老長壽 浪子怨

四字部

七字仔調

七字部

夜夜為你來失眠

《夜夜為你來失眠》Iā-iā Uī Lí Lâi -Sit-bîn

安童An-tông

——————————————

自從看著你一面

tsū-tsiông khuànn-tio̍h lí tsi̍t-bīn

毋知為著啥原因

m̄-tsai uī-tio̍h siánn guân-in

夜夜為你來失眠

iā-iā uī lí lâi sit-bîn

害我每日無精神

hāi guá muí-ji̍t bô tsing-sîn

一見鐘情無懷疑

it-kiàn tsiong-tsîng bô huâi-gî

迷人笑容糖蜜甜

bê-lâng tshiò-iông thn̂g-bi̍t-tinn

夜夜為你睏袂去

iā-iā uī lí khùn buē-khì

害我暝日心稀微

hāi guá mî-ji̍t sim hî-bî

三更半暝風微微

sann-kinn-puànn-mî hong bî-bî

叫著可愛你名字

kiò tio̍h khó-ài lí miâ-jī

夜夜為你空相思

iā-iā uī lí khang siunn-si

害我暝日無元氣

hāi guá mî-ji̍t bô guân-khì

《七字仔調》Tshit-jī-á-tiāu

安童An-tông

——————————————

秋風吹來草木黃

tshiu-hong tshue–lâi tsháu-bo̍k n̂g

思思念念心酸酸

su-su-liām-liām sim-sng-sng

為著阿娘袂食睏

uī-tio̍h a-niû buē tsia̍h-khùn

性命強欲見閻君

sènn-miā kiōng-bueh kìnn Giâm-kun

世間查某真正濟

sè-kan tsa-bóo tsin-tsiànn tsuē

偏偏為你咧痴迷

phian-phian uī lí teh tshi-bê

莫非前世相欠債

bo̍k-hui tsîng-sì sio-khiàm-tsè

Do Re Mi Fa 胡椒攪酸醋

Do Re Mi Fa hôo-tsio kiáu sng-tshòo

黃腫胮閣落屎吐

n̂g-tsíng hàng koh làu-sái thòo

如今害我咧夯枷

jû-kim hāi guá teh giâ-kê

火燒罟寮全無望

hué-sio koo-liâu tsuân bô-bāng

擔砂坉海了戇工

tann-sua thūn-hái liáu gōng kang

害阮相思病遮重

hāi gún siunn-si pēnn tsiah tāng

阿娘生媠害死人

a-niû senn suí hāi sí-lâng

第一好囝人講我

tē-it hó-kiánn lâng kóng-guá

鴉片無食筊無跋

a-phiàn bô tsia̍h kiáu bô pua̍h

較媠妹妹欲嫁我

khah suí muē-muē beh kè guá

Do Re Mi Fa 胡椒攪酸醋

Do Re Mi Fa hôo-tsio kiáu sng-tshòo

黃腫胮閣落屎吐

n̂g-tsíng hàng koh làu-sái thòo

嫁我清閒免拖磨

kè guá tshing-îng bián thua-buâ

這爿看過彼爿崙

tsit pîng khuànn kuè hit pîng lūn

看著阿娘紅喙脣

khuànn-tio̍h a-niû âng tshuì-tûn

盈暗想欲佮你睏

îng-àm siūnn-bueh kah lí khùn

上驚恁翁轉來巡

siōng kiann lín ang tńg-lâi sûn

這爿看過彼爿港

tsit pîng khuànn kuè hit pîng káng

看著海水青櫳櫳

khuànn-tio̍h hái-tsuí tshinn lang-lang

燒酒來啉話來講

sio-tsiú lâi lim uē lâi káng

Do Re Mi Fa 胡椒攪酸醋

Do Re Mi Fa hôo-tsio kiáu sng-tshòo

黃腫胮閣落屎吐

n̂g-tsíng hàng koh làu-sái thòo

問娘早前嬈啥人

mn̄g niû tsá-tsîng hiâu siánn-lâng

這爿看過彼爿溪

tsit pîng khuànn kuè hit pîng khe

看著阿美仔過溪

khuànn-tio̍h a-Bí-á kuè khe

問娘契兄有幾个

mn̄g niû khè-hiann ū kuí-ê

零星無講一萬个

lân-san bô kóng tsi̍t-bān-ê

Do Re Mi Fa 胡椒攪酸醋

Do Re Mi Fa hôo-tsio kiáu sng-tshòo

黃腫胮閣落屎吐

n̂g-tsíng hàng koh làu-sái thòo

《老長壽》Lāu-tiông-siū
安童 An-tông
——————————————
老長壽老長壽
lāu-tiông-siū lāu-tiông-siū
想欲學風流
siūnn-bueh o̍h hong-liû
兩撇喙鬚直直搝
nn̄g phiat tshuì-tshiu ti̍t-ti̍t giú
頭毛想欲電虯虯
thâu-mn̂g siūnn-bueh tiān khiû-khiû
理髮剃喙鬚
lí-huat thì tshuì-tshiu
行酒家啉燒酒
kiânn tsiú-ka lim sio-tsiú
六連一個
la̍k-liân, it-kô
樓仔厝總倒
lâu-á-tshù tsóng tó
解著人生的憂愁
kái tio̍h jîn-sing ê iu-tshiû

老長壽老長壽
lāu-tiông-siū lāu-tiông-siū
毋是老不修
m̄-sī lāu-put-siu
逐家好歹著研究
ta̍k-ke hó-pháinn tio̍h gián-kiù
緊來佮我學風流
kín lâi kah guá o̍h hong-liû
喝拳啉燒酒
huah-kûn lim sio-tsiú
?查某四界遊
tshuā tsa-bóo sì-kè iû
七顛八倒
tshit-tian pueh-tó
倒去就好
tó–lo̍h-khì tiō hó
倒落閣再起來
tó–lo̍h koh-tsài peh–khí-lâi

(口白)—–↓
有人叫我老夭壽 有人叫我老不修
ū-lâng kiò guá lāu-iáu-siū, ū-lâng kiò guá lāu-put-siu
我毋是老夭壽 也毋是老不修
guá m̄-sī lāu-iáu-siū, iā m̄-sī lāu-put-siu
食老風流是想欲長歲壽
tsia̍h-lāu hong-liû sī siūnn-bueh tn̂g-hè-siū
才叫我老長壽 老長壽
tsiah kiò guá lāu-tiông-siū, lāu-tiông-siū
(口白)—–↑

老長壽老長壽
lāu-tiông-siū lāu-tiông-siū
笑容面無憂
tshiò-iông bīn bô iu
行到酒家相爭搝
kiânn kàu tsiú-ka sio-tsinn giú
著是緊去修喙鬚
tio̍h sī kín khì siu tshuì-tshiu
人?免出手
lâng gâu bián tshut-tshiú
財子壽
tsâi, tsú, siū
能得求
lîng tit kiû
兩个相好總出結果
nn̄g-ê siong-hó, tsóng tshut, kiat-kó
神魂飛到五味州
sîn-hûn pe kàu ngóo-bī-tsiu