一帆 – 臺語正字歌詞部落格https://2blog.ilc.edu.tw/32745這是一個臺語歌曲正字網站Sun, 15 Dec 2024 12:47:19 +0000zh-TWhourly1https://wordpress.org/?v=6.6.7https://2blog.ilc.edu.tw/32745/wp-content/uploads/sites/1271/2020/04/cropped-Hydrangeas-1-32x32.jpg一帆 – 臺語正字歌詞部落格https://2blog.ilc.edu.tw/327453232 飄撇的男子漢https://2blog.ilc.edu.tw/32745/2024/12/15/%e9%a3%84%e6%92%87%e7%9a%84%e7%94%b7%e5%ad%90%e6%bc%a2-3/Sun, 15 Dec 2024 12:47:19 +0000https://2blog.ilc.edu.tw/32745/?p=121136
《飄撇的男子漢》Phiau-phiat ê Lâm-tsú-hàn
一帆It-huân(吳南海Ngôo Lâm-hái)
——————————————
抱著阮清白的心
phō tio̍h gún tshing-pi̍k ê sim
提出男性的勇氣
the̍h tshut lâm-sìng ê ióng-khì
英英烈烈爭取著
ing-ing-lia̍t-lia̍t tsing-tshú tio̍h
光榮佮正氣
kong-îng kah tsìng-khì
絕對絕對絕對是
tsua̍t-tuì tsua̍t-tuì tsua̍t-tuì sī
為理不平賭生死
uī lí put-pîng tóo sinn-sí
毋管你毋講道理
m̄-kuán lí m̄ kóng tō-lí
賭性命為著兄弟
tóo sìnn-miā uī-tio̍h hiann-tī
相拍著愛有意義
sio-phah tio̍h-ài ū ì-gī
↓—(口白)—↓
喂!佮意是毋
ueh! kah-ì sī–m̄
來嘛
lâi–mah
↑—(口白)—↑
男子漢出門的時
lâm-tsú-hàn tshut-mn̂g ê sî
應該著愛有理智
ing-kai tio̍h-ài ū lí-tì
英英烈烈為正義
ing-ing-lia̍t-lia̍t uī tsìng-gī
哪有驚啥物
ná-ū kiann siánn-mih
絕對絕對絕對是
tsua̍t-tuì tsua̍t-tuì tsua̍t-tuì sī
助弱鋤強賭生死
tsōo-jio̍k tî-kiông tóo sinn-sí
毋通來無情無理
m̄-thang lâi bô-tsîng bô-lí
藐視著軟弱兄弟
biáu-sī tio̍h luán-jio̍k hiann-tī
相拍著愛有意義
sio-phah tio̍h-ài ū ì-gī
阮就是飄撇男兒
gún tsiū-sī phiau-phiat lâm-jî
毋管路中的暴困
m̄-kuán lōo-tiong ê po̍k-khùn
英英烈烈向前去
ing-ing-lia̍t-lia̍t hiòng-tsîng khì
毋驚啥代誌
m̄-kiann siánn tāi-tsì
絕對絕對絕對是
tsua̍t-tuì tsua̍t-tuì tsua̍t-tuì sī
滅惡除邪賭生死
bia̍t-ok tî-siâ tóo sinn-sí
毋驚伊兇惡畜生
m̄-kiann i hiong-ok thik-sinn
只驚是情義兄弟
tsí kiann sī tsîng-gī hiann-tī
相拍著愛有意義
sio-phah tio̍h-ài ū ì-gī
]]>回頭是岸https://2blog.ilc.edu.tw/32745/2023/01/23/%e5%9b%9e%e9%a0%ad%e6%98%af%e5%b2%b8/Mon, 23 Jan 2023 12:08:04 +0000https://2blog.ilc.edu.tw/32745/?p=87082
《回頭是岸》Huê-thiô Sī Gān
一帆It-huân(吳南海Ngôo Lâm-hái)
——————————————
過去的阮是一个
kuè-khì ê gún sī tsi̍t-ê
無惡不作的兄弟
bû-ok put-tsok ê hiann-tī
予人來批評阮
hōo-lâng lâi phue-phîng gún
是無用的男兒
sī bô-iōng ê lâm-jî
從今後行正義
tsiông-kim-āu hîng tsìng-gī
重新來拍起
tiông-sin lâi phah-khí
補償我過去的
póo-siông guá kuè-khì ê
錯誤的一時
tshò-gōo ê tsi̍t-sî
絕對來為情為義
tsua̍t-tuì lâi uī tsîng uī gī
好好做代誌
hó-hó tsuè tāi-tsì
路邊的草木青翠
lōo-pinn ê tsháu-ba̍k tshinn-tshuì
親像對阮好表示
tshin-tshiūnn tuì gún hó piáu-sī
搖搖弄歡迎阮
iô-iô-lāng huan-gîng gún
是覺醒的男兒
sī kak-tshínn ê lâm-jî
彼時陣失理智
hit-sî-tsūn sit lí-tì
做著歹代誌
tsuè tio̍h pháinn tāi-tsì
背仁義詐兄弟
puē jîn-gī tsà hiann-tī
做事無考慮
tsuè-sū bô khó-lī
如今我自有責備
jû-kim guá tsū-iú tsik-pī
萬惡卸落坑
bān-ok sià lo̍h-khinn
林中的鶯聲鳥語
nâ-tiong ê ing-siann tsiáu-gí
引阮目屎強欲滴
ín gún ba̍k-sái kiōng-beh tih
親像咧勸告阮
tshin-tshiūnn teh khuàn-kò gún
著做成好男兒
tio̍h tsuè-sîng hó lâm-jî
毋通來像彼時
m̄-thang lâi tshiūnn hit-sî
予人咧驚疑
hōo-lâng teh kiann-gî
棄邪來助正義
khì siâ lâi tsōo tsìng-gī
使人來歡喜
sú-lâng lâi huann-hí
今後我為仁為義
kim-āu guá uī jîn uī gī
好好過一世
hó-hó kuè tsi̍t-sì
]]>浪子回頭https://2blog.ilc.edu.tw/32745/2022/10/01/%e6%b5%aa%e5%ad%90%e5%9b%9e%e9%a0%ad-4/Sat, 01 Oct 2022 14:01:02 +0000https://2blog.ilc.edu.tw/32745/?p=77404]]>愛的命運https://2blog.ilc.edu.tw/32745/2021/09/25/%e6%84%9b%e7%9a%84%e5%91%bd%e9%81%8b-2/Sat, 25 Sep 2021 12:53:17 +0000https://2blog.ilc.edu.tw/32745/?p=54137
《愛的命運》Ài ê Miā-ūn
一帆It-huân
——————————————
愛是甘蜜的
ài sī kam-bi̍t–ê
又是酸甘甜
iū sī sng-lam-tinn
有時歡喜有時悲
ū-sî huann-hí ū-sî pi
痴情無了時
tshi-tsîng bô-liáu-sî
我一生頭一次
guá it-sing thâu tsi̍t-tshù
初戀滋味
tshoo-luân tsu-bī
消失佗位去
siau-sit tó-uī khì
好夢已經醒
hó-bāng í-king tshínn
愛的命運
ài ê miā-ūn
為啥物
uī-siánn-mih
予我遮哀悲
hōo guá tsiah ai-pi
愛是痛苦的
ài sī thòng-khóo–ê
也是憂悶的
iā-sī iu-būn–ê
無情無義
bô-tsîng bô-gī
真誠意變成痴情兒
tsin tsiânn-ì piàn-sîng tshi-tsîng-jî
我一生頭一次
guá it-sing thâu tsi̍t-tshù
看破世情
khuànn-phuà sè-tsîng
了解著愛情
liáu-kái tio̍h ài-tsîng
無聊的愛情
bô-liâu ê ài-tsîng
愛的命運
ài ê miā-ūn
為啥物
uī-siánn-mih
予我遮不明
hōo guá tsiah put-bîng
愛是悲慘的
ài sī pi-tshám–ê
也是可憐的
iā-sī khó-liân–ê
真情果然無路用
tsin-tsîng kó-jiân bô-lōo-iōng
全是假愛情
tsuân sī ké ài-tsîng
我一生頭一次
guá it-sing thâu tsi̍t-tshù
拄著痛苦
tú-tio̍h thòng-khóo
行入失戀路
kiânn-ji̍p sit-luân lōo
愈想愈糊塗
jú siūnn jú hôo-tôo
愛的命運
ài ê miā-ūn
為啥物
uī-siánn-mih
予我遮痛苦
hōo guá tsiah thòng-khóo
]]>酒場初戀夢https://2blog.ilc.edu.tw/32745/2021/09/25/%e9%85%92%e5%a0%b4%e5%88%9d%e6%88%80%e5%a4%a2/Sat, 25 Sep 2021 12:39:50 +0000https://2blog.ilc.edu.tw/32745/?p=54134
《酒場初戀夢》Tsiú-tiûnn Tshoo-luân Bāng
一帆It-huân
——————————————
踮在酒場啉燒酒
tiàm-tsāi tsiú-tiûnn lim sio-tsiú
啉甲醉茫茫
lim kah tsuì-bâng-bâng
人人講阮
lâng-lâng kóng gún
心情快樂真輕鬆
sim-tsîng khuài-lo̍k tsin khin-sang
實在是滿腹心事
si̍t-tsāi sī muá-pak sim-sū
講袂出喙
kóng buē tshut-tshuì
喔喔喔喔
ooh ooh ooh ooh
只有看伊的形影
tsí-ū khuànn i ê hîng-iánn
毋敢叫出聲
m̄-kánn kiò tshut-siann
五色燈光光微微
gōo-sik ting-kng kng bî-bî
照在阮身邊
tsiò tsāi gún sin-pinn
初戀氣味
tshoo-luân khì-bī
親像溫暖的春天
tshin-tshiūnn un-luán ê tshun-thinn
愛神你哪無保庇
ài sîn lí ná bô pó-pì
予阮每暗
hōo gún muí-àm
喔喔喔喔
ooh ooh ooh ooh
為伊相思睏袂去
uī i siunn-si khùn buē-khì
燒酒啉規暝
sio-tsiú lim kui-mî
每日暮色來見伊
muí-ji̍t bōo-sik lâi kìnn i
想著毋分離
siūnn-tio̍h m̄ hun-lî
希望會得
hi-bāng ē-tit
佮阮談情到深更
kah gún tâm-tsîng kàu tshim-kinn
無疑悟假情假義
bô-gî-ngōo ké-tsîng ké-gī
枉費心神
óng-huì sim-sîn
喔喔喔喔
ooh ooh ooh ooh
甜蜜美夢來拍碎
tinn-bi̍t bí-bāng lâi phah-tshuì
夜夜來失眠
iā-iā lâi sit-bîn
多情多義對待你
to-tsîng to-gī tuì-thāi lí
也是無路用
iā-sī bô-lōo-iōng
想欲看破
siūnn-bueh khuànn-phuà
一切無味的人生
it-tshè bô-bī ê jîn-sing
像這款純情男性
tshiūnn tsit khuán sûn-tsîng lâm-jî
變成痴迷
piàn-sîng tshi-bê
喔喔喔喔
ooh ooh ooh ooh
甘願啉酒解憂愁
kam-guān lim tsiú kái iu-tshiû
毋願再想伊
m̄-guān tsài siūnn i
]]>堂堂的男兒https://2blog.ilc.edu.tw/32745/2021/09/25/%e5%a0%82%e5%a0%82%e7%9a%84%e7%94%b7%e5%85%92-2/Sat, 25 Sep 2021 12:38:17 +0000https://2blog.ilc.edu.tw/32745/?p=54131
《堂堂的男兒》Tông-tông ê Lâm-jî
一帆It-huân
——————————————
做一个堂堂男兒
tsuè tsi̍t-ê tông-tông lâm-jî
應該著有志氣
ing-kai tio̍h ū tsì-khì
哪有簡單來珠淚滴
ná-ū kán-tan lâi tsu-luī tih
予人看無起
hōo-lâng khuànn-bô-khí
獻出笑容
hiàn-tshut tshiò-iông
忍耐酸悲
jím-nāi sng-pi
祝福你快樂過日子
tsiok-hok lí khuài-lo̍k kè ji̍t-tsí
請放心
tshiánn hòng-sim
這是八字
tse sī pueh-jī
阮袂來怨恨你
gún buē lâi uàn-hūn lí
阮就是堂堂男兒
gún tsiū-sī tông-tông lâm-jî
無懼怕啥代誌
bô khū-phà siánn tāi-tsì
何必為著你的無義
hô-pit uī-tio̍h lí ê bô-gī
就來失意志
tiō lâi sit ì-tsì
走揣將來
tsáu-tshuē tsiong-lâi
放捒過去
pàng-sak kuè-khì
祈禱你幸福過日子
kî-tó lí hīng-hok kè ji̍t-tsí
做你去
tsuè lí khì
這是八字
tse sī pueh-jī
阮甘願放袂記
gún kam-guān pàng-buē-kì
]]>夢中的愛人https://2blog.ilc.edu.tw/32745/2021/09/25/%e5%a4%a2%e4%b8%ad%e7%9a%84%e6%84%9b%e4%ba%ba-3/Sat, 25 Sep 2021 12:34:35 +0000https://2blog.ilc.edu.tw/32745/?p=54128
《夢中的愛人》Bāng-tiong ê Ài-jîn
一帆It-huân
——————————————
若想起彼暝的眠夢
nā siūnn-khí hit-mî ê bîn-bāng
看見著彼个姑娘
khuànn-kìnn tio̍h hit ê koo-niû
身穿粉紅長洋裝
sin tshīng hún-âng tn̂g iûnn-tsong
妖嬌古錐
iau-kiau kóo-tsui
笑容微微
tshiò-iông bî-bî
？？？？？
伊對阮表示情意重
i tuì gún piáu-sī tsîng-ì tāng
一切心輕鬆
it-tshè sim khin-sang
這時陣時鐘聲音
tsit sî-tsūn sî-tsing siann-im
叮叮噹噹響
tin-ting-tang-tang
啊~好夢來拍醒
ah~ hó-bāng lâi phah-tshínn
怎來揣無人
tsuánn lâi tshē-bô lâng
聽見著優美的歌詩
thiann-kìnn tio̍h iu-bí ê kua-si
想起著彼暝夢見
siūnn-khí tio̍h hit-mî bāng-kìnn
對阮愛慕的姑娘
tuì gún ài-bōo ê koo-niû
踮在阮的房間門邊
tiàm-tsāi gún ê pâng-king-mn̂g pinn
行來又行去
kiânn-lâi iū kiânn-khì
伊講起幸福的日子
i kóng-khí hīng-hok ê ji̍t-tsí
毋通來袂記
m̄-thang lâi buē-kì
阮也是表示
gún iā-sī piáu-sī
願意欲做連理枝
guān-ì bueh tsò liân-lí-ki
啊~時鐘的聲音
ah~ sî-tsing ê siann-im
將好夢拍醒
tsiong hó-bāng phah-tshínn
看見著美麗的景緻
khuànn-kìnn tio̍h bí-lē ê kíng-tì
想起著彼暝眠夢
siūnn-khí tio̍h hit-mî bîn-bāng
散步遊賞糖蜜甜
sàn-pōo iû-siúnn thn̂g-bi̍t-tinn
月娘伴星
ge̍h-niû phuānn tshinn
像阮兩人
tshiūnn gún nn̄g-lâng
毋知是半暝
m̄-tsai sī puànn-mî
聽彼爿田岸蟲聲啼
thiann hit-pîng tshân-huānn thâng-siann thî
月娘無元氣
ge̍h-niû bô guân-khì
阮目睭金金看伊
gún ba̍k-tsiu kim-kim khuànn i
猶原看無伊
iu-guân khuànn-bô i
啊~好夢來拍醒
ah~ hó-bāng lâi phah-tshínn
害阮變空虛
hāi gún piàn khang-hi
]]>苦命的流浪兒https://2blog.ilc.edu.tw/32745/2021/09/25/%e8%8b%a6%e5%91%bd%e7%9a%84%e6%b5%81%e6%b5%aa%e5%85%92/Sat, 25 Sep 2021 12:29:40 +0000https://2blog.ilc.edu.tw/32745/?p=54125
《苦命的流浪兒》Khóo-miā ê Liû-lōng-jî
一帆It-huân
——————————————
孤一个徘徊在
koo tsi̍t-ê pâi-huê tsāi
異鄉的街市
ī-hiong ê kue-tshī
悽冷的雨水滴落
tshinn-líng ê hōo-tsuí tih–lo̍h
引阮心愈悲
ín gún sim jú pi
今仔日是東來
kia̋nn-ji̍t sī tang–lâi
明日又往西
bîng-ji̍t iū óng sai
人生的酸苦味
jîn-sing ê sng-khóo bī
自己來推排
tsū-kí lâi tshui-pâi
啊!苦命的流浪兒
ah! khóo-miā ê liû-lōng-jî
↓↓(口白)—(口白)↓↓
啊!異鄉的街市
ah! ī-hiong ê kue-tshī
又閣是暗暝囉
iū-koh sī àm-mî–looh
欸!雨水哪會遮爾冷
eh! hōo-tsuí ná ē tsiah-nī líng
哼哼!雨水雖然冷
hngh-hngh! hōo-tsuí sui-jiân líng
但是世間的人情
tān-sī sè-kan ê jîn-tsîng
猶閣較冷啦
iáu-koh khah líng–lah
欸~我已經看破一切啦
eh~ guá í-king khuànn-phuà it-tshè–lah
總講也是著愛靠自己
tsóng-kóng iā-sī tio̍h-ài khò tsū-kí
好!我一定欲決心拍拚落去
hó! guá it-tīng beh kuat-sim phah-piànn–lo̍h-khì
↑↑(口白)—(口白)↑↑
放捒著思慕的
pàng-sak tio̍h su-bōo ê
甜蜜的戀夢
tinn-bi̍t ê luân-bāng
寶貴的年青性命
pó-kuì ê nî-tshing sìnn-miā
純情的男兒
sûn-tsîng ê lâm-jî
今夜又夢見
kim-iā iū bāng-kìnn
你可愛的形影
lí khó-ài ê hîng-iánn
毋通恨毋通哭
m̄-thang hūn m̄-thang khàu
請你愛原諒
tshiánn lí ài guân-liōng
啊~苦命的流浪兒
ah~ khóo-miā ê liû-lōng-jî
烏暗又坎坷的
oo-àm iū khám-khia̍t ê
人生路途
jîn-sing lōo-tôo
決心欲來向前去
kuat-sim beh lâi hiòng-tsîng khì
毋驚著一切
m̄-kiann tio̍h it-tshè
冷淡的人情味
líng-tām ê jîn-tsîng-bī
虛偽的世間
hi-guī ê sè-kan
期待著光明的
kî-thāi tio̍h kong-bîng ê
幸福的日子
hīng-hok ê ji̍t-tsí
啊!苦命的流浪兒
ah! khóo-miā ê liû-lōng-jî
]]>媽媽我想念你https://2blog.ilc.edu.tw/32745/2021/09/25/%e5%aa%bd%e5%aa%bd%e6%88%91%e6%83%b3%e5%bf%b5%e4%bd%a0/Sat, 25 Sep 2021 12:26:41 +0000https://2blog.ilc.edu.tw/32745/?p=54122
《媽媽我想念你》Má-mah Guá Siūnn-liām Lí
一帆It-huân
——————————————
看見著
khuànn-kìnn tio̍h
可愛的故鄉彼爿天
khó-ài ê kòo-hiong hit-pîng thinn
黃昏的山崙邊
hông-hun ê suann-lūn pinn
日頭紅記記
ji̍t-thâu âng-kì-kì
引阮來思念媽媽
ín gún lâi su-liām má-mah
引阮來思念媽媽
ín gún lâi su-liām má-mah
毋知怎樣過日子
m̄-tsai tsuánn-iūnn kè ji̍t-tsí
毋過阮踮他鄉里
m̄-koh gún tiàm thann-hiunn-lí
毋過阮踮他鄉里
m̄-koh gún tiàm thann-hiunn-lí
拍拚過日子
phah-piànn kè ji̍t-tsí
袂得佮你來相見
buē-tit kah lí lâi sann-kìnn
↓—(口白)—↓
媽媽
má-mah
黃昏若到
hông-hun nā kàu
我就真想念你
guá tiō tsin siūnn-liām lí
↑—(口白)—↑
透早著出門去
thàu-tsá tio̍h tshut-mn̂g khì
做到黃昏時
tsuè kàu hông-hun sî
雖然是真拖磨
sui-jiân sī tsin thua-buâ
也是不得已
iā-sī put-tik-í
媽媽的生日若到
má-mah ê sinn-ji̍t nā kàu
媽媽的生日若到
má-mah ê sinn-ji̍t nā kàu
彼時我會回鄉里
hit-sî guá ē huê hiunn-lí
毋過阮踮他鄉里
m̄-koh gún tiàm thann-hiunn-lí
毋過阮踮他鄉里
m̄-koh gún tiàm thann-hiunn-lí
猶原思念你
iu-guân su-liām lí
媽媽請你免掛意
má-mah tshiánn lí bián khuà-ì
↓—(口白)—↓
媽媽
má-mah
你的生日若到
lí ê sinn-ji̍t nā kàu
我一定會轉去
guá it-tīng ē tńg–khì
請你免掛意乎
tshiánn lí bián khuà-ì–honnh
↑—(口白)—↑
看見著故鄉的
khuànn-kìnn tio̍h kòo-hiong ê
日落黃昏時
ji̍t-lo̍h hông-hun sî
引阮來想鄉里
ín gún lâi siūnn hiunn-lí
心內感傷悲
sim-lāi kám siong-pi
阮今夜猶原一个
gún kim-iā iu-guân tsi̍t-ê
阮今夜猶原一个
gún kim-iā iu-guân tsi̍t-ê
孤單稀微過長暝
koo-tuann hi-bî kè tn̂g-mî
只有是夢中相見
tsí-ū sī bāng-tiong sann-kìnn
只有是夢中相見
tsí-ū sī bāng-tiong sann-kìnn
親愛媽媽你
tshin-ài má-mah lí
不覺心酸珠淚滴
put-kak sim sng tsu-luī tih
]]>故鄉的媽媽https://2blog.ilc.edu.tw/32745/2021/09/16/%e6%95%85%e9%84%89%e7%9a%84%e5%aa%bd%e5%aa%bd/Thu, 16 Sep 2021 13:55:06 +0000https://2blog.ilc.edu.tw/32745/?p=52170https://www.youtube.com/watch?v=AyMCT-bGZYA

《故鄉的媽媽》Kòo-hiong ê Má-mah
一帆It-huân
——————————————
若是來看著黃昏
nā-sī lâi khuànn-tio̍h hông-hun
日頭落山後
ji̍t-thâu lo̍h suann-āu
引阮心內亂操操
ín gún sim-lāi luān-tshau-tshau
目屎強欲流
ba̍k-sái kiōng-bueh lâu
故鄉親愛媽媽
kòo-hiong tshin-ài má-mah
已經年紀老
í-king nî-kí lāu
啊~請你原諒
ah~ tshiánn lí guân-liōng
請你原諒
tshiánn lí guân-liōng
囝兒的不孝
kiánn-jî ê put-hàu
↓↓(口白)—(口白)↓↓
看著粉紅色的黃昏
khuànn-tio̍h hún-âng-sik ê hông-hun
陣陣的輕風
tsūn-tsūn ê khin-hong
吹著綠色的草花
tshue tio̍h li̍k-sik ê tsháu-hue
佮拄好發芽的樹枝
kah tú-hó huat-gê ê tshiū-ki
就來使我想起
tsiū lâi sú guá siūnn-khí
故鄉慈愛的媽媽
kòo-hiong tsû-ài ê má-mah
喔~三年囉
ooh~ sann-nî–looh
時間宛然親像
sî-kan uán-jiân tshin-tshiūnn
橋底下川流不息的流水
kiô té-ē tshuan-liû put-sik ê lâu-tsuí
啊~男兒立志出鄉關
ah~ lâm-jî li̍p-tsì tshut hiong-kuan
學若無成死不還
o̍h nā bô sîng sú put-huân
↑↑(口白)—(口白)↑↑
暗暝來看著天頂
àm-mî lâi khuànn-tio̍h thinn-tíng
月娘照柳樹
ge̍h-niû tsiò liú-tshiū
就來想起好媽媽
tiō lâi siūnn-khí hó má-mah
慈愛心溫柔
tsû-ài sim un-jiû
為將來會得成就
uī tsiong-lâi ē-tit sîng-tsiū
流浪踮他鄉
liû-lōng tiàm thann-hiunn
啊~請你原諒
ah~ tshiánn lí guân-liōng
請你原諒
tshiánn lí guân-liōng
毋通來擔憂
m̄-thang lâi tam-iu
春天來冬天過去
tshun-thinn lâi tang-thinn kè–khì
山崙草青青
suann-lūn tsháu tshinn-tshinn
離開故鄉已三年
lī-khui kòo-hiong í sann-nî
袂得回鄉里
buē-tit huê hiunn-lí
昨暝的夢中
tsa-mî ê bāng-tiong
又是看著媽媽你
iū sī khuànn-tio̍h má-mah lí
啊~請你原諒
ah~ tshiánn lí guân-liōng
請你原諒
tshiánn lí guân-liōng
不孝的囝兒
put-hàu ê kiánn-jî
]]>