呂明銀 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sat, 06 Dec 2025 09:58:59 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg呂明銀 – 臺語正字歌詞部落格https://2blog.ilc.edu.tw/327453232 舞后https://2blog.ilc.edu.tw/32745/2025/12/06/%e8%88%9e%e5%90%8e/Sat, 06 Dec 2025 09:57:45 +0000https://2blog.ilc.edu.tw/32745/?p=131561
《舞后》Bú-hiō
呂明銀Lī Bîng-gîn
——————————————
霓虹燈閃爍
nî-hông-ting siám-sih
照著懸搭鞋
tsiò tio̍h kuân-tah-ê
迷人的身軀
bê-lâng ê sin-khu
搖動真正美麗
iô-tōng tsin-tsiànn bí-lē
醉人的音樂聲音
tsuì lâng ê im-ga̍k siann-im
無通代替
bô-thang tāi-thè
舞池內
bú-tî lāi
你神魂顛倒
lí sîn-hûn tian-tó
隨我咧踅
suî guá teh se̍h
靈魂的振動
lîng-hûn ê tín-tāng
來來回回
lâi-lâi-huê-huê
眼神的漂移
gán-sîn ê phiau-î
誰咧放電
siáng teh pàng-tiān
徛佇舞臺頂
khiā tī bú-tâi tíng
我的天地
guá ê thinn-tē
Come on
One Two Three
Let’s do it
合合離離
ha̍p-ha̍p-lî-lî
像放你去
tshiūnn pàng lí khì
轉眼之間
tsuán-gán tsi-kan
又回頭牽你
iū huê-thâu khan lí
舞步踏予開
bú-pōo ta̍h hōo khui
咱各展神威
lán kok tián sîn-ui
轉身了後
tsuán-sin liáu-āu
你轉來阮身邊
lí tńg-lâi gún sin-pinn
毋管是赤赤倫巴探戈
m̄-kuán sī tshiah-tshiah lùn-bah thàn-gòo
我就是唯一
guá tsiū-sī uî-it
毋管是三步四步幾步
m̄-kuán sī sann-pōo sì-pōo kuí-pōo
我永遠是Dancing Queen
guá íng-uán sī Dancing Queen
舞后
bú-hiō
]]>紅粉知己https://2blog.ilc.edu.tw/32745/2025/12/06/%e7%b4%85%e7%b2%89%e7%9f%a5%e5%b7%b1/Sat, 06 Dec 2025 09:55:54 +0000https://2blog.ilc.edu.tw/32745/?p=131558
《紅粉知己》Hông-hún-ti-kí
呂明銀Lī Bîng-gîn
——————————————
滿山的花芳
muá-suann ê hue-phang
有遮爾濟
ū tsiah-nī tsē
你到底是欲揣佗一个
lí tàu-tué sī beh tshē tó tsi̍t-ê
紅粉知己滿四界
hông-hún-ti-kí muá-sì-kè
我永遠排佇上後尾
guá íng-uán pâi tī siōng āu-bué
生日禮物排甲遮整齊
senn-ji̍t lé-bu̍t pâi kah tsiah tsíng-tsê
看你佮意先拆佗一个
khuànn lí kah-ì sing thiah tó tsi̍t-ê
紅粉知己滿四界
hông-hún ti-kí muá-sì-kè
何時輪到我送的情批
hô-sî lûn kàu guá sàng ê tsîng-phue
借問敢有人佇咧
tsioh-mn̄g kám ū-lâng tī–leh
敢有人
kám ū-lâng
蹛佇你的心肝底
tuà tī lí ê sim-kuann-té
我嘛是
guá mā sī
有請人探聽過
ū tshiánn lâng thàm-thiann–kuè
原來你早知影
guân-lâi lí tsá tsai-iánn
咱是真四配
lán sī tsin sù-phuè
借問敢有人佇咧
tsioh-mn̄g kám ū-lâng tī–leh
敢有人
kám ū-lâng
蹛佇你的心肝底
tuà tī lí ê sim-kuann-té
免驚歹勢
bián-kiann pháinn-sè
也免敲電話
ā bián khà-tiān-uē
愛我
ài guá
就共阮兜電鈴揤落
tiō kā gún tau tiān-lîng ji̍h–lueh
—
借問敢有人佇咧
tsioh-mn̄g kám ū-lâng tī–leh
敢有人
kám ū-lâng
蹛佇你的心肝底
tuà tī lí ê sim-kuann-té
話講坦白
uē kóng thán-pe̍h
莫變笑詼
mài piàn tshiò-khue
已經毋是閉思的少年家
í-king m̄-sī pì-sù ê siàu-liân-ke
]]>時間https://2blog.ilc.edu.tw/32745/2022/01/01/%e6%99%82%e9%96%93/Sat, 01 Jan 2022 04:34:03 +0000https://2blog.ilc.edu.tw/32745/?p=62742
《時間》Sî-kan
呂明銀Lī Bîng-gîn
——————————————
送你離開千里外
sàng lí lī-khui tshian-lí guā
約束時間
iok-sok sî-kan
看無你形影
khuànn-bô lí hîng-iánn
手掛送阮的手指
tshiú kuà sàng gún ê tshiú-tsí
戇戇相信
gōng-gōng siong-sìn
你欲共阮娶
lí beh kā gún tshuā
等啊等
tán–ah tán
盼啊盼
phàn–ah phàn
敢講你
kám-kóng lí
揣著新的人做伴
tshuē-tio̍h sin ê lâng tsuè-phuānn
思思念念
su-su-liām-liām
猶原想你
iu-guân siūnn lí
袂看破
buē khuànn-phuà
翻翻覆覆
huan-huan-hok-hok
每日失眠來拖磨
muí-ji̍t sit-bîn lâi thua-buâ
一張一張
tsi̍t-tiunn-tsi̍t-tiunn
過去攝下的形影
kuè-khì liap-hā ê hîng-iánn
退色也有你有我
thè-sik iā ū lí ū guá
天光換天星
thinn kng uānn thinn-tshinn
毋知經過幾年
m̄-tsai king-kuè kuí nî
雖然傷心
sui-jiân siong-sim
阮也祝福你
gún iā tsiok-hok lí
只望時間
tsí bāng sî-kan
將傷痕
tsiong siong-hûn
帶走千里遠
tuà tsáu tshian-lí hn̄g
]]>愛啊愛https://2blog.ilc.edu.tw/32745/2021/08/01/%e6%84%9b%e5%95%8a%e6%84%9b/Sun, 01 Aug 2021 01:36:49 +0000https://2blog.ilc.edu.tw/32745/?p=46632
《愛啊愛》Ài–ah Ài
呂明銀Lī Bîng-gîn
——————————————
迷亂的風
bê-luān ê hong
憂愁的雨
iu-tshiû ê hōo
紅紅的天
âng-âng ê thinn
接近黃昏
tsiap-kīn hông-hun
按怎的心
án-tsuánn ê sim
會當感動
ē-tàng kám-tōng
冷冷的話
líng-líng ê uē
你的笑容
lí ê tshiò-iông
遙遠的天
iâu-uán ê thinn
閃閃的星
siám-siám ê tshinn
暗暗的月
àm-àm ê gue̍h
又閣一暝
iū-koh tsi̍t-mî
你若相信
lí nā siong-sìn
我會等待
guá ē tán-thāi
唱這條歌
tshiùnn tsit tiâu kua
我就轉來
guá tiō tńg–lâi
愛啊愛
ài–ah ài
親像風咧吹
tshin-tshiūnn hong teh tshue
樹葉亂飛
tshiū-hio̍h luān pue
秋天也會落雪
tshiu-thinn iā ē lo̍h-seh
冷冷的對待
líng-líng ê tuì-thāi
當初的愛
tong-tshoo ê ài
得著的袂惜愛
tit-tio̍h–ê buē sioh-ài
愛啊愛
ài–ah ài
時常予阮唱
sî-siông hōo gún tshiùnn
離別的歌
lî-pia̍t ê kua
懷念變成無奈
huâi-liām piàn-sîng bô-nāi
一句抑兩字
tsi̍t-kù ia̍h nn̄g-jī
攏是多餘
lóng-sī to-î
唱玩這改
tshiùnn uán tsit kái
我就會放袂記
guá tsiū ē pàng-buē-kì
]]>媽祖https://2blog.ilc.edu.tw/32745/2020/05/31/%e5%aa%bd%e7%a5%96/Sun, 31 May 2020 00:24:56 +0000https://2blog.ilc.edu.tw/32745/?p=14446

《媽祖》Má-tsóo

呂明銀Lī Bîng-gîn

——————————————

大媽鎮殿

Tuā-má tìn tiān

二媽出外食行方便

Jī-má tshut-guā si̍t-hîng hong-piān

三媽為衆生顯聖

Sann-má uī tsiòng-sing hián-sìng

四媽為萬民治病閹尻川

Sì-má uī bān-bîn tī-pēnn iam khau-tshuan

五媽迎神會相會

Gōo-má ngiâ-sîn ē siong-huē

自古流傳湄州的明燈

tsū-kóo liû-thuân Bî-tsiu ê bîng-ting

人間數十年天上數千年

jîn-kan sòo-si̍p liân thian-siōng sòo-tshian liân

萬里心情千里眼明

bān-lí sim-tsîng tshian-lí gán bîng

伊是母親愛民不變

i sī bú-tshin ài bîn put-piàn

守護海上的生靈

siú-hōo hái-siōng ê sing-lîng

哪懼雷電風雨天

ná khī luî-tiān hong-ú thian

引渡咱迷失人生

ín-tōo lán bê-sit jîn-sing

千里眼明萬里心情

tshian-lí gán bîng bān-lí sim-tsîng

憐憫人間苦楚

liân-bín jîn-kan khóo-tshóo

憐憫人間苦楚

liân-bín jîn-kan khóo-tshóo

尊為神明

tsun uî sîn-bîng

]]>搧冬風https://2blog.ilc.edu.tw/32745/2020/05/31/%e6%90%a7%e5%86%ac%e9%a2%a8/Sun, 31 May 2020 00:22:50 +0000https://2blog.ilc.edu.tw/32745/?p=14443

《搧冬風》Siàn Tang-hong
呂明銀Lī Bîng-gîn
——————————————
一陣酸冷冬風
tsi̍t-tsūn sng-líng tang-hong
吹啊吹來悲傷
tshue–ah tshue lâi pi-siong
為你妝甲媠媠
uī lí tsng kah suí-suí
穿你最愛的洋裝
tshīng lí tsuè ài ê iûnn-tsong
無你的笑容
bô lí ê tshiò-iông
只有苦澀的思慕
tsí-ū khóo-siap ê su-bōo
揣無對愛的衝動
tshē-bô tuì ài ê tshiong-tōng

想著你
siūnn-tio̍h lí
看見你
khuànn-kìnn lí
總在夢中
tsóng tsāi bāng-tiong
想著你
siūnn-tio̍h lí
看見你
khuànn-kìnn lí
醒來失去形蹤
tshínn–lâi sit-khì hîng-tsong
你啊你
lí–ah lí
偏偏愛你無情郎
phian-phian ài lí bô-tsîng-lông
夜夜捀心
iā-iā phâng sim
搧冬風
siàn tang-hong

]]>莫拖沙https://2blog.ilc.edu.tw/32745/2020/05/31/%e8%8e%ab%e6%8b%96%e6%b2%99/Sun, 31 May 2020 00:20:09 +0000https://2blog.ilc.edu.tw/32745/?p=14439https://www.youtube.com/watch?v=v9IXEopmxxs&fbclid=IwAR3tW_gZyoAXeQIwQj20TAMxOhP0BuESZTbS4DkwSlXfuCeK80HlYbz0vB8
《莫拖沙》Mài Thua-sua
呂明銀Lī Bîng-gîn
——————————————
無我做伴
bô guá tsuè-phuānn
你敢會偷想我
lí kám ē thau siūnn guá
面腔故意歹看
bīn-tshiunn kòo-ì pháinn-khuànn
這是上深的折磨
tse sī siōng tshim ê tsiat-buâ
無你的暝
bô lí ê mî
我敢也會快活
guá kám iā ē khuìnn-ua̍h
冤家總是袂了袂煞
uan-ke tsóng-sī buē liáu buē suah
傷你傷我的心肝
siong lí siong guá ê sim-kuann
春夏秋冬
tshun-hā tshiu-tang
天光天暗
thinn kng thinn àm
莫將愛囥踮喙內拖沙
mài tsiong ài khǹg tiàm tshuì-lāi thua-sua
明明知你愛咧心內
bîng-bîng tsai lí ài leh sim-lāi
偏偏男人的自尊咧搬
phian-phian lâm-jîn ê tsū-tsun teh puann
春夏秋冬
tshun-hā tshiu-tang
好天雨潑
hó-thinn hōo phuah
莫將愛囥踮喙內拖沙
mài tsiong ài khǹg tiàm tshuì-lāi thua-sua
我嘛知你遮爾愛我
guá mā tsai lí tsiah-nī ài guá
我願意今生佮你做伴
guá guān-ì kim-sing kah lí tsuè-phuānn
]]>愛你一世人https://2blog.ilc.edu.tw/32745/2020/05/31/%e6%84%9b%e4%bd%a0%e4%b8%80%e4%b8%96%e4%ba%ba/Sun, 31 May 2020 00:17:06 +0000https://2blog.ilc.edu.tw/32745/?p=14436

《愛你一世人》Ài Lí Tsi̍t-sì-lâng

呂明銀Lī Bîng-gîn

遊曜徽Iû Iāu-hui

——————————————

女)

日夜想著你的人

ji̍t-iā siūnn-tio̍h lí ê lâng

望你轉來阮的夢

bāng lí tńg-lâi gún ê bāng

疼我惜我

thiànn guá sioh guá

講你愛我一世人

kóng lí ài guá tsi̍t-sì-lâng

男)

油桐花開的時間

iû-tâng-hue khui ê sî-kan

我會轉來你的夢

guá ē tńg-lâi lí ê bāng

我會永永遠遠

guá ē íng-íng-uán-uán

愛你一世人

ài lí tsi̍t-sì-lâng

合)

無論人生路偌遠

bô-lūn jîn-sing lōo guā hn̄g

攏毋放

lóng m̄-pàng

男)

敢知我愛你的心

kám tsai guá ài lí ê sim

為你付出我甘願

uī lí hù-tshut guá kam-guān

女)

有你貼心的溫暖

ū lí tah-sim ê un-luán

阮的心內無別人

gún ê sim-lāi bô pa̍t-lâng

男)

人生的悲歡

jîn-sing ê pi-huan

我會用心共你攬

guá ē iōng-sim kā lí lám

女)

有你做倚靠

ū lí tsuè uá-khò

毋驚寂寞的時間

m̄-kiann tsi̍k-bo̍k ê sî-kan

合)

我會用心愛你一世人

guá ē iōng-sim ài lí tsi̍t-sì-lâng

]]>呂明銀https://2blog.ilc.edu.tw/32745/2020/05/30/%e5%91%82%e6%98%8e%e9%8a%80/Fri, 29 May 2020 23:52:07 +0000https://2blog.ilc.edu.tw/32745/?p=13511二字部

時間 媽祖 舞后

三字部

愛啊愛 莫拖沙 搧冬風

四字部

紅粉知己

五字部

愛你一世人

]]>