吳泓君(小萍萍) – 臺語正字歌詞部落格https://2blog.ilc.edu.tw/32745這是一個臺語歌曲正字網站Fri, 19 Jun 2026 02:11:20 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg吳泓君(小萍萍) – 臺語正字歌詞部落格https://2blog.ilc.edu.tw/327453232 陪舞的心情https://2blog.ilc.edu.tw/32745/2026/06/19/%e9%99%aa%e8%88%9e%e7%9a%84%e5%bf%83%e6%83%85/Fri, 19 Jun 2026 02:10:02 +0000https://2blog.ilc.edu.tw/32745/?p=145522
《陪舞的心情》Puê-bú ê Sim-tsîng
吳泓君Ngôo Hông-kun(小萍萍，馬來西亞)
——————————————
啥人願意妝甲媠媠
siánn-lâng guān-ì tsng kah suí-suí
去做舞女
khì tsuè bú-lí
啥人願意啉甲酒醉
siánn-lâng guān-ì lim kah tsiú-tsuì
陪你去跳舞
puê lí khì thiàu-bú
迷人歌聲
bê-lâng kua-siann
煙酒的舞廳
ian-tsiú ê bú-thiann
滿腹的心聲
muá-pak ê sim-siann
為著環境
uī-tio̍h huân-kíng
裝著笑容來乾杯
tsng tio̍h tshiò-iông lâi kan-pue
一杯一杯啉落去
tsi̍t-pue-tsi̍t-pue lim–lo̍h-khì
人客馬西馬西
lâng-kheh má-se-má-se
為著伊是有錢也有勢
uī-tio̍h i sī ū-tsînn iā ū-sè
啊~霓虹燈的所在
ah~ nê-âng-ting ê sóo-tsāi
為著忍耐
uī-tio̍h jím-nāi
毋管伊是好佮歹
m̄-kuán i sī hó kah pháinn
阮攏毋知
gún lóng m̄-tsai
]]>欠一人https://2blog.ilc.edu.tw/32745/2022/10/18/%e6%ac%a0%e4%b8%80%e4%ba%ba/Tue, 18 Oct 2022 11:52:01 +0000https://2blog.ilc.edu.tw/32745/?p=78313
《欠一人》Khiàm Tsi̍t-lâng
吳泓君Ngôo Hông-kun(小萍萍，馬來西亞)
——————————————
欠一人
khiàm tsi̍t-lâng
目箍紅
ba̍k-khoo âng
酒無茫
tsiú bô bâng
心頭重
sim-thâu tāng
是天公共咱戲弄
sī thinn-kong kā lán hì-lāng
是命運共咱分欉
sī miā-ūn kā lán hun-tsâng
為何你往西
uī-hô lí óng sai
我飛東
guá pue tang
問天
mn̄g thinn
天烏烏
thinn oo-oo
怨嘆無疼痛
uàn-thàn bô thiànn-thàng
想欲閣見面
siūnn-beh koh kìnn-bīn
講愛等三冬
kóng ài tán sann-tang
深夜厚眠夢
tshim-iā kāu bîn-bāng
日子真歹等
ji̍t-tsí tsin pháinn tán
今仔日
kin-á-ji̍t
又閣是立冬
iū-koh sī li̍p-tang
逐家鬥陣來補冬
ta̍k-ke tàu-tīn lâi póo-tang
圓桌仔
înn-toh-á
坐袂滿十二人
tsē buē-buán tsa̍p-jī lâng
算來算去
sǹg-lâi-sǹg-khì
欠一人
khiàm tsi̍t-lâng
人啊人
lâng–ah lâng
人啊人
lâng–ah lâng
你佇佗位咧過冬
lí tī tó-uī teh kuè-tang
]]>心中的玫瑰https://2blog.ilc.edu.tw/32745/2022/10/18/%e5%bf%83%e4%b8%ad%e7%9a%84%e7%8e%ab%e7%91%b0/Tue, 18 Oct 2022 11:50:29 +0000https://2blog.ilc.edu.tw/32745/?p=78310
《心中的玫瑰》Sim-tiong ê Muî-kuì
吳泓君Ngôo Hông-kun(小萍萍，馬來西亞)
——————————————
天涯流浪
thian-gâi liû-lōng
你著意志堅強
lí tio̍h ì-tsì kian-kiông
借酒相送
tsioh tsiú sio-sàng
勸君他鄉愛保重
khǹg kun thann-hiong ài pó-tiōng
忍著一時
jím tio̍h tsi̍t-sî
才會海闊天空
tsiah-ē hái khuah thian khong
人生路來拍拚
jîn-sing-lōo lâi phah-piànn
展笑容
tián tshiò-iông
往事如風
óng-sū jû hong
誰了解阮苦衷
siáng liáu-kái gún khóo-thiong
痴情等待
tshi-tsîng tán-thāi
毋知何時閣相逢
m̄-tsai hô-sî koh siong-hông
三年五冬
sann-nî gōo-tang
情意難分難捨
tsîng-ì lân-hun lân-siá
希望你
hi-bāng lí
早日倒轉來
tsá-ji̍t tò-tńg-lâi
夢中
bāng-tiong
你在我純情心內
lí tsāi guá sûn-tsîng sim-lāi
栽下了千蕊的玫瑰
tsai hā liáu tshian-luí ê muî-kuì
尤其你分開以後
iû-kî lí hun-khui í-āu
玫瑰花失去了芬芳
muî-kuì-hue sit-khì liáu hun-hong
你若愛惜咱的過去
lí nā ài-sioh lán ê kuè-khì
我的心中
guá ê sim-tiong
玫瑰為你飄香
muî-kuì uī lí phiau-hiong
]]>明知相思真苦疼https://2blog.ilc.edu.tw/32745/2022/10/18/%e6%98%8e%e7%9f%a5%e7%9b%b8%e6%80%9d%e7%9c%9f%e8%8b%a6%e7%96%bc/Tue, 18 Oct 2022 11:48:41 +0000https://2blog.ilc.edu.tw/32745/?p=78307
《明知相思真苦疼》Bîng-tsai Siunn-si Tsin Khóo-thiànn
吳泓君Ngôo Hông-kun(小萍萍，馬來西亞)
——————————————
明知相思真苦疼
bîng-tsai siunn-si tsin khóo-thiànn
偏偏為你
phian-phian uī lí
囥咧心肝
khǹg teh sim-kuann
夢中揣無你的影
bāng-tiong tshuē-bô lí ê iánn
甘願一生受拖磨
kam-guān it-sing siū thua-buâ
過去孤一个
kuè-khì koo tsi̍t-ê
是無依無倚
sī bô-i-bô-uá
如今熟似
jû-kim si̍k-sāi
猶原孤單
iu-guân koo-tuann
可惜的愛情
khó-sioh ê ài-tsîng
親像風中飛沙
tshin-tshiūnn hong-tiong pue-sua
付出的代價
hù-tshut ê tāi-kè
如何來收煞
jû-hô lâi siu-suah
看世間的人
khuànn sè-kan ê lâng
你上濟分離
lí siōng tsuē hun-lî
緣份來去咱註定
iân-hūn lâi-khì lán tsù-tiānn
毋管千萬里
m̄-kuán tshian-bān lí
分開遮濟年
hun-khui tsiah tsuē nî
我只想佮你
guá tsí siūnn kah lí
來做伴
lâi tsuè-phuānn
一聲聲怨嘆怨嘆
tsi̍t-siann-siann uàn-thàn uàn-thàn
往日的歡樂甜蜜
óng-ji̍t ê huan-lo̍k tinn-bi̍t
欲佗揣
beh toh tshuē
我為你怨嘆怨嘆
guá uī lí uàn-thàn uàn-thàn
分離將阮的青春
hun-lî tsiong gún ê tshing-tshun
倒一半
tó tsi̍t-puànn
—
明知相思真苦疼
bîng-tsai siunn-si tsin khóo-thiànn
偏偏為你
phian-phian uī lí
囥咧心肝
khǹg teh sim-kuann
夢中揣無你的影
bāng-tiong tshuē-bô lí ê iánn
甘願一生受拖磨
kam-guān it-sing siū thua-buâ
]]>小妹拜年https://2blog.ilc.edu.tw/32745/2022/01/21/%e5%b0%8f%e5%a6%b9%e6%8b%9c%e5%b9%b4/Fri, 21 Jan 2022 07:09:16 +0000https://2blog.ilc.edu.tw/32745/?p=63350https://www.youtube.com/watch?v=s0G_oEt8L6A

《小妹拜年》Sió-bē Pài-nî
吳泓君Ngôo Hông-kun(小萍萍，馬來西亞)
——————————————
小妹來拜年
sió-mē lâi pài-nî
恭祝大家好運氣
kiong-tsiok tāi-ke hó ūn-khì
大細平安好過年
tuā-suè pîng-an hó kuè-nî
幸福過日子
hīng-hok kuè ji̍t-tsí
無論朋友兄弟
bô-lūn pîng-iú hiann-tī
新年慶團圓
sin-nî khìng thuân-înn
小妹來拜年
sió-mē lâi pài-nî
阮兄聽著心歡喜
gún hiann thiann-tio̍h sim huann-hí
雙雙對對去看戲
siang-siang tuì-tuì khì khuànn-hì
快樂過新年
khuài-lo̍k kuè sin-nî
人人攏希望啊
lâng-lâng lóng hi-bāng–ah
愛情結連理
ài-tsîng kiat-liân-lí
恭喜恭喜你
kiong-hí kiong-hí lí
新的希望在春天
sin ê hi-bāng tsāi tshun-thinn
娶著阿妹過新年
tshuā-tio̍h a-mē kuè sin-nî
阿兄心歡喜
a-hiann sim huann-hí
相親相愛啊
siong-tshin siong-ài–ah
過啊過新年
kuè–ah kuè sin-nî
恭喜恭喜你
kiong-hí kiong-hí lí
歌聲代表阮心意
kua-siann tāi-piáu gún sim-ì
阿妹阿兄笑咪咪
a-mē a-hiann tshiò bi-bi
歡樂過新年
huan-lo̍k kuè sin-nî
人人攏希望啊
lâng-lâng lóng hi-bāng–ah
愛情結連理
ài-tsîng kiat-liân-lí

]]>福建人拜年https://2blog.ilc.edu.tw/32745/2022/01/21/%e7%a6%8f%e5%bb%ba%e4%ba%ba%e6%8b%9c%e5%b9%b4/Fri, 21 Jan 2022 07:07:42 +0000https://2blog.ilc.edu.tw/32745/?p=63347https://www.youtube.com/watch?v=kahoqEwh9-k&fbclid=IwAR03qfawDeA2-gT2RVeUE9kF_8A4ziDJ0wxwAv_7Z3xgJhG1iAE34ZYCwZY

《福建人拜年》Hok-kiàn-lang Pài-nî
吳泓君Ngôo Hông-kun(小萍萍，馬來西亞)
——————————————
新年來到
sin-nî lâi-kàu
大家心歡喜
tāi-ke sim huann-hí
我是福建人
guá sī Hok-kiàn-lang
向恁拜年
hiòng lín pài-nî
福建人來拜年
Hok-kiàn-lang lâi pài-nî
真趣味
tsin tshù-bī
手提紅柑
tshiú the̍h âng-kam
又閣攑皮包啊
iū-koh gia̍h phê-pau–ah
又提大哥大啊
iū the̍h tāi-ko-tāi–ah
快樂弄啊弄叮噹
khuài-lo̍k lāng–ah lāng-tin-tong
恭喜恭喜你
kiong-hí kiong-hí lí
福建人拜年
Hok-kiàn-lang pài-nî
新年大家穿甲真正媠
sin-nî tāi-ke tshīng kah tsin-tsiànn suí
親情朋友
tshin-tsiânn pîng-iú
攏來共你拜年
lóng lâi kā lí pài-nî
福建人來拜年
Hok-kiàn-lang lâi pài-nî
好運氣
hó ūn-khì
祝你年年快樂
tsiok lí nî-nî khuài-lo̍k
發大財啊
huat-tuā-tsâi–ah
又閣添福添丁
iū-koh thiam-hok thiam-ting
佮添壽
kah thiam-siū
恭喜恭喜你
kiong-hí kiong-hí lí
福建人拜年
Hok-kiàn-lang pài-nî
]]>萬事成功迎新春https://2blog.ilc.edu.tw/32745/2022/01/21/%e8%90%ac%e4%ba%8b%e6%88%90%e5%8a%9f%e8%bf%8e%e6%96%b0%e6%98%a5/Fri, 21 Jan 2022 07:05:59 +0000https://2blog.ilc.edu.tw/32745/?p=63344https://www.youtube.com/watch?v=51f1basJOc8

《萬事成功迎新春》Bān-sū Sîng-kong Gîng Sin-tshun
吳泓君Ngôo Hông-kun(小萍萍，馬來西亞)
——————————————
快樂的新年
khuài-lo̍k ê sin-nî
轉來啊鄉村
tńg-lâi–ah hiong-tshun
大街小巷
tuā-kue sió-hāng
鬧啊紛紛
nāu–ah hun-hun
點燈結綵
tiám-ting kiat-tshái
對對春聯啊
tuì-tuì tshun-liân–ah
咚鏘咚鏘
tong-tshiang tong-tshiang
聽著鑼鼓聲聲
thiann-tio̍h lô-kóo siann-siann
迎新春
gîng sin-tshun
跋筊啉酒
pua̍h-kiáu lim-tsiú
是毋通傷過份
sī m̄-thang siunn kuè-hūn
身體健康
sin-thé kiān-khong
是有錢趁袂轉
sī ū-tsînn thàn buē-tńg
買萬字
bué bān-jī
啊想準準
ah siūnn tsún-tsún
頭標若是開出來
thâu-pio nā-sī khui–tshut-lâi
一生來改變著好命運
it-sing lâi kái-piàn tio̍h hó miā-ūn
來來來來來來
lâi lâi lâi lâi lâi lâi
恭喜恭喜你啊
kiong-hí kiong-hí lí–ah
逐家過新年
ta̍k-ke kuè sin-nî
萬事成功
bān-sū sîng-kong
快樂的新年
khuài-lo̍k ê sin-nî
轉來啊鄉村
tńg-lâi–ah hiong-tshun
聲聲鞭炮
siann-siann pian-phàu
鬧啊紛紛
nāu–ah hun-hun
點燈結綵
tiám-ting kiat-tshái
家家團圓啊
ke-ke thuân-înn–ah
咚鏘咚鏘
tong-tshiang tong-tshiang
聽著鑼鼓聲聲
thiann-tio̍h lô-kóo siann-siann
迎新春
gîng sin-tshun
]]>吳泓君(小萍萍)https://2blog.ilc.edu.tw/32745/2022/01/16/%e5%90%b3%e6%b3%93%e5%90%9b%e5%b0%8f%e8%90%8d%e8%90%8d/Sun, 16 Jan 2022 01:41:35 +0000https://2blog.ilc.edu.tw/32745/?p=63185三字部

欠一人

四字部

小妹拜年

五字部

心中的玫瑰 陪舞的心情 福建人拜年

七字部

明知相思真苦疼 萬事成功迎新春

 

]]>