雙面世界
《雙面世界》Siang-bīn Sè-kài
夕陽武士樂團Si̍k-iông Bú-sū Ga̍k-thuân
——————————————
已經看袂落去
í-king khuànn buē lo̍h-khì
轉彎踅角全是假意
tńg-uan se̍h-kak tsuân sī ké-ì
毋願忍受落去
m̄-guān jím-siū–lo̍h-khì
是時陣喝出聲音
sī sî-tsūn huah-tshut siann-im
我將期待交予你
guá tsiong kî-thāi kau hōo lí
越頭過
ua̍t-thâu kuè
你擲一邊
lí tàn tsi̍t-pinn
我就像生活佇一个
guá tiō tshiūnn sing-ua̍h tī tsi̍t-ê
雙面世界的城市
siang-bīn sè-kài ê siânn-tshī
欺騙阮每一日
khi-phiàn gún muí tsi̍t-ji̍t
咱需要憤慨的聲音
lán su-iàu hùn-khài ê siann-im
毋通予正義消失去
m̄-thang hōo tsìng-gī siau-sit–khì
若看清社會的無理
nā khuànn-tshing siā-huē ê bô-lí
使你我心傷悲
sú lí guá sim siong-pi
咱需要憤慨的聲音
lán su-iàu hùn-khài ê siann-im
趕出是非顛倒的畫面喔~
kuánn-tshut sī-hui tian-tò ê uē-bīn ooh~
電視播的畫面
tiān-sī pòo ê uē-bīn
對你信心已經死去
tuì lí sìn-sim í-king sí–khì
無法度閣相信你
bô-huat-tōo koh siong-sìn lí
看無改變佇佗位
khuànn-bô kái-piàn tī tó-uī
我將期待交予你
guá tsiong kî-thāi kau hōo lí
越頭過
ua̍t-thâu kuè
你擲一邊
lí tàn tsi̍t-pinn
我就像生活佇一个
guá tiō tshiūnn sing-ua̍h tī tsi̍t-ê
雙面世界的城市
siang-bīn sè-kài ê siânn-tshī
欺騙阮每一日
khi-phiàn gún muí tsi̍t-ji̍t
