呂秋霓 – 臺語正字歌詞部落格https://2blog.ilc.edu.tw/32745這是一個臺語歌曲正字網站Fri, 29 Sep 2023 14:37:33 +0000zh-TWhourly1https://wordpress.org/?v=6.6.9https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg呂秋霓 – 臺語正字歌詞部落格https://2blog.ilc.edu.tw/327453232 度假https://2blog.ilc.edu.tw/32745/2023/09/29/%e5%ba%a6%e5%81%87/Fri, 29 Sep 2023 14:37:33 +0000https://2blog.ilc.edu.tw/32745/?p=94903
《度假》Tōo-ká
呂秋霓Lī Tshiu-gê
——————————————
阮真想欲去度假
gún tsin siūnn-bueh khì tōo-ká
上好是來去庄跤
siōng-hó sī lâi-khì tsng-kha
煩惱代誌莫牽掛
huân-ló tāi-tsì mài khian-kuà
暫時將伊攏放下
tsiām-sî tsiong i lóng hòng-hā
看見田園遐爾仔大
khuànn-kìnn tshân-hn̂g hiah-nī-á tuā
兩篷樹仔懸懸徛
nn̄g-phâng tshiū-á kuân-kuân khiā
清涼風吹心輕鬆
tshing-liâng hong tshue sim khin-sang
歌聲伴咱四界行
kua-siann phuānn lán sì-kè kiânn
啦啦啦啦啦啦
lah-lah-lah lah-lah-lah
這時的心情
tsit-sî ê sim-tsîng
真正是快活
tsin-tsiànn sī khuìnn-ua̍h
若親像神仙彼一般
ná-tshin-tshiūnn sîn-sian hit tsi̍t-puann
千萬毋通
tshian-bān m̄-thang
閣再來烏白牽拖
koh-tsài lâi oo-pe̍h khan-thua
依依難捨到山跤
i-i lân-siá kàu suann-kha
幸福快樂就是我
hīng-hok khuài-lo̍k tsiū-sī guá
—
暗頭水雞呱呱呱
àm-thâu tsuí-ke kua kua kua
四邊恬甲攏無聲
sì-pinn tiām kah lóng bô-siann
透早鳥仔來唸歌
thàu-tsá tsiáu-á lâi liām-kua
吱吱喳喳真好聽
tsi-tsi-tsā-tsā tsin hó-thiann
]]>做伴https://2blog.ilc.edu.tw/32745/2023/09/29/%e5%81%9a%e4%bc%b4-7/Fri, 29 Sep 2023 14:36:01 +0000https://2blog.ilc.edu.tw/32745/?p=94900
《做伴》Tsuè-phuānn
呂秋霓Lī Tshiu-gê
——————————————
紅燈青燈
âng-ting tshinn-ting
照著我
tsiò tio̍h guá
心情袂快活
sim-tsîng buē khuìnn-ua̍h
音樂閃爍點著歌
im-ga̍k siám-sih tiám tio̍h kua
愈唱愈袂煞
jú tshiùnn jú buē-suah
悲傷的歌
pi-siong ê kua
真正是折磨
tsin-tsiànn sī tsiat-buâ
條條疼心肝
tiâu-tiâu thiànn sim-kuann
叫你啦
kiò lí–lah
叫你啦
kiò lí–lah
不時叫著你的名
put-sî kiò tio̍h lí ê miâ
毋願放
m̄-guān pàng
毋願放
m̄-guān pàng
毋甘從此來看破
m̄-kam tsiông-tshú lâi khuànn-phuà
只有期待
tsí-ū kî-thāi
你佮我來做伴
lí kah guá-lâi tsuè-phuānn
心愛的人
sim-ài ê lâng
為何欲放捒我
uī-hô bueh pàng-sak guá
]]>惜緣https://2blog.ilc.edu.tw/32745/2023/09/29/%e6%83%9c%e7%b7%a3-3/Fri, 29 Sep 2023 14:34:26 +0000https://2blog.ilc.edu.tw/32745/?p=94897https://www.youtube.com/watch?v=OGck1mHw7bA&fbclid=IwAR2ht5BTf1nvQb2sRlIdR9HO0GudnqBnPnOZOo0gjcgEPszXd9eoj0OKdXM

《惜緣》Sioh Iân
呂秋霓Lī Tshiu-gê
——————————————
你我雙人
lí guá siang-lâng
牽手鬥陣
khan-tshiú tàu-tīn
行這人生的路途
kiânn tse jîn-sing ê lōo-tôo
你的真心
lí ê tsin-sim
阮的純情
gún ê sûn-tsîng
伴咱嚨毋知艱苦
phuānn lán lông m̄-tsai kan-khóo
不管過程
put-kuán kuè-tîng
啥款的風湧
siánn-khuán ê hong-íng
如今已經真堅固
jû-kim í-king tsin kian-kòo
從此你我
tsiông-tshú lí guá
互相惜緣
hōo-siong sioh iân
毋通閣再來耽誤
m̄-thang koh-tsài lâi tam-gōo
啊~緣份
ah~ iân-hūn
緣份將你咱來照顧
iân-hūn tsiong lí lán lâi tsiàu-kòo
咱兩人的情佮緣份
lán nn̄g-lâng ê tsîng kah iân-hūn
頂世人
tíng-sì-lâng
已經來注文
í-king lâi tsù-bûn
緣份來時
iân-hūn lâi sî
著愛珍惜
tio̍h-ài tin-sioh
緣份盡時
iân-hūn tsīn sî
也笑笑
iā tshiò-tshiò
這款分分合合的人生
tsit khuán hun-hun-ha̍p-ha̍p ê jîn-sing
歡喜祝福相牽成
huann-hí tsiok-hok sio khan-sîng
緣深緣淺
iân tshim iân tshián
你我惜緣
lí guá sioh iân
共同行入姻緣路
kiōng-tông kiânn-ji̍p in-iân lōo
啊~緣份
ah~ iân-hūn
緣份將你咱來照顧
iân-hūn tsiong lí lán lâi tsiàu-kòo
]]>輸贏https://2blog.ilc.edu.tw/32745/2023/09/29/%e8%bc%b8%e8%b4%8f-2/Fri, 29 Sep 2023 14:32:35 +0000https://2blog.ilc.edu.tw/32745/?p=94894
《輸贏》Su-iânn
呂秋霓Lī Tshiu-gê
——————————————
為著一句毋甘願
uī-tio̍h tsi̍t-kù m̄ kam-guān
才會蹽落來輸贏
tsiah ē liâu lo̍h-lâi su-iânn
愈跋愈大愈袂煞
jú pua̍h jú tuā jú buē suah
離枝散葉疼心肝
lî-ki suànn-hio̍h thiànn sim-kuann
放下啊放下
hòng-hā–ah hòng-hā
何必走揣一時的快活
hô-pit tsáu-tshuē tsi̍t-sî ê khuìnn-ua̍h
人生閣有其他的美夢
jîn-sing koh ū kî-thann ê bí-bāng
哪通忍受
ná thang jím-siū
這款的拖磨
tsit khuán ê thua-buâ
覺悟啊覺悟
kak-ngōo–ah kak-ngōo
重新振作
tiông-sin tín-tsok
認真來拍拚
jīn-tsin lâi phah-piànn
趁濟趁少
thàn tsē thàn tsió
心輕鬆
sim khin-sang
毋通留戀
m̄-thang liû-luân
無邊的海岸
bô-pinn ê hái-huānn
請恁著愛跤踏實地
tshiánn lín tio̍h-ài kha ta̍h si̍t-tē
看破愛趁早
khuànn-phuà ài thàn-tsá
家庭美滿
ka-tîng bí-buán
你上贏
lí siōng iânn
]]>講話https://2blog.ilc.edu.tw/32745/2023/09/29/%e8%ac%9b%e8%a9%b1/Fri, 29 Sep 2023 14:31:01 +0000https://2blog.ilc.edu.tw/32745/?p=94891
《講話》Kóng-uē
呂秋霓Lī Tshiu-gê
——————————————
世間的人真濟
sè-kan ê lâng tsin tsuē
講話攏學袂會
kóng-uē lóng o̍h buē ē
平平一句話
pênn-pênn tsi̍t-kù uē
好歹差真濟
hó-pháinn tsha tsin tsuē
看恁按怎來解說
khuànn lín án-tsuánn lâi kái-sueh
好聽的話
hó-thiann ê uē
真美麗
tsin bí-lē
互相相褒來交陪
hōo-siong sio-po lâi kau-puê
歹聽的話
pháinn-thiann ê uē
上失禮
siōng sit-lé
真心對待
tsin-sim tuì-thāi
往往會得罪
íng-íng ē tit-tsuē
鼓勵的話
kóo-lē ê uē
較有底
khah ū-té
你我進步毋是假
lí guá tsìn-pōo m̄-sī ké
苦勸的話
khóo-khǹg ê uē
愛轉踅
ài tńg-se̍h
較袂聽了心真慼
khah buē thiann liáu sim tsin tsheh
膨風的話
phòng-hong ê uē
真痴迷
tsin tshi-bê
聽了心肝亂亂飛
thiann-liáu sim-kuann luān-luān pue
悲傷的話
pi-siong ê uē
是難過
sī lân-kuè
予人聽著
hōo-lâng thiann-tio̍h
彩色變烏白
tshái-sik piàn oo-pe̍h
講話真聳勢
kóng-uē tsin sáng-sè
講了定定會後悔
kóng liáu tiānn-tiānn ē hiō-hué
相罵無好話
sio-mē bô hó-uē
相伨來陪綴
sio-thīn lâi puê-tuè
過去放予風咧吹
kuè-khì pàng hōo hong teh tshue
從此你我咱逐个
tsiông-tshú lí guá lán ta̍k-ê
互相勉勵
hōo-siong bián-lē
人人體會
lâng-lâng thé-huē
鬥陣好做伙
tàu-tīn hó tsò-hué
]]>咱的岫https://2blog.ilc.edu.tw/32745/2023/09/29/%e5%92%b1%e7%9a%84%e5%b2%ab/Fri, 29 Sep 2023 14:28:40 +0000https://2blog.ilc.edu.tw/32745/?p=94888
《咱的岫》Lán ê Siū
呂秋霓Lī Tshiu-gê
——————————————
有一个岫
ū tsi̍t-ê siū
溫暖閣四序
un-luán koh sù-sī
爸母心
pē-bú sim
手足之情
tshiú-tsiok tsi tsîng
攏總有佇
lóng-tsóng ū tī
歡喜的時陣
huann-hí ê sî-tsūn
來分享
lâi hun-hióng
咱的點點滴滴
lán ê tiám-tiám-tih-tih
悲傷的時陣
pi-siong ê sî-tsūn
也通來安慰
iā thang lâi an-uì
咱所有的稀微
lán sóo-ū ê hi-bî
爸爸的期待佮指示
pá-pah ê kî-thāi kah tsí-sī
做人著捌人情義理
tsuè-lâng tio̍h bat jîn-tsîng gī-lí
阿母的鼓勵
a-bú ê kóo-lē
愛會記
ài ē-kì
認真拍拚
jīn-tsin phah-piànn
才有意義
tsiah ū ì-gī
感恩咱有一个溫暖的岫
kám-un lán ū tsi̍t-ê un-luán ê siū
幸福滋味無地比
hīng-hok tsu-bī bô-tè pí
]]>愛的表白https://2blog.ilc.edu.tw/32745/2023/09/29/%e6%84%9b%e7%9a%84%e8%a1%a8%e7%99%bd/Fri, 29 Sep 2023 14:27:13 +0000https://2blog.ilc.edu.tw/32745/?p=94885https://www.youtube.com/watch?v=Y5-0KxGoaf8&t=77s&fbclid=IwAR3PtFM-N-NPzXPMMsdKOi6P0sG0gYQtfnWMM6Op305mJN8WuI17mXtA1vA

《愛的表白》Ài ê Piáu-pi̍k
呂秋霓Lī Tshiu-gê
——————————————
這段情會來痴迷
tsit tuānn tsîng ē lâi tshi-bê
是阮考慮無夠濟
sī gún khó-lū bô-kàu tsē
雄雄向你來表白
hiông-hiông hiòng lí lâi piáu-pe̍h
深深愛你在心底
tshim-tshim ài lí tsāi sim-té
明知我無啥物機會
bîng-tsai guá bô-siánn-mih ki-huē
偏偏想欲有你來陪
phian-phian siūnn-beh ū lí lâi puê
啊~我對你講的話
ah~ guá tuì lí kóng ê uē
你攏當做是風吹
lí lóng tòng-tsuè sī hong tshue
想欲對你來解說
siūnn-bueh tuì lí lâi kái-sueh
這一切毋是假
tse it-tshè m̄-sī ké
恬恬看恁
tiām-tiām khuànn lín
每工黏做伙
muí-kang liâm tsuè-hué
是阮這世人
sī gún tsit-sì-lâng
上大的怨慼
siōng tuā ê uàn-tsheh
]]>快樂的寶貝https://2blog.ilc.edu.tw/32745/2023/09/29/%e5%bf%ab%e6%a8%82%e7%9a%84%e5%af%b6%e8%b2%9d/Fri, 29 Sep 2023 14:25:21 +0000https://2blog.ilc.edu.tw/32745/?p=94882
《快樂的寶貝》Khuài-lo̍k ê Pó-puè
呂秋霓Lī Tshiu-gê
——————————————
熱情分享咱逐个
jia̍t-tsîng hun-hióng lán ta̍k-ê
快樂唱歌來交陪
khuài-lo̍k tshiùnn-kua lâi kau-puê
每工日子真好過
muí-kang ji̍t-tsí tsin hó-kuè
袂記你我是幾歲
buē-kì lí guá sī kuí-huè
啊~快樂的寶貝
ah~ khuài-lo̍k ê pó-puè
年歲絕對毋是問題
nî-huè tsua̍t-tuì m̄-sī būn-tê
只要你有心來做伙
tsí-iàu lí ū-sim lâi tsuè-hué
期待每一改的相會
kî-thāi muí tsi̍t-kái ê siong-huē
保證你歡喜閣痴迷
pó-tsìng lí huann-hí koh tshi-bê
啊~快樂的寶貝
ah~ khuài-lo̍k ê pó-puè
知書達理
ti-su ta̍t-lí
攏袂失禮
lóng buē sit-lé
認真學習
jīn-tsin ha̍k-si̍p
會得真濟
ē tit tsin tsuē
貢獻咱一生的美麗
kòng-hiàn lán it-sing ê bí-lē
你是上讚的彼一个
lí sī siōng tsán ê hit tsi̍t-ê
]]>花言佮巧語https://2blog.ilc.edu.tw/32745/2023/09/29/%e8%8a%b1%e8%a8%80%e4%bd%ae%e5%b7%a7%e8%aa%9e/Fri, 29 Sep 2023 14:23:42 +0000https://2blog.ilc.edu.tw/32745/?p=94879https://www.youtube.com/watch?v=OrwjR4tOBFw&fbclid=IwAR3J2w1IsIqr3ZWQ0OofLPKZMBeYioHOWbmV8xYWIuezXbKTcsIPXsz3jIo

《花言佮巧語》Hua-giân Kah Khá-gí
呂秋霓Lī Tshiu-gê
——————————————
一開喙
tsi̍t khui-tshuì
就是愛你想你
tiō-sī ài lí siūnn lí
滿口的花言巧語
muá-kháu ê hua-giân khá-gí
講甲遮大堆
kóng kah tsiah tuā tui
糖甘蜜甜的話
thn̂g-kam bi̍t-tinn ê uē
猶原遮爾仔媠
iu-guân tsiah-nī-á suí
阮是予你拐甲
gún sī hōo lí kuái kah
無酒也天天醉
bô tsiú iā thian-thian tsuì
喔~茫思思茫思思茫思思
ooh~ bâng-su-su bâng-su-su bâng-su-su
喔~茫思思茫思思茫思思
ooh~ bâng-su-su bâng-su-su bâng-su-su
就算是白滾水
tiō-sǹg-sī pe̍h-kún-tsuí
感覺也真甘甜
kám-kak iā tsin kam-tinn
情是火鍋的底蒂
tsîng sī hué-ko ê té-tì
湯頭甘甜好入喙
thng-thâu kam-tinn hó ji̍p-tshuì
好料加添的滋味
hó-liāu ka-thiam ê tsu-bī
予阮永遠笑咪咪
hōo gún íng-uán tshiò bi-bi
喔~茫思思茫思思茫思思
ooh~ bâng-su-su bâng-su-su bâng-su-su
喔~茫思思茫思思茫思思
ooh~ bâng-su-su bâng-su-su bâng-su-su
就算是白滾水
tiō-sǹg-sī pe̍h-kún-tsuí
感覺也真甘甜
kám-kak iā tsin kam-tinn
善良古意的這位
siān-liông kóo-ì ê tsit uī
跤踏實地免懷疑
kha ta̍h si̍t-tē bián huâi-gî
勝過花言佮巧語
sìng-kuè hua-giân kah khá-gí
一生幸福無地比
it-sing hīng-hok bô-tè pí
喔~茫思思茫思思茫思思
ooh~ bâng-su-su bâng-su-su bâng-su-su
喔~茫思思茫思思茫思思
ooh~ bâng-su-su bâng-su-su bâng-su-su
就算是白滾水
tiō-sǹg-sī pe̍h-kún-tsuí
感覺也真甘甜
kám-kak iā tsin kam-tinn
]]>相逢萬里橋https://2blog.ilc.edu.tw/32745/2023/09/29/%e7%9b%b8%e9%80%a2%e8%90%ac%e9%87%8c%e6%a9%8b/Fri, 29 Sep 2023 14:21:32 +0000https://2blog.ilc.edu.tw/32745/?p=94876https://www.youtube.com/watch?v=FXmfcKIOIP8&fbclid=IwAR1zNXbriURdwDY1CFa6oQyoc1SKisK2md_K0giGKi7rPq9izogJN1Cai_w

《相逢萬里橋》Siong-hông Bān-lí-kiô
呂秋霓Lī Tshiu-gê
——————————————
你我相逢萬里橋
lí guá siong-hông Bān-lí-kiô
滴答聲音來相招
tih-tah siann-im lâi sio-tsio
溫暖情意訴哀愁
un-luán tsîng-ì sòo ai-tshiû
無煩無惱無所求
bô-huân-bô-ló bû-sóo kiû
啊~彼時陣
ah~ hit-sî-tsūn
彼時陣
hit-sî-tsūn
輕輕風吹入心槽
khin-khin hong tshue ji̍p sim-tsô
啊~這時陣
ah~ tsit sî-tsūn
這時陣
tsit sî-tsūn
約束未來免煩惱
iok-sok bī-lâi bián huân-ló
你我相逢萬里橋
lí guá siong-hông Bān-lí-kiô
橋頂景緻好?迌
kiô-tíng kíng-tì hó tshit-thô
蝴蝶弄花快樂遊
ôo-tia̍p lāng hue khuài-lo̍k iû
橋跤溪水魚雙泅
kiô-kha khe-tsuí hî siang-siû
啊~彼時陣
ah~ hit-sî-tsūn
彼時陣
hit-sî-tsūn
輕輕風吹入心槽
khin-khin hong tshue ji̍p sim-tsô
啊~這時陣
ah~ tsit sî-tsūn
這時陣
tsit sî-tsūn
雙人歡喜手牽手
siang-lâng huann-hí tshiú khan-tshiú
]]>