《愛算命的查某人》Ài Sǹg-miā ê Tsa-bóo-lâng
吳淑敏Ngôo Siok-bín
鄭進一Tēnn Tsìn-it(口白)
——————————————
↓↓—(口白)—↓↓
愛情若是天註定
ài-tsîng nā-sī thinn tsù-tiānn
緣份偌久誰知影
iân-hūn guā kú siáng tsai-iánn
求神卜卦兼算命
kiû-sîn pok-kuà kiam sǹg-miā
愛了傷深
ài liáu siunn tshim
唉~嘛看袂破
haih~ mā khuànn bē phuà
↑↑—(口白)—↑↑

聽銅仔錢的落地聲
thiann tâng-á-tsînn ê lo̍h-tē siann
伊講想欲問婚姻命
i kóng siūnn-beh mn̄g hun-in miā
逐工佇人海浮沉
ta̍k-kang tī jîn-hái phû-tîm
為著生活
uī-tio̍h sing-ua̍h
揣無感情的靠岸
tshuē-bô kám-tsîng ê khò-huānn

聽講八字較準卜卦
thiann-kóng pueh-jī khah tsún pok-kuà
伊講想欲問桃花命
i kóng siūnn-beh mn̄g thô-hue miā
想起深愛過彼个無緣的伴
siūnn-khí tshim-ài–kuè hit-ê bô-iân ê phuānn
猶原淡薄仔心疼
iu-guân tām-po̍h-á sim thiànn

愛算命的查某人
ài sǹg-miā ê tsa-bóo-lâng
共紅線牽佇咧枕頭跤
kā âng-suànn khan tī-leh tsím-thâu kha
夢中穿著美麗的新娘衫
bāng-tiong tshīng tio̍h bí-lē ê sin-niû-sann
夢醒身軀邊猶原孤單
bāng tshínn sin-khu pinn iu-guân koo-tuann

愛算命的查某人
ài sǹg-miā ê tsa-bóo-lâng
共紅花牽佇梳妝鏡
kā âng-hue khan tī se-tsng-kiànn
透早打扮甲
thàu-tsá tánn-pān kah
親像蝴蝶
tshin-tshiūnn ôo-tia̍p
暗暝鏡內
àm-mî kiànn-lāi
是暗淡孤影
sī àm-tām koo-iánn

愛算命的查某人