吳申梅 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sat, 11 Jul 2026 01:17:38 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg吳申梅 – 臺語正字歌詞部落格https://2blog.ilc.edu.tw/327453232 心落雨https://2blog.ilc.edu.tw/32745/2026/07/11/%e5%bf%83%e8%90%bd%e9%9b%a8/Sat, 11 Jul 2026 01:17:38 +0000https://2blog.ilc.edu.tw/32745/?p=145944
《心落雨》Sim Lo̍h-hōo
吳申梅Ngôo Sin-muî
——————————————
在我心目中
tsāi guá sim-bo̍k-tiong
有你的笑容
ū lí ê tshiò-iông
溫暖一路上
un-luán tsi̍t-lōo-siōng
茫茫人海中
bâng-bâng jîn-hái-tiong
有你惜
ū lí sioh
夢漸漸有數
bāng tsiām-tsiām iú-sòo
誰知風雲測袂著
siáng tsai hong-hûn tshik buē-tio̍h
驚險算袂著
kiann-hiám sǹg buē-tio̍h
偷走咱的感情
thau-tsáu lán ê kám-tsîng
心無退路
sim bô thè-lōo
一時雄雄來侗戇
tsi̍t-sî hiông-hiông lâi tòng-gōng
才知真心遮爾薄
tsiah tsai tsin-sim tsiah-nī po̍h
石頭硩
tsio̍h-thâu teh
袂喘氣
buē tshuán-khuì
目睭金金人傷重
ba̍k-tsiu kim-kim lâng siong-tiōng
一時雄雄來侗戇
tsi̍t-sî hiông-hiông lâi tòng-gōng
才知堅心無夠用
tsiah tsai kian-sim bô-kàu iōng
回頭看舊相片
huê-thâu khuànn kū siòng-phìnn
眼前罩雺霧
gán-tsiân tà bông-bū
心落雨
sim lo̍h-hōo
]]>外家https://2blog.ilc.edu.tw/32745/2025/12/25/%e5%a4%96%e5%ae%b6/Thu, 25 Dec 2025 02:53:13 +0000https://2blog.ilc.edu.tw/32745/?p=132279
《外家》Guā-ke
吳申梅Ngôo Sin-muî
——————————————
阮有一个岫
gún ū tsi̍t-ê siū
替阮分擔濟濟的憂愁
thè gún hun-tam tsē-tsē ê iu-tshiû
思念的魚仔
su-liām ê hî-á
不時佇心內
put-sî tī sim-lāi
泅啊泅啊泅
siû–ah siû–ah siû
阮有一个家
gún ū tsi̍t-ê ke
平凡嘛是一種的美麗
pîng-huân mā sī tsi̍t-tsióng ê bí-lē
伊的名是外家
i ê miâ sī guā-ke
伨阮一生一世
thīn gún it-sing it-sè
毋管風雨有偌大
m̄-kuán hong-hōo ū guā tuā
伊是阮的靠岸
i sī gún ê khò-huānn
予阮的心頭
hōo gún ê sim-thâu
若船落碇
ná tsûn lo̍h-tiānn
袂驚惶
buē kiann-hiânn
毋管冬天有偌寒
m̄-kuán tang-thinn ū guā kuânn
伊是阮的靠山
i sī gún ê khò-suann
予阮的心肝
hōo gún ê sim-kuann
袂寂寞
buē tsi̍k-bo̍k
袂孤單
buē koo-tuann
啊~無論心事有偌濟
ah~ bô-lūn sim-sū ū guā-tsuē
外家
guā-ke
總是有人聽阮講心內話
tsóng-sī ū-lâng thiann gún kóng sim-lāi uē
啊~親像烏暗的燈火
ah~ tshin-tshiūnn oo-àm ê ting-hué
予阮的人生
hōo gún ê jîn-sing
揣著方向飛啊飛
tshuē-tio̍h hong-hiòng pue–ah pue
—
予阮的人生
hōo gún ê jîn-sing
揣著方向飛啊飛
tshuē-tio̍h hong-hiòng pue–ah pue
]]>美麗的女人https://2blog.ilc.edu.tw/32745/2024/08/09/%e7%be%8e%e9%ba%97%e7%9a%84%e5%a5%b3%e4%ba%ba/Fri, 09 Aug 2024 13:13:36 +0000https://2blog.ilc.edu.tw/32745/?p=107509
《美麗的女人》Bí-lē ê Lú-jîn
吳申梅Ngôo Sin-muî
——————————————
女人追求
lú-jîng tui-kiû
有愛情的美麗
ū ài-tsîng ê bí-lē
你將美麗
lí tsiong bí-lē
看做是煙火
khuànn-tsuè sī ian-hué
我將所有感情
guá tsiong sóo-ū kám-tsîng
寄託這一切
kià-thok tse it-tshè
換來白白付出
uānn-lâi pe̍h-pe̍h hù-tshut
無路通退
bô lōo thang thè
愛情向望
ài-tsîng ǹg-bāng
無怨嘆無後悔
bô uàn-thàn bô hiō-hué
偏偏心事
phian-phian sim-sū
定定身邊陪
tiānn-tiānn sin-pinn puê
你愛我彼一秒
lí ài guá hit tsi̍t-bió
停佇這天地
thîng tī tse thinn-tē
原來雲過風吹
guân-lâi hûn kuè hong tshue
才知是假
tsiah tsai sī ké
掛佇喙邊的山盟海誓
kuà tī tshuì-pinn ê san-bîng hái-sè
可比流星
khó-pí liû-tshinn
轉眼的美麗
tsuán-gán ê bí-lē
雖然稀微
sui-jiân hi-bî
也閃爍過
iā siám-sih kuè
何時閣有
hô-sî koh ū
再彌補心底
tsài mí-póo sim-té
囥佇天邊的白賊講話
khǹg tī thinn-pinn ê pe̍h-tsha̍t-kóng-uē
化成彩虹
huà-sîng tshái-hông
伸手無地提
tshun-tshiú bô-tè the̍h
只有目睭輕輕仔挼
tsí-ū ba̍k-tsiu khin-khin-á juê
掰開目屎
pué-khui ba̍k-sái
再現女人的美麗
tsài hiān lú-jîn ê bí-lē
]]>菜市媽祖https://2blog.ilc.edu.tw/32745/2024/01/31/%e8%8f%9c%e5%b8%82%e5%aa%bd%e7%a5%96/Wed, 31 Jan 2024 12:28:48 +0000https://2blog.ilc.edu.tw/32745/?p=98757
《菜市媽祖》Tshài-tshī Má-tsóo
吳申梅Ngôo Sin-muî
——————————————
悠悠遙遠千秋月
iu-iu iâu-uán tshian-tshiu gue̍h
綿綿守護傳佳話
mî-mî siú-hōo thuân ka-uē
神尊底座引藥方
sîn-tsun té-tsō ín io̍h-hng
安座赫赫龍形火
an-tsō hik-hik liông-hîng hué
媽祖登臺長久計
Má-tsóo ting-tâi tiông-kiú kè
遷居新廟位寶地
tshian-ki sin-biō uī pó-tē
眾仙匯聚新天宮
tsiòng-sian huē-tsū sin thian-kiong
祥和瑞氣照百姓
siông-hô suī-khì tsiò peh-sènn
新社本是好地理
Sin-siā pún sī hó tē-lí
媽祖庇佑大菜市
Má-tsóo pì-iū tuā-tshài-tshī
南來北往做生理
lâm-lâi pak-óng tsuè-sing-lí
平安順序攏趁錢
pîng-an sūn-sī lóng thàn-tsînn
憐憫農民苦
liân-bín lông-bîn khóo
庇佑大地豐
pì-iū tāi-tē hong
慈暉映萬芳
tsû-hui ìng bān-hong
蔬果達千方
soo-kó ta̍t tshian-hong
菜市仔媽祖
Tshài-tshī-á Má-tsóo
對咱的愛
tuì lán ê ài
親像阿母慈悲的關懷
tshin-tshiūnn a-bú tsû-pi ê kuan-huâi
]]>123開始https://2blog.ilc.edu.tw/32745/2023/12/31/123%e9%96%8b%e5%a7%8b/Sat, 30 Dec 2023 17:54:44 +0000https://2blog.ilc.edu.tw/32745/?p=98350
《123開始》Tsi̍t Nn̄g Sann Khai-sí
吳申梅Ngôo Sin-muî
——————————————
既然愛
kì-jiân ài
遮爾麻煩
tsiah-nī mâ-huân
咱就放輕鬆
lán tiō pàng khin-sang
只要你愛我
tsí-iàu lí ài guá
我免你負擔
guá bián lí hū-tam
一个人
tsi̍t-ê lâng
兩个人
nn̄g-ê lâng
有愛才會成雙
ū ài tsiah ē sîng-siang
愛毋是咒誓會實現
ài m̄-sī tsiù-tsuā ē si̍t-hiān
你有你的
lí ū lí ê
我有我
guá ū guá
閣兩人的希望
koh nn̄g-lâng ê hi-bāng
愛無該拍折
ài bô kai phah-tsiat
犧牲誰的夢
hi-sing siáng ê bāng
面紅紅
bīn âng-âng
我情願
guá tsîng-guān
決心佮你勇敢
kuat-sim kah lí ióng-kám
外頭風雨遐大
guā-thâu hong-ú hiah tuā
你的愛
lí ê ài
就是我的雨幔
tiō-sī guá ê hōo-mua
123
tsi̍t nn̄g sann
雨愈落愈大
hōo jú lo̍h jú tuā
心愈愛愈倚
sim jú ài jú uá
滴滴答答
tih-tih tah-tah
雨傘予你攑
hōo-suànn hōo lí gia̍h
多謝你的溫柔
to-siā lí ê un-jiû
予我?
hōo guá kheh
予我綴
hōo guá tuè
人生若無雨天
jîn-sing nā bô hōo-thinn
若無你佇我身邊
nā bô lí tī guá sin-pinn
123
tsi̍t nn̄g sann
愛愈來愈活
ài jú-lâi-jú ua̍h
你愈來愈倚
lí jú-lâi-jú uá
輕輕鬆鬆
khin-khin-sang-sang
唱愛的新歌
tshiùnn ài ê sin-kua
因為你的信任
in-uī lí ê sìn-jīm
放我唱
pàng guá tshiùnn
放我飛
pàng guá pue
我會認真努力
guá ē jīn-tsin lóo-li̍k
做一个勇敢的Honey
tsuè tsi̍t-ê ióng-kám ê Honey
]]>Samba Sambahttps://2blog.ilc.edu.tw/32745/2021/07/21/samba-samba/Wed, 21 Jul 2021 06:32:07 +0000https://2blog.ilc.edu.tw/32745/?p=46272
《Samba Samba》
吳申梅Ngôo Sin-muî
——————————————
甜味的酒杯
tinn-bī ê tsiú-pue
上好配紅花
siōng-hó phuè âng-hue
來去的皮鞋
lâi khì ê phuê-ê
適合綴裙飛
sik-ha̍p tuè kûn pue
茫茫人海中
bâng-bâng jîn-hái tiong
只有你一个
tsí-ū lí tsi̍t-ê
我會當感覺
guá ē-tàng kám-kak
你心內的話
lí sim-lāi ê uē
綴我來Samba
tuè guá lâi Samba
趁這馬
thàn tsit-má
這條歌猶未煞
tsit tiâu kua iáu-buē suah
綴我來Samba
tuè guá lâi Samba
有影無影
ū-iánn bô-iánn
隨在你
suî-tsāi–lí
無差
bô-tsha
綴我來Samba
tuè guá lâi Samba
跤步若踏著
kha-pōo nā ta̍h–tio̍h
就袂閣孤單
tiō buē koh koo-tuann
綴我來Samba
tuè guá lâi Samba
我是你的人
guá sī lí ê lâng
Samba Da Da La Samba
Samba Da La Samba
Samba Da Da La Samba
Samba Da La Samba Oh
—
足濟代誌
tsiok tsuē tāi-tsì
無需要講詳細
bô su-iàu kóng siông-sè
只要歡喜
tsí-iàu huann-hí
無需要會失禮
bô su-iàu huē-sit-lé
你有一个
lí ū tsi̍t-ê
了解我的機會
liáu-kái guá ê ki-huē
音樂會予咱火熱
im-ga̍k ē hōo lán hué-jia̍t
]]>天燈https://2blog.ilc.edu.tw/32745/2021/07/21/%e5%a4%a9%e7%87%88-4/Wed, 21 Jul 2021 06:30:45 +0000https://2blog.ilc.edu.tw/32745/?p=46269
《天燈》Thian-ting
吳申梅Ngôo Sin-muî
——————————————
將心事
tsiong sim-sū
寫兩字期待
siá nn̄g-jī kî-thāi
囥心內
khǹg sim-lāi
上思念的所在
siōng su-liām ê sóo-tsāi
予記持
hōo kì-tî
慢慢回溫轉來
bān-bān huê-un tńg–lâi
感受有你
kám-siū ū lí
予阮的精彩
hōo gún ê tsing-tshái
用真心
iōng tsin-sim
換一个安排
uānn tsi̍t-ê an-pâi
閣重來
koh tîng-lâi
重溫兩人世界
tiông-un nn̄g-lâng sè-kài
愛存在
ài tsûn-tsāi
經過春去秋來
king-kuè tshun khì tshiu lâi
一日三年來回
tsi̍t-ji̍t sann-nî lâi-huê
歲月不再
suè-gua̍t put-tsài
漸漸知
tsiām-tsiām tsai
一生美麗等待
it-sing bí-lē tán-thāi
一直希望
it-ti̍t hi-bāng
佮你有幸福將來
kah lí ū hīng-hok tsiong-lâi
看天邊
khuànn thinn-pinn
畫過彼粒星
huā kuè hit lia̍p tshinn
下願的當時
hē-guān ê tong-sî
想欲大聲
siūnn-beh tuā-siann
講我愛你
kóng guá ài lí
點一盞愛的天燈
tiám tsi̍t-tsán ài ê thinn-ting
寫咱名字
siá lán miâ-jī
祈求萬事
kî-kiû bān-sū
平安順序
pîng-an sūn-sī
隨風送到天邊
suî hong sàng kàu thinn-pinn
予天知影阮心意
hōo thinn tsai-iánn gún sim-ì
望月祝福的戀情
bāng gue̍h tsiok-hok ê luân-tsîng
將相片
tsiong siòng-phìnn
囥佇手中
khǹg tī tshiú-tiong
貼佇胸前
tah tī hing-tsîng
望你聽見
bāng lí thiann-kìnn
我的誠心
guá ê sîng-sim
盼兩人感情路途
phàn nn̄g-lâng kám-tsîng lōo-tôo
沿路是美麗風景
iân-lōo sī bí-lē hong-kíng
無風無雨心堅定
bô hong bô hōo sim kian-tīng
寸寸情深
tshùn-tshùn tsîng tshim
—
下願的天燈
hē-guān ê thinn-ting
飛滿天
pue muá-thinn
愛袂盡
ài buē-tsīn
]]>水中魚https://2blog.ilc.edu.tw/32745/2021/07/21/%e6%b0%b4%e4%b8%ad%e9%ad%9a/Wed, 21 Jul 2021 06:28:43 +0000https://2blog.ilc.edu.tw/32745/?p=46266
《水中魚》Tsuí-tiong Hî
吳申梅Ngôo Sin-muî
——————————————
若是想起彼當時
nā-sī siūnn-khí hit-tong-sî
阮的心遐甜蜜
gún ê sim hiah tinn-bi̍t
毋敢講出喙
m̄-kánn kóng tshut-tshuì
感情親像
kám-tsîng tshin-tshiūnn
水中魚
tsuí-tiong hî
因為相思無藥醫
in-uī siunn-si bô-io̍h-i
秋夜清清
tshiu-iā tshing-tshing
風微微
hong bî-bî
愛無愛
ài bô-ài
隨在伊
suî-tsāi i
孤單無了時
koo-tuann bô-liáu-sî
月娘天星
gue̍h-niû thinn-tshinn
伴相隨
phuānn-sio-suî
暗風陪我等規暝
àm-hong puê guá tán kui-mî
心愛的
sim-ài–ê
酸甘甜的愛情
sng-kam-tinn ê ài-tsîng
有人歡喜
ū-lâng huann-hí
有人心傷悲
ū-lâng sim siong-pi
心愛的
sim-ài–ê
疼惜阮
thiànn-sioh gún
毋通懷疑
m̄-thang huâi-gî
真心
tsin-sim
愛摻著真情味
ài tsham tio̍h tsin-tsîng bī
若是想起
nā-sī siūnn-khí
這當時
tsit-tong-sî
你的心佇佗位
lí ê sim tī tó-uī
心情真稀微
sim-tsîng tsin hi-bî
青春毋但
tshing-tshun m̄-nā
情綿綿
tsîng mî-mî
寂寞怪我
tsi̍k-bo̍k kuài guá
醉規暝
tsuì kui-mî
]]>由在你https://2blog.ilc.edu.tw/32745/2021/07/21/%e7%94%b1%e5%9c%a8%e4%bd%a0/Wed, 21 Jul 2021 06:27:01 +0000https://2blog.ilc.edu.tw/32745/?p=46263
《由在你》Iû-tsāi Lí
吳申梅Ngôo Sin-muî
——————————————
咱的愛
lán ê ài
無你來關心
bô lí lâi kuan-sim
欲離開
beh lī-khui
也無說分明
iā bô sueh hun-bîng
這份情
tsit hūn tsîng
海誓騙過山盟
hái-sè phiàn kuè san-bîng
予人啊想袂開
hōo-lâng–ah siūnn buē-khui
情無味
tsîng bô bī
心無位
sim bô uī
越頭敢有可能
ua̍t-thâu kám ū khó-lîng
我抱著希望
guá phō-tio̍h hi-bāng
等你
tán lí
等你轉來阮身邊
tán lí tńg-lâi gún sin-pinn
一聲心酸
tsi̍t-siann sim-sng
一寸心碎
tsi̍t-tshùn sim-tshuì
空喙哺舌
khang-tshuì-pōo-tsi̍h
有愛無愛的滋味
ū ài bô ài ê tsu-bī
啊~勉強啥意義
ah~ bián-kióng siánn ì-gī
我抱著希望
guá phō tio̍h hi-bāng
等你
tán lí
等你轉來阮身邊
tán lí tńg-lâi gún sin-pinn
一聲心愛
tsi̍t-siann sim-ài
一寸心碎
tsi̍t-tshùn sim-tshuì
空思夢想
khang-su bāng-sióng
有愛無愛的滋味
ū ài bô ài ê tsu-bī
啊~愛恨由在你
ah~ ài-hūn iû-tsāi lí
]]>尾幫車https://2blog.ilc.edu.tw/32745/2021/07/21/%e5%b0%be%e5%b9%ab%e8%bb%8a-2/Wed, 21 Jul 2021 06:25:07 +0000https://2blog.ilc.edu.tw/32745/?p=46260
《尾幫車》Bué-pang-tshia
吳申梅Ngôo Sin-muî
——————————————
我驚心疼
guá kiann sim thiànn
盈暗的尾幫車
îng-àm ê bué-pang-tshia
車窗親像鏡
tshia-thang tshin-tshiūnn kiànn
一个人孤單
tsi̍t-ê-lâng koo-tuann
你走
lí tsáu
我行
guá kiânn
無你的尾幫車
bô lí ê bué-pang-tshia
跤手冷冷
kha-tshiú líng-líng
親像無名的歌
tshin-tshiūnn bô-miâ ê kua
唱袂出聲
tshiùnn buē tshut-siann
佇半暝
tī puànn-mî
孤單尾幫車
koo-tuann bué-pang-tshia
只賰無熟似的人做伴
tsí tshun bô si̍k-sāi ê lâng tsuè-phuānn
幸福是按怎來拆散
hīng-hok sī-án-tsuánn lâi thiah-suànn
情歌會當
tsîng-kua ē-tàng
唱予啥人來聽
tshiùnn hōo siánn-lâng lâi thiann
落了半暝到站尾幫車
lo̍h liáu puànn-mî kàu-tsām bué-pang-tshia
揣無欲來接我的人影
tshuē-bô beh lâi tsiap guá ê lâng-iánn
行出月臺
kiânn tshut gua̍t-tâi
才來看破
tsiah lâi khuànn-phuà
我愛的人
guá ài ê lâng
已經無佇遮
í-king bô tī tsia
—
踮半暝
tiàm puànn-mî
孤單尾幫車
koo-tuann bué-pang-tshia
只賰無熟似的人做伴
tsí tshun bô si̍k-sāi ê lâng tsuè-phuānn
幸福是按怎來拆散
hīng-hok sī-án-tsuánn lâi thiah-suànn
情歌會當
tsîng-kua ē-tàng
唱予啥人來聽
tshiùnn hōo siánn-lâng lâi thiann
落了半暝到站尾幫車
lo̍h liáu puànn-mî kàu-tsām bué-pang-tshia
揣無欲來接我的人影
tshuē-bô beh lâi tsiap guá ê lâng-iánn
行出月臺
kiânn tshut gua̍t-tâi
才來看破
tsiah lâi khuànn-phuà
我愛的人
guá ài ê lâng
已經無佇遮
í-king bô tī tsia
我愛的人
guá ài ê lâng
已經佇別人遐
í-king tī pa̍t-lâng hia
]]>