康丁(張錫圭)vs王麗華 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sun, 04 Jan 2026 08:31:20 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg康丁(張錫圭)vs王麗華 – 臺語正字歌詞部落格https://2blog.ilc.edu.tw/327453232 草地兄弟遊都市https://2blog.ilc.edu.tw/32745/2026/01/04/%e8%8d%89%e5%9c%b0%e5%85%84%e5%bc%9f%e9%81%8a%e9%83%bd%e5%b8%82/Sun, 04 Jan 2026 08:31:20 +0000https://2blog.ilc.edu.tw/32745/?p=133626
《草地兄弟遊都市》Tsháu-tē Hiann-tī Iû Too-tshī
康丁Khong-ting(張錫圭Tiunn Sik-kui)
——————————————
聽人講起
thiann lâng kóng-khí
彼號大都市
hit-lō tuā too-tshī
金錢小姐閣滿滿是
kim-tsînn sió-tsiá koh muá-muá-sī
予阮愈想愈趣味
hōo gún jú siūnn jú tshù-bī
手提包袱欲來去
tshiú the̍h pau-ho̍k beh lâi-khì
欲來去
beh lâi-khì
來去繁華的都市
lâi-khì huân-huâ ê too-tshī
請你毋通笑阮
tshiánn lí m̄-thang tshiò gún
是好奇的
sī hònn-kî ê
草地的兄弟
tsháu-tuē ê hiann-tī
聽人講起
thiann lâng kóng-khí
彼號大都市
hit-lō tuā too-tshī
汽車洋樓閣滿滿是
khì-tshia iûnn-lâu koh muá-muá-sī
予阮愈想愈趣味
hōo gún jú siūnn jú tshù-bī
手提包袱欲來去
tshiú the̍h pau-ho̍k beh lâi-khì
欲來去
beh lâi-khì
來去繁華的都市
lâi-khì huân-huâ ê too-tshī
請你毋通笑阮
tshiánn lí m̄-thang tshiò gún
是好奇的
sī hònn-kî ê
草地的兄弟
tsháu-tuē ê hiann-tī
]]>康丁的男性復仇https://2blog.ilc.edu.tw/32745/2022/03/31/%e5%ba%b7%e4%b8%81%e7%9a%84%e7%94%b7%e6%80%a7%e5%be%a9%e4%bb%87/Wed, 30 Mar 2022 22:51:20 +0000https://2blog.ilc.edu.tw/32745/?p=67626
《康丁的男性復仇》Khong-ting ê Lâm-sìng Ho̍k-siû
康丁Khong-ting(張錫圭Tiunn Sik-kui)
王麗華Ông Lē-huâ
——————————————
♪♫♪♩♬♪♩♬♪♩♫♪♫♪♩♬♪♩♬♪♩♫
多情多恨的世界
to-tsîng to-hūn ê sè-kài
為愛來所害
uī ài lâi sóo hāi
男性滿腹的苦情
lâm-sìng muá-pak ê khóo-tsîng
怎樣你敢知
tsuánn-iūnn lí kám tsai
柳花水性來破害
liú-hua tsuí-sìng lâi phò-hāi
幸福的將來
hīng-hok ê tsiong-lâi
留著仇恨在心內
lâu tio̍h siû-hūn tsāi sim-lāi
如何來忍耐
jî-hô lâi jím-nāi
♪♫♪♩♬♪♩♬♪♩♫♪♫♪♩♬♪♩♬♪♩♫
男)
唉!天下間天下間
hiah! thian-hā-kan thian-hā-kan
人人都講男性
lâng-lâng to kóng lâm-sìng
是最可惡的採花蜂
sī tsuè khó-ok ê tshái-hue-phang
啊今仔日
ah kin-á-ji̍t
被女性放捒的我
pī lír-sìng pàng-sak ê guá
五月十三日
gōo-gue̍h tsa̍p-sann ji̍t
迎城隍爺
ngiâ Sîng-hông-iâ
彼一日的三更半暝
hit-tsi̍t-ji̍t ê sann-kinn-puànn-mî
我才專工走去
guá tsiah tsuan-kang tsáu-khì
國際失戀調查委員會
kok-tsè sit-luân tiau-tsa uí-uân-huē
探聽的結果
thàm-thiann ê kiat-kó
干焦男性失戀者
kan-tann lâm-sìng sit-luân-tsiá
有攏總有
ū lóng-tsóng ū
九億九千九百九十九萬空九个
káu-ik káu-tshing káu-pah káu-tsa̍p káu bān khòng káu-ê
彼其中我也一个啦
he kî-tiong guá iā tsi̍t-ê–lah
但是有一寡仔的失戀者
tān-sī ū tsi̍t-kuá-á ê sit-luân-tsiá
發生了天大地大的代誌
huat-sing liáu thinn-tuā tē-tuā ê tāi-tsì
若毋是毒殺
nā-m̄-sī to̍k-sat
抑就是兇殺
ia̍h tsiū-sī hiong-sat
毋是兇殺就是謀殺
m̄-sī hiong-sat tsiū-sī bôo-sat
毋是謀殺就是他殺
m̄-sī bôo-sat tsiū-sī thann-sat
毋是他殺就是自殺
m̄-sī thann-sat tsiū-sī tsīr-sat
啊若毋是自殺
iah nā m̄-sī tsīr-sat
就是眠床頂
tsiū-sī bîn-tshn̂g-tíng
佇咧掠木蝨
tī-leh lia̍h ba̍k-sat
真失禮
tsin sit-lé
請原諒我烏白講
tshiánn guân-liōng guá oo-pe̍h kóng
無一定我的神經線的管理員乎
bô-it-tīng guá ê sîn-king-suànn ê kuán-lí-uân–honnh
彼偷走去世界夜總會
he thau-tsáu khì Sè-kài iā-tsóng-huē
去食彼種的杏仁茶配油炸粿
khì tsia̍h hiőng-ê hīng-jîn-tê phè iû-tsia̍h-ké
所以一時我毋才會
sóo-í tsi̍t-sî guá m̄-tsiah ē
講這款無趣味的話
kóng tsit khuán bô tshìr-bī ê uē
毋才予你聽甲花花花
mí-á hōo lí thiann kah hue̋-hue-hue
請你毋通見怪啦乎
tshiánn lí m̄-thang kiàn-kuè–lah honnh
女)
嗯~你這位人客
ngh~ lí tsit uī lâng-kheh
請你毋通按呢講
tshiánn lí m̄-thang án-ne kóng
這款是實在的話
tsit khuán sī si̍t-tsāi ê uē
人阮也聽甲真有趣味閣
lâng gún iā thiann kah tsin ū tshù-bī–koh
是講你這位人客
sī-kóng lí tsit uī lâng-kheh
看起來遮爾斯文
khuànn–khí-lâi tsiah-nī su-bûn
又閣遮爾緣投
iū-koh tsiah-nī iân-tâu
敢也會予女性
kám iā ē hōo lú-sìng
共你放捒是毋
kā lí pàng-sak, sī–m̄
男)
唉~講起來
haih~ kóng–khí-lâi
真話頭長
tsin uē-thâu-tn̂g
三年前我拄仔好
sann-nî tsîng guá tú-á-hó
讀臺北縣立的
tha̍k Tāi-pak-kuān-li̍p ê
三重埔大學畢業
Sann-tîng-poo Tāi-ha̍k pit-gia̍p
哈哈~彼个大學畢業
hah-hah~ hit ê tāi-ha̍k pit-gia̍p
無惱饞囉
mőo-nòo-sâi–looh(「無路使」的變音形)
上蓋?的乎
siōng-kài gâu–ê, honnh
連鞭才共你派去市公所
liâm-mi tsiah kā lí phài khì tshī-kong-sóo
彼種的衛生隊
hiőng-ê uē-sing-tuī
有彼號氣味的頭路
ū hit-lō khì-bī ê thâu-lōo
彼當時
hit-tang-sî
我佮一个查某朋友乎
guá kah tsi̍t-ê tsa-bóo pîng-iú–honnh
啊起頭是糖甘蜜甜
ah khí-thâu sī thn̂g-kam bi̍t-tinn
但是看我
tān-sī khuànn guá
食彼種的上等的頭路
tsia̍h hiőng-ê siōng-tíng ê thâu-lōo
一時心肝煞變烏
tsi̍t-sî sim-kuann suah piàn oo
用著彼種的迷魂陣的步數
iōng-tio̍h hiőng-ê bê-hûn-tīn ê pōo-sòo
一直共我欺騙我的
it-ti̍t kā guá khi-phiàn guá ê
金銀財寶璇石瑪瑙
kim-gûn tsâi-pó suān-tsio̍h bé-ló
共我騙甲空空
kā guá phiàn kah khang-khang
害我三百六十枝的排仔骨
hāi guá sann-pah la̍k-tsa̍p ki ê pâi-á-kut
齊振動
tsiâu tín-tāng
唉~才共我get-out
haih~ tsiah kā guá get out
？？戽去畚斗
？？hòo khì pùn-táu
賰的叫我家己卯
tshun–ê kiò guá ka-kī báu
受著這款刺激了後
siū-tio̍h tsit khuán tshì-kik liáu-āu
才想欲去跳大溝
tsiah siūnn-beh khì thiàu tuā- kau
毋過大溝的溝仔水臭枯枯
m̄-koh tuā-kau ê kau-á tsuí tshàu-koo-koo
鼻落到地乎
phīnn lo̍h–kàu-tè honnh
會頭殼玲瑯遨
ē thâu-khak lin-long gô
所以毋才
sóo-í m̄-tsiah
想欲去跳愛河
siūnn-beh khì thiàu Ài-hô
啊一下跳落到地乎
ah tsi̍t-ē thiàu lo̍h–kàu-tè honnh
彼愈想愈毋好勢
he jú siūnn jú m̄ hó-sè
想講失戀
siūnn-kóng sit-luân
雖然是遮艱苦
sui-jiân sī tsiah kan-khóo
也無需要用性命
iā bô si-iàu iōng sìnn-miā
來佮伊打賭
lâi kah i tánn-tóo
當做失戀
tòng-tsuè sit-luân
是一種人生的經驗
sī tsi̍t-tsióng jîn-sing ê king-giām
性命我毋才閣暫時
sìnn-miā guá m̄-tsiah koh tsiām-sî
共留起來做記念
kā lâu khí-lâi tsuè kì-liām
啊我才閣
ah guá tsiah-koh
直直泅啊直直泅
ti̍t-ti̍t siû–ah ti̍t-ti̍t siû
泅去太平洋
siû khì Thài-phîng-iûnn
真拄好
tsin-tú-hó
才去拄著桃花姊仔怹老翁
tsiah khì tú-tio̍h Thô-hue-tsí–á in lāu-ang
啊我毋才開聲喝救人
ah guá m̄-tsiah khui-siann huah kiù-lâng
啊伊無客氣
ah i bô kheh-khì
才共我幫忙
tsiah kā guá pang-bâng
才將我
tsiah tsiong guá
共我救入去小船房
kiù ji̍p-khì sió-tsûn pâng
今仔日毋才有來這搭
kin-á-ji̍t m̄-tsiah ū lâi tsit-tah
佮恁逐家熟似見面
kah lín ta̍k-ke si̍k-sāi kìnn-bīn
女)
嗯~你講三年前
ngh~ lí kóng sann-nî tsîng
予人共你放捒
hōo-lâng kā lí pàng-sak
請問你這位人客
tshiánn-mn̄g lí tsit uī lâng-kheh
毋知你是
m̄-tsai lí sī
啥物款的大名乎
siánn-mih khuán ê tuā-miâ–honnh
男)
喔!小姓姓林
ooh! sió-sìnn sìnn Lîm
啊人阮老爸嘛姓林
ah lâng gún lāu-pē mā sìnn Lîm
阮老爸號做林汽水啦
gún lāu-pē hō-tsuè Lîm Khì-tsuí–lah
啊阮老母姓謝
ah gún lāu-bú sìnn Tsiā
號做謝喙焦啦
hō-tsuè Tsiā Tshuì-ta–lah
共我號做林鼓仔燈啦
kā guá hō-tsuè Lîm Kóo-á-ting–lah
啊攏嘛叫我鼓仔燈
ah lóng-mā kiò guá Kóo-á-ting
女)
鼓仔燈
Kóo-á-ting
啊哪會號佮遮爾笑詼
ah ná ē hō kah tsiah-nī tshiò-ke
男)
啊都阮母仔
ah to gún bú–á
欲生我的時陣
beh sinn guá ê sî-tsūn
啊都大腹肚無
ah to tuā-pak-tóo–bô
女)
啊無大腹肚
ah bô tuā-pak-tóo
欲哪會生你
beh ná ē sinn lí
男)
唉~毋是呶
haih~ m̄-sī–nooh
差真濟矣
tsha tsin tsē–ah
是講拄仔好正月十五
sī-kóng tú-á-hó tsiann-ge̍h tsa̍p-gōo
啊伊大腹肚
ah i tuā-pak-tóo
啊伊攑一支鼓仔燈
ah i gia̍h tsi̍t-ki kóo-á-ting
出去外面四界踅
tshut-khì guā-bīn sì-kuè se̍h
踅去媽祖宮
se̍h khì Má-tsóo-king
毋才去參彼个石獅
m̄-tsiah khì tsham hit ê tsio̍h-sai
按呢相舂
án-ni sio tsing
啊!舂一下乎
ah! tshing tsi̍t-ē–honnh
啊一个腹肚玲玲挵挵
ah tsi̍t-ê pak-tóo lin-lin lòng-lòng
我踮內面哀一聲
guá tàm lāi-bīn ai tsi̍t-siann
起毛䆀
khí-moo bái
才共傱出來
tsiah kā tsông–tshut-lâi
啊阮爸仔
ah gún pâ–á
毋才共我號做鼓仔燈
m̄-tsiah kā guá hō-tsuè kóo-á-ting
女)
鼓仔燈這个名
kóo-á-ting tsit ê miâ
嘛是真好聽
mā sī tsin hó-thiann
聽起來
thiann–khí-lâi
閣古錐仔古錐喔
koh kóo-tsui–á kóo-tsui–ooh
男)
敢按呢
kám án-ne
女)
看起來你這位人客
khuànn–khí-lâi lí tsit uī lâng-kheh
一定是真有名聲
it-tīng sī tsin ū miâ-siann
通人嘛知影
thong-lâng mā tsai-iánn
男)
只是你毋甘嫌啦
tsí-sī lí m̄-kam hiâm–lah
菜脯根罔咬鹹
tshài-póo-kin bóng kā kiâm
小小仔田園
sió-sió-á tshân-hn̂g
零星的百外甲
lân-san–ê pah-guā kah
死鳥飛袂過
sí tsiáu pe buē kuè
水潑無著無講
tsuí phuah bô-tio̍h bô kóng
海底內面彼號土地
hái-tué lāi-bīn hit-lō thóo-tē
攏嘛阮的
lóng-mā gún ê
女)
唅!遐爾好額喔
hannh! hiah-nī hó-gia̍h–ooh
啊!咱今仔日
ah! lán kin-á-ji̍t
會當踮在你的身軀邊
ē-tàng tàm-tsāi lí ê sin-khu-pinn
共你陪酒
kā lí puê-tsiú
實在真光榮
si̍t-tsāi tsin kong-îng
你嘛坐較倚來一下
lí mā tsē khah uá–lâi tsi̍t-ē
呢
neh
欸!林先生
eh! Lîm–sian-sinn
你是有啥物心事是毋
lí sī ū sánn-mih sim-sū sī–m̄
男)
唉~無啊
hiah~ bô–ah
我盈暗乎
guá îng-àm–honnh
會得通來到你這搭
ē-tit-thang lâi-kàu lí tsit-tah
啉燒酒乎
lim sio-tsiú–honnh
佮你熟似
kah lí si̍k-sāi
我真歡喜
guá tsin huann-hí
但是我有我的苦衷啦
tān-sī guá ū guá ê khóo-thiong–lah
女)
唅!喔~林先生
hannh! ooh~ Lîm–sian-sinn
你哪會佇咧流目屎
lí ná ē tī-eh lâu ba̍k-sái
男)
這个目屎
tsit ê ba̍k-sái
這个目屎
tsit ê ba̍k-sái
就是?迌人的目屎嘛
tsiū-sī tshit-thô-lâng ê ba̍k-sái–mah
♪♫♪♩♬♪♩♬♪♩♫♪♫♪♩♬♪♩♬♪♩♫
女性的虛情假愛
lír-sìng ê hi-tsîng ké-ài
實在真厲害
si̍t-tsāi tsin lī-hāi
阮也為伊
gún iā uī i
犧牲一切
hi-sing it-tshè
抱恨在心內
phāu-hūn tsāi sim-lāi
想起著三年前
siūnn-khí tio̍h sann-nî tsîng
啥人袂悲哀
siánn-lâng bē pi-ai
女性啊女性啊
lír-sìng–ah lír-sìng–ah
請你想看覓
tshiánn lí siūnn khuànn-māi
願為天下男性復仇
guān uī thian-hā lâm-sìng ho̍k-siû
應該不應該
ing-kai put-ing-kai
♪♫♪♩♬♪♩♬♪♩♫♪♫♪♩♬♪♩♬♪♩♫
女)
哎呀!林先生
aih-iah! Lîm–sian-sinn
你有啥物心事
lí ū sánn-mih sim-sū
敢袂用得
kám buē-īng-it
講予我聽看覓咧
kóng hōo guá thiann khuànn-māi–leh
男)
來來來
lâi-lâi-lâi
話你若愛聽乎
uē lí nā ài thiann–honnh
你的名
lí ê miâ
嘛著共我報一聲
mā tio̍h kā guá pò–tsi̍t-siann
女)
喔!我的名是毋
ooh! guá ê miâ sī–m̄
若我的小名
nā guá ê sió-miâ
叫做清香
kiò-tsuè Tshing-hiong
萬事拜託
bān-sū pài-thok
男)
清
tshing
清香小姐
Tshing-hiong sió-tsiá
嗯!真好真好
ngh! tsin hó tsin hó
清香就是清佮芳啦乎
Tshing-hiong tiō-sī tshing kah phang–lah honnh
啊你的名清芳四海
ah lí ê miâ tshing-phang sìr-hái
臭名萬世
tshàu-miâ bān-sì
女)
欸!欸!毋啦
eh! eh! m̄–lah
男)
失禮啦
sit-lé–lah
失禮啦
sit-lé–lah
啊!有影
ah! ū-iánn
我盈暗來你這搭啉燒酒
guá îng-àm lâi lí tsit-tah lim sio-tsiú
真拄好乎
tsin-tú-hó–honnh
有帶著這張的相片
ū tuà tio̍h tiunn ê siòng-phìnn
若這張相片啊
nā tsit tiunn siòng-phìnn–ah
就是我三年前
tsiū-sī guá sann-nî tsîng
予彼个無情女性
hōo hit ê bô-tsîng lír-sìng
共我放捒
kā guá pàng-sak
翕起來做記念的
hip khí-lâi tsuè kì-liām–ê
當時
tong-sî
我也無留這兩撇喙鬚
guá iā bô lâu tsit nn̄g-phiat tshuì-tshiu
一个面光溜溜
tsi̍t-ê bīn kng liu-liu
佮現在攏無仝樣
kah hiān-tsāi lóng bô-kāng iūnn
因為彼馬
in-uī hit-má
予放捒了後
hōo pàng-sak liáu-āu
激心一頓食十五碗公
kik-sim tsi̍t-tǹg tsia̍h tsa̍p-gōo uánn-kong
食甲消瘦落肉
tsia̍h kah siau-sán-lo̍h-bah
身體帶肺病
sin-thé tài hì-pīnn
已經進入到第十五期
í-king tsìn-ji̍p kàu tē-tsa̍p-gōo kî
連我嘛袂認出家己
liân guá mā buē jīn-tshut kai-kī
有影無影
ū-iánn bô-iánn
請你提去看
tshiánn lí the̍h khì khuànn
才會知影鹹汫
tsiah ē tsai-iánn kiâm-tsiánn
女)
啊!這張相
ah! tsit tiunn siòng
這張相片就是你
tsit tiunn siòng-phìnn tsiū-sī lí
啊!你就是彼个康丁
ahh! lí tsiū-sī hit ê Khong-ting
男)
哈哈哈哈
hah hah hah hah!
清香
Tshing-hiong
呣… 毋是
mh… m̄-sī
阿芳
A-phang
免著驚
bián tio̍h-kiann
請你恬恬聽
tshiánn lí tiām-tiām thiann
予你放捒的我
hōo lí pàng-sak ê guá
這三年內
tsit sann-nî lāi
我無論天邊海角
guá bô-lūn thinn-pinn hái-kak
海角天邊
hái-kak thinn-pinn
我的肝我的肺
guá ê kuann guá ê hì
大腸小腸以及十二指腸
tuā-tn̂g sió-tn̂g í-ki̍p si̍p-jī-tsí-tn̂g
盲腸五臟六腑
môo-tn̂g ngóo-tsōng-lio̍k-hú
都是咧怨恨你
to sī leh uàn-hūn lí
我無論過去現在未來
guá bô-lūn kè-khì hiān-tsāi bī-lâi
永遠永遠
íng-uán íng-uán
都恨你入骨
to hūn lí ji̍p kut
♪♫♪♩♬♪♩♬♪♩♫♪♫♪♩♬♪♩♬♪♩♫
愛你一人
ài lí tsi̍t-lâng
放捒一切
pàng-sak it-tshè
佮人賭性命
kah lâng tóo sìnn-miā
你怎樣對著情愛
lí tsuánn-iūnn tuì tio̍h tsîng-ài
心肝扞袂定
sim-kuann huānn buē-tiānn
欲來離開
beh lâi lī-khui
你也全無對阮講半聲
lí iā tsuân bô tuì gún kóng puànn-siann
遮爾無情
tsiah-nī bô-tsîng
遮爾無情
tsiah-nī bô-tsîng
遮爾無情
tsiah-nī bô-tsîng
叫阮怎樣袂來心痛疼
kiò gún tsánn-iūnn bē lâi sim thàng-thiànn
♪♫♪♩♬♪♩♬♪♩♫♪♫♪♩♬♪♩♬♪♩♫
男)
清香
Tshing-hiong
毋是
m̄-sī
阿芳
A-phang
三年前
sann-nî tsîng
我受你這个夜叉惡魔
guá siū lí tsit ê iā-tshe ok-môo
害甲悽慘落魄
hāi kah tshinn-tshám-lo̍k-phik
一時賭著男子的志氣
tsi̍t-sî tóo tio̍h lâm-tsír ê tsì-khì
在外面一直奮鬥
tsāi guā-bīn it-ti̍t hùn-tàu
無論風無論雨
bô-lūn hong bô-lūn hōo
毋管做風颱
m̄-kuán tsuè-hong-thai
抑是大地動
ia̍h-sī tuā tē-tāng
淹大水火燒山
im-tuā-tsuí hé-sio-suann
船會碰壁
tsûn ē pōng piah
啥物天災地變
siánn-mih thian-tsai tē-piàn
我也是出生入死
guá iā-sī tshut-sinn ji̍p-sí
就是等待今仔日的成功
tō-sī tán-thāi kin-á-ji̍t ê sîng-kong
專工欲來揣你報仇
tsuan-kang beh lâi tshē lí pò-siû
啊~予你會知影
ah~ hōo lí ē tsai-iánn
男性的偉大力量
lâm-sìng ê uí-tāi li̍k-liōng
阿芳
A-phang
希望你永遠
hi-bōng lí íng-uán
毋通記無去才好
m̄-thang kì bô–khì tsiah hó
你請
lí tshiánn
女)
康丁
Khong-ting
請你原諒我
tshiánn lí guân-liōng guá
請你原諒我
tshiánn lí guân-liōng guá
男)
啥物
siánn-mih
原諒毋原諒
guân-liōng m̄ guân-liōng
無過你是一个金色夜叉嘛
bû-kò lí sī tsi̍t-ê kim-sik iā-tshe–mah
錢
tsînn
錢上好嘛
tsînn siōng-hó–mah
哈哈哈!
hah hah hah!
錢錢錢
tsînn tsînn tsînn
錢多多油啊
tsînn to-to iû–ah
這跤皮包內面
tsit kha phê-pau lāi-bīn
全是英鎊美鈔
tsuân sī Ing-pōng Bí-tshau
港幣新臺幣舊臺幣
Káng-pè Sin-tâi-pè Kū-tâi-pè
愛挃
ài-ti̍h
全捾去嘛
tsuân kuānn–khì mah
女)
啊!康丁
ah! Khong-ting
康丁
Khong-ting
請等咧
tshiánn tán–leh
請等咧啦
tshiánn tán–leh–lah
♪♫♪♩♬♪♩♬♪♩♫♪♫♪♩♬♪♩♬♪♩♫
愛情神聖
ài-tsîng sîn-sìng
女性著警戒
lír-sìng tio̍h kíng-kài
毋通陷害
m̄-thang hām-hāi
英雄的將來
ing-hiông ê tsiong-lâi
]]>康丁(張錫圭)vs王麗華https://2blog.ilc.edu.tw/32745/2022/03/13/%e5%ba%b7%e4%b8%81%e5%bc%b5%e9%8c%ab%e5%9c%advs%e7%8e%8b%e9%ba%97%e8%8f%af/Sun, 13 Mar 2022 12:58:57 +0000https://2blog.ilc.edu.tw/32745/?p=66735七字部

康丁的男性復仇

]]>