宏星特攻隊 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sun, 11 May 2025 09:03:52 +0000zh-TWhourly1https://wordpress.org/?v=6.6.10https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg宏星特攻隊 – 臺語正字歌詞部落格https://2blog.ilc.edu.tw/327453232 夜市仔https://2blog.ilc.edu.tw/32745/2025/05/11/%e5%a4%9c%e5%b8%82%e4%bb%94-2/Sun, 11 May 2025 09:03:52 +0000https://2blog.ilc.edu.tw/32745/?p=127069
《夜市仔》Iā-tshī-á
宏星特攻隊Hông-sing Ti̍k-kong-tuì
——————————————
街路燈光咧閃爍
ke-lōo ting-kng teh siám-sih
人人行在夜市仔邊
lâng-lâng kiânn tsāi iā-tshī-á pinn
五花十色的擔位
ngóo-hue-tsa̍p-sik ê tànn-uī
喝來喝去鬧熱暝
huah-lâi-huah-khì lāu-jia̍t mî
聽
thiann
聽啥物啥物
thiann siánn-mih siánn-mih
唱片行的歌聲
tshiùnn-phìnn-hâng ê kua-siann
看
khuànn
看啥物啥物
khuànn siánn-mih siánn-mih
拍賣場的叫聲
phah-bē-tiûnn ê kiò-siann
來來來
lâi lâi lâi
各種類全齊備
kok tsióng-luī tsuân tsê-pī
予你呵咾甲會觸舌
hōo lí o-ló kah ē tak-tsi̍h
這就是
tse tiō-sī
夜市仔快樂的暗暝
iā-tshī-á khuài-lo̍k ê àm-mî
]]>流浪的心https://2blog.ilc.edu.tw/32745/2025/05/11/%e6%b5%81%e6%b5%aa%e7%9a%84%e5%bf%83-3/Sun, 11 May 2025 09:02:30 +0000https://2blog.ilc.edu.tw/32745/?p=127066
《流浪的心》Liû-lōng ê Sim
宏星特攻隊Hông-sing Ti̍k-kong-tuì
——————————————
傷心的烏雲
siong-sim ê oo-hûn
飄來又飄去
phiau-lâi iū phiau-khì
毋知何時
m̄-tsai hô-sî
才會隨風去
tsiah-ē suî hong khì
啉一杯咖啡
lim tsi̍t-pue ka-pi
心情來放予開
sim-tsîng lâi pàng hōo khui
將過去放袂記
tsiong kuè-khì pàng-buē-kì
黃昏的日頭
hông-hun ê ji̍t-thâu
炤甲真歡喜
tshiō kah tsin huann-hí
親像對阮
tshin-tshiūnn tuì gún
祝福的表示
tsiok-hok ê piáu-sī
沉重的行李
tîm-tāng ê hîng-lí
趕緊來放予離
kuánn-kín lâi pàng hōo lī
這是全新的開始
tse sī tsuân-sin ê khai-sí
啊~莫閣問我
ah~ mài koh mn̄g guá
莫閣問我
mài koh mn̄g guá
愛情的道理
ài-tsîng ê tō-lí
阮毋是
gún m̄-sī
十七八歲彼當時
tsa̍p-tshit-peh huè hit-tong-sî
啊~講啥物假啥物
ah~ kóng siánn-mih ké siánn-mih
全部相信你
tsuân-pōo siong-sìn lí
一切一切
it-tshè it-tshè
全部獻予你
tsuân-pōo hiàn hōo lí
流浪的人流浪的人
liû-lōng ê lâng liû-lōng ê lâng
應該著飄撇活落去
ing-kai to̍h phiau-phiat ua̍h–lo̍h-khì
流浪的心流浪的心
liû-lōng ê sim liû-lōng ê sim
應該著有志氣
ing-kai to̍h ū tsì-khì
嘿!
heh!
揣一个好日子
tshuē tsi̍t-ê hó ji̍t-tsí
恬恬來離開
tiām-tiām lâi lī-khui
恬恬來放袂記
tiām-tiām lâi pàng-buē-kì
]]>展出笑容來https://2blog.ilc.edu.tw/32745/2025/05/11/%e5%b1%95%e5%87%ba%e7%ac%91%e5%ae%b9%e4%be%86/Sun, 11 May 2025 09:00:32 +0000https://2blog.ilc.edu.tw/32745/?p=127063
《展出笑容來》Tián-tshut Tshiò-iông Lâi
宏星特攻隊Hông-sing Ti̍k-kong-tuì
——————————————
你敢知啊
lí kám tsai–ah
你敢知
lí kám tsai
你的笑容最可愛
lí ê tshiò-iông tsuè khó-ài
為啥代啊
uī siánn tāi–ah
為啥代
uī siánn tāi
為何心情袂爽快
uī-hô sim-tsîng buē sóng-khuài
你有啥物委屈
lí ū siánn-mih uí-khut
在心內
tsāi sim-lāi
你有啥物
lí ū siánn-mih
袂當來排解
buē-tàng lâi pâi-kái
何必咧感慨
hô-pit teh kám-khài
何必咧無奈
hô-pit teh bô-nāi
展出你的笑容來
tián-tshut lí ê tshiò-iông lâi
毋免驚茫茫的大海
m̄-bián kiann bông-bông ê tuā-hái
人生人生
jîn-sing jîn-sing
親像是舞臺
tshin-tshiūnn sī bú-tâi
]]>愛的單行道https://2blog.ilc.edu.tw/32745/2024/02/08/%e6%84%9b%e7%9a%84%e5%96%ae%e8%a1%8c%e9%81%93/Thu, 08 Feb 2024 02:06:26 +0000https://2blog.ilc.edu.tw/32745/?p=99454
《愛的單行道》Ài ê Tan-hîng-tō
宏星特攻隊Hông-sing Ti̍k-kong-tuì
——————————————
心肝亂操操
sim-kuann luān-tshau-tshau
真情講袂了
tsin-tsîng kóng buē-liáu
–
看著阿君仔真緣投
khuànn-tio̍h a-kun-á tsin iân-tâu
想欲用心佮伊交
siūnn-bueh iōng-sim kah i kau
談情阮無𠢕
tâm-tsîng gún bô gâu
說愛阮袂曉
sueh-ài gún buē-hiáu
拄著真見笑
tú–tio̍h tsin kiàn-siàu
講袂出口
kóng buē tshut kháu
行過後
kiânn–kuè āu
阮猶定越頭
gún iáu tiānn ua̍t-thâu
無奈看伊走
bô-nāi khuànn i tsáu
空等候
khang tán-hāu
心肝亂操操
sim-kuann luān-tshau-tshau
真情講袂了
tsin-tsîng kóng buē-liáu
好花會謝
hó-hue ē siā
人會老
lâng ē lāu
青春毋通放水流
tshing-tshun m̄-thang pàng tsuí lâu
驚人笑面皮厚
kiann lâng tshiò bīn-phuê kāu
毋是阮袂曉
m̄-sī gún buē-hiáu
緣份若到
iân-hūn nā kàu
來去恁兜
lâi-khì lín tau
]]>戀愛的路線https://2blog.ilc.edu.tw/32745/2024/02/08/%e6%88%80%e6%84%9b%e7%9a%84%e8%b7%af%e7%b7%9a/Thu, 08 Feb 2024 02:04:33 +0000https://2blog.ilc.edu.tw/32745/?p=99451
《戀愛的路線》Luân-ài ê Lōo-suànn
宏星特攻隊Hông-sing Ti̍k-kong-tuì
——————————————
我佮你做陣
guá kah lí tsuè-tīn
騎著一台跤踏車
khiâ tio̍h tsi̍t-tâi kha-ta̍h-tshia
戀愛的路線
luân-ài ê lōo-suànn
感覺心情真快活
kám-kak sim-tsîng tsin khuìnn-ua̍h
你講你從今以後
lí kóng lí tsiông-kim í-āu
會來疼惜我
ē lâi thiànn-sioh guá
我相信
guá siong-sìn
你對我的真情
lí tuì guá ê tsin-tsîng
袂變卦
buē piàn-kuà
啊~咱兩人沿路
ah~ lán nn̄g-lâng iân-lōo
唱出青春的戀歌
tshiùnn-tshut tshing-tshun ê luân-kua
路邊的花蕊鳥隻
lōo-pinn ê hue-luí tsiáu-tsiah
也來祝福我
iā lâi tsiok-hok guá
祝福我的初戀約會
tsiok-hok guá ê tshoo-luân iok-huē
親像這首歌
tshin-tshiūnn tsit siú kua
歡歡喜喜
huann-huann-hí-hí
充滿笑聲
tshiong-buán tshiò-siann
戀愛的路線
luân-ài ê lōo-suànn
—
啊~咱兩人快快樂樂
ah~ lán nn̄g-lang khuài-khuài-lo̍k-lo̍k
青春自由行
tshing-tshun tsū-iû kiânn
路邊的五彩蝴蝶
lōo-pinn ê ngóo-tshái ôo-tia̍p
佮咱來做伴
kah lán lâi tsuè-phuānn
陪伴你我
puê-phuānn lí guá
天邊海角
thinn-pinn hái-kak
永遠雙人影
íng-uán siang-lâng-iánn
深深將愛
tshim-tshim tsiong ài
來唱出
lâi tshiùnn-tshut
青春的戀歌
tshing-tshun ê luân kua
]]>望你https://2blog.ilc.edu.tw/32745/2022/03/26/%e6%9c%9b%e4%bd%a0/Sat, 26 Mar 2022 13:25:42 +0000https://2blog.ilc.edu.tw/32745/?p=67291
《望你》Bāng Lí
宏星特攻隊Hông-sing Ti̍k-kong-tuì
——————————————
望你望你望你
bāng lí bāng lí bāng lí
予我勇氣
hōo guá ióng-khì
–
路燈暗淡的
lōo-ting àm-tām ê
寂寞暗暝
tsi̍k-bo̍k àm-mî
佮你分開的
kah lí hun-khui ê
彼个冬天
hit ê tang-thinn
為啥物為啥物
uī-siánn-mih uī-siánn-mih
感情只是一場戲
kám-tsîng tsí-sī tsi̍t-tiûnn hì
聽著熟似的
thiann-tio̍h si̍k-sāi ê
彼首歌詩
hit siú kua-si
聲聲淒涼
siann-siann tshe-liâng
來將我拍醒
lâi tsiong guá phah-tshínn
為啥物為啥物
uī-siánn-mih uī-siánn-mih
提袂起
the̍h buē-khí
嘛放袂離
mā pàng buē-lī
望你
bāng lí
望你予我勇氣
bāng lí hōo guá ióng-khì
望你
bāng lí
望你予我理智
bāng lí hōo guá lí-tì
望你
bāng lí
望你毋通放棄
bāng lí m̄-thang hòng-khì
望你
bāng lí
望你毋通失志
bāng lí m̄-thang sit-tsì
望你
bāng lí
望你將這段故事
bāng lí tsiong tsit tuānn kòo-sū
化做緣份的開始
huà-tsuè iân-hūn ê khai-sí
]]>相思欉https://2blog.ilc.edu.tw/32745/2022/03/26/%e7%9b%b8%e6%80%9d%e6%ac%89/Sat, 26 Mar 2022 13:24:11 +0000https://2blog.ilc.edu.tw/32745/?p=67289
《相思欉》Siunn-si Tsâng
宏星特攻隊Hông-sing Ti̍k-kong-tuì
——————————————
啥物叫做快樂
siánn-mih kiò-tsuè khuài-lo̍k
啥物叫做幸福
siánn-mih kiò-tsuè hīng-hok
啥物叫做永遠
siánn-mih kiò-tsuè íng-uán
啊~啥物叫做
ah~ siánn-mih kiò-tsuè
真情佮圓滿
tsin-tsîng kah uân-buán
看過無限的日出
khuànn-kuè bô-hān ê ji̍t-tshut
走過無限的黃昏
tsáu-kuè bô-hān ê hông-hun
孤單變成了命運
koo-tuann piàn-sîng liáu miā-ūn
等待失落了青春
tán-thāi sit-lo̍h liáu tshing-tshun
人生若是一場夢
jîn-sing nā-sī tsi̍t-tiûnn bāng
無你也是一場空
bô lí iā-sī tsi̍t-tiûnn khang
秋風吹倒相思欉
tshiu-hong tshue tó siunn-si tsâng
落葉滿地嘆淒涼
lo̍h-hio̍h muá-tē thàn tshe-liâng
]]>啉淡薄https://2blog.ilc.edu.tw/32745/2022/03/26/%e5%95%89%e6%b7%a1%e8%96%84-2/Sat, 26 Mar 2022 13:22:52 +0000https://2blog.ilc.edu.tw/32745/?p=67287
《啉淡薄》Lim–tām-po̍h
宏星特攻隊Hông-sing Ti̍k-kong-tuì
——————————————
我隨意
guá suî-ì
你乾杯
lí kan-pue
–
朋友應該
pîng-iú ing-kai
久久仔愛相揣
kú-kú-á ài sio-tshuē
才袂疏遠講無話
tsiah buē soo-uán kóng-bô uē
三不五時來做伙
sam-put-gōo-sî lâi tsò-hué
啉酒喝拳
lim-tsiú huah-kûn
拍笑詼
phah tshiò-khue
啊!啉淡薄
ah! lim–tām-po̍h
啉淡薄
lim–tām-po̍h
我隨意
guá suî-ì
啊你乾杯
ah lí kan-pue
啉淡薄
lim–tām-po̍h
啉淡薄
lim–tām-po̍h
啦啦啦
lah lah lah
我的酒量有較低
guá ê tsiú niû ū khah kē
啉淡薄
lim–tām-po̍h
啉淡薄
lim–tām-po̍h
我隨意
guá suî-ì
啊你乾杯
ah lí kan-pue
啉淡薄
lim–tām-po̍h
啉淡薄
lim–tām-po̍h
啦啦啦
lah lah lah
實在對你較失禮
si̍t-tsāi tuì lí khah sit-lé
毋是我愛推
m̄-sī guá ài the
毋是我愛講價
m̄-sī guá ài kóng-kè
請你著來體會
tshiánn lí to̍h lâi thé-huē
互相來鼓勵
hōo-siong lâi kóo-lē
有閒
ū-îng
才閣來乾一杯
tsiah-koh lâi kan–tsi̍t-pue
]]>無情酒https://2blog.ilc.edu.tw/32745/2022/03/26/%e7%84%a1%e6%83%85%e9%85%92/Sat, 26 Mar 2022 13:21:16 +0000https://2blog.ilc.edu.tw/32745/?p=67284
《無情酒》Bô-tsîng Tsiú
宏星特攻隊Hông-sing Ti̍k-kong-tuì
——————————————
無醉無醉我無醉
bô tsuì bô tsuì guá bô tsuì
為何佇咧吐大氣
uī-hô tī-teh thóo-tuā-khuì
–
一杯一杯啉落去
tsi̍t-pue tsi̍t-pue lim–lo̍h-khì
毋知是酒抑是淚
m̄-tsai sī tsiú ia̍h-sī luī
無醉無醉我無醉
bô tsuì bô tsuì guá bô tsuì
燒酒盡量捾來開
sio-tsiú tsīn-liōng kuānn lâi khui
一杯一杯啉落去
tsi̍t-pue tsi̍t-pue lim–lo̍h-khì
茫茫親像咧飛天
bâng-bâng tshin-tshiūnn teh pue-thinn
無醉無醉我無醉
bô tsuì bô tsuì guá bô tsuì
為何佇咧吐大氣
uī-hô tī-teh thóo-tuā-khuì
一杯啉落去
tsi̍t-pue lim–lo̍h-khì
嗯~感覺無滋味
ngh~ kám-kak bô tsu-bī
三杯啉落去
sann-pue lim–lo̍h-khì
茫茫像酒醉
bâng-bâng tshiūnn tsiú-tsuì
人生難免不如意
jîn-sing lân-bián put-jû-ì
來來來我來陪伴你
lâi lâi lâi guá lâi puê-phuānn lí
來來來我來陪伴你
lâi lâi lâi guá lâi puê-phuānn lí
借酒將著痛苦
tsioh tsiú tsiong-tio̍h thòng-khóo
放袂記
pàng-buē-kì
—
謼咿嘢哪嘿
hooh ih-iah-nah-heh
嘢謼咿嘢嘢哪嘿
iah-hooh ih-iah iah-nah-heh
嘢哪嘢哪謼嗨嘢
iah-nah iah-nah hooh-haih-iah
謼咿嘢哪嘿
hooh ih-iah-nah-heh
嘢謼咿嘢嘢哪嘿
iah-hooh ih-iah iah-nah-heh
嘢哪嘢哪謼嗨嘢
iah-nah iah-nah hooh-haih-iah
]]>醉情人https://2blog.ilc.edu.tw/32745/2022/03/26/%e9%86%89%e6%83%85%e4%ba%ba-2/Sat, 26 Mar 2022 13:19:19 +0000https://2blog.ilc.edu.tw/32745/?p=67281
《醉情人》Tsuì Tsîng-jîn
宏星特攻隊Hông-sing Ti̍k-kong-tuì
——————————————
阿君仔阿君仔
a-kun–á a-kun–á
生媠佇人兜
senn suí tī lâng tau
–
講啥物
kóng siánn-mih
永遠無計較
íng-uán bô kè-kàu
講啥物
kóng siánn-mih
永遠好到老
íng-uán hó kah lāu
無彩我
bô-tshái guá
三年空等候
sann-nî khang tán-hāu
青春枉然
tshing-tshun óng-jiân
一直老
it-ti̍t lāu
想著過去
siūnn-tio̍h kuè-khì
我目屎目屎流
guá ba̍k-sái ba̍k-sái lâu
傷心無嫌啊
siong-sim bô hiâm–ah
無嫌燒酒厚
bô hiâm sio-tsiú kāu
一杯一杯啉落喉
tsi̍t-pue-tsi̍t-pue lim lo̍h-âu
過去當做放水流
kuè-khì tòng-tsuè pàng tsuí lâu
為怎樣
uī tsuánn-iūnn
心情亂操操
sim-tsîng luān-tshau-tshau
啊~阿君仔阿君仔
ah~ a-kun–á a-kun–á
生媠佇人兜
senn suí tī lâng tau
]]>