現實生活真無奈
《現實生活真無奈》Hiān-si̍t Sing-ua̍h Tsin Bô-nāi
陳鷹Tân Ing
——————————————
每一日每一日
muí tsi̍t-ji̍t muí tsi̍t-ji̍t
早出又暗歸
tsá tshut iū àm kui
為著咱將來
uī-tio̍h lán tsiong-lâi
會當過著好日子
ē-tàng kuè tio̍h hó ji̍t-tsí
無奈拄著遮爾歹時機
bô-nāi tú-tio̍h tsiah-nī pháinn sî-ki
猶原仝款堅持落去
iu-guân kāng-khuán kian-tshî–lo̍h-khì
雖然人生的路途
sui-jiân jîn-sing ê lōo-tôo
充滿著陷阱
tshiong-buán tio̍h hām-tsénn
咱愛互相來照顧
lán ài hōo-siong lâi tsiàu-kòo
雖然這陣天色
sui-jiân tsit-tsūn thinn-sik
一直烏雲滿佈
it-ti̍t oo-hûn buán-pòo
咱愛互相來依靠
lán ài hōo-siong lâi i-khò
現實的社會
hiān-si̍t ê siā-huē
本來就是坎坷
pún-lâi tiō-sī khám-khia̍t
無奈著愛囥佇心底
bô-nāi tio̍h-ài khǹg tī sim-té
現實的社會
hiān-si̍t ê siā-huē
勇敢來向前飛
ióng-kám lâi hiòng-tsiân pue
拍拚來等待好時機
phah-piànn lâi tán-thāi hó sî-ki
