彼條戀歌
《彼條戀歌》Hit Tiâu Luân-kua
司馬鳳Su-má Hōng
——————————————
若想起彼條戀歌
nā siūnn-khí hit tiâu luân-kua
心情艱苦無地看
sim-tsîng kan-khóo bô-tè khuànn
彼暝離開是為按怎
hit-mî lī-khui sī uī-án-tsuánn
若像風吹斷了線
ná-tshiūnn hong-tshue tn̄g liáu suànn
啊~看人行相倚
ah~ khuànn-lâng kiânn sio-uá
阮一人無伴
gún tsi̍t-lâng bô-phuānn
加添阮心內孤單
ka-thiam gún sim-lāi koo-tuann
今夜唱一條
kim-iā tshiùnn tsi̍t-tiâu
悲情的戀歌
pi-tsîng ê luân-kua
心情親像
sim-tsîng tshin-tshiūnn
石磨仔咧磨
tsio̍h-bō-á teh buâ
是為按怎
sī uī-án-tsuánn
是為按怎
sī uī-án-tsuánn
哎!唱這條戀歌
aih! tshiùnn tsit tiâu luân-kua
目屎流袂煞
ba̍k-sái lâu buē-suah
