想起當初
《想起當初》Siūnn-khí Tong-tshoo
陳子賢Tân Tsú-hiân
——————————————
唱著你愛聽的歌
tshiùnn tio̍h lí ài thiann ê kua
攏有甜蜜苦澀咧換
lóng ū tinn-bi̍t khóo-siap teh uānn
放袂開愛的一段
pàng buē-khui ài ê tsi̍t-tuānn
若親像
ná-tshin-tshiūnn
徛踮在荒郊野外
khiā tiàm-tsāi hong-kau iá-guā
是冷風無停咧喝
sī líng-hong bô-thîng teh huah
想起往事
siūnn-khí óng-sū
吹來會寒
tshue–lâi ē kuânn
心是為你咧疼
sim sī uī lí teh thiànn
無人知影
bô-lâng tsai-iánn
唱著咱愛聽的歌
tshiùnn tio̍h lán ài thiann ê kua
才知快樂悲傷咧換
tsiah tsai khuài-lo̍k pi-siong teh uānn
殘忍來放我孤單
tsân-jím lâi pàng guá koo-tuann
毋管阮隨風吹
m̄-kuán gún suî hong tshue
冷甲會寒
líng kah ē kuânn
一生若無你做伴
it-sing nā-bô lí tsuè-phuānn
寫著後悔所刻的名
siá tio̍h hiō-hué sóo khik ê miâ
想你欲講的話
siūnn lí beh kóng ê uē
啥人知影
siánn-lâng tsai-iánn
若想起當初
nā siūnn-khí tong-tshoo
愛甲糊塗
ài kah hôo-tôo
毋知天色漸漸變烏
m̄-tsai thinn-sik tsiām-tsiām piàn oo
如今吞落的酒是苦
jû-kim thun–lo̍h ê tsiú sī khóo
猶原也袂當改變結果
iu-guân iā buē-tàng kái-piàn kiat-kó
若想起當初
nā siūnn-khí tong-tshoo
心攏會慒
sim lóng ē tso
酒來捀懸
tsiú lâi phâng kuân
予醉也好
hōo tsuì iā hó
有你陪伴的一段路
ū lí puê-phuānn ê tsi̍t-tuānn lōo
我甘願用一生的思念
guá kam-guān iōng it-sing ê su-liām
來彌補
lâi mí-póo
