%8b/Wed, 02 Oct 2024 05:10:20 +0000https://2blog.ilc.edu.tw/32745/?p=110901
《知己好朋友》Ti-kí Hó-pîng-iú
成鳳Sîng-hōng
——————————————
人生難得逢知己
jîn-sing lân-tik hông ti-kí
人生難得燒酒醉
jîn-sing lân-tik sio-tsiú-tsuì
只要是這時陣真歡喜
tsí-iàu sī tsit-sî-tsūn tsin huann-hí
唱歌跳舞隨在你
tshiùnn-kua thiàu-bú suî-tsāi lí
美麗月光暝
bí-lē gue̍h-kng-mî
好朋友講天講地
hó-pîng-iú kóng thinn kóng tē
實在是真趣味
si̍t-tsāi sī tsin tshù-bī
珍惜咱的友誼
tin-sioh lán ê iú-gî
就算是你心內
tsiū-sǹg-sī lí sim-lāi
有啥物不如意
ū siánn-mih put-jû-ì
你講出來
lí kóng–tshut-lâi
你講出來
lí kóng–tshut-lâi
我來安慰你
guá lâi an-uì lí
就算多變的天氣
tsiū-sǹg to-piàn ê thinn-khì
也有好天的日子
iā ū hó-thinn ê ji̍t-tsí
就算是複雜的都市
tsiū-sǹg-sī ho̍k-tsa̍p ê too-tshī
猶原也有人情味
iu-guân iā ū jîn-tsîng-bī
有錢抑無錢
ū-tsînn ia̍h bô-tsînn
總袂比真情
tsóng-buē pí tsin-tsîng
予人感覺是遮稀奇
hōo-lâng kám-kak sī tsiah hi-kî
珍惜咱的友誼
tin-sioh lán ê iú-gî
就算是你猶有
tsiū-sǹg-sī lí iáu-ū
做毋著代誌
tsuè m̄-tio̍h tāi-tsì
免閣提起
bián koh thê-khí
免閣提起
bián koh thê-khí
早就原諒你
tsá tsiū guân-liōng lí
]]>