劉燕燕 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sat, 22 Feb 2025 12:15:04 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg劉燕燕 – 臺語正字歌詞部落格https://2blog.ilc.edu.tw/327453232 白賊翁https://2blog.ilc.edu.tw/32745/2025/02/22/%e7%99%bd%e8%b3%8a%e7%bf%81/Sat, 22 Feb 2025 12:15:04 +0000https://2blog.ilc.edu.tw/32745/?p=124964
《白賊翁》Pe̍h-tsha̍t Ang
劉燕燕Lâu Iàn-iàn
——————————————
有啥人的翁婿
ū siánn-lâng ê ang-sài
像你遮爾花
tshiūnn lí tsiah-nī hue
白賊話阮已經
pe̍h-tsha̍t-uē gún í-king
聽也聽真濟
thiann iā thiann tsin tsuē
我總是信賴你的人格
guá tsóng–sī sìn-lāi lí ê jîn-keh
相信你一个
siong-sìn lí tsi̍t-ê
無疑你對阮
bô-gî lí tuì gún
三番兩次
sam-huan lióng-tshù
亂亂共阮背
luān-luān kā gún puē
初戀到這陣結婚了後
tshoo-luân kàu tsit-tsūn kiat-hun liáu-āu
白賊加一倍
pe̍h-tsha̍t ke tsi̍t-puē
每暗三更半暝
muí-àm sann-kinn-puànn-mî
才轉來相揣
tsiah tńg-lâi sio-tshuē
你這款對待阮
lí tsit khuán tuì-thāi gún
敢袂超過
kám buē tshiau-kuè
無坦白
bô thán-pe̍h
白賊
pe̍h-tsha̍t
啥人都會怨慼
siánn-lâng to ē uàn-tshueh
我愈想我愈氣
guá jú siūnn guá jú khì
強欲講無話
kiōng-beh kóng-bô uē
我看你的態度
guá khuànn lí ê thāi-tōo
食阮過過
tsia̍h gún kuè-kuè
我總是信賴你的人格
guá tsóng–sī sìn-lāi lí ê jîn-keh
忍耐毋講話
jím-nāi m̄ kóng-uē
無疑你對阮
bô-gî lí tuì gún
三番兩次
sam-huan lióng-tshù
烏白共阮背
oo-pe̍h kā gún puē
初戀到這陣結婚了後
tshoo-luân kàu tsit-tsūn kiat-hun liáu-āu
白賊加一倍
pe̍h-tsha̍t ke tsi̍t-puē
每暗三更半暝
muí-àm sann-kinn-puànn-mî
佮人去約會
kah lâng khì iok-huē
你這款對待阮
lí tsit khuán tuì-thāi gún
敢袂歹勢
kám buē pháinn-sè
無坦白
bô thán-pe̍h
白賊
pe̍h-tsha̍t
啥人都會怨慼
siánn-lâng to ē uàn-tshueh
]]>天涯是阮的故鄉https://2blog.ilc.edu.tw/32745/2025/02/22/%e5%a4%a9%e6%b6%af%e6%98%af%e9%98%ae%e7%9a%84%e6%95%85%e9%84%89/Sat, 22 Feb 2025 12:13:10 +0000https://2blog.ilc.edu.tw/32745/?p=124961
《天涯是阮的故鄉》Thian-gâi Sī Gún ê Kòo-hiong
劉燕燕Lâu Iàn-iàn
——————————————
孤單來離開著阮故鄉
koo-tuann lâi lī-khui tio̍h gún kòo-hiong
手提著皮箱流浪
tshiú the̍h tio̍h phuê-siunn liû-lōng
受盡了風霜
siū-tsīn liáu hong-song
憶往事像波浪
ik óng-sū tshiūnn pho-lōng
欲講心悲傷
bueh kóng sim pi-siong
愛人既然已無蹤
ài-jîn kì-jiân í bû-tsong
何必為伊心茫茫
hô-pit uī i sim bông-bông
管伊風雨向前途
kuán i hong-hōo hiòng tsiân-tôo
天涯是阮的故鄉
thian-gâi sī gún ê kòo-hiong
]]>為情為愛走天涯https://2blog.ilc.edu.tw/32745/2025/02/22/%e7%82%ba%e6%83%85%e7%82%ba%e6%84%9b%e8%b5%b0%e5%a4%a9%e6%b6%af-2/Sat, 22 Feb 2025 12:11:37 +0000https://2blog.ilc.edu.tw/32745/?p=124958
《為情為愛走天涯》Uī Tsîng Uī Ài Tsáu Thian-gâi
劉燕燕Lâu Iàn-iàn
——————————————
一个人離開故鄉
tsi̍t-ê-lâng lī-khui kòo-hiong
茫茫毋知西抑東
bông-bông m̄-tsai sai ia̍h tang
為爸母袂當了解
uī pē-bú buē-tàng liáu-kái
破害阮的愛
phò-hāi gún ê ài
講伊是散赤的人
kóng i sī sàn-tshiah ê lâng
毋是理想的翁婿
m̄-sī lí-sióng ê ang-sài
予阮心傷悲
hōo gún sim siong-pi
毋敢來見面
m̄-kánn lâi kìnn-bīn
希望伊原諒阮是
hi-bāng i guân-liōng gún sī
軟弱的女兒
luán-jio̍k ê lú-jî
逃避著心愛的人
tô-pī tio̍h sim-ài ê lâng
離開故鄉心茫茫
lī-khui kòo-hiong sim bâng-bâng
心內是更加痛苦
sim-lāi sī kìng-ka thòng-khóo
每日目箍紅
muí-ji̍t ba̍k-khoo âng
伊對阮真情真義
i tuì gún tsin-tsîng tsin-gī
阮也對伊情意重
gún iā tuì i tsîng-ì tāng
運命支配著
ūn-miā tsi-phuè–tio̍h
無人鬥幫忙
bô-lâng tàu-pang-bâng
幸福的甜蜜情夢
hīng-hok ê tinn-bi̍t tsîng-bāng
變成一場空
piàn-sîng tsi̍t-tiûnn khang
思念伊珠淚那滴
su-liām i tsu-luī ná tih
只有對天訴悲哀
tsí-ū tuì thinn sòo pi-ai
拜託著月娘替阮
pài-thok tio̍h ge̍h-niû thè gún
對伊來表示
tuì i lâi piáu-sī
同情阮並無勇氣
tông-tsîng gún pīng bô ióng-khì
反對爸母的阻止
huán-tuì pē-bú ê tsóo-tsí
才著做一个
tsiah tio̍h tsuè tsi̍t-ê
無情的女兒
bô-tsîng ê lú jî
心愛的著愛拍拚
sim-ài–ê tio̍h-ài phah-piànn
毋通來失志
m̄-thang lâi sit-tsì
]]>認命https://2blog.ilc.edu.tw/32745/2024/04/04/%e8%aa%8d%e5%91%bd-4/Thu, 04 Apr 2024 07:48:08 +0000https://2blog.ilc.edu.tw/32745/?p=101870
《認命》Jīn-miā
劉燕燕Lâu Iàn-iàn
——————————————
我愛看破
guá ài khuànn-phuà
心情才快活
sim-tsîng tsiah khuìnn-ua̍h
你佮我一旦拆散
lí kah guá it-tàn thiah-suànn
只有認命
tsí-ū jīn-miā
我我曷毋驚
guá guá ia̍h m̄-kiann
曷毋驚啥物拖磨
ia̍h m̄-kiann siánn-mih thua-buâ
只有恨你無情義
tsí-ū hūn lí bô tsîng-gī
無情義的心肝
bô tsîng-gī ê sim-kuann
我愛看破
guá ài khuànn-phuà
毋驚阮孤單
m̄-kiann gún koo-tuann
何必來為情心疼
hô-pit lâi uī tsîng sim thiànn
度著性命
tōo tio̍h sìnn-miā
我我已經也
guá guá í-king iā
已經也將你看破
í-king iā tsiong lí khuànn-phuà
心內無你
sim-lāi bô lí
感覺著
kám-kak tio̍h
感覺著較快活
kám-kak tio̍h khah khuìnn-ua̍h
]]>退色的愛情https://2blog.ilc.edu.tw/32745/2024/03/30/%e9%80%80%e8%89%b2%e7%9a%84%e6%84%9b%e6%83%85/Sat, 30 Mar 2024 09:10:44 +0000https://2blog.ilc.edu.tw/32745/?p=101426
《退色的愛情》Thè-sik ê Ài-tsîng
劉燕燕Lâu Iàn-iàn
——————————————
甜蜜的愛情
tinn-bi̍t ê ài-tsîng
若是無定性
nā-sī bô tīng-sìng
誰知何時起風湧
siáng tsai hô-sî khí hong-íng
一旦為你失去真情
it-tàn uī lí sit-khì tsin-tsîng
心情難免袂平靜
sim-tsîng lân-bián buē pîng-tsīng
若毋是你佮我
nā-m̄-sī lí kah guá
有緣做陣
ū-iân tsuè-tīn
我哪會對你情深深
guá ná ē tuì lí tsîng tshim-tshim
我已經有表明愛你的心
guá í-king ū piáu-bîng ài lí ê sim
因何對我無要無緊
in-hô tuì guá bô-iàu-bô-kín
啥人會了解
siánn-lâng ē liáu-kái
退色的愛情
thè-sik ê ài-tsîng
愛深總是恨也深
ài tshim tsóng–sī hūn iā tshim
]]>真情誰了解https://2blog.ilc.edu.tw/32745/2024/02/08/%e7%9c%9f%e6%83%85%e8%aa%b0%e4%ba%86%e8%a7%a3/Thu, 08 Feb 2024 06:23:01 +0000https://2blog.ilc.edu.tw/32745/?p=99632
《真情誰了解》Tsin-tsîng Siáng Liáu-kái
劉燕燕Lâu Iàn-iàn
——————————————
自從彼日來熟似
tsū-tsiông hit-ji̍t lâi si̍k-sāi
對你有意愛
tuì lí ū ì-ài
為啥物你形影
uī-siánn-mih lí hîng-iánn
時常浮心內
sî-siông phû sim-lāi
想欲向你表情愛
siūnn-beh hiòng lí piáu tsîng-ài
總是毋敢講出來
tsóng-sī m̄-kánn kóng–tshut-lâi
深深的戀情
tshim-tshim ê luân-tsîng
只有藏在心肝內
tsí-ū tshàng tsāi sim-kuann-lāi
對你懷念
tuì lí huâi-liām
對你關懷
tuì lí kuan-huâi
真情啥人會了解
tsin-tsîng siánn-lâng ē liáu-kái
陣陣暗風又吹來
tsūn-tsūn àm-hong iū tshue–lâi
夢中又醒來
bāng-tiong iū tshínn–lâi
為啥物你無來
uī-siánn-mih lí bô lâi
予風騙毋知
hōo hong phiàn m̄-tsai
想欲拍電話
siūnn-beh phah-tiān-uē
約你出來
iok lí tshut-lâi
總是歹勢講出來
tsóng-sī pháinn-sè kóng–tshut-lâi
到如今我的心內
kàu-jû-kim guá ê sim-lāi
痛苦啥人知
thòng-khóo siánn-lâng tsai
對你純情
tuì lí sûn-tsîng
情深如海
tsîng tshim jû hái
真情望你來了解
tsin-tsîng bāng lí lâi liáu-kái
]]>救人救自己https://2blog.ilc.edu.tw/32745/2024/02/03/%e6%95%91%e4%ba%ba%e6%95%91%e8%87%aa%e5%b7%b1/Sat, 03 Feb 2024 06:21:25 +0000https://2blog.ilc.edu.tw/32745/?p=99128
《救人救自己》Kiù-lâng Kiù Tsū-kí
劉燕燕Lâu Iàn-iàn
——————————————
爭名奪利費心機
tsing-miâ tua̍t-lī huì sim-ki
到底為啥物
tàu-tué uī-siánn-mih
男貪女愛情相纏
lâm-tham lú-ài tsîng sio-tînn
煩惱無了時
huân-ló bô-liáu-sî
世間人多執迷
sè-kan-lâng to tsip-bê
受苦不自知
siū-khóo put tsū-ti
覺醒若及時
kak-tshínn nā ki̍p-sî
救人救自己
kiù-lâng kiù tsū-kí
]]>為恩為怨走天涯https://2blog.ilc.edu.tw/32745/2023/11/25/%e7%82%ba%e6%81%a9%e7%82%ba%e6%80%a8%e8%b5%b0%e5%a4%a9%e6%b6%af/Sat, 25 Nov 2023 09:28:05 +0000https://2blog.ilc.edu.tw/32745/?p=97067
《為恩為怨走天涯》Uī Un Uī Uàn Tsáu Thian-gâi
劉燕燕Lâu Iàn-iàn
——————————————
蝴蝶伴花成雙對
ôo-tia̍p phuānn hue sîng-siang-tuì
鳥隻飛相隨
tsiáu-tsiah pue sio-suî
誠心誠意相安慰
sîng-sim sîng-ì sio an-uì
立誓毋分開
li̍p-sè m̄ hun-khui
青天霹靂一聲雷
tshing-thian phik-li̍k tsi̍t-siann luî
煞來拆分開
suah lâi thiah hun-khui
愛情美夢被拍碎
ài-tsîng bí-bāng pī phah-tshuì
啊~只有吐大氣
ah~ tsí-ū thóo-tuā-khuì
薄命的純情花蕊
po̍h-bīng ê sûn-tsîng hue-luí
風雨吹落水
hong-hōo tshue lo̍h-tsuí
茫茫人海佗位去
bông-bông jîn-hái tó-uī khì
流浪心稀微
liû-lōng sim hi-bî
墜落異鄉心哀悲
tuī-lo̍h ī-hiong sim ai-pi
薄命好花枝
po̍k-bīng hó hue-ki
初戀彼時情綿綿
tshoo-luân hit-sî tsîng mî-mî
因何情意
in-hô tsîng-ì
命運偏偏無公平
miā-ūn phian-phian bô kong-pînn
啊~珠淚掛目墘
ah~ tsu-luī kuà ba̍k-kînn
心愛的
sim-ài–ê
我思念你
guá su-liām lí
每日思念你
muí-ji̍t su-liām lí
無情太陽沉落西
bô-tsîng thài-iông tîm lo̍h-sai
蟲聲吼悲哀
thâng-siann háu pi-ai
孤星伴阮失主裁
koo-tshinn phuānn gún sit tsú-tshâi
秋風凍心內
tshiu-hong tàng sim-lāi
天邊海角啥所在
thinn-pinn hái-kak siánn sóo-tsāi
揣著阮心愛
tshē-tio̍h gún sim-ài
滿腹悲哀啥人害
muá-pak pi-ai siánn-lâng hāi
啊~只有流目屎
ah~ tsí-ū lâu ba̍k-sái
無情的環境所害
bô-tsîng ê khuân-kíng sóo hāi
流浪走東西
liû-lōng tsáu tang-sai
]]>傷心人https://2blog.ilc.edu.tw/32745/2023/04/03/%e5%82%b7%e5%bf%83%e4%ba%ba-3/Mon, 03 Apr 2023 05:24:32 +0000https://2blog.ilc.edu.tw/32745/?p=90111
《傷心人》Siong-sim Lâng
劉燕燕Lâu Iàn-iàn
——————————————
茫茫渺渺的人生
bông-bông biáu-biáu ê jîn-sing
枉費對你的真情
óng-huì tuì lí ê tsin-tsîng
你來造成惡環境
lí lâi tsō-sîng ok khuân-kíng
偏偏愛河起波湧
phian-phian ài-hô khí pho-íng
啊~啥人了解阮苦情
ah~ siánn-lâng liáu-kái gún khóo-tsîng
啥人了解阮苦情
siánn-lâng liáu-kái gún khóo-tsîng
青山綠水永遠在
tshing-san li̍k-suí íng-uán tsāi
你我為何分東西
lí guá uī-hô hun tang-sai
恨你做人不應該
hūn lí tsuè-lâng put-ing-kai
害阮傷心流目屎
hāi gún siong-sim lâu ba̍k-sái
啊~啥人會知阮心內
ah~ siánn-lâng ē tsai gún sim-lāi
啥人會知阮心內
siánn-lâng ē tsai gún sim-lāi
青春夢斷無奈何
tshing-tshun bāng tuān bô-nāi-hô
怨嘆家庭起風波
uàn-thàn ka-tîng khí hong-pho
幸福變成水流泡
hīng-hok piàn-sîng tsuí-lâu pho
愈想愈恨心愈慒
jú siūnn jú hūn sim jú tso
啊~啥人可憐阮命薄
ah~ siánn-lâng khó-liân gún miā po̍h
啥人可憐阮命薄
siánn-lâng khó-liân gún miā po̍h
]]>苦命女https://2blog.ilc.edu.tw/32745/2023/01/26/%e8%8b%a6%e5%91%bd%e5%a5%b3/Thu, 26 Jan 2023 12:48:46 +0000https://2blog.ilc.edu.tw/32745/?p=88181
《苦命女》Khóo-miā Lú
劉燕燕Lâu Iàn-iàn
——————————————
阮女性的將來
gún lú-sìng ê tsiong-lâi
就是靠愛情
tsiū-sī khò ài-tsîng
真無疑
tsin bô-gî
你就是
lí tsiū-sī
薄情的男性
po̍k-tsîng ê lâm-sìng
花言巧語
hua-giân khá-gú
被你欺騙
pī lí khi-phiàn
如今情如冰
jû-kim tsîng jû ping
可恨的人
khó-hūn ê lâng
可恨的人
khó-hūn ê lâng
啊~怨嘆一生
ah~ uàn-thàn it-sing
怨嘆一生
uàn-thàn it-sing
最可恨的男性
tsuè khó-hūn ê lâm-sìng
起初阮當做你
khí-tshoo gún tòng-tsuè lí
純情的郎君
sûn-tsîng ê lông-kun
啥人知
siánn-lâng tsai
你可比
lí khó-pí
天頂的烏雲
thinn-tíng ê oo-hûn
有時起風
ū sî khí-hong
有時變雨
ū sî piàn hōo
予阮愈糊塗
hōo gún jú hôo-tôo
可恨的人
khó-hūn ê lâng
可恨的人
khó-hūn ê lâng
啊~愈想愈怨恨
ah~ jú siūnn jú uàn-hūn
愈想愈怨恨
jú siūnn jú uàn-hūn
最可恨的男性
tsuè khó-hūn ê lâm-sìng
阮女性的性命
gún lú-sìng ê sìnn-miā
全部靠愛情
tsuân-pōo khò ài-tsîng
無疑你
bô-gî lí
欺騙阮
khi-phiàn gún
枉費阮心情
óng-huì gún sim-tsîng
怨慼薄命
uàn-tshueh po̍k-bīng
落花飄零
lo̍h-hue phiau-lîng
害阮失光明
hāi gún sit kong-bîng
可恨的人
khó-hūn ê lâng
可恨的人
khó-hūn ê lâng
啊~怨嘆一生
ah~ uàn-thàn it-sing
怨嘆一生
uàn-thàn it-sing
最可恨的男性
tsuè khó-hūn ê lâm-sìng
]]>