可希Coxib

陳火舌Tân Hué-tsi̍h

——————————————

What the fuck right now is going on?

What the fuck right now is going on?

哪會感覺直直咧墜落

ná-ē kám-kak ti̍t-ti̍t leh tuī-lo̍h

一開始嘛攏是按呢講

tsi̍t-khai-sí mā lóng sī án-ne kóng

袂爽就莫閣做矣

bē-sóng tō mài koh tsò–ah

淡薄仔發燒

tām-po̍h-á huat-sio

嘛想欲吐

mā siūnn-beh thòo

全身驅佗位攏無爽快

tsuân sin-khu tó-uī lóng bô sóng-khuài

破病大禮包

phuà-pēnn tuā lé-pau

當時送來

tang-sî sàng–lâi

我毋知

guá m̄-tsai

We’re running out of something.

We’re running out of something.

We’re not like God or something.

We’re not like God or something.

我啥物攏毋知

guá siánn-mih lóng m̄-tsai

9595 啥人來 救我救我

kiú-ngóo kiú-ngóo siánn-lâng lâi kiù ngóo kiù ngóo

聽著就緊傱緊傱

thiann–tio̍h tō kín tsông kín tsông

馬上動作

má-siōng tōng-tsok

Get on the phone!

Get on the phone!

You’re gonna give it it all.

You’re gonna give it it all.

In this 白い巨塔.

In this shiroi kyotō

慢慢會當慣勢就好

bān-bān ē-tàng kuàn-sì tō hó

敢會使閣參詳

kám ē-sái koh tsham-siông

–

What the fuck is wrong with you right now?

What the fuck is wrong with you right now?

做穡做甲目屎直直流

tsò-sit tsò kah ba̍k-sái ti̍t-ti̍t lâu

遮爾委屈是按怎毋緊落跑

tsiah-nī uí-khut sī án-tsuánn m̄ kín làu-phâu

怨嘆嘛無效

uàn-thàn mā bô-hāu

是按怎逐工下晡三點才食中晝

sī án-tsuánn ta̍k-kang ē-poo sann tiám tsiah tsia̍h tiong-tàu

人手無夠輪班班表亂甲糜糜卯卯

lâng-tshiú bô-kàu lûn-pan pan-pió luān kah mi-mi-mauh-mauh

睏無夠

khùn bô-kàu

半暝仔凡勢閣有電話攪擾

puànn-mê-á huān-sè koh ū tiān-uē kiáu-jiáu

來比看是你先起痟抑是我會先死翹翹

lâi pí khuànn sī lí sing khí-siáu ia̍h-sī guá ē seng sí-khiàu-khiàu

毋是咧嘐潲是真正肝比石頭𠕇

m̄-sī leh hau-siâu sī tsin-tsiànn kuann pí tsio̍h-thâu tīng

食睏攏無固定身材早就攏走精

tsia̍h khùn lóng bô kòo-tīng sin-tsâi tsá tō lóng tsáu-tsing

壓力傷濟檢采變做psychic發神經

ap-li̍k siunn tsē kiám-tshái piàn-tsuè psychic huat sîn-king

猶未食老就通好來揣醫生

iáu-bē tsia̍h-lāu tō thang-hó lâi tshuē i-sing

We’re not like God or something.

We’re not like God or something.

我啥物攏毋知

guá siánn-mih lóng m̄-tsai

9595 啥人來 救我救我

kiú-ngóo kiú-ngóo siánn-lâng lâi kiù ngóo kiù ngóo

聽著就緊傱緊傱

thiann–tio̍h tō kín tsông kín tsông

馬上動作

má-siōng tōng-tsok

Fuck you window!

Fuck you window!

烏暗的電腦螢幕

oo-àm ê tiān-náu îng-bōo

逐分鐘等無等無

ta̍k hun-tsing tán bô tán bô

我真正無法度

guá tsin-tsiànn bô huat-tōo

–

9595 啥人來救我救我

kiú-ngóo kiú-ngóo siánn-lâng lâi kiù ngóo kiù ngóo

9595 保證我免閣煩惱

kiú-ngóo kiú-ngóo pó-tsìng guá bián koh huân-ló

9595 以後會愈來愈好

kiú-ngóo kiú-ngóo í-āu ē lú lâi lú hó

9595 啥人來共我照顧

kiú-ngóo kiú-ngóo siáng lâi kā guá tsiàu-kòo

(口白)—–↓

阿火 我足忝的

A-hué guá tsiok thiám ê

我order攏猶未開好

guá order lóng á-buē khui hó

遐忝是按怎猶未辭頭路

hia thiám sī án-tsuánn iáu-buē sî thâu-lōo

逐擺攏是講講的爾啊

ta̍k-pái lóng sī kóng-kóng–ê niā ah

好啦 無你欲叫涼的無啦

hó–lah bô lí beh kiò liâng-ê–bô–lah

好 好 來

hó hó lâi