爸母的恩情

《爸母的恩情》Pē-bú ê Un-tsîng
洪水林Âng Suí-lîm(泉州)
——————————————
爸母將阮飼養大
pē-bú tsiong gún tshī-iúnn tuā
將阮當做你的心肝
tsiong gún tòng-tsò lí ê sim-kuann
為著阮三頓通食飽
uī-tio̍h gún sann-tǹg thang tsia̍h-pá
毋驚艱苦暝日拚
m̄-kiann kan-khóo mî-ji̍t piànn
爸母為囝費心情
pē-bú uī kiánn huì sim-tsiânn
望子大漢做好囝
bāng tsú tuā-hàn tsuè hó-kiánn
鹹酸苦澀共阮晟
kiâm-sng khóo-siap kā gún tshiânn
望囝成龍好名聲
bāng kiánn sîng-liông hó miâ-siann
啊~浪子你敢會知影
ah~ lōng-tsú lí kám ē tsai-iánn
爸母的恩情如天大
pē-bú ê un-tsîng jû thinn tuā
無爸母的愛
bô pē-bú ê ài
浪子也無幸福的將來
lōng-tsú iā bô hīng-hok ê tsiong-lâi
爸母陪伴咱長大
pē-bú puê-phuānn lán tióng-tāi
咱著照顧伊的未來
lán to̍h tsiàu-kòo i ê bī-lâi
今生有孝爸母才應該
kim-sing iú-hàu pē-bú tsiah ing-kai

您可能也會喜歡…

跳至工具列