廖峻 – 臺語正字歌詞部落格https://2blog.ilc.edu.tw/32745這是一個臺語歌曲正字網站Wed, 24 Jul 2024 07:32:41 +0000zh-TWhourly1https://wordpress.org/?v=6.6.10https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg廖峻 – 臺語正字歌詞部落格https://2blog.ilc.edu.tw/327453232 免傷心https://2blog.ilc.edu.tw/32745/2024/07/24/%e5%85%8d%e5%82%b7%e5%bf%83/Wed, 24 Jul 2024 07:32:41 +0000https://2blog.ilc.edu.tw/32745/?p=105142
《免傷心》Bián Siong-sim
廖峻Liāu Tsùn
——————————————
人生難免有創傷
jîn-sing lân-bián ū tshong-siong
人生難免有苦衷
jîn-sing lân-bián ū khóo-thiong
徛在人生的舞臺上
khiā tsāi jîn-sing ê bú-tâi siōng
成功失敗是平常
sîng-kong sit-pāi sī pîng-siông
啥人願意忍受風霜
siánn-lâng guān-ì jím-siū hong-song
啥人願意面對悲傷
siánn-lâng guān-ì bīn-tuì pi-siong
我也展出著笑容
guá iā tián-tshut tio̍h tshiò-iông
毋驚一切閣再衝
m̄-kiann it-tshè koh-tsài tshiong
毋驚一切
m̄-kiann it-tshè
毋驚一切
m̄-kiann it-tshè
提出男性的膽量
the̍h tshut lâm-sìng ê tám-liōng
]]>冷淡的雨https://2blog.ilc.edu.tw/32745/2024/07/24/%e5%86%b7%e6%b7%a1%e7%9a%84%e9%9b%a8/Wed, 24 Jul 2024 07:31:17 +0000https://2blog.ilc.edu.tw/32745/?p=105140
《冷淡的雨》Líng-tām ê Hōo
廖峻Liāu Tsùn
——————————————
無停
bô-thîng
落無停的雨
lo̍h bô-thîng ê hōo
彼段情被耽誤
hit tuānn tsîng pī tam-gōo
也來阻礙著我前途
iā lâi tsóo-gāi tio̍h guá tsiân-tôo
因何我又懷念著咱的當初
in-hô guá iū huâi-liām tio̍h lán ê tong-tshoo
啊~我滿腹的戀情
ah~ guá muá-pak ê luân-tsîng
對啥人來表明
tuì siánn-lâng lâi piáu-bîng
千不幸
tshian put-hīng
萬不幸
bān put-hīng
今夜又冷淡的雨
kim-iā iū líng-tām ê hōo
落無停
lo̍h bô-thîng
]]>唉!鬱卒啦https://2blog.ilc.edu.tw/32745/2024/07/24/%e5%94%89%e9%ac%b1%e5%8d%92%e5%95%a6-2/Wed, 24 Jul 2024 07:29:42 +0000https://2blog.ilc.edu.tw/32745/?p=105138
《唉!鬱卒啦》Aih! Ut-tsut–lah
廖峻Liāu Tsùn
——————————————
↓—(口白)—↓
滿天烏雲
muá-thinn oo-hûn
雷公受氣
luî-kong siūnn-khì
欸!又閣欲落大雨矣啦
eh! iū-koh beh lo̍h tuā-hōo–ah-lah
↑—(口白)—↑
阮本是人家歹命囝
gún pún sī jîn-ke pháinn-miā-kiánn
離開爸母來出外
lī-khui pē-bú lâi tshut-guā
飄撇的男兒意志
phiau-phiat ê lâm-jî ì-tsì
雙手空空拍天下
siang-tshiú khang-khang phah thian-hā
抱著希望毋驚艱難
phō tio̍h hi-bāng m̄-kiann kan-lân
早暗做工討生活
tsá-àm tsuè-kang thó sing-ua̍h
想起來
siūnn–khí-lâi
過了三冬
kuè-liáu sann-tang
啊~猶原困苦咧拖磨
ah~ iu-guân khùn-khóo teh thua-buâ
↓↓(口白)—(口白)—(口白)↓↓
三年前落大雨彼一日
sann-nî tsîng lo̍h tuā-hōo hit-tsi̍t-ji̍t
離開著故鄉來到都市
lī-khui tio̍h kòo-hiong lâi kàu too-tshī
我對天立誓
guá tuì thinn li̍p-sè
成功才欲倒轉去
sîng-kong tsiah beh tò-tńg–khì
人講都市滿地全黃金
lâng kóng too-tshī muá-tē tsuân n̂g-kim
三年來
sann-nî lâi
我做工流汗
guá tsuè-kang lâu-kuānn
無暝無日
bô-mî-bô-ji̍t
想袂到今日
siūnn bē-kàu kim-ji̍t
雙手猶原空空
siang-tshiú iu-guân khang-khang
若想起著故鄉的親人
nā siūnn-khí tio̍h kòo-hiong ê tshin-lâng
對我抱著滿腹的希望
tuì guá phō tio̍h muá-pak ê hi-bāng
欸~我愈想就愈見笑
eh! jú siūnn tō jú kiàn-siàn
鬱卒
ut-tsut
鬱卒啦
ut-tsut–lah
↑↑(口白)—(口白)—(口白)↑↑
若親像滿天罩烏雲
ná-tshin-tshiūnn muá-thinn tà oo-hûn
心肝鬱卒袂精彩
sim-kuann ut-tsut buē tsing-tshái
向天來吐出大氣
hiòng thinn lâi thóo-tshut tuā-khuì
英雄末路空悲哀
ing-hiông bua̍t-lōo khang pi-ai
想起前途茫茫渺渺
siūnn-khí tsiân-tôo bông-bông-biáu-biáu
每日做工往東西
muí-ji̍t tsuè-kang óng tang-sai
天邊的雷電閃爍
thinn-pinn ê luî-tiān siám-sih
啊~天公為我流目屎
ah~ thinn-kong uī guá lâu ba̍k-sái
↓↓(口白)—(口白)—(口白)↓↓
雷公爍爁phih-pheh吼
luî-kong sih-nah phih-pheh háu
雨落甲遮爾大
hōo lo̍h kah tsiah-nī tuā
今仔日的工課
kin-á-ji̍t ê khang-khuè
又閣愛停起來
iū-koh ài thîng–khí-lâi
欸~天公伯仔
eh~ thinn-kong-peh–á
人生哪會遮爾袂親像咧
jîn-sing ná ē tsiah-nī bē-tshin-tshiūnn–leh
看人隨時都會得著成功的日子
khuànn-lâng suî-sî to ē tit-tio̍h sîng-kong ê ji̍t-tsí
為怎樣我今日
uī-tsuánn-iūnn guá kim-ji̍t
猶原艱難受拖磨
iu-guân kan-lân siū thua-buâ
想著自己前途茫茫
siūnn-tio̍h tsū-kí tsiân-tôo bông-bông
機會毋知當時才會來
ki-huē m̄-tsai tang-sî tsiah-ē lâi
哎~愈想就愈鬱卒
aih~ jú siūnn tō jú ut-tsut
鬱卒啦
ut-tsut–lah
↑↑(口白)—(口白)—(口白)↑↑
做男兒
tsuè lâm-jî
決心來立志
kuat-sim lâi li̍p-tsì
著愛期待好機會
tio̍h-ài kî-thāi hó ki-huē
有一日時機若到
ū-tsi̍t-ji̍t sî-ki nā kàu
千萬毋通來錯過
tshian-bān m̄-thang lâi tshò-kuè
好好把握認真奮鬥
hó-hó pá-ak jīn-tsin hùn-tàu
爭取成功啥問題
tsing-tshú sîng-kong siánn būn-tuê
阮今日心頭鬱卒
gún kim-ji̍t sim-thâu ut-tsut
啊~將來也會開心花
ah~ tsiong-lâi iā ē khui sim-hue

 

]]>馬西馬西https://2blog.ilc.edu.tw/32745/2024/07/24/%e9%a6%ac%e8%a5%bf%e9%a6%ac%e8%a5%bf/Wed, 24 Jul 2024 07:28:08 +0000https://2blog.ilc.edu.tw/32745/?p=105136
《馬西馬西》Má-se-má-se
廖峻Liāu Tsùn
——————————————
你也馬西我也馬西
lí iā má-se guá iā má-se
頭殼戇戇踅
thâu-khak gōng-gōng se̍h
—
喂~為著工課頭路
ueh~ uī-tio̍h khang-khuè thâu-lōo
逐家做陣來做伙
ta̍k-ke tsuè-tīn lâi tsuè-hué
你我輕鬆一下
lí guá khin-sang–tsi̍t-ē
誰有代誌
siáng ū tāi-tsì
暫時莫想遐濟
tsiām-sî mài siūnn hiah tsuē
為著前途
uī-tio̍h tsiân-tôo
鬥陣的朋友
tàu-tīn ê pîng-iú
逐家先來乾一杯
ta̍k-ke sing lâi kan–tsi̍t-pue
你也乾杯我也乾杯
lí iā kan-pue guá iā kan-pue
逐家攏總來乾杯
ta̍k-ke lóng-tsóng lâi kan-pue
你也馬西我也馬西
lí iā má-se guá iā má-se
啉落頭殼戇戇踅
lim lo̍h thâu-khak gōng-gōng se̍h
酒!燒酒
tsiú! sio-tsiú
酒!燒酒
tsiú! sio-tsiú
聽怹講你的酒量
thiann in kóng lí ê tsiú-liōng
親像海水的斗量
tshin-tshiūnn hái-tsuí ê táu-liōng
你啉偌濟
lí lim guā-tsuē
我啉三杯
guá lim sann-pue
燒酒
sio-tsiú
若啉落去腹肚底
nā lim lo̍h-khì pak-tóo-té
我就馬西馬西
guá tiō má-se-má-se
溼一下溼一下
sip–tsi̍t-ē sip–tsi̍t-ē
偌好你敢知
guā hó lí kám tsai
]]>悾歁仔兄https://2blog.ilc.edu.tw/32745/2024/07/24/%e6%82%be%e6%ad%81%e4%bb%94%e5%85%84/Wed, 24 Jul 2024 07:26:39 +0000https://2blog.ilc.edu.tw/32745/?p=105133
《悾歁仔兄》Khong-khám-á-hiann
廖峻Liāu Tsùn
——————————————
唱我的歌
tshiùnn guá ê kua
你就袂孤單
lí tiō buē koo-tuann
做我的朋友
tsuè guá ê pîng-iú
你就真快活
lí tiō tsin khuìnn-ua̍h
啊厝邊隔壁
ah tshù-pinn-keh-piah
叫我緣投仔兄
kiò guá iân-tâu-á hiann
啉茶喝拳我攏毋驚
lim-tê huah-kûn guá lóng m̄-kiann
做人條直閣袂歪哥
tsuè-lâng tiâu-ti̍t koh buē uai-ko
啊講著我的缺點
ah kóng-tio̍h guá ê khuat-tiám
是揣攏無
sī tshuē lóng bô
你若有困難
lí nā ū khùn-lân
揣我鬥幫忙
tshuē guá tàu-pang-bâng
毋通袂記得
m̄-thang bē-kì-tit
共我做媒人
kā guá tsuè muê-lâng
你是我兄弟
lí sī guá hiann-tī
咱毋通毋知
lán m̄-thang m̄-tsai
真誠對待
tsin-tsiânn tuì-thāi
毋通烏白來
m̄-thang oo-pe̍h-lâi
你出錢來我出力
lí tshut-tsînn lâi guá tshut-la̍t
互相關懷
hōo-siong kuan-huâi
才有好將來
tsiah ū hó tsiong-lâi
來啉一杯
lâi lim tsi̍t-pue
你毋免驚
lí m̄-bián kiann
啉到馬西馬西
lim kàu má-se-má-se
你睏我遮
lí khùn guá tsia
啊想空想縫是白了工
ah siūnn-khang-siūnn-phāng sī pe̍h liáu-kang
成功是註定
sîng-kong sī tsù-tiānn
你著愛放輕鬆
lí tio̍h-ài pàng khin-sang
看我規工攏是真輕鬆
khuànn guá kui-kang lóng-sī tsin khin-sang
講著欲跳舞
kóng-tio̍h beh thiàu-bú
啊跤手齊振動
ah kha-tshiú tsiâu tín-tāng
厝邊頭尾
tshù-pinn-thâu-bué
叫我悾歁仔兄
kiò guá khong-khám-á-hiann
行棋約會我攏毋驚
kiânn-kî iok-huē guá lóng m̄-kiann
做人飄撇閣袂囉嗦
tsuè-lâng phiau-phiat koh buē lo-so
啊講著彼號姼仔
ah kóng-tio̍h hit-lō tshit-á
嘛攏揣無
mā lóng tshuē-bô
你若有tshàng-suh
lí nā ū tshàng-suh
著愛鬥幫忙
tio̍h-ài tàu-pang-bâng
毋通袂記得
m̄-thang bē-kì-tit
共我做媒人
kā guá tsuè muê-lâng
彼凊凊彩彩貨色
he tshìn-tshìn-tshái-tshái huè-sik
彼仙著毋通
he sian tio̍h m̄-thang
身材體格
sin-tsâi thé-keh
毋通減一項
m̄-thang kiám tsi̍t-hāng
你我閒閒來變弄
lí guá îng-îng lâi pìnn-lāng
共你惜惜命命一世人
kā lí sioh-sioh-miā-miā tsi̍t-sì-lâng
啊睏罔睏
ah khùn bóng khùn
阮閣會眠夢
gún koh ē bîn-bāng
夢中只有
bāng-tiong tsí-ū
只有咱兩个人
tsí-ū lán nn̄g-ê lâng
啊人講有夢是上蓋媠
ah lâng kóng ū bāng sī siōng-kài suí
啊人生若有夢
ah jîn-sing nā iú bāng
嘛才會輕鬆
mā tsiah ē khin-sang
你是我的兄弟
lí sī guá ê hiann-tī
咱毋通毋知
lán m̄-thang m̄-tsai
真誠對待
tsin-tsiânn tuì-thāi
毋通烏白來
m̄-thang oo-pe̍h-lâi
你出錢來我出力
lí tshut-tsînn lâi guá tshut-la̍t
互相關懷
hōo-siong kuan-huâi
才有好將來
tsiah ū hó tsiong-lâi
來啉一杯
lâi lim tsi̍t-pue
你毋免驚
lí m̄-bián kiann
啉到馬西馬西
lim kàu má-se-má-se
你睏我遮
lí khùn guá tsia
啊想空想縫是白了工
ah siūnn-khang-siūnn-phāng sī pe̍h liáu-kang
成功是註定
sîng-kong sī tsù-tiānn
你著愛放輕鬆
lí tio̍h-ài pàng khin-sang
啊成功是註定
ah sîng-kong sī tsù-tiānn
你著愛放輕鬆
lí tio̍h-ài pàng khin-sang
啊成功是註定
ah sîng-kong sī tsù-tiānn
你著愛放輕鬆
lí tio̍h-ài pàng khin-sang
]]>人生的舞臺https://2blog.ilc.edu.tw/32745/2024/07/24/%e4%ba%ba%e7%94%9f%e7%9a%84%e8%88%9e%e8%87%ba-2/Wed, 24 Jul 2024 07:24:39 +0000https://2blog.ilc.edu.tw/32745/?p=105131
《人生的舞臺》Jîn-sing ê Bú-tâi
廖峻Liāu Tsùn
——————————————
徛在人生的舞臺
khiā tsāi jîn-sing ê bú-tâi
有時平地起風颱
ū-sî pînn-tē khí hong-thai
鹹酸苦澀著忍耐
kiâm-sng khóo-siap tio̍h jím-nāi
受風受雨免感慨
siū-hong siū-hōo bián kám-khài
啥人會知
siánn-lâng ē tsai
啥人會了解
siánn-lâng ē liáu-kái
命運怎安排
miā-ūn tsuánn an-pâi
啥人會知
siánn-lâng ē tsai
阮的心肝內
gún ê sim-kuann-lāi
歡喜抑悲哀
huann-hí ia̍h pi-ai
只有期待再期待
tsí-ū kî-thāi tsài kî-thāi
人生人生好將來
jîn-sing jîn-sing hó tsiong-lâi
]]>是雨抑是淚https://2blog.ilc.edu.tw/32745/2024/07/24/%e6%98%af%e9%9b%a8%e6%8a%91%e6%98%af%e6%b7%9a-2/Wed, 24 Jul 2024 07:22:59 +0000https://2blog.ilc.edu.tw/32745/?p=105129
《是雨抑是淚》Sī Hōo Ia̍h-sī Luī
廖峻Liāu Tsùn
——————————————
今夜的風風風
kim-iā ê hong hong hong
遮爾寒
tsiah-nī kuânn
今夜的雨雨雨
kim-iā ê hōo hōo hōo
遮爾冷
tsiah-nī líng
毋管風雨怎樣咧吹
m̄-kuán hong-hōo tsuánn-iūnn teh tshue
吹袂冷對你的情
tshue buē líng tuì lí ê tsîng
想起著你你你
siūnn-khí tio̍h lí lí lí
真難過
tsin lân-kuè
想起著我我我
siūnn-khí tio̍h guá guá guá
真後悔
tsin hiō-hué
不該放你孤單一个
put-kai pàng lí koo-tuann tsi̍t-ê
毋知影何時再相會
m̄ tsai-iánn hô-sî tsài siong-huē
啊~真痛苦
ah~ tsin thòng-khóo
啊~何必當初
ah~ hô-pit-tong-tshoo
雨水目屎
hōo-tsuí ba̍k-sái
分袂出來
hun buē tshut-lâi
希望你早日倒轉來
hi-bāng lí tsá-ji̍t tò-tńg–lâi
]]>真心對待你https://2blog.ilc.edu.tw/32745/2024/07/24/%e7%9c%9f%e5%bf%83%e5%b0%8d%e5%be%85%e4%bd%a0/Wed, 24 Jul 2024 07:21:43 +0000https://2blog.ilc.edu.tw/32745/?p=105127
《真心對待你》Tsin-sim Tuì-thāi Lí
廖峻Liāu Tsùn
——————————————
誠心誠意來邀請你
sîng-sim sîng-ì lâi iau-tshiánn lí
行入我的城市
kiânn-ji̍p guá ê siânn-tshī
用我最熱誠的心
iōng guá tsuè jia̍t-sîng ê sim
來款待你
lâi khuán-thāi lí
永遠予你笑咪咪
íng-uán hōo lí tshiò-bi-bi
真希望
tsin hi-bāng
真希望
tsin hi-bāng
你莫推辭
lí mài the-sî
拒絕人在千里
kī-tsua̍t lâng tsāi tshian-lí
我肯拍拚
guá khíng phah-piànn
我肯拍拚
guá khíng phah-piànn
共你惜命命
kā lí sioh-miā-miā
為你關心體貼你
uī lí kuan-sim thé-thiap lí
是我最大的趣味
sī guá tsuè tuā ê tshù-bī
]]>欲走著趁早https://2blog.ilc.edu.tw/32745/2024/07/24/%e6%ac%b2%e8%b5%b0%e8%91%97%e8%b6%81%e6%97%a9/Wed, 24 Jul 2024 07:20:15 +0000https://2blog.ilc.edu.tw/32745/?p=105125
《欲走著趁早》Beh Tsáu Tio̍h Thàn-tsá
廖峻Liāu Tsùn
——————————————
是按怎
sī-án-tsuánn
你哪會氣掣掣
lí ná ē khì tshuah-tshuah
包袱仔款款咧
pau-ho̍k-á khuán-khuán–leh
就欲離開我
tsiū beh lī-khui guá
現在是你欲來放捒我
hiān-tsāi sī lí beh lâi pàng-sak guá
毋通後擺轉來講我放外外
m̄-thang āu-pái tńg-lâi kóng-guá pàng-guā-guā
啊~像你這款僥雄的心肝
ah~ tshiūnn lí tsit khuán hiau-hiông ê sim-kuann
閣再鬥陣也是無較縒
koh-tsài tàu-tīn iā-sī bô-khah-tsua̍h
欲走著趁早
beh tsáu tio̍h thàn-tsá
我也真看破
guá iā tsin khuànn-phuà
以後毋通
í-āu m̄-thang
閣再轉來觸纏我
koh-tsài tńg-lâi tak-tînn guá

 

]]>最後一杯酒https://2blog.ilc.edu.tw/32745/2024/07/24/%e6%9c%80%e5%be%8c%e4%b8%80%e6%9d%af%e9%85%92-2/Wed, 24 Jul 2024 07:18:48 +0000https://2blog.ilc.edu.tw/32745/?p=105123
《最後一杯酒》Tsuè-āu Tsi̍t-pue Tsiú
廖峻Liāu Tsùn
——————————————
你毋通閣再痴迷
lí m̄-thang koh-tsài tshi-bê
你毋通閣再眠夢
lí m̄-thang koh-tsài bîn-bāng
攏總已經過去
lóng-tsóng í-king kuè–khì
親像昨日的夢
tshin-tshiūnn tsa-ji̍t ê bāng
明知影你我無緣
bîng tsai-iánn lí guá bô-iân
無緣哪會成雙
bô-iân ná ē sîng-siang
既然攏是空
kì-jiân lóng-sī khang
為啥物閣再心茫茫
uī-siánn-mih koh-tsài sim bâng-bâng
啊~我毋是無情的人
ah~ guá m̄-sī bô-tsîng ê lâng
啊~我也有滿腹苦痛
ah~ guá iā ū muá-pak khóo-thàng
你敢知影阮悲傷
lí kám tsai-iánn gún pi-siong
最後也猶原是空
tsuè-āu iā iu-guân sī khang
倒一杯苦苦燒酒
tò tsi̍t-pue khóo-khóo sio-tsiú
添一份淡淡憂愁
thiam tsi̍t-hūn tām-tām iu-tshiû
啉了這杯酒
lim liáu tsit pue tsiú
再會啦
tsài-huē–lah
我心愛的人
guá sim-ài ê lâng
]]>