北港媽祖最疼我
《北港媽祖最疼我》Pak-káng Má-tsóo Tsuè Thiànn Guá
蔡昌憲Tshuà Tshiong-hiàn
黃美蘭N̂g Bí-lân
——————————————
毋驚風雨有偌大
m̄-kiann hong-hōo ū guā tuā
風也大雨也大
hong iā tuā hōo iā tuā
北港媽祖陪我行
Pak-káng Má-tsóo puê guá kiânn
毋驚世界多變化
m̄-kiann sè-kài to piàn-huà
阮勇敢向前行
gún ióng-kám hiòng-tsiân kiânn
出外變成小飛俠
tshut-guā piàn-sîng xiǎofēixiá
千里眼予我袂霧嗄嗄
Tshian-lí-gán hōo guá buē bū-sà-sà
順風耳予歹人咇咇掣
Sūn-hong-ní hōo pháinn-lâng phi̍h-phi̍h-tshuah
成敗攏有天註定
sîng-pāi lóng ū thinn tsù-tiānn
無怨天
bô uàn thinn
無怨命
bô uàn miā
北港媽祖婆上疼我
Pak-káng Má-tsóo-pô siōng thiànn guá
