花開

光引擎
‘Guāng Yǐnqíng’

花開
Hue-khui

–

花開花開　花哪攏袂開
hue-khui hue-khui, hue ná lóng bē khui
可憐踅仔踅的　花蜂是吼規眠
khó-liân se̍h-á-se̍h–ê, hue-phang sī hàu kui-mî
無來的　毋但是頇顢的春天
bô lâi–ê, m̄-nā sī hân-bān ê tshun-thinn
我過了真好　但總是想著你
guá kuè-liáu tsin hó, tān tsóng-sī siūnn-tio̍h lí

啊　想著你
ah, siūnn-tio̍h lí
啊　想著你
ah, siūnn-tio̍h lí

青春青春　是無聊的詩篇
tshin-tshun tshin-tshun, sī bô-liâu ê si-phinn
情甘意甜　也摻著不得已
tsîng-kam ì-tinn, iā tsham-tio̍h put-tit-í
彼時有約束　欲鬥陣來揣的風景
hit sî ū iok-sok, beh tàu-tīn lâi tshuē ê hong-kíng
你哪做你去　海角天邊
lí ná tsuè lí khì, hái-kak thinn-pinn

啊　海角天邊
ah, hái-kak thinn-pinn
啊　咧天邊
ah, teh thinn-pinn

花開花開　花開總有時
hue-khui hue-khui, hue-khui tsóng ū sî
花開花開　心花攏袂開
hue-khui hue-khui, sim-hue lóng bē khui
陪伴我　只有一張你的相片
puê-phuānn guá, tsí-ū tsi̍t tiunn lí ê siòng-phìnn
會當唸著你　袂來放袂記
ē-tàng liām-tio̍h lí, bē lâi pàng-bē-kì

啊　放袂記
ah, pàng-bē-kì
啊　放袂記
ah, pàng-bē-kì

浮沉浮沉　佮無停的時鐘
pû-tîn pû-tîm, kah bô-thîng ê sî-tsing
浮浮沉沉　我甘願來做花痴
pû-pû-tîm-tîm, guá kam-guān lâi tsuè hue-tshi
你是我　心內永遠的春天
lí sī guá, sim-lāi íng-uán ê tshun-thinn
佇彼个所在　偷偷咧等你
tī hit ê sóo-tsāi thau-thau leh tán lí

花開總有時
hue-tshui tsóng ū sî