上鮮的鼓聲
《上鮮的鼓聲》Siōng Tshinn ê Kóo-siann
歐巴尚青樂團
——————————————
來來去去的人
lâi-lâi-khì-khì ê lâng
敢會當為我停留
kám ē-tàng uī guá thîng-liû
千千萬萬的夢
tshian-tshian-bān-bān ê bāng
伴鼓聲佇風中舞動
phuānn kóo-siann tī hong-tiong bú-tōng
細漢時陣
sè-hàn sî-tsūn
第一擺上舞臺
tē-it pái tsiūnn bú-tâi
就愛著這个所在
tiō ài-tio̍h tsit ê sóo-tsāi
十幾年來
tsa̍p-kuí nî lâi
我猶原徛佇遮
guá iu-guân khiā tī tsia
堅持著我的熱愛
kian-tshî tio̍h guá ê jia̍t-ài
拍出上鮮的鼓聲
phah tshut siōng tshinn ê kóo-siann
提出上真的戇膽
the̍h tshut siōng tsin ê gōng-tánn
音樂路一步一步
im-ga̍k lōo tsi̍t-pōo-tsi̍t-pōo
雖然艱苦
sui-jiân kan-khóo
恁的噗仔聲
lín ê pho̍k-á-siann
就是希望
tiō-sī hi-bāng
拍出上鮮的鼓聲
phah tshut siōng tshinn ê kóo-siann
街頂的恁
ke-tíng ê lín
敢有咧聽
kám ū teh thiann
毋管是風抑是雨
m̄-kuán sī hong ia̍h-sī hōo
日時到天烏
ji̍t–sî kàu thinn oo
鼓聲直直咧催落
kóo-siann ti̍t-ti̍t teh tshui–lo̍h
Oh Rock and Roll
Oh~~~
